رونق الزهور
:: عضو مُتميز ::
- إنضم
- 17 جانفي 2014
- المشاركات
- 654
- نقاط التفاعل
- 2,563
- النقاط
- 51
السلام عليكم عساكم بخير وزياده
البارح وكمعظم الايام ديت هدهود للطبيب الاطفال ورواح تشوف يا سيدي على هذاك الغاشي بدبزه وركله وواذا صحتلك
المهم ربي ستر واحجزت مكان وقعدت:p
والله لا يوري عزيز ولا غالي الاطفال يتباكاو ولامهات يجاراو والفرامل يقزعو فيهم وتتعالى الصيحات
:-oالمهم بين هذا وذاك قعدت انا غير نشوف اخلاق الممرضين مع الشعب هي صح الشعب سامط مي الله غالب راهم اباء وولادهم قلقوهم بالمرض والبكا وحتى الممرضين عياو مي خدمتهم لازم يتحملو:up:
وانا في ظل هذي المنواشات قعدت حدي مراه حامله بنت صغيره
وانا هادي قاعد في حجري بدات هذيك البيبي تلعب مع هادي وتضرب فيه لراس وميته بالضحك
هادي ولا يضحك (خلعاتو:s(
ايا يماها قاتلها خليه علاه تخدمي القباحه قتلها خليها ضربتها قع شاباه ديرلو (هي بيبي وهوو عامين راه شارف:d)
ايا قلتلها انا زعمه نقرعج:-r وراكم عارفين حنا نسا وين نروحو نديرو قصره
قتلها باينه موالفه ذراري صغار تحب تلعب ماتنكرش
قاتلي ايه قاتتلي غير يروحو يقراو تولي غير تبكي
قتلها شحال عندها قاتلي تسع اشهر
ايا سقساتها مراه اخرى كانت تستمع للحديث(مخابرات ا محاينك:-h)
هذي بنتك؟ قاتلها لالا بنت ختي ايا ردت عليها ربي يشدلكم فيها وختك ماجاتش
قاتلها لالا يماها ماتت
:-o:-o:-o
انا غاضتني قتلها الله يرحمها صح كي يقلك ناس بكري النافسه رجل في القبر ورجل في الدنيا حتى تفوت الربعين
تنهدت وقاتلي راجلها سبتها
:s:s:s
عميلت المخابرات قاتلها
علاه علاه:scared01:
قاتنا بلي كي جابتلو طفله ولا يزعف عليها ويضرب في الحيطان ويقلها مانسحقهاش مش بنتي ايا هي طلعتلها لطونسيو وطرطقلها عرف في راسها وماتت
من بعد رماهالنا وقلنا دوها مش بنتي مانصرف عليه ومانسحقها
ثم نطق مراه كبيره وقالتت(العباره الشلفيه الشهيره:d:love01:)
احوجي هذا هبل هذا مش في عقلو ماتقوليليش هذي بنتو اللوله
قاتلها ايه
يا يما هذا هبل ثم انا تشوكيت مزال ناس بهاذو العقليات:s:very_mad:
ويعجبك العزه بالاثم ماشي بنتي دوها قتل يماها وزاد قاس الطفله واش من اب هذا الهوايش وماترميش ولادها
قادر ربي يحرمو من الخلفه طول حياتو بسبه هذيك اليتيمه
مسكينه صغيره بيبي مزال ماعرفتش الدنيا
:cray02:واش رايكم في هذي القصه
فعلا مزال كاين ناس من العصر الطباشيري ياو بلاك ابا جهل ومادارهاش
في انتظار ارائكم:regards01:
آخر تعديل بواسطة المشرف:
