ماذا ستطبخين اليوم سيدتي ..الجزء ال50 .

[نسائم الورد]

السلآم عليكم ^^

ان شاء الله تكونو بخير كآآمل ،،

رقرق يعطيك الصحة حبيبتي يبآنو يشششهيو مآلغري مىنحبش بزآف الحلو مي سخفتيني
شهرورة يعطيك الصحة الكريب جآ هآآآيل مآ شآء الله عليك :-o ^^
أنريس يعطيك الصحة اختي غرآتآن هآآيل و يسخف :up: ،،
قوقآ يآ قوقآآآ يتوحشك الخير حبيبتي مآم انآ توحششتك ربي يحفظك :$ ^^

لبنآآت كآمل يعطيكم الصحة و نورونآآآ بأطبآقكم المطبخ رآه خآوي

اليوم جبتلكم شخشوخة تقليدية درنآهآ ليآمآت لي فآتو و درحت بآه نحطهآلكم :p:d

هآذي الصور و لي حآب بالطريقة يدخل الموضوع

شَخشوُخة الرّزآم ، تَقليديَّة | مَطبخيْ بـِ الصّورْ |
​

اول مرة نسمع بها شخشوخة الرزام
مي طلعت روووعة و باينة بنينة بزاااف
سخفتيني فيها
ان شاء الله نجربها في اقرب وقت
يعطيك الصحة على الموضوع

 

[انريس]

السلام عليكم
تعيشو البنات اللي توحشتوني واللي متوحشونيش :p انا توحشتهم ههههههه قوقا رقية صفاء ورقية وهدوء المطر و شهرور سموحة وكامل كامل كامل بدون استثناء
هدا عشايا اليوم جاج محمر بالخضر و هديك مفرمسة بقاتلي درتلها الصوص نتاع الجاج و شويا جاج و روليتها هكداك هههه خليوها بيناتنا برك هههههههه

 

[anissa 13]

سلام لبنات كيراكم توحشتكم
ان شاء الله كامل بخير
صح نايركم اللي احتافلو بيه انا مكان والو مكانش اللي يحتفل معايا مادرت والو ههههه

هادو تصاور الغالية حدة ماقدرتش تحطهم من البورطابل








































​

 

[anissa 13]

​

 

[anissa 13]

سمحولي ادا كررت شي صور
مشاهدة طيبة هههه
حدة تصور وانا نربح الجامات هههههههههه والله نقصر
فيقو شوية نهار تدخل ام ندى راح تبهدلنا تقولنا خطيتكم شوية رقدتو هههههه
قولولي قوليها لراسك
​

 

[*amina*]

السلام عليكم واش راكم لبنات و الله عندي صور بصح الله غالب منيش نفرغ

 

[anissa 13]

مساء انور لبنات واش راكم ان شاء الله تكونو بخير
راني زرتكم اليوم بعد ركوووووووود كبير
والله توحشتكم وتوحشت لمتنا وايام فاتو علينا وحدة ما تخلي غداها والا عشاها وما تصوروش وما تحطوش وحتى قهوة العصرونة
راني جبت غدانا اليوم كان شوربة خضار مع قوارب البطاطا وسلاطة وقازوز ورحمة ربي
صحى غداكم كامل
والغايبات الله يسمعنا عليكم الخير
والحاضرات ربي يوفقكم وتزيدو نشاطكم

الغايبات راهم بخير عندهم نفس المشكل مشكل العصر ههههههه ميكرواتهم خاسرين يخدمو غي بالبورتابل ههههه وكاين الغايبين تماما لاميكرو لابورطابل وحدة خدامة ووحدة تقرى .... الخ واللي قاعدين ماعندهم لاشغلة ولاعملة وماحبوش يدخلو وكيلهم ربي هههههه

سلامو حبباتي شكون توحشتني
*_* راني مع الفروض والمااآآآت والفزيييك والعلووووم -_- وقتاش نجوز الباك ونتهنى ؟؟
أدعولي ربي يوقني ان شاء الله ونجي نحطلكم حلوة نجاحي باذن الله
(ليوم طيبنا سكسو قبايل بمرقة حمرة كيما كل جمعة)
بصحتكم
سلاااموو ​

تفهمي مليح العلوم والفيزيك ؟ انا كنت 000000 كبيييير فيهم العلوم شوية بصح الفيزيك والشيمي تبهديلة قريت العام اللول علوم والعام الزاوج درت تسيير واقتصاد قلت لصحاباتي انا ماني قد العلوم نروح نقرى حاجة على حسابي ههههه
ربي يوفقك وينجحك يارب
الفروض ملاح يشجعونا على المراجعة

