ماذا ستطبخيـــن سيدتي لهذا اليوم ؟ //الجزء 49

[ام ايناس]

مسااااااء الانوار لبنات ووواش راكم
يعطييييكم الصحة راني راجعت كلش يشهي بصحتكم فحلات بنات بلادي ماينخافش عليكم
انا اليوم من الصبح وانا مع الشغل هادا وين قعدت وللفطور درت كرمب محشي منبعد نحط الصور
منبعد انشاء الله

​

 

[*amina*]

اهلا اهلا وينك مبنتيش يا ام ايناس
اليوم درت طاجين المثوم لعجوزتي و شيخي و الفري كاس ليا انا وحمايا الصغيرون و الكبير خرجولي شابين شوية معليش اول تجربة من بعد بعد العشا نجي نحط الصور قلت نجربهم و كي يجي راجلي نعاودهم

 

[ام سراج الدين وملك]

مساكم بلخــــــــــــير
من قبيل وانا نراجع فواش طيبتو راكم فووووووووووور يعطيكم الصحة

 

[ام سراج الدين وملك]

مسااء الانوار

وشراكم
تسلم الايادي ياالفحلات
سووسو الله يبارك عليك التارت جاتك تحفة واش خصها والخبيزات تاني لونهم اممممم يشهو
امينة بصحتكم لوبيا حنونة
اليوم البرد يققققرص هادا ماينفع من قلب الحدث صورتلكم
صح فطووووركم

كيفاش درتي شهرزاد هاداك الطبق قصدي لي مع العدس يبان امممممممممم تاع البرد
مشكورة حنونة والله يسلك الايادي

 

[shahrazad]

ام سيراج الدين وملك وشراكي هادي غيبة توحشنا طيباااابك حطيلنا نشلو عينينا
هاذ الطبق تقليدي عدنا وبنيييييييين امممم

[/IMG]

شوفي ديري عجينة كيما تع المحاجب
ممبعد توجدي الحشو الي فيه البصل كمية مليحة تقليه بيان وتضيفيلو الحشاوس مقطعين كزبر نعناع معدنوس
ممبعد تكوني طيبتي العدس ويكون فوق النار يغلي
وتبداي تشكلي كيما المحاجب بصح يجو صغار شوية تشكليهم على الطول
وتحطيهم داخل العدس غير بشوية
وش نقلك بنة وحدها

 

[shahrazad]

هدا بريوش بالشكولا للقهوة

 

[*amina*]

الله يبارك يبان يشهي شهرازاد هاتي الوصفة خيتي هاتي كاش ما نجرب

 

[*amina*]

اليوم كيما قلتلكم طاجين المثوم وجربت الفري كاسي خرجولي بنات بصح حمرتهم بالزيادة كي قليتهم و تاني صغرتهم مقدوليش الحشو

[/url][/IMG]

[/url][/IMG]
​

 

[نبض الحياة]

:scared01::scared01::scared01::scared01::scared01:
خيــــــــــــــر والربح عليكم
صح عشآكم اللي تعشوا واللي مازالوا
تبآرك الله ماشاء الله، رقوا رقوا يضربوكم تاني عليا بعين :p:p
يعطيكم الصحة
شوشو، شهرا، سوسو، والجماعة كآآمل
ههههههه شهرا تفكرت نهار طاحتلي لاباراي فوطو في القصعة كنت نرون في القاطو، عمرتها دهان وسكر :d:d:d
سوسو قتلك راكي توووووووp وجدي روحك منا على شهر خدميلي وحدة فيها ستيتو غووز واكتبي Dr: Rouka نجي نديها عليك باطل :p:p:p
اليوم وحد النووووووووووو الصباح دخلت نقطر ووصلت روطآآر، نندب وجهي على طرق دزاير :down::down:
هايا انا هاد وين دخلت، قهوتي هي عشايا، كاس حليب وقاطو برينووو معشووقي :-r
نروح نرقد، تصبحوااا بخير لبنآآآت
ربي يدوم لمتكم ان شاء الله
​

 

[السلطانة]

صحا عشاكم امينة يعطيك الصحة على المثوم يميميم والفريكاسي المرة الجاية نقصيلو على النار برك
فكرتيني فيه ههه غدوة ان شاء الله نكون فيه (راكي تعرفي العقلية لازمني نبكر خخخخخ ولايروح عليا الحال )

حنا عشانا مرقة زيتون وبطاطا بالفرماج
في الليل تبا نكون محاصرة منقدرش نصور هيههي

 

[*amina*]

