جميع وصفات عضوات ماذا ستطبخين اليوم سيدتي

[rose09000]

رد: جميع وصفات عضوات ماذا ستطبخين اليوم سيدتي

فطيرة النعناع لميمي53

شوفي شدي النعناع و الفليو ا مكسيه بالميكسور
اسكرفجي البصلة والثوم
خلطيهم مع بعض
شدي السميد حوالي كيلو او اقل حسب الرغبة ديريلو الملح وكاس حوالي زيت الزيتون وخلطيهم مليح ودخلي المقادير مليح مع السميد براحة يدك باش يشرب مليح الزيت زيدي ضيفي النعناع والبصلة والثوم والفليو
اضيفي الماء وديريها كيما نديرو لبراج يعني ديريها خبزة وقطعيها مربعات وطيبيها في الطاجين وصدقيني هايلة
​

 

[rose09000]

رد: جميع وصفات عضوات ماذا ستطبخين اليوم سيدتي

صلصة لصومو81

بعدما طيب الكفتة نحيها من المقلة و خلي الزيت تاعها مع البقايا لي لصقو

فرغي عليهم كاس حليب و حركي بملعقة خشب و زيدي رشة مليح و حرور (فلفل كحل) و رشة جوزة الطيب

ادا عندك علبة فطر * شومبينيون* ديري قطع الفطر مع كمية 2 الى 3 ملاعق اكل من الماء تاعه

ادا عندك الشاف ارمي قطعة تذوب مع الحليب و ادا ما عندكش ديري فرماج عادي

من بعد زيدي 3 م لاعق كبار تاع فرينة فوق الحليب و قوي للنار تحته و قعدي تحركي حتى تعقاد لاصوص

طفي تحته و قدميه ...
هادي صلصتي المفضلة نحب نديرها مع الكفنة و ليزيسكالوب

​

 

[rose09000]

رد: جميع وصفات عضوات ماذا ستطبخين اليوم سيدتي

بوراك لإبتسام

تعميرة عملت
بطاطة قشرتها وقطعتها مربعات وغليتها في الماء مع الملح
من بعد صفيتها وهرستها بتاع البطاطة مليح
كسرت فيها حبة بيض شوية ملح فلفل اسود فرماج مقطع صغير اي نوع عندك انا عملت شادر
وزيتون مقطع رقيق تاني
من جيهة سخني الماء في كسرونة وقطعي فيه بصل رقيق ومعدنوس اول مايتغلى الماء طفي عليه خليه حوالي 2دقايق وصفيه
وضفيه الى الخليط تاع البطاطة مع ملعقة هريسة او خلطي كل شي عمري حبات البوراك
​

 

[rose09000]

رد: جميع وصفات عضوات ماذا ستطبخين اليوم سيدتي

أجنحة دجاج لندى242008

وجدي التتبيلة ثوم مفروم ولا بودر + 2 مغارف زيت ملح وفلفل اكحل ورشة صغيرة كمون وبابريكا يعني فلفل احمر بارد ومغرف صغيرة موطارد ومغرف صغيرة عسل و مغرف خل ونص كاس ما لوحيهم فوق الاجنحة في الكوكوطة واغلقي عليها هي تبدا تصفر ونتي نقصي النار خلااااااااااص اقصى درجة عندك وخليها حوالي 20 دقيقة
ومن بعد فرغيها في بلاطو هي ولاصوص لي معاها ودخليها للفور حتان تتحمر وتنشف
تجي رووووووووعة في الذوق وماتفيقيش ببنة العسل خلاااص
​

 

[rose09000]

رد: جميع وصفات عضوات ماذا ستطبخين اليوم سيدتي

شارلو لأم سيف

نضرب لكرام فراش مع 2مغارف سكر قلاصي حتى تطلع ومن بعد ندوبوا الشكولة كي تبرد نحطها علي لكرام شانتي ونخلطها مع بعض ومن بعد نجيب لبودوار وننقعهم في القهوة ونستفهم في المول نديرو طبقة اكرام مع اي فاكهة مصبرة وطبقة لبودوار حتي تنتهي و غطيها وحطها في الثلاجة حتى لتاني يوم تزينها وتقدمها​

