الله غالب كنت صغير بلا دار وبلا خدمة ودرك..؟

[RoseBonbon]

يا خويا هي مع راجلها عايشة حياتها

وأنت أقعد تخمم فيها وتضيع في عمرك

هاذ المشاعر خليهم للي تستاهلهم.. للزوجة المستقبلية

وما تنسيك المرا غير المرا

قول للوالدة ولا لخياتك يشوفولك وحدة تناسبك ..

وكي تعجبك كاش وحدة أخطبها وحبها واعطيها هاذ المشاعر الجميلة

 

[βïģ βôşş]

رد: الله غالب كنت صغير بلا دار وبلا خدمة ودرك..؟

بارك الله فيكم كااااااااااامل
سامحوني ماقدرتش نرد بكري
الخدمة ماخلاتنيش نريح
شكرا بزااف

 

[Perle Blanche]

رد: الله غالب كنت صغير بلا دار وبلا خدمة ودرك..؟

السلام عليكم
الصلاة و السلام عليك حببيبي يا رسول الله
كــل حاجة فالدنياا مكتوب خوياااا يعني لازم ترسخ هاذ الفكرة في راسك
نتا راك تحكي على وحدة ماشي مكتوبك
مالا واش نقولووا على الناس اللي عاشو بلا والدين
ربي يرزقك و يقدرلك الخير​

 

[لصمتي حكاية]

رد: الله غالب كنت صغير بلا دار وبلا خدمة ودرك..؟

يا اخي الله يسبرك اولا
ثانيا ماتدري بالاك ربي شاف فيها خير
اسما امن بالمكيوب او ماتقولش سيبون بلاك كشما يكون منا ولفوق
ماتدري واش راه مخبيلك المكتوب
اتهلى في صلاتك في خدمتك في كلش الي تحسويفيدك
واتكلي على ربي مافيه غير الخير
او ربي يرزقك من جيه اخرى و يعوضك على الي فات
ربي يحنيك خويا

 

[tear of angel]

رد: الله غالب كنت صغير بلا دار وبلا خدمة ودرك..؟

سلاام عليكم
باختصااار شديد كنت بلا خدمة وبلا دار وكنت صغير في لعمر 20 سنة وكنت نحبها ونفنى عليها وندير المستحيل على جالها
داوها من عندي وبقيت وحيد غريب بلا اي هدف في هاد الدنيا
درك عمري 23 بخدمتي وبشهريتي وبسكنتي وينها هي ؟
نريح ونخمم ونقوووول لوكان صبرت شوي ماشي راهي معايا درك في لحلال وفي دارنا انا وياها
هي الله يهنيها لقات الي جاها قادر والحمد لله
المهم تكون بخير ومبتاسما طول الوقت هادا الي يهمني


الله غالب كنت صغير بلا دار وبلا خدمة ودرك راني بداري وخدمتي بالصح وحدي
الدنيا هادي غدارة ولا مكاتيب سي كيف كيف بالنسبة ليا
كرهت كلش مليت كلش مالقيت ماندير غير نجي للمة ونفرغ قلبي
شكرا ليكم

ياااااه ياخويا بيق بوس
الدنيا هادي مكاتيب وكاين اللى غراتو الدنيا وكاين اللى حقراتو
مى دير حاجة فى بالك ربي ما يضيح صبر واحد
وربي مافيه غير الخير
ندعيلك ربي يتمملك حياتك بفرحة ونورهالك وتروح عليك هدي الغمة
ربيي يفرج عليك خويا ​

 

[برنسسdz]

رد: الله غالب كنت صغير بلا دار وبلا خدمة ودرك..؟

يا خويا لازم ترضى بالشي ليكتبهولك ربي,ممكن شافلك ربي فيها الخير و كل واحد في هادي الدنيا يدي غير نصيبو ان شاء الله تلقى بنت لحلال