ماذا ستطبخيـــن سيدتي لهذا اليوم ؟ //الجزء 49

[somo_81]

 

[somo_81]

اسمحولي على عدم تصغير الصور كاش مشرفة تصغرهملي والله باش طلعتهم غير بسيف

 

[somo_81]

و بهادو الصور ندير نداء لكا رائدات المطبخ اللماوي يولو باش تزهى الكوزينة كي ايام زمان

 

[مطبخ الأحلام]

السلام عليكم

بصحتكم واحد واحد كلشي راه يشهي الصور بداتها راها غادية تنطق

​

 

[amina swift]

pizza simple من مطبخي

zoom

 

[shahrazad]

الله الله الحالة زاهية
يعطيكم الصحة كاااملين مكملين
اليوم العالمي للبيتزا والسبب اكيد علابالكم شكون

 

[shahrazad]

ساندي قوليلي برك كيفاه راكي ديري تصوري دار شيخك ماحسبوكش مهبولة ديفوا ههههههههه
يعطيك الصحة راكي فحلة ونص و 75
رقية منين راح نجيب هاديك التارت فاليل وااعع تهببببل بصحتكم
سهامو وش راكي اطباقك توب كي العادة حنونة
امينة وسوسو تسلم الايادي الي عملت البيتزا امممم والبسبوسة ماخلاااااااتش امممم
دليلة اشرقت الانوااار ههه واخيرا يعطيك الصحة الله الله
​

 

[nada242008]

صباح الخيرات الزينات والماكلات المتحوفات هههه
نور المطبخ باهلو يعطيكم الصحة زهيتو الكوزينة الله يزهي ايامكم

 

[ام ايناس]

صبااااحكم انوااار لبنات تعيشو لبنات المطبخ منور بوجودكم
رقية راهي جابتلنا سوسو حقنا انتي ديتي تاع الزيتونة نموت عليها ههه بصحتك هاديك ماتشبعنيش
اممممم سومو اطباق تشهي يعطيك الصحة كلش بالطبع بصحتكم والصور يجو كبار منبعد يصغارو مكانش مشكل تبانلي معاهم وانشاء الله يسمعو منا ويرجعو كيما كنا
اهلين شوشو والف الف مبروك ربي يهنيك انشاء الله راكي شطووورة انا نحشم نصور في دار شيخي يقولو مهبووولة ههههههه بصحتكم ويعطيك الصحة كلش يشهي
اممممم سوسو اطبااااق كلها تشهي تقول نقعد نتفرج فيهم يعطيك الصحة وصلني حقي تاع البيزا تشهي ههه
امينة البيزا سامبل بالصح تبان هايلة بصحتكم اختي
شهروووورة اليوم العالمي للبيزا الفيروس انتشر بسرعة فائقة هههه يعطيك الصحة جااااتك رووووعة والبنة اكيد بنيييينة
ندووووش طلي وتهربي حطيلنا بواش شربتي الحليب الصباح هههه

​

 

[*amina*]

صباح الانوار عليكم كامل
راكم جايبينها في التطياب يعطيكم الصحة

 

[nada242008]

صباح الفل ام نوسة وامينة
ههه نشربو سااااااااك لا من معااااااه

 

[ام ايناس]

الله يسلمك امينة
هههه ندوش انا قلت كاش تارت تحطيهالنا نشربو مع بعضانا انا شربتها بخبز الدار مانقدرلهاش ساااك
​

 

[*amina*]

اهلا اهلا ام ندى راني نغسل في حواجي و خطرة على خطرة نضرب طلة ههههههههههههههههههه
عجوزتي راحت للطبيب من الصباح و انا نهبش من و من الفطور الماعن التسياق تاع الحوةش قاع و البراكة و ضروك طلعت لداري لفوق بديت بالحوايج و ضروك نسيق حاشاكم هههههههههه

 

[*amina*]

والله انا تاني شربتو بالخبز و الكونفيتور تاع الصفرجل و التشينة

 

[ام ايناس]

ربي يكون معاك امينة الشغل تاع الدار صعيب سيرتو كيتخدمي تاع زوج ديار
ايييه فكرتيني في معجون السفرجل انا تاني نحبو مع الحليب الصباح بصحتكم
​

 

[*amina*]

وزيد يا ام ايناس مع وليدي تاني والله مزية مناضليش حتى طلعت ليه داري لفوق بحار عليه المهم دار العجوز كي تجي تلقاها مرتبة هههههههههه

 

[ام ايناس]

هاداك هو الصح تكملي التخت ودارك الفوق الوقت لي كملتيها تكمليها ربي يعاونك
لبنات اليوف فطور طاجين الجلبان بالخضر
​

 

[السلطانة]

صباح الخير عليكم اخواتي

انا راني مع الغذى

طيبت بطاطاوطماطم مقلية وسلاطة

عندنا البرد جات الشتا

 

[*amina*]

انا ليوم درت مرقة البسباس بالجاج شيخي يموت عليها
و زيد بالخف طابلي وماليش الوقت

 

[shahrazad]

بونجووور عليكم
وشراكم
مطلوع من قلب الحدث واللوبيا راهي طيب