ماذا ستطبخين اليوم سيدتي آنستي ..الجزء 51

[نور الحبوبة]

رد: ماذا ستطبخين اليوم سيدتي آنستي ..الجزء 51

مساء لخير ولا صباح الخير منعرف هههه
روز 09 الله احلي ايامك راكي عقابها بالحلوة ان شاء الله تحطينا جديدك في اقرب وقت وبصحتك العرس وماكول الهنا سبقستي بالكرام فراش
ام لفمان ربي يقبل صلاتك انا نهار الجمعة راحة منديش الميناج نديرلهم فطور مليح وباه نتفرغ لقرات القران والصلاة والدعاء الميناج نديرو بالخميس ولا الجمعة وبصحتك البريوش صحتين وهنا
ام سلمى الله اسلمك اختي
انا اليوم لفطور درت شربة وخميرة كنت راح ندير شخشوخة بدقيق القمح ولا تبدل البرنامج ههههه ولعشاء تعشيت في دارنا تليتلي الصور بح​

تصبحو بخير

 

[انريس]

رد: ماذا ستطبخين اليوم سيدتي آنستي ..الجزء 51

صباح الخير عليكم البنات راني جيييت
توحشتكم بزاف بزاف نحط الصور نتاع اعياد الميلاد هههه ونعلق على طياباتكم اللي راهي تشهييييييييي
23/02/2015 عيدميلاد بنتي ريناد واكيد اكيد الغيارة الاخرى قاتلي ديريلي انا تاني تارتة فعملتلهم اثنين ووجدة باسم ريناد و الثنية باسم انريس

وهذي تارت عيد ملاد اختي امينة مسكينة متزوجة بعيد شويا درتهالها ورحنا لعندها درناهالها مفاجاة ربي يطول في عمرها و يهنيها يا رب البارح هدي برك

 

[انريس]

رد: ماذا ستطبخين اليوم سيدتي آنستي ..الجزء 51

نبداو من السيفيرية والميلفاي نتاع امينة ونطلعو هههههههه يعطيك الصحة امينة الميلفاي خرجلك روووووعة ماشاء الله انا كي نخدمو في الدار نحشيه بالبانتان يزيد فيه النص و بصحتك مرة اخرى
نعيمة هدوك المحاجب يشهيييييييييييييو والله مت بالسخفة عليهم والبيتزا تهبل شجعيها بنتك بانة رايحة تخرجلك طباخة من الطراز الرفيع ونت راكي قايمة بيها هنا واش بديتي توالفي؟؟
صفاء ناوية تكمل عليا بهدوك المحاجب تعاندتو ولا كيفاه ههههههههههه يعطيك الصحة جاوك هايلين
ام لقمان انا نموت على الشربة والروز بصح هديك الجاجة ما خلاتهمش يبانو خرجتلك رووووعة وراهي دارت سوكسي عظيم جات محمرة تهبل نجربها عن قريب طريقتك عجبتني بزاااااااااااف بزاف والبريوش تاني جاك يهبل ميرسي على العرضة بصح انا جيت روطار منعرف كشما بقالي ولا والو
روز قصدي امال ههه راجلك كشفك بهديك التارتة ههه تتهناو في زواجكم وعيد ميلاد سعيد و عجبتني الحطة نتاع العرس اللي رحتو ليه تهبل بصحتك العرس و لي تارت نتاعك و تحلياتك يهبلو الله يبارك يعطيك الصحة فنانة ما شاء الله
نداااااااااااااااء
حدووووووووووووووود و نسوووووووووم و ام رزقوو انوووووووووووس و سموووووووورة والبرنسيسة و روز المشرفة و سوسووووووووووووووووو مولات الكوزينة خليتي ضيافك و هربتي اين انتن؟؟؟؟؟؟؟؟

 

[oumsif]

رد: ماذا ستطبخين اليوم سيدتي آنستي ..الجزء 51

السلام عليكم بعد غياب جبتلكم بعض الاطباق ان شاء الله يعجبوكم
هدي سلاطة بالثليثلي

وهدي لي سوشيوالماكي انتاع الشناوة بني عم حدة ههههههه

هدي كالدي

اسكالوب بلفرماج وصوص الفطر

كيكة الدانيت لام اماني

تطبيقي لكاكبيجو لامزيغية وافتخر جاء روعة ما نزيدش نشريه

من الداخل

 

[انريس]