الله يبارك تسلم أياديكم
وللأخت ألي حاطة صورة أولادها ماشاء الله ربي يحفظهملك ملاك الله يبارك عليهم​

راكي على رائد وندى ؟
هادوك مشاهير المنتدى مشاء الله عليهم ماكانش اللي مايعرفهمش
ربي يحفظ كل الاطفال يارب

 

[anissa 13]

امينة علاش واش عندك ؟

​

 

[*amina*]

والله يا انيسة اختي شيخي دار اوبيراسيو عندو شهر و الغاشي مزال يجي منيش نفرغ خلاص
دارنا راني متوحشتها عندي شهرين ونص مرحتش

 

[anissa 13]

امينة ربي يشافي شيخك والله الضياف يتعبو
صبري هدا واش عندك ديري ربي يجعلها في ميزان حسناتك

​

 

[anissa 13]

نسرين راني نشوف فيك لتحت طلعي توحشتك
علابالي ماعندكش تصاور ههههه حطي غي السلام ههههه
​

 

[*amina*]

ليوم درت الكور انا و عجوزتي تاع الناير وجدناه نهار الجمعة نتلايمو و يجو بناتها و نديرو الناير مع بعض
الكور هو طمينة فيها كل انواع البهارات من فلفل حلو و فلفل حار و راس الحانوت و زعتر و الفليو و الكون و القرفة وتاني نديرولها التمر و الزبيب و الكاوكاو و حلوة الترك و نزيدلهم الزبدة و العسل و نديروهم كويرات

 

[السلطانة]

السلام عليكم
ضربت طلة عليكم وعلى اطباقكم الشهية
كاش نهار نرجع نحط اطباقي بقاو حاصلين في الكاميرا وكادتني باه نرفعهم :down:حكمني التفنيين الله غالب :d:d:d

​

 

[la_safa]

السلآم عليكم و رحمة الله و بركآته

ليكم وحششششششششة و القرآيآ هي السبة :p
كآمل كآآآمل

أختي انريس يتوحشك الخير حبيبتي مآم انآ توحشتك :$
الله يعطيك الصحة أطبآقك هآيلين صح كآش نهآر نجي نآكل عندك :-r ،

اختي انيسة توحشنآآآك :$ و أطبآق طآطآ حدة هآيلين يعطيهآ الصحة ^^

أمينة ختي ربي يعينك ان شاء الله و على سلآمة شآيبك ان شآء الله
توحشنآآآك :$

شوشو يآ فنيآنة أنتِ :p كيفي طبعآ :d ^^

اليوم جبتلكم حآجة خفيفة كي العآدة كسرة محشية بنينة و تسسخف :p
هآذي صورتهآ و الرآبط من تحت لي حبت الطريقة


كسرَة محشيّة خفيفة وَ سَآهلة [ مِن كوُزينتي طبعًآآ ^^

​

 

[*amina*]

اهلا لبنات واش بيكم حكمكم الكسل
هدي قراتان السلق

[/url][/IMG]

[/url][/IMG]
و هدا دجاج محمر مع الخضر

[/url][/IMG]
و هدي رشتة

[/url][/IMG]
و هدا ساردين فطورنا اليوم

[/url][/IMG]

 

[ام سراج وملاك]

السلام عليكم لبنات انا عضوة قديمة بصح ليوم حبيت ندخل معاكم للكوزينة ونشارك معاكم فهل من مرحبين

 

[*amina*]

اهلا و سهلا حبيبتي شرفتي الكوزينة

 

[ام سراج وملاك]

اهلا و سهلا حبيبتي شرفتي الكوزينة

مشكورة اختي هاذا شرف ليا اني نكون وحدة معاكم في الكوزينة ان شاء الله نبدا نحط اطباقي معاكم

 

[hadda0425]

مساكم بالخير ولهنا
وش راكم يا اهل المطبخ ان شاءالله تكونو بخير
والله والله توحشتكم قد هااااااك :d وكل واحد يحسبها على حسب وزنو خخخخخ:-r
انيسة مشكورة على التعاون والاعجابات عربون التعب :up:
طبعا اطباقكم لا يعلا عليها
ونشكرو بزااااف الطباخات جدد ونرحبو بيهم
والطباخات لقدم تحية :regards01:خاصة
المهم وصلت عند شهرة لقيتها جابيت حكاية هندية فرينيت ورجعت للوراء لازم نقرا ما نخليش في قلبي ههههههه
حسونة قصى وعليها ضحكة هههههه عيش بثناش تع لهنودا ههههه
تحية للاخ كمال ان شاء الله يكون يخير
​

 

[hadda0425]

كي غاب القط حضر الفار وين رحتو
غدانا

​