مقهورة و مظلومة منه و من أهله لكني احبه ماذا افعل؟

[Amira28]

ربي يهديهم كاين بزااف غيارات ويموت على زرع الفتنة بين المراة والرااجل ماني فاهمة والوا ياك هادا خوهم الوحييد كيفاه يدمرولوا حياتوا هاكا هادي حاجة
حاجة ثانية ماكانش حق عليه يدمر حياتوا على جال هدرت نساء نورمالموا خليهم هوما يحلوا مشاكلهم انت ماتتدخلي وهو مايدخل
ودوكا انا نضن لازم تخليها للكبار هوما يعرفوا كيفاه يحلوها
اصبري اختي وانشاء الله مايصير غي اللي فيه الخير خليه يقعد مع روحوا ويفكر ادا ماشي فيك على الاقل على ابنكم الصغيير حرام عليه يدير هاكا

 

[barca.moha]

والله يا اختي قصتك قصة
شوفي كيفاه تهدرو لا خاطرش سبة الطلاق ماهي منك وماهيش منه
وراجلك سمحيلي يساعف ويدير على الهدرة بزاف " نية "
ربي يجيب الخير اختي وان شاء الله تسلك وتفوت على خير

​

 

[Asmaa2020]

حبيبتي ينبغي مواجهة الواقع اولا...سنفرض ان اهله لايطاقون وزوجك كذلك.....اوليس الحديد يلين وينصهر ويشكل اجمل الاطارات........فلتتحملي حرارة الانصهار حتي يلين الحديد ويذوب ويتحول من شكل لافائدة منه لاروع لوحة فنية.....احبكي في الله اختى

 

[وصال]

السلام عليكم ورحمة الله تعالى وبركاته

اختي ربي يكون في عونك ويعطيك الصبر ، واش حبيتي نقولك الناس نتاع هذا الزمان عندبالهم الزواج لعبة والطلاق تسلية ، والله شئ مخزي ، يا رب ابغض الحلال عند الله الطلاق ، يعني نهار لي تتسكر كل السبل باش انسان يخمم فيه ، وعلاجال امور تافهة خمم في الطلاق ؟ اختي هي صح كاين بزاف ناس تظلم ، بصح اليوم فاني ودار غدوا شكون يسلكهم يا ويلهم وين راح يرقدو ، اختي حاولي توقفي وقفة حق وخلي عزة النفس في جهة وحطي وليدك في جهة اخرى تبعي مصلحة ابنك وراكي تقولي راجلك مابينك وبينو غير الخير حاولي تتصلي بناس ثقاة يروحو لزوجك وينصحوه والحل موجود كلمة اعتذار تصحح كلش ، واذا متقدريش تعيشي معاهم اخرجي من عندهم وادي زوجك وعيشي حياتك اذا بغى طبعا ، حاولوا تصلحو الامر هذا الشيطان راه دخل بيناتكم ، حاولي تبعثي لي ينصحو ، والله اعلم فيم يكون الخير ، وكما كان نقول سمعنا واطعنا .
ربي يسترك ويسهلك في الخير يا رب.

 

[sarorita96]

ربي معاك رضى الولدين هو الصح
جزاك عند الله

 

[مايا الجزائرية]

لا حول ولا قوة الا بالله العلي العظيم
واش هاذو هبلو كي زاد الطفل حبو يفرقوكم ويكووك هاكدا ضربو عصفورين بحجرة وحدا حرام عليهم
وكلي عليهم ربي والمظلوم ربي يجيبلو حقو وانت شدي في ربي ودعيه وما يكون غير الخير باالاك ربي راه شايفلك الخير في جهة واحدخرا
ربي يصبرك اختي الغالية

 

[cheikh2014]

الصبر أختي و اتركيه حرا فان كان فعلا يحبك سيرجع لا محالة و ان كان غير ذلك فقد ارتحت منه و الحمد لله