المتنافسة الأولى.........انريس

[انريس]

رد: المتنافسة الأولى.........انريس

سؤالــــــــــــــــــــــــــي

ماهي صلة القرابة بينك و بين اسراء بنت الجزائر !!! ,,,?????

ابنت اختي هههه اخت عزيزة واليوم وين عرفت بلي هي المنافسة نتاعي

 

[انريس]

رد: المتنافسة الأولى.........انريس

بــالتوفيق خــالتي =)​

تعيشي لحبيبة وما يغيضكش الحال كي قلت ماعلاباليش شكون المنافس نتاعي والله ما علابالي خلعتني كي قاتلي المنافسة نتاعك انا حسبت يحطوني انا في كرسي الاعتراف 3 ايام و مبعدا يجيبو واحد ثاني و هكذا
المهم حظ سعيد و راكي عندك جمهوور استناي نعاين شوي:d

 

[راضية حامدة]

رد: المتنافسة الأولى.........انريس

اااااااااه كيفاه هذا تابعي من بعيد ادخلي تتقهواي نجيبولك الغدا حنا معندناش هذي تاع تروحي من الباب هههه

ربي يحفظك هذا من كرمك
بارك الله فيك
راني نشوف الجماعة ما خلاو والو سقساو على كل شيء ماشاء الله عليهم
ما نقلتش نطل و نروح قلت نتابع من بعيد بصح راني هنا

ربي يدوّم بسمتك يا انروسة و ربي يحفظلك البنيات

 

[NonOutà OussàMà lOvE]

رد: المتنافسة الأولى.........انريس

طاطا نقلك ياك معليهش
ربي يخليلك انريس وريناد وزوجك وكامل عائلتك
طاطا اسماء البنوتات شابين بزاف
شكون خيرهم انت او ابوهم؟؟
وكيف خطرو في بالك ؟؟؟
​

 

[أم عبد الله]

رد: المتنافسة الأولى.........انريس

ربي يخليك اختي و معريفةخير انشاء الله

ان شاء الله
ممممممممم اولا عجبوني الردود ديالك وراني مندهشه كيفاش ماتلاقيتش باسمك مع اني ندور بزاف هههههههههههههه تقوشي نحلة عميه:p
مي عندي سؤال الصورة الرمزية ديالك هي صورة بنتك؟​

 

[انريس]

رد: المتنافسة الأولى.........انريس

طاطا نقلك ياك معليهش

ربي يخليلك انريس وريناد وزوجك وكامل عائلتك
طاطا اسماء البنوتات شابين بزاف
شكون خيرهم انت او ابوهم؟؟
وكيف خطرو في بالك ؟؟؟​

انا اللي خيرت الاسماء ارجعي شويا برك للوراء ضرك تلقاي الاجابة راني حكيت قصة حياتي بالتفصيل ههههه

 

[انريس]

رد: المتنافسة الأولى.........انريس

ان شاء الله

ممممممممم اولا عجبوني الردود ديالك وراني مندهشه كيفاش ماتلاقيتش باسمك مع اني ندور بزاف هههههههههههههه تقوشي نحلة عميه:p

مي عندي سؤال الصورة الرمزية ديالك هي صورة بنتك؟​

ايه يا لحبيبة هذيك هي انريس ماكيش نحلة عمية انا اللي كنت مسكرة لي بيتال هههههه

 

[أم عبد الله]

رد: المتنافسة الأولى.........انريس

ايه يا لحبيبة هذيك هي انريس ماكيش نحلة عمية انا اللي كنت مسكرة لي بيتال هههههه

ههههههههههههههههههههههههههههه
الله يبارك مي قوليلي مامعنى اسم انريس وهل ننطقه هكذى انآرييس​

 

[انريس]

رد: المتنافسة الأولى.........انريس

ههههههههههههههههههههههههههههه


الله يبارك مي قوليلي مامعنى اسم انريس وهل ننطقه هكذى انآرييس​

معناه نوع من الورود ويتنطق اناريس anaris النون مرققة ماهيش مفخمة هههه

 

