ماذا ستطبخين اليوم سيدتي انستي الجزء45 الكل راهو معروض عندي

[BHARIZIA]

رد: ماذا ستطبخين اليوم سيدتي انستي الجزء45 الكل راهو معروض عندي

تصبحو بخير لبنات بيني وبينكم الموسيو شرى لي اليوم شومبرا كوشي جديدة وراني طالعة نخملها

 

[نور الحبوبة]

رد: ماذا ستطبخين اليوم سيدتي انستي الجزء45 الكل راهو معروض عندي

ايه داكلو ايه داكلو يعيني يعين يامساء البغرير والغرايف ولبراج والرفيس صحا ربيعكم يعطيكم الصحة راكم فووووووووووووووور سخفتوني وشهتونييييييييي انا مزال مجاش عندي الربيع وقيلة حكمتوه عندكم اطلقوه شوية باه يوصلني
بصحتكم كامل من المالح للحلو راكم نشطو الكوزينة اليوم
نبيلة بان هلالك راني توحشتك موووووووووووت متزيديش تغيبي علينا وكي يحكمك التفنين طلي قلي مساء الخير برك
ليلتكم سعيدة ان شاء الله تصبحو بخير​

 

[نور الحبوبة]

رد: ماذا ستطبخين اليوم سيدتي انستي الجزء45 الكل راهو معروض عندي

بهريزة اسمك شوية ثقيل كيفاه اسميوك مبروك عليك الشومبرة تتهناي فيها لعقوبة لحاجة اخرى ربي يحفظلك الميسيو ويبقى ديما اجيبلك كي تكملي حطيهانا نشوفوها​

 

[somo_81]

رد: ماذا ستطبخين اليوم سيدتي انستي الجزء45 الكل راهو معروض عندي

نعيمة اسمها حيزية واش راكي وقيل راكي كي حالتي سهرانة مع معتز وليدك

 

[نور الحبوبة]

رد: ماذا ستطبخين اليوم سيدتي انستي الجزء45 الكل راهو معروض عندي

ايه راني لباس السوال عليك راه يبكي حاب يرقد اروح ارضعو تصبحو على خير

 

[مطبخ الأحلام]

رد: ماذا ستطبخين اليوم سيدتي انستي الجزء45 الكل راهو معروض عندي

http://4algeria.com/forum/threads/398060/#post5321005
​

 

[BHARIZIA]

رد: ماذا ستطبخين اليوم سيدتي انستي الجزء45 الكل راهو معروض عندي

صباح الخير عليكم ان شا الله نهاركم مبروك. اختي نعيمة اسمي حيزية كيما جاوباتك الاخت وان شا الله نزل لك الصور اللي طلبتيها.

 

[نور الحبوبة]

رد: ماذا ستطبخين اليوم سيدتي انستي الجزء45 الكل راهو معروض عندي

اصبحنا واصبح الملك لله
الحمد لله ا لذي احيانا بعد ان اماتنا واليه النشور
صباح الخير عليكم ان شاء الله تكونو بخير
صباح النور والسرور اختي حيزية تشرفت بمعريفتك
ربي اكون في عونا ويجعل في ميزان حسناتنا

 

[ام الحلوين]

رد: ماذا ستطبخين اليوم سيدتي انستي الجزء45 الكل راهو معروض عندي

صباح الخيرات
يا خياتي قتلتونا بالبغارير و الرفايس و لبراج بصحتكم الماكلة و الربيع ، انا راني قريب نتعفن انا و وليداتي من البرد بصح ان شاء الله نعاند عليكم و نطيب

 

[أمــ وليــد الجزائرية]

رد: ماذا ستطبخين اليوم سيدتي انستي الجزء45 الكل راهو معروض عندي

صباح البغرير
والله قتلتونا مع الصبح
الله الله على الي فاتني
يمي يمي
نقول برك لرقية اقراي كي ترجعي رنا ندخلوك في المنافسة ههه
لبارح في اليل مكانش الكونيكسيو لا تقولو هربت
ليوم نشاء الله نحطلكم الغذاء ديالي هههه وهو سبيسيال لطاطا أنريس
​

 

[نور الحبوبة]

رد: ماذا ستطبخين اليوم سيدتي انستي الجزء45 الكل راهو معروض عندي

ام الحلوين سلامتك انتي والحلوين انتاعك من العفن ادخلي لكوزينتنا برك وانتي تحسي بالدفئ طيبي يالالة وحطينا ناكلو هنا كلشي افوت مع لمعاندا
فلة صباح الخير رانا نستناو غداك يا الزينة
انا غدايا خميرة سلاطة ومرقة خضرة منحبهاش مي اليوم دالتها هههه

