بيت الاحبة المغتربات

صباح النور على جميع المغتربات
اود ان افتح هذا الموضوع لنتم دردشتنا و خبرتنا و نتبادل معرفتنا و نرحب باي عضوة تريد الانضمام الى منتدانا الغالي
تفضلو مرحبا بيكم
نبداو بالورد

و هذي القهوة

مع الكيك

و هذو الكادوات باش ماتقولوش ام الحلوين مشحاحة ،ياك من عادتنا الضياف كي يدخلو الدار اول مرة نمدولهم كادوات

اتمنى من المشرفات ان يثبتن الموضوع و الله لثبت اعمالكم الحسنة

 

[ام الحلوين]

رد: بيت الاحبة المغتربات

صباح الخيرات
ربي يخليك اختي صونيا
و على الحمل نتي تعرفي روحك اذا ماعندك حتى مشكل ما عندك علاه تخافي
انا في ولادي 3 كل مرة نهبط في الطيارة و الحمد لله ما نحس بوالو

ربي يسهلك امورك و ان شاء الله تروحي و تشوفي اهلك و احبابك

هيا قوليلنا واش عندك بنت و لا ولد ؟؟
عندك لي يهزك في النفاس و لا نجي لعند خيتي

 

[SONYA25]

رد: بيت الاحبة المغتربات

صباح الخيرات
ربي يخليك اختي صونيا
و على الحمل نتي تعرفي روحك اذا ماعندك حتى مشكل ما عندك علاه تخافي
انا في ولادي 3 كل مرة نهبط في الطيارة و الحمد لله ما نحس بوالو

ربي يسهلك امورك و ان شاء الله تروحي و تشوفي اهلك و احبابك

هيا قوليلنا واش عندك بنت و لا ولد ؟؟
عندك لي يهزك في النفاس و لا نجي لعند خيتي

الطبيبة قالتلي المشيمة شويا هابطة ونتي بلاك مفهمتنيش اني طالعة لفرنسا مش جاية هنا
الحمد لله انا كنت حابة طفلة بصح جايني ان شاء الله طفل راجلي ميت بالفرحة وحابو ينزاد في فرنسا الا حب ربي

 

[SAMIRA25]

رد: بيت الاحبة المغتربات

صونية بلاك ما شفتيش ردي في الصفحة لي قبل
ما عليش حنونة ربي يجيبو على خير و تفرحو بيه انت و باباه و كامل العائلة و المرة الجاية جيبيلو اختو

 

[ام الحلوين]

رد: بيت الاحبة المغتربات

مساء النور
وين راكم يا مغتربات ؟؟؟؟

اختي صونيا اسمحيلي مافهمتكش مع لولاد و السخانة نقصت الفهامة هههه
مادام راكي في البلاد اطلعي و عينيك مغمضين و في فرنسا يتهلاو اذا كانت حاجة ماشي كيما البلاد يشبعوهم صفعة ههه

بصح من رايي الطيارة خيرلك بسكو ماطولش و نتي شوفي لي يساعدك

المهم اذا سقساوك شحال عندك حمل قولي 3 اشهر
انا العام لي فات كنت في الشهر 7 و قلتلهم عندي 3 اشهر

ربي يسهلك اختي

 

[SONYA25]

رد: بيت الاحبة المغتربات

اهلا بصونية و الله غير ليك وحشة حتى قريب نبعت جماعة يحوسو عليك اكي تعرفي وين
و الله خليتينا نخممو عليك معليش الاخبار السارة غطات على العتاب مبروو عليك الحمل اولا ربي يكملك على خير و يسعدك بشوفت وليدك و تفرحي بيه ان شاء الله و الحمد لله على نعمته و مبرووك الاوراق ربي يجمعك براجلك و تكونو اسرة سعيدة عاجلا يا رب ما زيديش تهربي علينا و الله خليتي بلاصة كبيرة ربي يوفقك حنونة

سلام حبيبة والله سامحيني مشفتش الرد تاعك حنا لضرك ويبارك فيك وربي يخليكم متخافيش اني هنا ليل ونهار
والله الحمد لله سميرة مكنتش نسنا في الحمل وربي يرزق من حيث لا نحتسب سبحان الله مام الاوراق طيشت حكايتهم والله كما نقلك ولكن ربي كما يكتب حاجة
ام الحلوين ربي يعيشك اختي على النصائح تاوعك مهم كشما نحتاج اني نسقسيكم متقلقوش عليا برك :s

 

[ام الحلوين]

رد: بيت الاحبة المغتربات

اهلا بنات
سميرة واش راكي حنونة و لولاد ؟؟ كاش سخانة عندكم ، حنا البارح النفس قريب نقطعت فينا و اليوم الصباح طاحت الشتا خيط من السما تقول رانا في جانفي

صونيا راني هنا حنونة و سقسي واش تحبي ، شريتي لي بيي و لا مازال ؟؟

 

[SONYA25]

رد: بيت الاحبة المغتربات

سلام ام الحلوين
لالا مزال مشريت والو معولة هاد السمانة ان شاء الله نبدا نقضي ليا وليه
لبنات لوخرين وين راهم طالسيييييييييييييييين

 

[SAMIRA25]

رد: بيت الاحبة المغتربات

ام الحلوين رانا الحمدلله و السخانةاليوم راهي 41 في القيلولة الحمد لله كون يخطيونا المكيفات ما نعرف واش يصرانا
صونية كي عدتي ان شاء الله رايحة لعند راجلك خلي تروحي لتم و اشري
و شفتي الدنيا هدي تسهيلات من عند رب العالمين غي حنا برك نتقلقو و نحبو نستابقو الامور و راه ربي جازاك على الصبر تاعك ربي يكملك ان شاء الله

 

[SONYA25]

رد: بيت الاحبة المغتربات

هكاك قالي هو قالي متشري والو ومتقليش روحك هنا كاين كلش وخير ملي لتم بصح انا منعرف حابة نشري منا
ام الحلوين كفاش مفاقولكش بالحمل بلي 7 اشهر انا كرشي راهي خرجت يعني باينة كفاش ندرقها

 

[ام الحلوين]

رد: بيت الاحبة المغتربات

صونيا لبنات والفو الغربة ماعندهم علاه يدخلو ههه
ضحكتيني تاع نشري ليا و ( ليه ) اموان قولي راجلي و لا المخلوق و لا المسيو ، قصدي قلشيه شوية هههه

انا موالفة نجيب الدوا تاع الغازات للبيبي بصح الحمد لله مانستعملهمش و لولاد مايمرضوليش
و ماتنسايش زيت الزيتون مليحة ليك و للبيبي ، عندي 2 حباباتي ديما ينحولهم الزيت في المطار تاع قسنطينة ماعرفتش علاه
و انا كل عام نجيب و جامي سقساوني في مطار الهواري بومدين على الزيت

 

[ام الحلوين]

رد: بيت الاحبة المغتربات

سميرة ربي يعينكم ان شاء الله مايروحش عليكم الضو ههه

انا قبل البارح رحت للقنصلية تاع الجزاير باش نسجل بنتي كي دخلت من الباب حاشاك ريحة الدخان تقتل سير قاعدين يتكيفو الداخل و لقيت الضو راح عليهم و الادارة فارغة مالقيت مانسقسي حتى جا وحد المخلوق قالي يا مدام غير روحي لدارك هاذ الشعب مايخدمش خدمتو و زاد الضو كمل عليهم ههه هزيت روحي و جيت

قلت للزين عندي 7 سنين جامي راح الضو ، قالي يروح غير في القنصلية ههه

صونيا لازم تلبسي الفضفاض ماشي السيري هههه
انا سقساوني هنا كي جيت داخلة باش يفتشونا كي مستني المرا لقات كرشي خارجة قاتلي راكي حامل قلتلها ايه عندي 3 اشهر بصح كرشي ماكانتش كبيرة بزاف

انت ماتخبريهمش بالصح قادرين يعرقلولك فيها ، و مرت خويا كانت رايحة لفرنسا في الشهر 7 و كرشها كانت كبيرة اعطاوها form عمرتها و سينيات باش اذا كاش ما صرا هي تتحمل المسؤولية

و انا جيت العام لي فات ماكاش كامل لي شافني بلي حامل

 

[SONYA25]

رد: بيت الاحبة المغتربات

ههههههههههههه ضحكتيني ام الحلوين انا نقولو لمربح وليه هادي اي على البيبي مش على لمربح يشري وحدو هو يدبر راسو
والزيت امي شراتلي 2 ليترات مخبيتهملي قالي لنفاسك كفاش رحا نديرلهم