رد: ماذا ستطبخين اليوم سيدتي آنستي ..الجزء 51

ام سيف اطباق رووووووووووووووووووعة روعة
ماتقوليليش انت هي سمورة وانا راني مدايرة عليك الروشارش
السكالوب يبان يشهي كيفاه درتيه؟؟

 

[oumsif]

رد: ماذا ستطبخين اليوم سيدتي آنستي ..الجزء 51

ماشاء الله علي اطباقكم راهي روعة تسلم ايديكم
روز09 عيد ميلاد سعيد وعيد زواج اسعد ربي يهنيك ويخليلك المسيو تاج فوق راسك وبصحتكم الكيكات
اسماء عيد ميلاد سعيد لانريس وريناد ربي يعيشهملك وعيد ميلاد سعيد لاختك كيكات روعة تسلم ايدك يالفحلة

 

[oumsif]

رد: ماذا ستطبخين اليوم سيدتي آنستي ..الجزء 51

اسماء :هي بدات بشحمها ولحمها ههههههه

 

[Oum Loukmane]

رد: ماذا ستطبخين اليوم سيدتي آنستي ..الجزء 51

صباح النور اسماء عيد ميلاد سعيد للبنوته ولخيتك الله يطول في اعمرهم ويخليكم لبعض
البقييه صباح النور عليكم كامل

 

[Oum Loukmane]

رد: ماذا ستطبخين اليوم سيدتي آنستي ..الجزء 51

اليوم عندي عشا البارح هاهي الصور والفطور درت كرنتيكا كي توجد نصو رها لكم

 

[انريس]

رد: ماذا ستطبخين اليوم سيدتي آنستي ..الجزء 51

ههههههههههههه سمورة بدلتي العنوان تودرتيلي ما لقيتكش حنونتي مزيا زربت فقت ههه
ام لقمان اممممممممممممم شهيتيني في المشوي بالصحة والهنا و بصحتكم الكرنطيطا

 

[Oum Loukmane]

رد: ماذا ستطبخين اليوم سيدتي آنستي ..الجزء 51

هاذي الكرنتيكا وجدت

 

[آمِيْرَتُه]

رد: ماذا ستطبخين اليوم سيدتي آنستي ..الجزء 51

السلام عليكم
بصحتكم وربي يدومها نعمة
هذا تطبيقي لشخشوخة أول مرة نديروها في دارنا
راني نتعلم طياب ناس الشرق راح نروح عروسة عندهم هههه

في الدار عجبتهم جات روعة و الله أعلم واش رايكم؟

 

[السلطانة]

رد: ماذا ستطبخين اليوم سيدتي آنستي ..الجزء 51

يعطيك الصحة منيني جاتك هايلة ههه
هادي راهي اكلة اساسية عند ناس الشرق تهلاي فيها
وفي الشخشوخة تاع الظفر عندك ماراح تشخشخي ههه

بصحتكم

 

[انريس]

رد: ماذا ستطبخين اليوم سيدتي آنستي ..الجزء 51

ام لقمان بصحتكم الكارنتكا جات رووووووووووعة
ومنيني مادام راكي حابة تتعلمي شخشوخة ناس الشرق نعطيك بعض النصائح
اولا بالنبة للمرقة او لا صوص
انصبيها كالتالي
رابي حبة كبيرة بصل و قليها مليح في الزيت ضيفيلها الجاج و الحمص يكون طايب من قبل و شويا ملح و فلفل اسود وطماطة حب و كونسارف في زوج قلي مليح وامرقي وتقدري تلوحي معاها راس فلفل اخضر حار للنكهة
ما ديريش التوم و اللفت و البطاطة والجزر ممكن تديري الجريوات متاثرش بزاف على النكهة الباقي لا باه تميزي طعم الشخشوخة هكدا تجي كلي كسكسي خاصة بنكهة اللفت
بالنسبة للعجينة مديريش هدي لللي تتباع ما تجيش مليحة اعجنيها وحدك في الدار و اكيد رايحة تلاحظي الفرقفرق شااااااااااسع
جيبي السميد نتاعك عادي ما و ملح و اعجني مليح كلي رايحة تديري مفرمسة او المحاجب
ديريها دي بول شويا كبار على نتاع المحاجب
وهنا كاين طريقتين كاين اللي يحللوها بالنشا وهكدا تقدري تيبسيها و تخبيها مدة طوييييلة كيما الكسكسي انا منحبش هدي الطريقة
انا نحلها بالزيت رقيقة ونطيبها لكن متكونش قد الرقاق تكون اكتر شويا وماشي خشينة و مبعدا كي طيب ديريها داخل ساشي باه تبقى سخونة و تجيك ساهلة في االتقطاع
التقطاع تحبي تقطعيها بيدك رقيقة خلاص وهدي هي شخشوخة الظفر و تحبي تقطعيها بالمقص او السكين وكاين اللي يجوزوها في مشينة الرشتة لكن في الجهة الخشينة يخرجولك شرائط قطعيهم بيدك او لميهم قدام بعضاهم و قطعيهم مربعات صغيرة بالموس و
شهية طيبة