 

[مطبخ الأحلام]

رد: ماذا ستطبخين اليوم سيدتي انستي الجزء45 الكل راهو معروض عندي

السلام عليكم

صباح الخير عليكن

الحمد لله الذي احياني بعد ما اماتني ... اصبحنا واصبح الملك لله ... اللهم وفقني ووفق الجميع

اييييييه كنت رايحة نرد على روكا البارح ونسيت \\ قراي يابنتي الكوزينة راها تسناك كي تكملي ولينا رانا نديرو تحدي الطباسة \\ ههههههههههه والشافة تكون فلة ههههه

بصحاتكم جميعا

ونهاركم مبروك
​

 

[مطبخ الأحلام]

رد: ماذا ستطبخين اليوم سيدتي انستي الجزء45 الكل راهو معروض عندي

نور الحبوبة بصحتك يالحبيبة ماعليش حتى ولو ماحبيتيهاش الا مول الدار يحبها انتي تحمليها هههههه ياك ديما زهرنا غي نرضيو ومايرضيوناش
​

 

[BHARIZIA]

رد: ماذا ستطبخين اليوم سيدتي انستي الجزء45 الكل راهو معروض عندي

اسمحولي لبنات مافهمتش الخميرة قريتها عند شحال من اخت ،خميرة السلاطة.

 

[ويبـقى الأمــل]

رد: ماذا ستطبخين اليوم سيدتي انستي الجزء45 الكل راهو معروض عندي

يعطيك الصحة كاااااااااااااااااااااااااااااامل
طيابكم يشهي يشهي وزدتو كملتو عليا بالبراج والغرايف اااااااااااه بصحتكم شهتوني تاع الصح
راني جاميتكم كامل باش ماتزعفوش هههه

احنا غدانا كباب وسلاطة والحمدالله ​

 

[NaNouS]

رد: ماذا ستطبخين اليوم سيدتي انستي الجزء45 الكل راهو معروض عندي

السلام عليكم
بصحتكم يا البنات
سخفتوني في الغرايف احنا نقولولها في قسنطينة القرصة
انا كيفك انريس ميصلحوليش خلاص معرفتش علاش هههههههه عجبتني طريقة الجديدة انتاع بونارين كون غير درتيها موضوع الفرماج دتيه مع الاخر ولا مع الطياب

 

[NaNouS]

رد: ماذا ستطبخين اليوم سيدتي انستي الجزء45 الكل راهو معروض عندي

اسمحولي لبنات مافهمتش الخميرة قريتها عند شحال من اخت ،خميرة السلاطة.

اختي خميرة تقصد بيها كسرة خميرة ولا مطلوع وسلاطة نورمال

 

[أمــ وليــد الجزائرية]

رد: ماذا ستطبخين اليوم سيدتي انستي الجزء45 الكل راهو معروض عندي

هاني جيتكم وجبتلكم غذايا :d
بصحتكم كامل غذاكم
مبشرتا من مكان عملي:p


هذو زوج بيضات يم يم يم سخونين وحاريين مع شويا زيتون كحل :d:d



وهاوليك الخبز و حتى الديسير




هاوليك فرحتو ضرك هذا هو غذايا بتقريب يوميا :d:d:d
​

 

[مطبخ الأحلام]

رد: ماذا ستطبخين اليوم سيدتي انستي الجزء45 الكل راهو معروض عندي

هاني جيتكم وجبتلكم غذايا :d
بصحتكم كامل غذاكم
مبشرتا من مكان عملي:p


هذو زوج بيضات يم يم يم سخونين وحاريين مع شويا زيتون كحل :d:d



وهاوليك الخبز و حتى الديسير




هاوليك فرحتو ضرك هذا هو غذايا بتقريب يوميا :d:d:d
​

هههههههههههههههههههههههههههههه

واخيرا شفنا البيض الي تاكله فلة

يم يم غيرتيني والله وراني عادا مافطرتش تسما عليك سيئة اهئ اهئ

وهداك زينون كيماقال خويا راه يغير

بصحتك فلفولتي شغل كليت معاك

بصحتكم كاملين
​

 

[BHARIZIA]

رد: ماذا ستطبخين اليوم سيدتي انستي الجزء45 الكل راهو معروض عندي

صحيتي اختي نانوس راني نحشم الفهامة راحت مع تربية الدراري.