تجربتي في فطام طفلي

[نور الحبوبة]

رد: تجربتي في فطام طفلي

سميرة ربي يحفظ بنتك تاخذي راي كمليلها عامين حليب الام لايعوض يعني نهر الي زاداتو فيه فايدة ربي اكون معاك

 

[ام البتول]

رد: تجربتي في فطام طفلي

السلام عليكم
كنت نتمني اني نشاركم في تجربة الفطام ولكن
للاسف فأنا لم ارزق بالذرية
وان شاء الله يجي يوم ونجرب
كل الي تعلمتو من هذا الموضوع

​

 

[يعقوب 1967]

رد: تجربتي في فطام طفلي

السلام عليكم ............شكرا على هدا الموضوع المهم لان الرضاع الطبيعية هى الوسيلة الاولى التى تربط الطفل بامه وهى كدلك تعطيه الحنان والدفىء فعلى حساب تجربتى بما انى ام ل9 اولاد وجدة كدالك كى انكون انرضع فى طفلى لازم انكون هادئة ومريحة نفسيا لان الطفل يتاثر كى تكون الام امقلقة او تعبانة فايبان عليه من تصرفاتو يكون يبكى واتقل شهيته للاكل وساعات يصاب بالحمى هدا يرجع للعامل النفسى يعنى حالة الام تنتقل عبر الحليب .
اما الوسائل اللى نستعملها دائما نستعمل القطران او الحبر اوالحنة
انا انرضع مدة عامين كاملين وطفلى مانتلق معاه اىمشكل فى عملية الفطام اما انا ننضر يجمدلى الحليب ونسوفى بعد عملية الفطام ..........والبيبرون نستعملو دائما للتزانة وهكد ا اكونوناموالف من الاول ..............هده تجربتى مع اولادى فى عملية الفطام اتمنى انى افدتكن

 

[hadda0425]

رد: تجربتي في فطام طفلي

صباح الخير على الامهات الكريمات
نبذة صغيرة فقط عن الرضاعة
طبعا الكل يعرف الرضاعة الطبيعية من احلى غرائز الامومة وهي عملية مشتركة بين جميع الثديات
وحليب الام غذاء كامل مكتمل لنمو الرضيع وتبدأ عملية الرضاعة من اول يوم من الولادة حتى مدة عامين لمن استاطعت وحسب كمية الحليب المتواجدة عند كل ام
فعند الولادة تبدأ عملية الرضاعة بعد 24 ساعة وذلك بتعويد الرضيع على الرضاعة من امه حتى لا ينفر الثدي
يبدا الحليب الطبيعي بالتكون من 3 او 4 ايام لكن يجب اعطاء الرضيع اللبأ او الحليب الاول وهذا الاخير عنصر يحتوي على اجسام مضادة لحماية الطفل وغني بالبروتينات والاملاح .
نعود الى موضوع الفطام
بمانو كل وحدة تحكي على تجربتها حنفيدو بعضنا البعض
انا جربت الرضاعة الصناعية مع ولدي الاول الانو كان مريض وما قدرش يحكم الرضاعة طبيعية وراح لحليب على خاطر ما رضعنيش تحتمت للرضاعة الصناعية كانت تجربة شوية صعيبة لانو لازم تنوضي في الليل تغسلي البيبرون خاصة اذا اكان يرضع مرتين اوثلاثة وتكون صعيبة للام وصعيبة للرضيع لانو كرشو ديما يابسة ومنتفخة من الغازات رغم دايما معاه بلي تيزان والاعشاب
كانت تجرية مدة 3 اشهر وتوفى راهو طير من طيور الجنة
من بعد زادت عندي البنت الاولى من اليوم الاول بعد عودتها على الرضاهة والحمد لله يعني انا ولادي لخرين كامل رضعو رضاعة طبيعية او اكثر لا سوسات لا بيبرون حتى التيزانة نعطيهالهم بالمغرفة لانهم ما يحبوش البيبرون


كم كانت مدة الرضاعة؟؟؟
مدة الرضاعة عندي دائما 18 اشهر اواكثر شوية
وما هي الصعوبات التي واجهتك اثناء الفطام وكيف تغلبتي عليها؟؟
انا ولادي متعلقين بيا وبالرضاعة يعني مدايرنها سوسات ههه وخاصة في الليل يباتو يرضعو ومعتمدين فقط على الحليب تاعي يعني ما يكلوش الاكل مهما نوعتلهم والحمد لله انا انعم عليا الله سبحانو وتعالى بالحليب دائما كاين يرضعو ويشبعو لكن لما نجي للفطام نلقاه صعيب لانهم معتمدين غير عليها ونتعب بزاف كي نفطمهم ولازم نكون متحزمة ههههه للسهرات والبكاء :d
انا نستعمل واحد المادة يسموها المرة او المر والصبر هادي المادة مرة لدرجة انو واحد ما يقدر يتحملها نبللها في شوية ماء ولازم تكون خاثرة ونطلي بيها حلمة الثدي ولما يطلبو الرضاعة نعطيهم وكي يلقواها مرة يطيشوها ونبقى نطلي حتى يبداو ينساو
وكم هي المدة التي استغرقتها لتفطمي صغيرك ؟
انا نفطم اولادي في جو بارد هاك مايتاثروش بالسخانة لانهم حيبكو وتتبدل عليهم نوعية الغذاء من الاحسن الفطام يكون في وقت الشتاء او بداية الربيع وتكون المدة تع الفطام مدة 3 او 4 ايام ويبداو ينساو وما يطلبوهاش

ماهي البدائل التي استعنتي بها لتعويد طفلك على فكرة الفطام ؟
طبعا لما تفطمي ولدك لازم توجديلو البدائل لى تعوضلو مادة الكالسيوم في الجسم من حليب ومشتقاته وبروتينات واملاح
وانا ولادي نفطهم بعد عام ونص يعني يبداو ياكلو عادي لكن فيهم حاجة مش مليحة لحليب الان ما يشربوليش خاصة الطفلة لكبيرة وادم مهما جبتلهم الانواع لكن رافضين يشربو وقيلا باغيين حليب الناقة هههه

ملاحظة : عند الفطام ما لزمكش تخبي الثدي تاعك وما تمديهاش لازم كلما يطلب الطفل تاعك الرضاعة تستعملي مانع الرضاعة يعني المادة لي حطيتها على الثدي وتمديلو يرضع لانو لوكان تخبيها عليه يبقى ديما قلبو متعلق بيها وما ينسهاش .
​

 

[hadda0425]

رد: تجربتي في فطام طفلي

مشكورة اختي ام منصف موضوعك جاء في وقتو

انا بنتي دوك تقريب عام ونصف و حابة نفطمها بصح مسكينة متعلقة بزاف بيا
رايحة نتبع التجارب لي في الموضوع و نحاول كيفاه و الا نخليها تكمل العامين تاعها
بالتوفيق ان شاء​

سميرة ان سبق وقلت اولادي ما يروحو حتى عند حد متعلقين غير بيا خاصة لما يكون يرضعو نهار كامل كي الصاك دو ههههههه لكن لما يجي الوقت تع الفطام نتحمل العواقب
اذا قدرتي تكملي عامين كمليلها واذا ما قدرتيش اعملي النصائح لي هنا
ومن الاحسن تفطميها قبل ما يسخن الجو لانو المنطقة لي ساكنه فيها انت ما بقالهاش بزاف وتطلع فيها درجة الحرارة وتمرضلك اثناء الفطام .
​

 

[hadda0425]

رد: تجربتي في فطام طفلي

وعليكم السلام بارك الله فيكِ على المعلومات القيمة أم منصف حول طريقة الفطام
نشفى على خويا الصغير رضع قريب عام وكي فطمتو ماما قاتلو كون ترضع يجيك الغول هههه منين يجي يرضع تقولو الغول الغول حتى نسى
سأكون بالقرب للاستفادة من تجارب الأخوات

​

مليحة هادي تع الغول هههه اواه انا اولادي لوكان ما يتفرجوش معاها ويذوقو ما ينساوش
​

 

[hadda0425]

رد: تجربتي في فطام طفلي

السلام عليكم ورحمة الله وبركاته
جزاك الله كل خير شريفة على المبادرة
موضوع يهمني جدا
ابني عندو قريب 7 اشهر مزال يرضع بصح يرضع رضاعة طبيعية وصناعية تعود عليهم فزوج انشاءالله مايعدبنيش فالفطام
انشاءالله يكمل عام ونص ونفطمو راني نقول كي يبدا يتمشى مليح نفطمو انشاءالله ياربي
مشكورين لبنات على نصايحكم راح نكتب كلش عندي
​

انيسة اذا مزال يرضع منك خليه علاه تحرميه من الحليب الطبيعي لانو كل قطرة تنفعو مكانش قد حليب الام وزيد مزالو صغير كملي معاه حتى ينساها وحدو لانو مع البيبرون لما يزيد شوية يولي وحدو يعتمد على البيبرون وينساك وما تتعبيش معاه في الفطام .
​

 

[ام الحلوين]

رد: تجربتي في فطام طفلي

اولا نشكرك على هذا الموضوع القيم
و الله يرزق كل متمنية الامومة

كم كانت مدة الرضاعة؟؟؟
بنتي الاولة رضعت 6 اشهر و فطمتها لاني كنت حامل في الشهر 4 و كانت هي تبكي و انا نبكي ماحبتش البيبرون و كانت ماشاء الله من حليبي و غير بدات البيبرون بداها الامساك لحد الان تعاني مسكينة
و ابني الثاني رضعتو 15 يوم و نشفلي الحليب بسبب (المشاكل) و الله يسامح لي حرملي وليدي من حليبي اما انا (مانسامحش حتى اخر دقيقة في عمري )
و بنتي هاذي راه عندها 3 اشهر راني نمدلها غير حليبي و الحمد لله راه كافيها
وما هي الصعوبات التي واجهتك اثناء الفطام وكيف تغلبتي عليها؟؟
البكاء و القلق و تغلبت عليها بالصبر و الحمد لله
وكم هي المدة التي استغرقتها لتفطمي صغيرك ؟
مرنيش متذكرة يمكن شهر و لا شهر و نصف
ماهي البدائل التي استعنتي بها لتعويد طفلك على فكرة الفطام ؟
البيبرون و الاكل ​

​

 

[حاملـة المسك]

رد: تجربتي في فطام طفلي

السلام عليكم

مع أولادي فترة الرضاع دامت عامين
الرضاعة و معاها الاكل
فطمتهم بسهولة بفلفل الاحمر ..نصيحة اخذتها من الكبار
قالولي مفعولها سريع و بدون أضرار تذكر
و بالفعل يومين نسااااو و اتقبلو الوضع و بدون أضرار على المعدة
البدائل ..أكيد التغدية الجيدة
الكالسيوم ..الخضر .. التمر .. زيت الزيتون ......
فوائد الرضاعة الطبيعية
البول حشاكم ريحتو خفيفة
الكرش متتنفخش بزاف و الغازات شبه منعدمة
نوم عميق هادئ

جزاك الله كل خير أم منصف
في ميزان حسناتك

ام البتول ربي يرزقك فلذة كبد تقر به عينك عاجلا غير آجل

***​

 

[ام منصف]

رد: تجربتي في فطام طفلي

ام رحاب
رغم صغر سنك الا انو تجربتك في الحياة كبيرة ما شاء الله
ما طوليش علينا
رانا نستناو في تجاربك
​

 

[ام منصف]

رد: تجربتي في فطام طفلي

nassima 87
ربي يرزقك الذرية الصالحة عاجلا غير اجل يا رب
​

 

[ام منصف]

