كـرسـي التعآرف { الضيـف السآبع عشر }Malika Tlm

[Malika Tlm]

رد: كـرسـي التعآرف { الضيـف السآبع عشر }Malika Tlm

السلام عليكم و رحمة الله تعالى و بركاته
هلا و سهلا بالاخت مليكة تشرفت بمعرفتكي متابعة باذن الله
لا احب ان اسال
ارجو ان تكوني بخير ان شاء الله يارب
وفقكي الرحمن و رزقكي بما تحبين فيما يحب و يرضى لكي
تحياتي احترامي و تقديري لشخصكم الكريم
في امان الله و حفظه
سلام الله عليكم​

وعليكم السلام ورحمة الله تعالى وبركاته
لي كل الشرف اختي لتواجدي بينكم هنا
انا بخير والحمد لله عسا ان تكوني انت بخير وعافية
اللهم أميـــــــــــــن ، لك بالمثل اختي الغالية
بوركت على الطلة ،، دمت بخيــر​

 

[Malika Tlm]

رد: كـرسـي التعآرف { الضيـف السآبع عشر }Malika Tlm

السلام عليكم اهليييييييييييين اختي مليكة نورتي :regards01::regards01:
وعليكم السلام ، اهلا بيك اختي توتة منور بوجودكم :d
عذرااا كنت غائبة عن منتدى و دخلت حبيت نقولك متشرفين حبيبتي
ان شا الله فغيابك خير اختي ،، الشرف لي بمعرفتكم وتواجدي بينكم
اهليييين بيك في وسط اهلك و احبابك :love01::love01::love01::love01:

نتمنى تعجبك الاقامة عندنا و اذا كشماخصك احنا هنا :$:$:$
يعطيك الصحة حبيبة ربي يخليك لحد الان كلشي راهم قايمين بيه وادا ماحتاجيت اني نقولك :p
ربي يخليلك وليدك و عندي ليك سؤال وحيد
امين اختي ربي يحفظك ويخليك نتي تاني
ما اسم ابنك؟؟؟على من سميتيه؟؟؟
اسمه الحقيقي فالدفتر عبد الصمد بومدين بصح احنا في عائلتي سميناه اسماعيل ونعيطولو برك بيه
هل تريدين اصلاح الماضي ام تتمنين الجديد الافضل؟؟؟؟
انا نتمنى الجديد احسن بصح الظروف خلاتني نحوس نصلح الماضي
اتمنى لكي اقامة طيبة على كرسي الجمر هههه:p:p:p:p

دمت متالقة

معك توتة شاوية :d:d:d

ربي يخليك حبيبتي الشاوية الفحلة
ربي يوفقك في قرايتك وفي حياتك :regards01:
نورت توتة :d
​

 

[touta04]

رد: كـرسـي التعآرف { الضيـف السآبع عشر }Malika Tlm

الله يبارك عبد الصمد بومدين

ربي يحفضهولك و يخليهولك ذخر و فخر تفرحي بيه ان شاء الله

نتمنى تعجبك قعدة معانا و اهللا بيك و بناس تلمسان الغالية على قلبي هي و ناسها :regards01:

 

[Malika Tlm]

رد: كـرسـي التعآرف { الضيـف السآبع عشر }Malika Tlm

الله يبارك عبد الصمد بومدين

ربي يحفضهولك و يخليهولك ذخر و فخر تفرحي بيه ان شاء الله

نتمنى تعجبك قعدة معانا و اهللا بيك و بناس تلمسان الغالية على قلبي هي و ناسها :regards01:

يبارك فيك حبيبتي
اللهم أمين ربي يخليك الزينة
الله يسلمك يا غالية
نورينا شي مرة بزيارة تلمسان كلها ترحب بيك :regards01:​

​

 

[touta04]

رد: كـرسـي التعآرف { الضيـف السآبع عشر }Malika Tlm

يبارك فيك حبيبتي
اللهم أمين ربي يخليك الزينة
الله يسلمك يا غالية
نورينا شي مرة بزيارة تلمسان كلها ترحب بيك :regards01:​

​

باذن الله راح نزورها و هذا وعد مني و راح نتصل بيكم جميع احبابي في منتدى و كل يوم

سهرة عند حد ههههه :p:p:p:p:p:p

شرفتي حبيبتي الله ينورك :regards01::regards01:

 

