ماذا ستطبخين اليوم سيدتي ..الجزء ال50 .

[*amina*]

ام لقمان بصحتكم الناير
كنت حابة نصور نايرنا بصح حشمت من حماتاتي
حبيت نقلك على الشرشسم حتى حنا نديروه عجوزتي تطيبو هايل و تعلمت عليها

 

[عفاف الجزائرية]

الله يبارك فيك اختي انيسة عقبال ما تكثر عندك الافراح
ما نكذبش يا ختي مليحة الواحدة تتستر وتتحدد حياتها وانا الحمد لله يا ربي لاباس عليها وفي رحمة لعاقبة لعند كامل البنات
التصاور غمضي عينيك برك وتخيليني كيفاه كنت خخخخخ
ربي يخليك اختي

 

[السلطانة]

يعطيكم الصحة ياو ياو :p:p:p


كي كنت في دارنا عملت براج ورفيس تونسي

​

 

[المسافرة25]

السلام عليكم
يعطيكم الصحة على الاكلات اللذيذة اللي اتحفتونا بيها
جبتلكم بعض طياباتي يارب يعجبوكم

 

[نبض الحياة]

الســــــــلآم عليكم حبيبآتي
توحشـتكــــــــــــــــــــــــم كآآآآمل
ما شاء الله عليكم، الله يبآآآرك
كل شيء يهبـــــــــــل الفحلآت
كي نلق الوقت ندخل ونجآميكم كآآمل
متتبعة من بعيـــــــــــد :-r
غآئبة لظروف درآستي، ادعولي ربي يوفقنا جميعآ
سلآمِي
​

 

[ام سراج وملاك]

صباح الخير عليكم تفضلو حبات قاطو لي متقهواتش تتقهوا بيهم

 

[قوقا]

البارح درنا البطبوط اممممممم وخرجلي روعة
وراني حطيت التطبيق في ركن السندويشات والمعجنات





نتمنى تزوروني ممكن^_^♡

 

[ام اشراق]

السلام عليكم ورحمة الله وبركاته
مساء الفل والياسمين على الحاضرات والغايبات والاخوات الجدد اللى شرفونا
وتحية للاخ كمال
الله ابارك على فحلات الكوزينة قايمين بها ماشاء الله
كنت نطل عليكم منين ذاك ونحط اعجابات ونروح
يسلموا ايديكم على الخير اللى حطيتوه كل واحدة باسمها
ربي يدوم نعمتوا على الجميع
بعض الاطباق اللى تفكرت وصورتهم
وكاين اللى جبتهم من الارشيف

تحياتى للجميع

 

[ام ايناس]

السلام عليكم لبنات وواش راكم انشاء الله تكونو بخير
يعطيكم الصحة اطباااقكم كامل رووووعة بصحتكم
هادو شوية طيابات من النهارات لي فاتو

شاربات هااايلة

سلالالامي للجميع

​

 

[قوقا]

امممممم ام ايناس شهيتيني

 

[روز]

السلام عليكم
يعطيكم الصحة بنات اطباقكم تشهي وتحفة نرجع ان شاءلله بعمل اعجاب
طيبت اليوم مسمن محشي بالفرماج والدجاج وسوس تومات
جا يهبل

 

[prncess fifi]

مسلخير عليكم ومرحبا بيكم ,, شغل هدوك لي يهدرو في التلفزيون :p
ان شاء الله تكونو كامل ملاح ويعطيكم الصحة كااامل كامل وتولموند ,اند اول اف يووووو:d
هدوما شوية تغنجيق :pلي صورت ان شاء الله يعجبوكم
شفني الركن راه يسنتر قلت نشطو شوية حتى صبت روزيتا سبقتني يعطيك الصحة ميسيز

يعطيكم الصحة ويا من عاش
تحياتي للجميع :regards01:

 

[قوقا]

اللهه يبارك روعة
روز لوكان غبر حطيتينا موضوع بيه
فيفي الله يبارك الشاطرة الاول غير تعطيني الوصفة نتاع القريوش عندي عقدة منو هههه
راجلي يجبو ويحب طيابي بصح انا نحب كل خطرا نتفنن بيه الله يرضى عليك

 

[روز]

يعطيك الصحة فيفي كل شي بالطبع
على سلامتك توحشنا اطباقك
يعطيك الصحة
هذا موضوع المسمن المحشي بالدجاج والفرماج
لي تحب تشوف طريقة عمله

مسمـن محـشي بالدجـاج والفرماج بالصور من مطـبخي

 

[M3TaZ eLLMa]

السلام عليكم

مرحبا بأمهتنا وأخوتنا الطيبين

نتمنى تكونوا بخير يارب

وما شاء الله على أطباقكم الروعة يعطيكم الصحة يا طيبين

ربي يوفقكم ان شاء الله

ربي يعطيكم ما تتمتنوا وربي يحفظكم وربي يجزيكم الخير ويقبل عليكم

وربي ينجحلكم أولادكم وأبنائكم يارب

وربي يحفظلكم ازواجكم يارب

موفقين
​

 

[Oum Loukmane]

السلام عليكم ورحمة الله وبركاته واش الاحوال بناتي اخواتي اليوم انشاء الله عندي لكم 3 اطباق الاول تطبقي لوصفة اختي روز مسمن محشي والثاني مقروض صنعت لجاو من العمره والثالثه تارت بالمعجون انشاء الله يعجبوكم

 

[Oum Loukmane]

ماراكمش ناشطين والوو

انفضو عليكم العجز و حطولنا واش طيبتو

بريوش سخووون هادا وين خرج من الفور

​

 

[hadda0425]

حالياً الأعضاء النشيطين الذين يشاهدون هذا الموضوع : 2 (1 عضو و 1 ضيف) ‏hadda0425 صباح الخير
قلت ندخل نلقى الغاشي بالتحاشير اتري الحالة فارفة

 

[hadda0425]

يعطيكم الصحة لبنات على كل ما تقدمونه
بعض الصور بعد معاناة :d

​

 

[hadda0425]

مسمنات روز :up:

هادي كسرة نور الحبوبة