 

[آمِيْرَتُه]

رد: ماذا ستطبخين اليوم سيدتي آنستي ..الجزء 51

ساندريلا : هههه ان شاء الله
انريس : مشكورة اختي هذي لي استعملتها جابتهالي عجوزي الله غالب منعرفش نخدمها نتاع الدار راني عاداك جديدة في الشرق هههه

 

[انريس]

رد: ماذا ستطبخين اليوم سيدتي آنستي ..الجزء 51

علابالي منيني انا كي قلتي حابة نتعلمها عطيتك هدوك الخطوات
وناكدلك كن تبعي طريقتي رايحة تطيريها لعجوزتك اللي من الشرق
جربيها و رجعيلي الخبر
نسيت نقلك كي تخلصي تقطاع فوريها و طيبيها في المرقة نتاعها مالازمش المرقة تكون بزاف
جيبي اناء واسع مثلا مقلة كبيرة و حطي فيها الشحشوحة و سقسها بالمرقة بلا ما تغمريها و حطيها على نار ضعييييييييفة تطيب لوحي معاها طرف زبدة وهي طيف وحد 2 مغارف او ثلالثة زبدة والافضل تكون زبدة نتاع بقرات جديدة تجي امممممممم
التقديم قدميها مع فلفل حار مقلي
تشوفي دوك الروايح تعود تنفنف امممممممممممممممممممم

 

[oumsif]

رد: ماذا ستطبخين اليوم سيدتي آنستي ..الجزء 51

مساكم بالخير ياحراير
ام لقمان بصحتك المشوي والكرنطيطا تسلم ايدك
منيني يعطيك الصحة علي الشخشوخة باينة بنينة بصحتك ومرحبا بيك عندنا في الشرق

 

[oumsif]

رد: ماذا ستطبخين اليوم سيدتي آنستي ..الجزء 51

روزمرحبا بيك وباطباقك يعطيك الصحة باينة تحفونة

 

[rose09000]

رد: ماذا ستطبخين اليوم سيدتي آنستي ..الجزء 51

صباح الخير عليكم و يعطيكم صحة على الخير لي حطتوه ربي يحفظكم لعائلتكم:thumb_up02:
نشكركم بزاف على تعليقتكم هذا من ذوقكم:regards01:
اليوم فطوري إن شاء لحم محمر باللوبيا ماشطو صوتي و فريت محبوبة الجماهير
أم لقمان يعطيك الصحة كلش يشهي من بريوش للكرانتيتا ربي يباركلكم
نور بصحتكم كلش و خاصة تلتلي في دراكم فيها بنة خاصة أنا دايما ماكلة أمي تجيني بنينة ربي يحفظها و يحفظ جميع الأمهات
أنريس مبروك علي بنتك لعقوبة لمئة سنة و تارتة خرجتلك تحفة متقونة في خدمة شعال قعدت معها:sحبيت نسقسيك خدمتبها بعجينة سكر هل هى بنينة؟و عيد ميلاد سعيد لأختك عجبني تقطيع الفاكهة كي تقدري جطيلنا نستفدو منك:regards01:
أم سيف بصحتكم و كلش الله يبارك يعطيك الصحة علمينا من فضلك سوشي حنا مازال مالحقش لينا
منيني شخشوخة جاتك هايلة في تصويرة راهي تشهي بصحتكم و إنسان كثرة تطبيق يولي مبدع ربي يوفقك
روز أصلية بصحتكم سباقيتي بلا شك بنين خطرش من يديك الله يبارك و يزيد
هاكوا قاطو بش تشربوا قهوة :-r

 

[Oum Loukmane]

رد: ماذا ستطبخين اليوم سيدتي آنستي ..الجزء 51

شكرا اختي على القاطو شهيتني صباح النور عليكم كاملين