[sami44]

رد: كـرسـي التعآرف { الضيـف السآبع عشر }Malika Tlm

السلام عليكم
مرحبا بالاخت مليكة وبناس تلمسان
اتمنى لك اقامة طيبة على كرسي التعارف
اوقات طيبة ان شاء الله

 

[Skor m@k]

رد: كـرسـي التعآرف { الضيـف السآبع عشر }Malika Tlm

السلام عليكم
ان شاء الله تلقاي راحتك فوق الكرسي

نبداو بالأسئلة و ان شاء الله من طولوش عليك

هل تحبين كرة القدم ؟


اي فريق رياضي تشجعينه ؟

ماهو شئ المميز عنكي ؟

ماهي اجمل منطقة زرتها لحد الأن ؟

واش الهدرة لتبغيها تاع.. الوسط والا الغرب ولا تاع الشرق ولا الجنوب ؟

علاش مكملتيش قرايتك ؟

واش العبرة لديتيها من هذا الزواح ؟

- هل انتي محجبة حجاب شرعي ولا تاع خمار و سروال ؟

وشكرا لك

نخلو شويا أسئلة للأعضاء ههههه

ولي عودة ان شاء الله ​

 

[Malika Tlm]

رد: كـرسـي التعآرف { الضيـف السآبع عشر }Malika Tlm

باذن الله راح نزورها و هذا وعد مني و راح نتصل بيكم جميع احبابي في منتدى و كل يوم

سهرة عند حد ههههه :p:p:p:p:p:p

شرفتي حبيبتي الله ينورك :regards01::regards01:

اييه ان شاااااا الله
هههه ارواحي برك والله بيتنا مفتوح ليك والاحباب في كل وقت
بلاكي برك تجي تلمسان وماتجيش لعندي رايحا تكون نهايتك هههه
ربي يخليك حبيبة وينورك​

 

[Malika Tlm]

رد: كـرسـي التعآرف { الضيـف السآبع عشر }Malika Tlm

السلام عليكم
مرحبا بالاخت مليكة وبناس تلمسان
اتمنى لك اقامة طيبة على كرسي التعارف
اوقات طيبة ان شاء الله

وعليكم السلآم
ترحب بيك الجنة أخي
ربي يخليك ويوفقك
سعدت بطلتك :regards01:​

 

[Malika Tlm]

رد: كـرسـي التعآرف { الضيـف السآبع عشر }Malika Tlm

السلام عليكم
ان شاء الله تلقاي راحتك فوق الكرسي
وعليكم السلآم اهلا
الحمد لله راني لاقيا راحتي لحد الان :d
نبداو بالأسئلة و ان شاء الله من طولوش عليك

هل تحبين كرة القدم ؟

نعم ،نحب نتابع المباريات بزااف
اي فريق رياضي تشجعينه ؟
الخضر طبعا و ريال مدريد :sport02:
ماهو شئ المميز عنكي ؟
الحنان الزائد :$
ماهي اجمل منطقة زرتها لحد الأن ؟
مازرتش مناطق بزاف بصح لي عجبتني وهران فروندمار
واش الهدرة لتبغيها تاع.. الوسط والا الغرب ولا تاع الشرق ولا الجنوب ؟
الغرب طبعا وتاني الوسط
علاش مكملتيش قرايتك ؟
كانت عنا ظروف عائلية الوالد ربي يرحمو كان مريض بزاف واضطريت اني نبقى مع الوالدة باش نعاونها
واش العبرة لديتيها من هذا الزواح ؟
ماطولتش في زواجي باش ندي العبرة كانت مدة زواجي 6 اشهر فقط
ماديت حتى عبرة
- هل انتي محجبة حجاب شرعي ولا تاع خمار و سروال ؟
حجاب طويل وخمار ومرات دي jupe
وشكرا لك

نخلو شويا أسئلة للأعضاء ههههه

ولي عودة ان شاء الله ​

يعطيك الصحة اخي عجبوني اسئلتك
رجعتني للماضي وخليتني نخمم ونتفكر بزااف هههه
في انتظار عودتك
بارك الله فيك​

 

[touta04]

رد: كـرسـي التعآرف { الضيـف السآبع عشر }Malika Tlm

السلام على اختنا مليكو ملكتنا الجديدة :regards02::regards02::regards02::regards02:

:regards01::regards01::regards01::regards01::regards01:

كيف حالك؟؟؟:d

انتهى وقت استقبال و اتى وقت جد :p:p:p:p

وش طيبتي للغداء اليوم؟؟؟

كيفاه كات علاقتك قديما مع عجوزتك؟؟؟:p:p:p

هل انت من مستمعي اغاني ماهي الاغنية الي تأثر فيك او انشودة؟؟ظ

وش حافظة من قرآن؟؟؟

لو خيروك بين ابنك و زاوج ؟؟؟وش تختاري سؤال صعب مع احساسي بنتيجة

يكفوك هذو و لي عودة :d:d:d:d

:regards01::regards01::regards01:

 

[Malika Tlm]

رد: كـرسـي التعآرف { الضيـف السآبع عشر }Malika Tlm

السلام على اختنا مليكو ملكتنا الجديدة :regards02::regards02::regards02::regards02:
وعليك السلام زهرتنا النرجسية
:regards01::regards01::regards01::regards01::regards01:

كيف حالك؟؟؟:d
الحمد لله بخير وعافية ومورال 100/100 :d:sport02:
انتهى وقت استقبال و اتى وقت جد :p:p:p:p
هههه وانا لك بالمرصاد :sport01:
وش طيبتي للغداء اليوم؟؟؟
جلبان وفلفل وسلاطة والحمد لله
كيفاه كات علاقتك قديما مع عجوزتك؟؟؟:p:p:p
هي كانت معايا مليحه بصح كي يدورو بيها بناتها تتحول 360 درجة بصح كنت نساعف الله غالب كبيره
هل انت من مستمعي اغاني ماهي الاغنية الي تأثر فيك او انشودة؟؟ظ
نحب نسمع اغاني شرقية واغاني المرحوم حسني والاغنية لي تعجبني بزاف بزاف عبالي حبيبي لايليسا :$
وش حافظة من قرآن؟؟؟
جزء عم ،الكهف ،الواقعة ، ياسين ،الرحمن ، وبعض من سورة البقرة
وامنيتي نكمله كامل ربي يوفقنا اجمعين
لو خيروك بين ابنك و زاوج ؟؟؟وش تختاري سؤال صعب مع احساسي بنتيجة
وكان الزوج يقبل بابني مدابيا بصح ادا كان واحد فيهم اكيد ابني اسبق
يكفوك هذو و لي عودة :d:d:d:d

:regards01::regards01::regards01:

يعطيك الصحة توتة راكي جايبتها
في انتظار عودتك
وراكي غي تزيدي تطلعي فدرجات الاسئلة هههه
ربي يخليك الزينة
​

 

[touta04]

رد: كـرسـي التعآرف { الضيـف السآبع عشر }Malika Tlm

الله يبارك فيك غاليتنا :regards01::regards01:

لابأس بيك في اجابات عرفتي تسلكي روحك :bravo01::bravo01:

و هاقد عدنا :sport01::sport01:

اولا

كيفاه عرفتي كنيتي"الزهرة النرجسية" ؟؟؟:p:p

وش هي الصفة الي متحبيهاش في الرجل؟؟

هل الرجل يفهم المرأة؟؟ام مجرد حلم لدى النساء؟؟ههههه

مامستواك دراسي؟؟؟هل تمنيتي لو اكملتيه؟؟؟

ماذا كانت مليكة ان تكون ان اكملت دراستها؟؟؟

ماذا تعني لكي هذه الاسماء

الأم
الأب
ألاخ
الصديقة
المنتدى

ماذا تقولين في

أميرتنا
ام منير
باندي
نجيب
محمدامين
نور
و توتة :love01::love01:

في اخير اتمنى مانكون طولت عليك

لكن القادم اعظم :p:p:p

 

[Malika Tlm]

رد: كـرسـي التعآرف { الضيـف السآبع عشر }Malika Tlm

الله يبارك فيك غاليتنا :regards01::regards01:
بيارك فيك حبيبتي
لابأس بيك في اجابات عرفتي تسلكي روحك :bravo01::bravo01:
ههه الحمد لله
و هاقد عدنا :sport01::sport01:
اهلا وسهلا في كل وقت
اولا

