بيت الاحبة المغتربات

صباح النور على جميع المغتربات
اود ان افتح هذا الموضوع لنتم دردشتنا و خبرتنا و نتبادل معرفتنا و نرحب باي عضوة تريد الانضمام الى منتدانا الغالي
تفضلو مرحبا بيكم
نبداو بالورد

و هذي القهوة

مع الكيك

و هذو الكادوات باش ماتقولوش ام الحلوين مشحاحة ،ياك من عادتنا الضياف كي يدخلو الدار اول مرة نمدولهم كادوات

اتمنى من المشرفات ان يثبتن الموضوع و الله لثبت اعمالكم الحسنة

 

[بنت لبحر]

رد: بيت الاحبة المغتربات

السلام عليكم يا احلى مغتربات

حبيت نسقسيكم حاجة و حاشمة ('وجه الحشمة هههه)

المهم بما انكمفي ديار الغربة و هما عندهم لي برودوي ملاح .حبيت نسقسيكم الكان عندهم كاش حاجةتبيض بيه المنطقة الحساسة .

شكرا ليكم يا الزينونات و ان شاء الله تجاوبوني

 

[om abdulhadi 2011]

رد: بيت الاحبة المغتربات

salem alikom el bnat nchaallah tkounou kamel bikheir wa 3la kheir

 

[ام الحلوين]

رد: بيت الاحبة المغتربات

صباح النور
واش راكم توحثتكم بذذذذذذذذاف هههه
ان شاء الله راكم بخير

بنت لبحر انا حتى لدرك مازال مالقيتش كريم تبييض ، ان شاء الله البنات يفيدوك

ام عبد الهادي زارتنا براكة كيراكي غايا ههه هدي تاع وهران ، ان شاء الله راكي بخير
هابطة للبلاد و لا لا هاد الصيف ؟؟

انا رحت لفرنسا ريحت سمانة و رجعت لدويرتي

سلامي بنات

 

[SAMIRA25]

رد: بيت الاحبة المغتربات

اهلا بام عبد الهادي زارتنا الباركة واش احوالك واش احوال وليدك ان شاء تكونو بخير حنا الحمد لله ما دام نطلو هنا مرة على مرة
ام الحلوين بصحتك التحويسة ما روحتيش زرتي جوهرة ؟؟؟؟؟

 

[om abdulhadi 2011]

رد: بيت الاحبة المغتربات

بنت البحر جربي هاد الوصفة ان شاء الله تستفيدي منها مادام صاحبة الوصفة جربتها
http://4algeria.com/forum/threads/399865/

 

[om abdulhadi 2011]

رد: بيت الاحبة المغتربات

سلام عليكم احبتي الحمد الله راكم بخير
ام الحلوين ****ي حبيبتي وكراهم وليداتك ايا مليح الي رحتي حوستي شوية وبدلتي انت ووليداتك
سميرة بارك الله فيك حبيبتي دروك رانا ملاح والحمد الله
انا رحت باش نعيش في السعودية مع عجوزتي بصح قعدت تلات اشهر معانا وماتت الله يرحمها ويغفر لها قعدت في دارها تعدبت بزاف من موراها نفسيتي تعبت في كل مكان نشوف صورتها ونسمع صوتها ولدي كل مرة ىعيط ويقولي وين راهي جدة قعدت شوية وعاودت رجعت لداري والحمد الله

 

[om abdulhadi 2011]

رد: بيت الاحبة المغتربات

ام الحلوين حبيبتي انا حابة نهبط للجزاير دروك عندي عام ونص ماشفتش امي توحشتها بصح البيي لقيته غالي مداري نروح علي اسبانيا بصح لقيتها تروح من gatwick
بعيدة شوية وغبينة مع الولد راجلي معندهش اللوطو دروك
وزيد نخدم حتي 19 رمضان ان شاء الله يرخص البيي شوية من هاداك الوقت
وانت راكي ماشية

 

[ام الحلوين]

رد: بيت الاحبة المغتربات

سميرة للاسف مارحتش عند جوهرة بعيدة على خويا ، ان شاء الله مرة اخرى ههه راني نعرض في روحي

ام عبد الهادي ربي يرحم عجوزتك ، انا راني هابطة نهار العيد اذا كتب الله و نروح على اسبانيا
شوفي على فرنسا بلاك تلقاي البيي شوية رخيص ، راهم حابين ياكلونا تقول رانا رايحين للمريخ

 

[om abdulhadi 2011]

رد: بيت الاحبة المغتربات

ربي يجازيك ام الحلوين
راكي رايحة بالطيارة ؟؟؟ انا قلت نزيد نتقل ونكري البيي واقيلا يرخص علي خاطر مدايا نروح علي اسبانيا ومن تم ديراكت وهران
اما الخطوط الجزابرية دايما رووووووطار ونقعد في الجي بزاااف انا وولدي نقارعو تكرهي حياتك باش توصلي وباش ترجعي لدارك

 

[ام الحلوين]

رد: بيت الاحبة المغتربات

ربي يجازيك ام الحلوين
راكي رايحة بالطيارة ؟؟؟ انا قلت نزيد نتقل ونكري البيي واقيلا يرخص علي خاطر مدايا نروح علي اسبانيا ومن تم ديراكت وهران
اما الخطوط الجزابرية دايما رووووووطار ونقعد في الجي بزاااف انا وولدي نقارعو تكرهي حياتك باش توصلي وباش ترجعي لدارك

تعيشي حنونة
ايه راني رايحة في الطيارة و هدي اول مرة نروح على اسبانيا
و كيما قلتي الخطوط الجزائرية ديما روطار ، و زيد راهي غالية تقول رايحين يمدولنا النعناع نشموه في الطيارة ههه

 