 

[ام الحلوين]

رد: بيت الاحبة المغتربات

اه يا مرت المربح ههه ربي يحفظهولك
الزيت ديريها باgاج و اذا سقساوك قولها ماجبتش معايا و هما ماشي رايحين يفتحولك لافاليز ، بسكو الزيت مافيها والو منيش عارفة علاه ينحوها

و ماتنسايش الشخشوخة و الطمينة باش كي نجو نباركو شدينا نتعشاو ههه شفتي كيفاش وجهي صحيح و نعرض في روحي ههه

 

[SONYA25]

رد: بيت الاحبة المغتربات

هههههههههههههه والله ماخسارة يا ام الحلوين ومرحبا بيكم مادا بيا تجو هادا شرف ليا ادعولي برك ربي يسهلي ويكملي ويسترني على خاطر اني خايفة بزاف من لفواياج

 

[SONYA25]

رد: بيت الاحبة المغتربات

سمحولي لبنات نروح كشما ناكل من بعد نجي اني وليت الحاج بلعة ناكل صون زاري ايا تربحو

 

[ام الحلوين]

رد: بيت الاحبة المغتربات

صونيا تعيشي يا لحبيبة ماتعرفيش المكتوب قادر يلاقينا ماتخافي ني والو ، الطيارة وذنيك يتغلقو هذيك 5 دقايق الاولى من بعد خلاص و البابور تقول راكي قاعدة في الدار و مجمعة ، الخوف من الطوموبيل و الدودانااااااااااات

و تاني ماتنسايش التمر طلعي معاك باش تاكليه كي يقرب موعد ولادتك مليح و يعاونك

ربي يسهلك امورك و يثبت حملك و يفتحلك ابواب الخير وين ما تروحي

 

[SONYA25]

رد: بيت الاحبة المغتربات

ربي يعيشك ام الحلوين يا ربي سهلي وكملي ويعطيك ما تتمني

 

[SAMIRA25]

رد: بيت الاحبة المغتربات

سلام عليكم
ام الحلوين انا تاني نحاولي زيت الزيتون في عين الباي لي هيا محمد بوضياف غاضتني روحر جيت نحاولها بصح قلت و الله ما رخست روحي معاها منين دخلت من الباب قاتلي اجبدي القرعة تاع الزيت قلتلها كيفاش شفتيها قاتلي نحيها و رجعيها للطوموبيل دوك خير من يطيشوهالك لهيه .............ما نيش حابة نصبح ندير في الذنوب و الكهرباء تتقطع عندنا مرة على مرة خاصة في الصيف مناه يعود الناس كامل مشغلين المكيفات
صونية ما تثقليش روحك خلاص كيما قالك المخلوق خاصة ادا عدتي رايحة وحدك هزي صاكك و وراقيق في يدك و ابعتي كل شيء باغااج باه ما تتعبيش و راه كل شيء كاين تم ة نعرفك فحلة كي تزيدي و تريحي اخدمي الشخشوخة وحدك هههه باه جي ام الحلوين تاكلها تاع القسنطينية

 

[SONYA25]

رد: بيت الاحبة المغتربات

صباح الخير لحراير
الشخشوخة اني مديتها منا يا سميرة ومش خسارة في لحباب حتانتي والله كون ندريك تجي يا سلام تكمل الحطة
سميرة مكيش مروحا العام هادا

 

[ام الحلوين]

رد: بيت الاحبة المغتربات

صباح النور و الورد
سميرة بصح مافهمتش علاه ينحو الزيت ، الناس منا يهبطو القرع تاع .....؟؟؟؟؟ و مايقولولهم والو و من البلاد بزاااااف لي يطلعو الدخان و ماقالولهمش و بانتلهم غير على الزيت

صونيا راكي تحت كيفاش صبحتي اليوم ان شاء الله بخير

اليوم عندي شوبينغ درك نبعث بنتي لمدرسة العربية و الولد صبح مريض ماحبش يروح و عندهم اختبار
يقولي راني مريض مانروحش نقرا بصح هيا نخرجو نشرو حوايج الفريجيدار راه فارغ هههه همو غير كرشو