 

[rose09000]

رد: جميع وصفات عضوات ماذا ستطبخين اليوم سيدتي

متبل باذنجان لم منصف


باذنجان ادهنيه بشوية زيت - فلفلة حارة والا حلوة حسب الرغبة وحطي البلاتو في الفرن تحت الشواية
بصلة مذبلة والا حطيها مع الباذنجان تحت الشواية - ملح - طحينية انا ماكانتش عندي درت معاه شوية كريم فريش - زيت الزيتون - فلفل احمر - عصير ليمون - وارحيهم في الميكسور
وزيني حسب الرغبة​

 

[rose09000]

رد: جميع وصفات عضوات ماذا ستطبخين اليوم سيدتي

كبسة الخليجية لإبتسام

المقادير :
2 حبة كبيرة فليفلة خضراء حلوة او حارة مقطعة مكعبات
3 حبات كبيرة بندورة مقطعة مكعبات
... بصلة كبيرة مفرومة
3 فص كبير ثوم مفروم
ملعقة كبيرة كركم
ملعقة كبيرة فليفلة حمراء جافة ومطحونة
ملعقة صغيرة كاري
ملعقة صغيرة بهار مشكل
رشة فلفل اسود
3 ملعقة كبيرة رب البندورة
عصرة ليمون
3 اكواب رز بسمتي منقوع
لحم غنم موزات ::: انا استعملت دجاج
عود قرفة وورقة غار وبضع حبات من كل من الهيل والقرنفل .. لسلق اللحم
الطريقة :
يقلب اللحم برشة زيت نباتي او سمن بلدي .. حتى يتغير لونها ..وفائدة التقليب لللحم كي لا تظهر له زفرة .. تضاف بهارات سلق اللحم .. ثم تغمر بالماء الساخن وتغطى بشكل جزئي كي لا تفور وتترك على نار متوسطة حتى تنضج .. وتملح ..
برشة زيت نباتي تقلب البصلة حتى تذبل ثم تضاف الفليفلة والثوم .. وتقلب .. تضاف البندورة ورب البندورة والبندورة المفرومة والبهارات وعصير الليمون ..
بعد نضوج اللحم تزال قطع الموزات جانبا و ترمى حبة اللومي وورق الغار والحبات الاخرى .. يضاف اربعة اكواب ونصف من مرق اللحم الى الخليط السابق .. وان كان لا يكفي .. يزاد بالماء الساخن ليصل للكمية المطلوبة
عندما يغلي يضاف الرز بعد تصفيته من الماء .. وعندما يغلي من جديد .. يغطى ويترك على نار متوسطة يغلي لمدة خمس دقائق ثم تهدأ النار كثيرا .. ويحرك بحذر ويحكم اغلاقه ويترك ثلث ساعة حتى ينضج مع مراعاة عدم فتح الغطاء في هذه المرحلة ..
يسكب الرز ويزين باللحم والمكسرات المحمصة والزبيب ويقدم .. بالهنا .

​

 

[babel-oued]

رد: جميع وصفات عضوات ماذا ستطبخين اليوم سيدتي

رائع فكرة جميلة

 

[rose09000]

رد: جميع وصفات عضوات ماذا ستطبخين اليوم سيدتي

كرمب في الفرن أم منصف​

كمية من الكرمب قطعيه صغير اغسليه وفوريه
ملحيه وزيديلو شوية بهارات حسب الرغبة + فرماج عادي + بيضة
ادهني لي مول نتاعك بشوية زبدة ورشي عليهم الشابلير وحطي طبقة من خليط الكرمب وطبقة من اللحم المفروم الطايب او دجاج او داند حسب الموجود وغطي بطبقة اخرى من خليط الكرمب
وديريهم في الفرن حتى يتحمر وقدميهم مع صوص بيضاء
مايبانش خلاص بلي كرمب حتى اللي ما يحبوش ياكلو ههه
​

 

[rose09000]

رد: جميع وصفات عضوات ماذا ستطبخين اليوم سيدتي

الخبز لسارة كوين

2ونص كاس فرينة (الكاس العادي تاع الما نكيلو بيه) 1 مغرف كبيرة خميرة الخبز و شكارة خميرة القاطو . 3مغارف كبار سكر و مغرف صغيرة ملح . نص كاس لبن أو رايب و 180 ملل ياوورت طبيعي (ادا تحبي ديري بالذوق ديري ) انا ماكانش عندي عوضتو غير بالحليب و زدت معه بيضة ممكن تستغناي عليها و اعجنيه ملييييييييييح حتى تولي ملساء و خليها تخمر نص ساعة أو أكثر و مبعد هبطيها وحليها و روليها و ديريها فالمول تاع الكيك و خليها تخمر ساعة كاملة ادهنيها بالبيض و دخليها لكوشة سخونة . انا عندي استيس دااايما نديرها مع المعجنات ندير الما ف باسينة صغيرة تاع الاينوكس و نغليه مليح فوق النار و ندخلو للكوشة سخونة و ندير الخبز يطيب على نار متوسطة هاكدا الخبز يجي هشوووووش


فول لندى24242008

فيها ثوم مفروم مع ملح وفلفل احمر حار وراس الحانوت وكمون تقليهم في شوية زيت ومن بعد حبة طماطم مرابية وتكون طايبة وشوي طماطم مصبرة وتلوحي الفول المقشر ومع تبداي تحركي يتهرا ويذوب في لاصوص ديريه على نار هادية وتغطي عليه ومن بعد كي تخثار طفي عليه مع عصرة قارص ودبشة مقطعة​

 

[rose09000]

رد: جميع وصفات عضوات ماذا ستطبخين اليوم سيدتي

[

SIZE="5"]طاجين دجاج لإبتسام[/SIZE]

المقادير :
2 صدور دجاج خالية من العظم والجلد مقطعة مكعبات
1 بصلة كبيرة مقطعة جوانح
1 قرن فليفلة خضراء حارة او معتدلة مقطعة
... حوالي كوب ونصف بندورة مقشرة ومقطعة مكعبات
قطعة صغيرة من الزنجبيل الطازج مقشرة ومفرومة
3 ملعقة كبيرة رب البندورة
ربع كوب لبن رائب
3 فص كبير ثوم مفروم
ملعقة صغيرة كركم
ملعقة صغيرة سكر
ملعقة صغيرة فلفل احمر مطحون حار او حلو

ملعقة صغيرة بابريكا
ورقتين كاري
نصف كوب كزبرة مفرومة
ملح حسب الرغبة
رشة زيت نباتي
الطريقة :
تقلب البصلة مع الزيت على نار متوسطة لتذبل يضاف الثوم ثم الزنجبيل ويقلب ثم الفلفل الاخضر الحار والبندورة المقطعة ورب البندورة والملح والبهارات كلها مع السكر وتقلب مدة خمس دقائق او حتى تنضج تقريبا .. ترفع عن النار وتضرب بخلاط الطعام .. لتصير صوص سميك ..
بنفس المقلاة مع رشة من الزيت النباتي وعلى نار متوسطة يقلب الدجاج مع رشة من الملح حتى يتغير لونه .. نضيف فوقه الصوص السابق ونتركه على نار هادئة لينضج ...
يضاف اللبن مع التحريك .. وورق الكاري يترك لخمس دقائق اخرى ويرفع عن النار
يقدم مع الرز الهندي .. ويزين بالكزبرة .. وصحتين
​