[SAMIRA25]

رد: بيت الاحبة المغتربات

ام عد الهادي ربي يرحمها عجوزتك و يسكنها فسيح جناته و كل موتى المسلمسن و انتم ربي يصبركم عليها
و كيما فهت ماتت في السعودية يا سعدها دفنتوها لتم و لا ديتوها للبلاد ربي يرحمها
و ربي يسهلك المرواح صح فيلم و خاصة كي تعود العايلة لازملو ميزانية

 

[om abdulhadi 2011]

رد: بيت الاحبة المغتربات

ربي يجازيك سميرة اختي ايه هي عايشة في السعودية وكانت عايشة لوحدها رحناباش نعيشو معاها واالله يرحمها ويغفر لها يارب
ام الحلوين يلا راكي رايحة مع ايبيريا ادي معاك الماكلة نتاعك علي خاطر في الطيارة يبعو لي سندويتش غاليين بزااف بصح انا دايما مين نسافر مع ايبيريا ندي ماكلتي معايا

 

[om abdulhadi 2011]

رد: بيت الاحبة المغتربات

سميرة نسيت نقولك انا متزوجة من السعودية وعندي ولد عمره تلات سنين واهل زوجي كامل في السعودية

 

[SAMIRA25]

رد: بيت الاحبة المغتربات

سميرة نسيت نقولك انا متزوجة من السعودية وعندي ولد عمره تلات سنين واهل زوجي كامل في السعودية

الله يبارك ام عبد الهادي ربي يحفظلك وليدك و يهنيك اختي و عجوزتك ربي يرحمها و يسكنها فسيح جناته

 

[ام الحلوين]

رد: بيت الاحبة المغتربات

صباح النور واش راكم ؟؟ ان شاء الله بخير
ام عبد الهادي ان شاء الله ندي الماكلة ، مرت صاحب راجلي راحت على اسبانيا و كانت حامل قتلها الجوع راحت شرات خبز و جبن شيدر قاتلي حسيت روحي كيما المعزة ههه
انا اذا كتب الله نروح 28 جويلية منيش عارفة نكونو صايمين و لا العيد
و ولادي فيهم طبيعة كي نكونو خارجين غير نركبو في السيارة يبداو راني جيعان و الطفلة راني جيعانة تنفتح شهيتهم غير كي نخرج هههه

ربي يكتب لي فيه الخير و يسهل لكل مومن

 

[SAMIRA25]

رد: بيت الاحبة المغتربات

صباح النور واش راكم ؟؟ ان شاء الله بخير
ام عبد الهادي ان شاء الله ندي الماكلة ، مرت صاحب راجلي راحت على اسبانيا و كانت حامل قتلها الجوع راحت شرات خبز و جبن شيدر قاتلي حسيت روحي كيما المعزة ههه
انا اذا كتب الله نروح 28 جويلية منيش عارفة نكونو صايمين و لا العيد
و ولادي فيهم طبيعة كي نكونو خارجين غير نركبو في السيارة يبداو راني جيعان و الطفلة راني جيعانة تنفتح شهيتهم غير كي نخرج هههه

ربي يكتب لي فيه الخير و يسهل لكل مومن

ضحكتيني ام الحلوين رانا عندنا نفس المشكل هدا غير في السيارة و يقولولك جيعانين امالا في الطيارة كيفاه خملي كابة سبيسيال للماكلة تاع الطريق و كتري المشاريب

 

[SONYA25]

رد: بيت الاحبة المغتربات

سلام عليكم النات والله ليكم وحشة سميرة وام امين وكاين اسماء جدد مرحبا بيكم
سامحوني عندي شهور مدخلتش الله غالب ضروف بصح اني جيت بالجديد والحمد لله
المهم كوارطي راهم صايي وجدو بلاك منا على شهر نسافر والحمد لله والحاجة التانية راني بالحمل 6 اشهر الحمد لله ربي رزقني بعد تقريبا 6 سنوات
لبنات ان شاء الله كامل تكونو لباس حبيت نسقسيكم انا منا على شهر يعني وقت السفر ان شاء الله نكون سبعة اشهر السفر يضرني ولالا شكون جربت سافرت فس البابور وهي حامل وراسكم جاوبوني تحياتي ليكم كككككككككككامل

 

[ام الحلوين]

رد: بيت الاحبة المغتربات

مساء النور اختي صونيا
الف مبروك الاوراق و الحمل ربي يكملك على خير
انا سافرت العام لي فات في الطيارة هبطت في الاسبوع 29 و طلعت في الاسبوع 34 و الحمد لله ماصرالي والو
اتكلي على الله و ماتخافيش
ربي يسهلك امورك وين ما كنتي

وين راكي مغتربة ؟؟

 

[SONYA25]

رد: بيت الاحبة المغتربات

صباح الخيرلبنات
ام الحلوين ربي يطمنك ان شاء الله ويبارك في عمرك انا ان شاء الله في فرنسا بصح علاش الطبيبة قالتلي بلاك البابور خير المهم ربي يجازيك علا الرد لبنات وينكمممممممممم

 

[SAMIRA25]

رد: بيت الاحبة المغتربات

اهلا بصونية و الله غير ليك وحشة حتى قريب نبعت جماعة يحوسو عليك اكي تعرفي وين
و الله خليتينا نخممو عليك معليش الاخبار السارة غطات على العتاب مبروو عليك الحمل اولا ربي يكملك على خير و يسعدك بشوفت وليدك و تفرحي بيه ان شاء الله و الحمد لله على نعمته و مبرووك الاوراق ربي يجمعك براجلك و تكونو اسرة سعيدة عاجلا يا رب ما زيديش تهربي علينا و الله خليتي بلاصة كبيرة ربي يوفقك حنونة