[أم عبد الله]

رد: المتنافسة الأولى.........انريس

معناه نوع من الورود ويتنطق اناريس anaris النون مرققة ماهيش مفخمة هههه

اسم جميل اول مرة اسمع به في الحقيقة ومعناه اجمل
اناريس ربي يحفظملك يارب ويجهلهما من البارين يارب
​

 

[انريس]

رد: المتنافسة الأولى.........انريس

ااااامين نينا و شكرا نتلاقاو غدا باذن الله

 

[anissa 13]

رد: المتنافسة الأولى.........انريس

مرحبا بانريس ههه شوفي شحال راها الساعة 2h35 تاع الليل ولدي هدا وين بصح انا قلت مانرقدش مالغري راني ميتة بلعيا حتى نعصر مخي ونطرح شي اسئلة هههه بصح كامل اللي فبالي طرحوهم لبنات
من كلامك تباني بشوووووشة جدا ههههه انتي حتى فحياتك اليومية هكدا ولا غي فاللمة خلف الشاشة ههههه ؟
الدراري اللي تقريهم تحبيهم كيما ولادك (سؤال غبي) ؟
فبناتك شكون الاقرب ليك انريس ولا رينادا ؟
فالطبخ تميلي بزاف للحلو ولا للمالح؟
راجلك يشكر طيابك؟
حكيلي شهريتك كيفاه تتصرفي فيها؟
لوكان نجي عندك تضيفيني ههههه ؟
فهاد الحالة مع التعب هدا اللي تفكرت غدوة انشاءالله كي نصحصح نرجعلك
كلما ترديلي تقولي رائد ههههه انا ولدي اياد ولد عفاف اسمو رائد ههههههه مكانش مشكل نضحك معاك بوسيلي لبنات
​

 

[SAMIRA25]

رد: المتنافسة الأولى.........انريس

السلام عليكم
نهاركم طيب جميعا
تحبي السفر و الا لالا
واش هم البلدان لي شفتيهم
ندمتي على حاجة درتيها في حياتك​

 

[ام قصي]

رد: المتنافسة الأولى.........انريس

​

صباح الانوار

اسومتي
1-الاصل انتاعك اسطايفية انتاع يا سي الخير او الزوج انتاعك
2-واش سر تسميتك للابنة انتاعك انريس والمعنى انتاع الاسم
3-تسمى انت اتحب اصحاب الكوزينة والبيت لالالالالالا خط احمر
4-واش هي هوايتك بعد الطبخ [

سلام /​

​

​

 

[انريس]

رد: المتنافسة الأولى.........انريس

مرحبا بانريس ههه شوفي شحال راها الساعة 2h35 تاع الليل ولدي هدا وين بصح انا قلت مانرقدش مالغري راني ميتة بلعيا حتى نعصر مخي ونطرح شي اسئلة هههه بصح كامل اللي فبالي طرحوهم لبنات ​

ايييه يا انيسة علابالي و راني حاسة بيك التربية راهي صعيبة بزاف بصح واحد ماهو زي الاخر عندك انا مثلا انريس تعبت في التربية نتاعها بزاااااف كيما راكي انت مع رائد ههههه اياد ماجيت نكبرها بسيف عمري ما كنت عصبية غير في الفترة اللي ربيت فيها انريس راجلي قالي تبدلتي و الحمد لله كانت فترة و عقبناها ريناد ربي يحفضها منيش حاسة بتربيتها خلاااص تموت غيلر على الماكلة و الرقاد اعطيها هذو الزوج حوايج ما تديرونجيكش خلاص​