 

[rose09000]

رد: جميع وصفات عضوات ماذا ستطبخين اليوم سيدتي

عجينة القطن اعفاف الجزائرية

4 كاسات ونص الكاسة دقيق ابيض
كاسة حليب بودرة
ملعقة صغيرة ملح
ملعقتين سكر
ملعقة ونصف الملعقة خميرة الخبز
3 ارباع الكاسة زيت
كاستين ماء دافئ
تخلط النواشف اولا بعدها نحطو الزيت
ونعجنو بالماء الدافئ حسب عينك
تخليها تختمر نص ساعة بعدها تقسميها فصوص حسب حجم البيتزا وتستعمليها​

 

[rose09000]

رد: جميع وصفات عضوات ماذا ستطبخين اليوم سيدتي

كسرة محشية لأم منصف

كنت معولة ندير زوج قرص خميرة خرجولي زوج ووحدة صغيرة قلتلها ارواحي نحشيك امالا
قسمتها على زوج حطيتلها فرماج وpاتي مراpي واغلقتيها بالقرصة الاخرى ودهنت الحواشي ببياض البيض رشيت شوية سميد وقرصتها وخليتها عاودت خمرت وطيبتها في مقلاة تيفال​

 

[rose09000]

رد: جميع وصفات عضوات ماذا ستطبخين اليوم سيدتي

الباطوط لروعة2005​

سرة تكون معجونة بماء وملح تطيب ثم نفتتها طراف صغاااار وهو في الاصل يجي بخضار نية انا امي تشويها (تشوي فلفل حار وحلو وثوم وطماطم ) وتسخني ماء وتلوحي فيه توابل وطماطم مصبرة وهريسة ثم تهزي من الفتات تاع الكسرة وتخلطي الخضار المشوية والماء لي درتيه ومع الكثييييير من دبشة مقطعة وتهرسي في المهراس ويؤكل مبااااشرة​

 

[rose09000]

رد: جميع وصفات عضوات ماذا ستطبخين اليوم سيدتي

كريمة الليمون لشهرازد

طريقة كريمة الليمون
2 بيض+1صفار
120غ سكر
زاست 2 ليمون
1م كبيرة مايزينة
1مك زبدة
عصير 2 ليمون( انا ندير 1 ونص)+1/4 كاس ماء
/
نضرب البيض مع السكر +الزاست مليح ممبعد نضيف المايزينة
في كسرونة نحط العصير+الماء حتى يغلو
ونضيفهم للخليط الاول
نحط كلشي على النار كيما تعرفي حتى تعقد ونبقى غير نحرك حتى تصفااار ملييييح
كي نطفي عليها نحط الزبدة .​

 

[rose09000]

رد: جميع وصفات عضوات ماذا ستطبخين اليوم سيدتي

البيشامال لندى242008


3 مغارف زبدة و 3 مغارف فرينة وحركي على نار خفييييييييفة
وسخني الحليب وضيفي الحليب تدريجيا وخلطي وخليها على النار حتان تعقد مع الخلط المستمر // كمية الحليب على حسب الاكلة لي رايحة تضيفيها للبيشامال .. كاين وصفات يحتاجو بيشامال خفيفة وكاين العكس
وضيفيلها رشة ملح وفلفل اكحل وجوزة الطيب وفرماج

هذي الوصفة الاصلية وتقدري تزيديلها واش تحبي
بعد ما تثقال ضيفيلها حبة بيض ولا معدنوس مفروم كيما حورية المطبخ ولا سنة ثوم
يعني الاضافات نتي وذوقك ووصفة البيشامال تقريبا هذي هي المصادق عليها دوليا ههههه​

 

[rose09000]