كيفاه عرفتي كنيتي"الزهرة النرجسية" ؟؟؟:p:p
هههه العصفورة خبرتني :p:p
وش هي الصفة الي متحبيهاش في الرجل؟؟
الحقرة والكذب
هل الرجل يفهم المرأة؟؟ام مجرد حلم لدى النساء؟؟ههههه
هههه كاين فالرجال انواع
كاين المسنطح لي مايفهمش باي طريقة من الطرق وكاين لي يحاول يتفهم ويوصل لجزء من فهم المراة
بصح باش يفهمها كليا مستحيل هادي هههه
مامستواك دراسي؟؟؟هل تمنيتي لو اكملتيه؟؟؟
2 ثانوي طبعا تمنيت اني لو كملت لكن للاسف
ماذا كانت مليكة ان تكون ان اكملت دراستها؟؟؟
كنت نتمنى طبيبة اطفال
ماذا تعني لكي هذه الاسماء

الأم : وطن الذي الجا اليه
الأب : سعادتي وحبي الاول ،،، رحمه الله والدي واسكنه فسيح جناته
ألاخ : امان و سند
الصديقة : اخت لم تلدها امي
المنتدى : عائلتي الثانية ومتنفسي

ماذا تقولين في

أميرتنا : فراشة المنتدى ومدللة العائلة
ام منير : الاخت الحنونة والام المثالية
باندي : يبان شخصية مرحه وطيب
نجيب : نشيط وكاتب مميز وتروقني كتاباته جدا جدا
محمدامين : انسان طيب ويحب الخير وخلوق
نور : البنت العاقلة والرزينة
و توتة :love01::love01:
اممم توتة يا توتة هههه محبوبة ومرحه وتدخل بسرعة الضوء للقلوب ههه
ربي يحفظكم كامل ويوفيلكم لي بقلوبكم
في اخير اتمنى مانكون طولت عليك

لكن القادم اعظم :p:p:p

لا ماطولتي والو بالعكس عجبوني اسئلتك يعطيك الصحة
في انتظار القادم :sport02:
منورة غاليتي

 

[touta04]

رد: كـرسـي التعآرف { الضيـف السآبع عشر }Malika Tlm

الله يرحم والدك و جميع المسلمين و اسكنهم فسيح جنانه

الظاهر انك شاطرة بزاااااااااااااااااف و هذه من خصال المرأة الجزائرية الاصيلة

تشرفت بيك حبيبتي :regards01::regards01::regards01:

في اخير نزيدلك شوي و بلاك تقلقي مني اني حبيت نعوض اسئلة اسبوع لاني راح نغيب من غدوا بلاك اكثر من اسبوع حبيت نعوض :d:d:d:d:d

احكيلنا نكتة ضحكاتك؟؟؟؟هههه

و احكيلنا قصة صراتلك في حياتك تضحك؟؟؟راح نخليك تجبدي قاموس ذكريات ههههه

اوصفيلنا تلمسان في كلمات؟؟؟

ما رأيك في الشاوية ناس شرق ؟؟؟ماتخافيش اهدري فيهم وانا نعاونك :p:p:p:p:p

ماهي مدينة الي تمنيتي تزوريها؟؟على مستوى وطن و خارجه؟؟

في جزائر منطقة الي تعجبك؟؟

اكلة متعرفيش طيبيها؟؟؟و انا نوريهالك هذا وعد ههههه

اسماعيل (عبدالصمد بومدين)حبيبي أكلتو مفضلة؟؟؟

ذكريات مليحة من زواجك؟؟؟

هل انت من نساء متذمرات او شاكرات؟؟؟:-r:-r:-r

متفاءلة بالحياة ام لا؟؟و لما

بيت شعري تحبينه؟؟ماذا يعني لكي؟؟؟

بالمناسبة انا 2 احب تلك اغنية اذكريلي شطر منها

علبالي راح نهبلك ربي يسترك مني :p:p:p:d:d:d:d

نخليك مع اسئلتي نروح نتعشى و نجيك هههههه

دمت رائعة :regards01::regards01::regards01:

 

[Malika Tlm]