من كلامك تباني بشوووووشة جدا ههههه انتي حتى فحياتك اليومية هكدا ولا غي فاللمة خلف الشاشة ههههه ؟
والله يا انيسة غير هذي هيا طبيعتي هكذا نحب نضحك نحب نلبس نحب نزهى و مانحبش المشاكل و كي يصادفوني نحاول نهرب منهم ولا مقدرتش نتعامل معاهم بحيث نحوس دايما على الجانب الايجابي كشما يكون هكذا باه منكسر راسي ما والو وديما نحاول نفسر مشاكلي بعسى ان تكرهو شيأ وهو خيرلكم عليها تلقايني ديما نضحك حتى انو مابانش عليا اني في عمري28 سنة دايما الاولياء يتخلعو كي يشوفوني اول مرة يقولولي تباني تقراي ماشي تقري ههههه حتى اللبس نتاعي مازالني نلبس الجين و لي غوب ستيل بنات هههه راجلي يضل يقلي كاشي نهار نديرلك جلباب و ستار ونهنيك وحد الخطرة خطبوني من عجوزتي هههههه
الدراري اللي تقريهم تحبيهم كيما ولادك (سؤال غبي) ؟
لالة حاشاك ماهوش غبي نحب بناتي بطريقة و هوما بطريقة بناتي نحبهم فلذات اكبادي و ولادي نتاع المدرسة نحبهم في الله ودايما نسي نربيهم قبل ما نقريهم نراقبلهم النظافة نتاعهم نسقسي على حالتهم الاجتماعية نحاول نعلمهم احترام بعضاهم و لاشتا تعتابروني متطرفة الا انو دايما نحاول ندير فرق بين لبنات و الذراري باه يفهمو بلي العلاقة بينهم لازم تكون اخوية بويسك راهي بدات تدخلهم عقلية ليزامي و الحب هذاك الكلام لكبير عليهم راني نهدر على ولاد عمرهم8-9 سنوات ايه وما تستغربيش وقت رانا فيه ربي يبقي الستر
فبناتك شكون الاقرب ليك انريس ولا رينادا ؟
في الاول كانت انريس و ماكنتش نضن بلي يجي واحد في بلاصتها بصح القطة الصغيرة ريناد فرضت وجودها بسيف ههههه مع اني مازلت نحكي بزاف مع انريس هي في اصلها هدارة خرجتلي ليا هههههههه
فالطبخ تميلي بزاف للحلو ولا للمالح؟
ساعات تجيني نوباتي على المالح و ساعات تجيني على الحلو هنا راه عندي تقلبا الانقلاب الربيعي و الشتوي ههههههههه
راجلك يشكر طيابك؟
ايه الحمد لله يشتي طيابي وديما يشكر فيه سوا قدامي و لا مع اهلو ولا مع صحابو عليها يضل يديرلي في العرصات واحد النهار انا ف المدرسة وهو عيطلي قالي لعشية راني جايب جماعة يتعشاو تشوكيت ماني موجدة والو والقضيان مكانش ايه طولت عليك المهم خليها على ربي برك هههههه بصح انا والله غير نحب الضياف ربي راهو شاهد
حكيلي شهريتك كيفاه تتصرفي فيها؟
شوفي حنا متقاسمين المهام وراجلي يسلك خير مني مالا شهريتو نحطوها طول في البنية و شهريتي للدار و القصيان و مستلزمات لبنات و اول حاجة نديرها كي نسلك نخرج لبنات يتغداو برا و نشريلهم حاجة حاجة و نشري لباباهم ثاني حاجة يا لوكان تقاشر ههه كي يكون الشهر مزير شويا ونشري ليا قرعة ريحة وماكياج هذا اليوم الاول وباقي الايام تروح مصروف الدار
لوكان نجي عندك تضيفيني ههههه ؟
نورمالمن جاوبتك الفوق قبل منشوف السؤال هههه والله غير نموت على الضياف و ينك يا كي يكونو حبابات نتهلا في اختي ولا جيتي لسطيف ارواحي عندي اعتبريها دارك الثانية
فهاد الحالة مع التعب هدا اللي تفكرت غدوة انشاءالله كي نصحصح نرجعلك
اهلا بيك و نوم العوافي انشاء الله
كلما ترديلي تقولي رائد ههههه انا ولدي اياد ولد عفاف اسمو رائد ههههههه مكانش مشكل نضحك معاك بوسيلي لبنات​

ههههههههه علابالك رديت عليك الفوق و قتلك رائد هاني رحت نجري صححتها ههههه ربي يعيشولك