والله رانا نعانو يا ساندريلا انا عجوزتي من الفطور متتحركش من بلاصتها نلقى راحتي في الكوزينة
ايه تبانلي زدت للنار شوية و صغرتهم كي يجي الميسيو نعاودهم ان شاء الله
والله قريب رايحة ندير زيتون بالداند و من بعد غيرت في اخر لحظة اليوم قلشتهم غدوة ندلهم السباااااااااااقييييييطي​

 

[*amina*]

غدوة ان شاء الله سباااااقيطي و نهار الخميس سبيسيال الميسيو يجي ندير طاجين القرنون و نهار الجمعة زلوف البقري و السبت روز بالداند هههههههههههههههه سبحان الله الواحد ميظمنش الا يعيش ولا لا بصح الله غالب التقلاش بزاف خطرات كي نحط راسي على المخدة نولي نخمم

​

 

[ام ايناس]

سلالالالام لبنات
اممممم شهرى على البريووووش خفيف يهبل حطيلنا الغوسات الفيروس راه لحقني بصحتكم
امينة اممم بصحتكم قكرتيني في الفريكاسي وياماتو بصحتكم ههه راكي درتي بروقرام تاع النهارات الجايين انشاء الله
ساندي ههههه طيبي وصوريلنا في النهار صحيح تحشمي قدامهم
رقية بصحتك التدويشة تحت المطر هههههههه وليلة سعيدة
ليلة سعيدة لبنات غدوة انشاء الله
​

 

[shahrazad]

ياعمري على رقية ربي يقدرك حنونة فكرتيني كي كنت نقرا تمرمييييدة حتى دوكا زعما الخدمة عند الدار بصح مانجو نوصلو يكون الحجاب تبهدل من الطرقان والله كااارثة فالشتا
هههه خلاص رانا توالفنا بالاك لوكان نلقاو طريق مسقمة مانعرفوش نمشو فيها هههه
امينة الله عليك ياالشاطرة راكي قلشتيهم تع الصح وين يلقاو كنة كيما نتي ربي يعطيك على قد نيتك وبصحتكم المثوم والفريكاسي امممم هايلين
ساندي المحاصرة صحا عشاكم هههه
دلول يسلمك لعزيزة

هاكو الوصفة جربوها وماتندموش
بيضة واحدة + ربع كاس مخلط زيت +مرغارين ذايبة + ملعقة كبيرة خميرة الخبز + ملعقة كبيرة سكر + ملح + نصف كاس فرينة + 4 ملاعق كبيرة غبرة اللحظة نخلط جميع المقادير مليح مليح بالباتور
ثم نضيف 3 كؤوس فرينة + ملعقة قهوة خميرة كيميائية ونعجن
نغطيها ونتركها تخمر نفشها ونعاود نخمرها مرة اخرى ثم نعجنها ونحضر شكولا مبشورة
شوية تلصق فاليد استعملي الزيت
ثم التشكيل كيما تحبي تحلي كرة بالايدي على الطول ثم تحشيها بالشوكولا مبشورة وتغلقي الاطراف مليح ندهنهم بيضة +سكر+حليب ونخليهم يخمرو
​

 

[*amina*]

يعطيك الصحة شهرزاد كي يكون الحال دافي شوية نجرب عندنا وحد البرد الله لا يشوفك ساكنين في اعلى جبل في الشلف ههههههههه

 

[mimi53]

السلام لبنات انشاء الله تكونو بخير
حبيت نعلق عليكم كامل مي الميكرو بالفرنسية راني نتعدب في الكتابة لازم تدير ورقة فيها الاحرف ونكتب مي يعطيكم كامل الصحة
ساندؤيلا مرسي حبيبتي تسلميلي مووووووواح
​

شوشو ديالي البريوش يشهي تسلم ايدك يالشاطرة







​

 

[shahrazad]

امممممممممم ميميييي وشنوو هادا جعت هههه
الغرتان يهبل والخبز هاااااااااايل حطي الوصفات دوكاااااا
تسلم ايدك ياالشاطرة تاعنا​

 

[*amina*]

صباح الخير عليكم لبنات
ليوم صنعت الغريبة كي نفرغ نحط الصور

 

[*amina*]

يا حوجي وين راكم متغديتوش اليوم ول؟؟؟؟؟؟؟؟؟

 

[ام ايناس]

مساااااء الانوار عليكم لبنات واش احواالكم
مااااارسي شوشو على وصفة البريوش راني نجربها انشاء الله
امممم ميمي يعطيك الصحة كلش يشهي بصحتكم توحشناااك
امينة بصحتكم الغريبية شحال كنت ناكلها نموت عليها بصحتكم رانا نسناو في الصور
دوك نحطلكم الفطور تاع البارح واليوم انا العشا ندير ديسوندويش ولا نسخن واش يبقى من الفطور مانطيبش

​