الموت المفاجئ

[الحلم الوردي]

رد: الموت المفاجئ

_ علاش في وقت الصح ماتلقى حتى واحد؟ اختي هادو هوما ناس هذا الزمان غير كي يحتاجوك يجيو ليك مي كيتحتاجيهم تلقاي ذراعيك فوقك برك.......
اهلا بيك اختي
ايه كي قولتها هكدا والو الناس غير في وقت صلاحهم يعرفوك مي في وقت الحاجة ماتلقايهمش
_اسكو الموت و لا حاجة عادية؟ ايه يا اختي مايحس بالجمرة غير اللي عافس عليها الموت حق وراحة ولكن يبقى اثر الفقدآن لا يمكن ان يمحى
ايه واحد مايحس غير الي سياها
ايه الفقدان يبقى وتانيك الحنين
ايه حتى شيء يقدر ينسيني بابا ربي يرحمو
باسكو مرانبش رايحة ننساه
_و لا الى مجرب فقدان احد الوالدين هو الي يحس بيك؟ في هذا الزمان هذا هو الكلام
الناس تجردت من الاحساس الا من رحم ربك
وطبعا اختي كحالتنا وحال بعضنا لن تجد سورا تستند عليه بفقدان ابيك الا اخوالك هم اقرب الناس لانهم من عرق الام الحنون الذين تتجزا افئدتهم من افئدتها
والحمد لله على ما اعطى والحمد لله على ما اخذ
ايه مام الاحساس بالاخرين مابقاش باسكو كل واحد لاتي بروحو و الاشخاص و لاو انانيين يحبو صلاحهم وخلاص
الحمد لله على كل شيء
​

اسعدني تواجدكي اختي
كل الشكر لكي
​

 

[BiG JoE]

رد: الموت المفاجئ

_ علاش في وقت الصح ماتلقى حتى واحد؟
شوفي يا ملاك في الدنيا هدي ما تستنيش حتى حاجة من حتى واحد
_اسكو الموت و لا حاجة عادية؟
الموت حق ... وما يحس بالجمرة غير لي عافس عليها
_و لا الى مجرب فقدان احد الوالدين هو الي يحس بيك؟
راني حاس بيك
نقلك حاجة خليها على ربي وخلاص
​

 

[zagane]

رد: الموت المفاجئ

السلام عليكم
اولا نقدم لك التعزية --انا لله وان اليه راجعون--
ربي يرحم الوالد ويدخله الجنة

انا عند موت جدتي وجدت من المعزيين اربعة يتناقشون عن ورث لابوهم ويحملون عقود الملكية ويتناقشون
لم تسمح لهم الفرصة بان يجتمعو معا الا في جنازة جدتي
قمت بطردهم وقلت لاحدهم خدهم الى بيتك واجمعهم على فنجان قهوة او عشاء وتناقشو
كون يجي المعزيين الاجانب ويشوقفو هدا النقاش وهده العقود يحسبو اولاد الفقيدة متشاجرين على الميراث يوم الجنازة واش يقولو كي يرجعو لبلادهم

 

[الحلم الوردي]

رد: الموت المفاجئ

و عليكم السلام و رحمة الله و بركاته


ربي يصبركم ختي فقدان احد الوالدين صعيب و انا مجربة
اللهم آمين يارب

الحمد لله على كل شيء لله ما أعطى و لله ما أخذ
الحمد لله على كل حال
نجاوبك على أسئلتك باختصار
ايه تفضلي
اختي


الاسئلة نتاعي هي

_ علاش في وقت الصح ماتلقى حتى واحد؟

حنونة يخطوكم من والديك و خاوتك ياكلكم الدود صدقيني حاشا القلة القليلة النادرة بصح من عندي ما تعولو على حتى واحد
ايه صح اختي في وقت الصح دارنا مالقينا حتى واحد
مي الحمد لله ربي الي صبرنا

_اسكو الموت و لا حاجة عادية؟

الموت حق و دكا ماشي رجعت حاجة عادية

رجع يحس بيها غير لي كواتو مبقاش كيما بكري المحبة و النية

القلوب دكا قسات و الناس تجري على الدنيا و لا واحد يخمم في الموت و لي يموت يعزوه و يقطعولو ورقتو خلاص
ايه هد هي الي يحس بيها غير الي كواتو
ايه دوركا الاحاسيس تجردت ومايهمهم غير روحهم
ايه مام يبينو حاجة وفي قلبهم حاجة ربي يهديهم
_و لا الى مجرب فقدان احد الوالدين هو الي يحس بيك؟

ايه اليتيم واحد ما يحس بيه غير لمجرب
ايه صح لي مجرب هو الي يحس بيا

الموت صعيبة و مرة سوا احد الوالدين و لا فرد آخر
ايه صعيبة بزااااااااااااااف مي الله غالب هدي هي الدنيا
​

اسعدني تواجدني
ربي يصبرنا وخلاص
علاخاطرش حاجة ما الدوم
​

 

[ام ريهام]

رد: الموت المفاجئ

الله يرحم باباك وابي وجميع موتى المسلمين

ما عندي ما نقول غير ما يحس بالجمرة غير لي كواتو

 

[AMANITA]

رد: الموت المفاجئ

كما تدين تدان .............و كل د و اياماتو ....و دوكا كول واهد ييسيي يحاسب روحو واحدو و ماييستانا حاتا حاجا من اي واحد.....واقت سعييييب.