 

[انريس]

رد: المتنافسة الأولى.........انريس

السلام عليكم
وعليكم السلام و رحمة الله وبركاته​

نهاركم طيب جميعا
نهارك اطيب حبيبتي
تحبي السفر و الا لالا
نموووووووووووت عليه بصح منقدرش للطريق يعود غير قلبي يوجع و الدوار و... وانا في حالة ههههههههه
واش هم البلدان لي شفتيهم
شفت غير تونس ماكتبليش ربي نخرج من جزاير غير لتونس في الجزائر زرت شويا ولايات رحت لباتنة قسنطينة خنشبة مسيلة تبسة ام البواقي بجاية جيجل عنابة سكيكدة بسكرة الجزائر العاصمة البرج نورمالمن هذو هوما مازالني حابة نروح للغرب مازرت حتى ولاية و يقولو الغرب هاااايل

ندمتي على حاجة درتيها في حياتك
ايه كاين حاجات ندمت عليهم اكيد مكانش اللي مندمش على حاجة يا لوكان التقصير في حق رب العالمين​

ميرسي سمورة على التفاعل

 

[انريس]

رد: المتنافسة الأولى.........انريس

صباح الانوار
صباح الورود يا لحبيبة هاهي جات سررررور شرفتيني و الله

اسومتي
1-الاصل انتاعك اسطايفية انتاع يا سي الخير او الزوج انتاعك
ايه انا وياه سطايفيه و امو قسنطينية والعائلتين نتاوعنا ما يعرفوش بعضاهم ساكنين في سطيف و قراب لبعضانا بصح منعرفوش بعضانا انا و هو تلاقينا في الجامعة ومن هنا ولاو العائلتين يعرفو بعضاهم هههههه
2-واش سر تسميتك للابنة انتاعك انريس والمعنى انتاع الاسم
كان يعجبني و انا صغيرة خبيتو حتان تزوجت وسميت بنتي بيه و معناه نوع من الورود
3-تسمى انت اتحب اصحاب الكوزينة والبيت لالالالالالا خط احمر
كن ماجيتش نحبكم مرانيش نجي عندكم كل يوم عندكم موند واحد اخر محبيتش نخرجو برا فهمتي؟
4-واش هي هوايتك بعد الطبخ [
نحب الخياطة و الاشغال اليدوية شفتي واش كاين في قنات سميرة هذوك هوما هواياتي زيدي معاهم المرض الجديد اللي جاني نتاع الانترنت (نتاعكم) هههههههه

سلام /​

​

​

سلام حبيبتي والله فرحت كي زرتوني​

​

​

 

[شجـ الروح ـون]

رد: المتنافسة الأولى.........انريس

موفقة سيدتي الكريمة
تشرفنا بالتعرف عليك
وقبلة مني لانريس الصغيرة باينة gمرة اداتلها بلاصتها
هههه حتى في ردك غلطتي فالاسامي
ربي يخليهملك ويحفظهم ويكبرهم فالطاعة ان شاء الله
موفقة

هنا..........التصويت
​

 

[serinee]

رد: المتنافسة الأولى.........انريس

السلام عليكم طاطا
جمعة مباركة
اي مشاء الله بنات حلوات و شابات
قوليلي انريس و ريناد ليمن خرجو يشبهوا ؟
هل تحبين أم زوجك هههه هذا يسمى تتطفل ؟
هل تحبين الأعراس؟
هل تجيدين الرقص الصطايفي؟
اكتفي بهدا القدر
​

 

[SAMIRA25]

رد: المتنافسة الأولى.........انريس

ام انريس واش هي البلاصة لي زرتيها و عجبتك و حبيتي تعيشي فيها و الا ما تبدليش سطيف
مع اني نعرف سطيف تاني مليحة بزاف وما فيهاش الغاشي بزاف
و باين عليك مراة ونص الله يبارك في طريقة التعامل مع زوجك لانه في وقنا هدا قليل واين نلقاو مراة كيما انت

​