رد: جميع وصفات عضوات ماذا ستطبخين اليوم سيدتي

سمك في الفرن لإبتسام

المهم تحطي السمك في صحن او كيس وتضيفي عليه
ملح
فلفل اسود
فلفل احمر الحار والحلو
موطارد
عصير نصف ليمونة
ملعقة اكل زيت زيتون
2 سنينات ثوم رابي
شوية تاع كاتشاب او ملعقة صغيرة عسل لي تحبيهم
حاولي انك تكتري هدي المقادير
خلي الحوت فيه لمدة ساعة من بعد جهزي المقلة حطي فيها 2ملاعق اكل زيت كي يسكن
ارفدي بالوحدة وحطي الى ان تنتهي حاولي الصوص لي يبقى حافضي عليه
عند الانتهاء من الطبخ الحوت مايحكمش بزاف حمريه من جيهتين وخلاص
هداك الصوص لي بقى حطي عليه كرام فراش صبيه فوق الحوت اول مايطبخ طفي عليه النار
كي تحطيه في الصحن قطعي المعدنوس عليه
انا اولادي مايحبوهاش المعدنوس​

 

[rose09000]

رد: جميع وصفات عضوات ماذا ستطبخين اليوم سيدتي

فلان لبرنساس فيفي

حطي لتر حليب +3 علب فلان +نصف علبة نيسلي +نصف لتر كريم فراش سائلة +مغ كبيرة مايزينة خلطي كل شيء امبعد حطيه فوق النار وابقاي تحركي باش ما يلصقلكش من التحت حتى يغلي نحيه من النار وخليه يبرد شوية برك او فرغيه فوق القاعدة لي تكوني وجدتيها من قبل هي زوج علب بيمو +3 مغ كاكاو يكون اكحل بزاف +مغ كبيرة زبدة+ 4مغ كبار سكر وارحيهم مع بعض في الروبواميعد اعجني بالخليب ختى تتجمع حطيها في البلا تاع التشيز كايك ودخليها لفريزو تبرد قيس ما تكوني وجدتي الفلان وفرغي فوقها الفلان وخليها تبرد في الكوزينة امبعد دخليها لثلاجة حتى تبرد مليح​

 

[rose09000]

رد: جميع وصفات عضوات ماذا ستطبخين اليوم سيدتي

تشيز كيك بارد لإبتسام


علبة باسكوي بيمو
زبدة حوالي 60الى 70 غ
200غ جبنة فيلادلفيا
كريم فراش علبة نكونو طلعناها بالباتور
كريم شانتي 100غ تاني طالع
سكر حزالي ربع كاس
جلي فرولة
تحضير
ترحي البيمو ونضيف الزبدة الذايبة
ونضعها في المول
ويدخل الى الثلاجة
من جهة اخرى نخلط الجبنة مع السكر جدا ونضيف الكريم فراش والشانتي
ونسكبها في المول
نقطع الفراو ونضعه فوقها
نسكب عليها الجولي اكون برد شوية
وندخلها الى الثلاجة
وتاكل على الاقل بعد 3ساعات​

 

[rose09000]

رد: جميع وصفات عضوات ماذا ستطبخين اليوم سيدتي

خفاف لدكتورة فرح

شوفي كيلة سميد بكيلة فرينة انا كل مرة نكيل بشوب كبير تاع حليب
3 مغارف زيت
مغرفة كبيرة سكر
مغرف كبيرة خميرة الكسرة
ملح
زاست قارص

خلطي الحاجات الشايحة كامل مع بعضاها يعني سميد و سكر و فرينة و مليح
من بعد ديري حفرة في الوسط حطي مغرف تاع الخميرة و صبي عليها الماء السخون حتى تتخمر
بعد خلطي كلش
متعجنيش دخلي في بعضاه برك
من بعد شمخي بالماء حتى توليلك كيما الغرايف
خليها نص ساعة ترتاح

من بعد ضرك تشوفي بلي راهي تتلسق في يدك
كل متجي طيبي وحدة بلي يديك ضرك تعاونك مليح
و بالهناء و الشفاء
​