رد: تجربتي في فطام طفلي
nada242008
يعني عايشتي التجربتين
ممكن تحكيلنا على تاثير الرضاعة الطبيعية على علاقتك مع ندوشة ورائد
ايه جربت الحالتين
في ندى كل الذكريات مؤلمة من اول يوم زادت فيه وحنا في معاناة مانرقدوش نباتو هازينها بالدالة جسمها ماتقبلش الحليب الاصطناعي ودرنا تحاليل وشفنا اطباء وماكان حتى حل في الحالة نتاعها الا حليب الام لي كان راح يوالمها
وما باليد حيلة جربنا كل الماركات اللي في السوق
تشرب تشرب وفي الليل ترجع كلش مع الم ونفخ مانفع دوا طبي ولا دوا عرب
في نصاص الليالي نوض نسيق ونبدل في الغطاوات وفي قشها من الترجيع
ومن بعد تبقى هي تبكي وانا مساميتها ونبكي حذاها ههههه كنت بلا خبرة ووحدانية هههه نشف :d
على هذيك شديت الحزم في رائد
والحاجة الثانية الديرونجمون تاع التارموس تاع الما وباطة لحليب
كل مانسافر ولا نتحرك نهز هذيك الكابة ههه ونوضي سخني الما وعقمي البيبرو هههه كنت نسخف كي نشوف مرا ترضع طبيعي لا بيبرو لا ما لا كابة
سخون وطازج وحاضر في كل وقت
سيرتو في الليل في ندى نوض من فراشي ونخلط الحليب مانجي نعطيها الحليب تروح النعوسة
في رائد يبات معايا في مخدة واحدة يبات يرضع للصباح بصح نوض الصباح كل عظم في بلاصة
اما الفرق الاخر لي تقصديه صحيح فرق كبيييييييير انك تتواصلي مع ابنك وتحسي واحد الاحساس صراحة ماقدرتش نعبر عليه ونعطيه حقو ...شعور الله لا يحرم امراة منو
واحساسي مع ندى هو الذنب حاسة روحي قصرت معاها كي مارضعتهاش
وحرمتها من احساس عظيم
بصح الحمد لله كبرت ونسات ههههه
قريت ثاني بانو الرضاعة لازمها جوها وقعدتها ولازم تعطي للطفل الوقت والهدوء ووو باش توصلو جميع الاحاسيس
الرضاعة ثاني موضوع كبيييير ومهم