رد: تجربتي في فطام طفلي

yildiz
الحمد لله انو الغرض من الموضوع قد وصل
المهم الافادة والاستفادة
هكذا يتعلم الانسان حوايج تنفعو في المستقبل
شكرا على المرور
وخليكي بالقرب القادم احلى ان شاء الله
​

 

[ام منصف]

رد: تجربتي في فطام طفلي

ibtesem
راني نشوف انو الجميع عانى او يعاني من الرضاعة الليلية وانا وحدة منهم
شكرا لمشاركتنا تجربتك اللي فيها من الفائدة الكثير خاصة وانك ام لتوام
يعني المهمة راح تولي دوبل صعبة هههههه:regards01:
​

 

[ام منصف]

رد: تجربتي في فطام طفلي

anissa 13
يا عمري على اياد لحق 7 شهور الله يبارك
اعتقد انو الصغير لما يكون موالف بالرضاعة الطبيعية والصناعية تكون عملية الفطام نتاعو سهلة عكس اللي موالف غير بالطبيعي
ان شاء الله ما يعذبكش وتفوت سهلة
​

 

[ام منصف]

رد: تجربتي في فطام طفلي

SAMIRA25
مشكلة الفطام هي مشكلة العلاقة اللي تربط بين الصغير وامه كاين بزاف امهات يمرضوا لما يفطموا ابنائهم وهنا قصدي يتاثروا نفسيا
وبنتك ضرك الله يبارك راهي عام ونصف وقتو باش تفطميها لانو كيما قالت حدة جاية السخانة وهي فترة ما تساعدكش على الفطام
ماعليك غير تشدي الهمة وتوكلي على ربي وان شاء الله تفوت بسهولة
​

 

[ام منصف]

رد: تجربتي في فطام طفلي

ام البتول
ربي يرزقك اختي بالذرية الصالحة عليك بالاستغفار
شكرا على المرور
​

 

[ام منصف]

رد: تجربتي في فطام طفلي

يعقوب 1967
اهلا اختي
يعني راكي خبرة ماشاء الله ومنكم نستفيد
كل النقاط اللي ذكرتيها مهمة جدا في عملية الرضاعة وكمية الحليب اللي تكون عند الام
اشرت الى نقطة مهمة المعاناة نتاع الام اللي بعد الفطام
لانه الحليب اللي يبقى في الثدي لازم ينشف
اذا ممكن تذكريلنا الطرق اللي تستعمليهم لتنشيف الحليب بعد الفطام
​

 

[ام منصف]

رد: تجربتي في فطام طفلي

hadda0425
ربي يرحم صغيرك راهو فرخ الجنة والحمد لله عوضك ربي فلله الحمد والشكر
اذا الامر لا يخلو من المعاناة الليلية لازم كامل نتحزموا لهذيك الليلة لانو عرفين واش يستنى فينا
اولادك كيما اولادي ما يقبلو بيبرون ولا سييسات وكيما قلت التيزانة نديرها بالمغرف والا يبقاو يعضو في لاتيتين وهو يهبط وحدو
والملاحظة اللي ختمتي بيها مداخلتك مهمة جدا لانه بالطريقة هذي راح تبقى في قلبو وماراحش ينساها
عليها لازم نقنعوا صغيرنا ماشي نسوه فيها برك
بارك الله فيك
​

 

[ام منصف]

رد: تجربتي في فطام طفلي

ام الحلوين
كلامك تاكيد اخر على ان الحالة النفسية للام تلعب دور كبير في تغيرات ادرار الحليب
لهذا ننصح الامهات بالابتعاد عن الغضب والنرفزة في هذه الفترة بالذات
شكرا لمرورك
​

 

[ام منصف]

رد: تجربتي في فطام طفلي

حاملـة المسك
اضافات رائعة رغود واكيد تجاربنا راح تفيد الكثيرات
حتى ولو كانت بسيطة لكن كل حاجة عندها معنى وممكن تسهل العملية
بارك الله فيك على المداخلة الطيبة
​