رد: كـرسـي التعآرف { الضيـف السآبع عشر }Malika Tlm

الله يرحم والدك و جميع المسلمين و اسكنهم فسيح جنانه

اللهم أميــن
الظاهر انك شاطرة بزاااااااااااااااااف و هذه من خصال المرأة الجزائرية الاصيلة
الله يسلمك حبيبة شهادة اعتز بها
تشرفت بيك حبيبتي :regards01::regards01::regards01:
الشرف لي بمعرفتكم وتواجدي بينكم
في اخير نزيدلك شوي و بلاك تقلقي مني اني حبيت نعوض اسئلة اسبوع لاني راح نغيب من غدوا بلاك اكثر من اسبوع حبيت نعوض :d:d:d:d:d
هههه لا باس غاليتي مرحبا بيك
احكيلنا نكتة ضحكاتك؟؟؟؟هههه
كاين هادي ههههه
كان واحد ماشي في سيارتو ومعاه زوجتيه, وفجأة السيارة تعطلت نزل الراجل يشوف, نطقت مرتو لمثقفة وقالت: شوف بلاك الكالبيراتور؟ غارت الزوجة لخرا وقالت انا تاني لازم نهدر حاجة حتى وإن كنت مانعرفش للسيارات…وقالتلو: يا راجل شوف بلاك نسيت البارمي

و احكيلنا قصة صراتلك في حياتك تضحك؟؟؟راح نخليك تجبدي قاموس ذكريات ههههه
مرة كان فعمري 19 سنة وكنت برا وجايزة على قهوة ازلقت فقشور بنان وجيت فلرض ههه .تبهديلة النهار هداك منناساهااااش هههه
اوصفيلنا تلمسان في كلمات؟؟؟
جوهرة الغرب مدينة عريقة واثرية ، سياحية جميلة
ما رأيك في الشاوية ناس شرق ؟؟؟ماتخافيش اهدري فيهم وانا نعاونك :p:p:p:p:p
ههه الشاوية راسهم خشييين هههه ناس كرماء وناس ملاح وراه عندننا الدليل هنا :d
ماهي مدينة الي تمنيتي تزوريها؟؟على مستوى وطن و خارجه؟؟
جيجل وخارجه دبي
في جزائر منطقة الي تعجبك؟؟
سكيكدة
اكلة متعرفيش طيبيها؟؟؟و انا نوريهالك هذا وعد ههههه
نعرف كلشي الحمد لله هههه كاين الشخشوخة مزال ماعرفت :$
اسماعيل (عبدالصمد بومدين)حبيبي أكلتو مفضلة؟؟؟ا الله يخليك

ربي يخليك نتي تاني ،، يحب الاكلات السريعة بيتزا وهمرغر ومشاوي وو اك تعرفي الصغار :d

ذكريات مليحة من زواجك؟؟؟
للاسف مكان حتى ذكرى مليحه ،، 6 اشهر فاتت هم ونكد ومشاكل
هل انت من نساء متذمرات او شاكرات؟؟؟:-r:-r:-r
لا الحمد لله رغم كلشي شاكرة
متفاءلة بالحياة ام لا؟؟و لما
مرات نياس بصح نتفكر قول ربي سبحانو (عسى أن تكرهوا شيئا وهو خير لكم ) نعاود نتامل ونقول بلاك الحياة مخبيتلي حاجه مليحه
بيت شعري تحبينه؟؟ماذا يعني لكي؟؟؟
لم اتمنى البكاء يوما ولكن هم الزمان ابكاني
تمـنيت ان اعـيش كمـا تريد نفسي
ولكن نفسي عاشت كما يريد زماني
يمثل حالتي
بالمناسبة انا 2 احب تلك اغنية اذكريلي شطر منها
يعجبني هاد المقطع
ليله البسلك الابيض
وصير ملكك والدنيا تشهد
وجيب منك انت طفلك انت مثلك انت
علبالي راح نهبلك ربي يسترك مني :p:p:p:d:d:d:d
هههه لا لا بالعكس يسعدني تواجدك
نخليك مع اسئلتي نروح نتعشى و نجيك هههههه

دمت رائعة :regards01::regards01::regards01:

ربي يحفظك زهرتنا ويخليك
يسعدني تواجدك وحضورك
ووفاؤك للكرسي هههه
صحا عشاتك :d
شكرا​

 

[touta04]

رد: كـرسـي التعآرف { الضيـف السآبع عشر }Malika Tlm

شكراااااااااااااااا على وفاءك انت و اجوبتك صادقة :regards01::regards01:

اما على هذي حبيت نقولي :thumb_up02::thumb_up02::thumb_up02: :regards01::regards01:

"كان واحد ماشي في سيارتو ومعاه زوجتيه, وفجأة السيارة تعطلت نزل الراجل يشوف, نطقت مرتو لمثقفة وقالت: شوف بلاك الكالبيراتور؟ غارت الزوجة لخرا وقالت انا تاني لازم نهدر حاجة حتى وإن كنت مانعرفش للسيارات…وقالتلو: يا راجل شوف بلاك نسيت البارمي"

اما على الشخشوخة حدديلي نوع الي تحبي تتعلميه(شخشوخة الظفر او التريدةاو الرشتةاو تع طاجين و اختك اي هنا نجيبلك وصفة مضمونة باذن الله)

اما على البيت الشعري فعلا بيت رائع و معبر :up::up:

و عن كلمات تلك اغنية والله لنا نفس مقطع خاصة"اجيب منك انت طفلك انت......" :-r:-r:-r:-r:-r :love01::love01::love01::love01:

دمت رائعة

اتمنى لكي اقامة رائعة و اسبوع ممكن لا تنسى اوصلي قبلاتي لحبيبي الصغير :love01::love01:

اذا كشما تذكرت اني نجي ههههه:d:d:d:d

تحياتي لكي :regards01::regards01:

 

[Malika Tlm]

رد: كـرسـي التعآرف { الضيـف السآبع عشر }Malika Tlm

شكراااااااااااااااا على وفاءك انت و اجوبتك صادقة :regards01::regards01:
والشكر لك على اسئلتك وحضورك غاليتي
اما على هذي حبيت نقولي :thumb_up02::thumb_up02::thumb_up02: :regards01::regards01:

"كان واحد ماشي في سيارتو ومعاه زوجتيه, وفجأة السيارة تعطلت نزل الراجل يشوف, نطقت مرتو لمثقفة وقالت: شوف بلاك الكالبيراتور؟ غارت الزوجة لخرا وقالت انا تاني لازم نهدر حاجة حتى وإن كنت مانعرفش للسيارات…وقالتلو: يا راجل شوف بلاك نسيت البارمي"

اما على الشخشوخة حدديلي نوع الي تحبي تتعلميه(شخشوخة الظفر او التريدةاو الرشتةاو تع طاجين و اختك اي هنا نجيبلك وصفة مضمونة باذن الله)
هههه تلفتيهالي هههه مانيش عارفة انا حاسبة كاينة شخشوخة وحده بصح راه طلع فيها انواع هههه
اما على البيت الشعري فعلا بيت رائع و معبر :up::up:

و عن كلمات تلك اغنية والله لنا نفس مقطع خاصة"اجيب منك انت طفلك انت......" :-r:-r:-r:-r:-r :love01::love01::love01::love01:

دمت رائعة

اتمنى لكي اقامة رائعة و اسبوع ممكن لا تنسى اوصلي قبلاتي لحبيبي الصغير :love01::love01:
شكرا غاليتي وان شا الله توصل امانتك :regards02:
اذا كشما تذكرت اني نجي ههههه:d:d:d:d

تحياتي لكي :regards01::regards01:

انت الاروع غاليتي
سعدت بتواجدك واسئلتك وخفة دمك
وكاش ماتفكرتي راني هنا تنوري في كل وقت
ربي يحميك ويسعدك


​

 

[نجيب]

رد: كـرسـي التعآرف { الضيـف السآبع عشر }Malika Tlm

سلام مليكة ان شاء الله راهم متهلين فيك

توتة مع اميرة و زيدي عليهم عاشقة الجنة هدوا حتى الاسرار نتاوعك يجبدوهم بالاسئلة

مزال اميرة تلعبها متعرفش و تقولك واش نوع تيلفونك و تزيد تلعبها متعرفكش و تقولك و اش من خط تستعملي و علاش؟؟

أم منير راهي غالقة فمها تقول جامي دخلت لكرسي التعارف

مليكة والله خاطيني الاسئلة بصح راني نتبع كلشي

ان شاء الله برك تكوني مبسوطة و يتهلاو فيك ​

 

[أم منيــــــر]

رد: كـرسـي التعآرف { الضيـف السآبع عشر }Malika Tlm

يا نجيب انا من عادتي ما نسقسيش بزاف راك تعرف
نتفرج برك وندير اعجابات
مليكة رحبت بها نهار لول وراني ندخل مرة على مرة نقرعج
راني نوجدلها شويا اسئلة :d
​