كـرسـي التعآرف { الضيـف السآبع عشر }Malika Tlm

[Malika Tlm]

رد: كـرسـي التعآرف { الضيـف السآبع عشر }Malika Tlm

سلام مليكة ان شاء الله راهم متهلين فيك
اهلا لا نجيب ،لا الحمد لله راهم متهليين غايا :d
توتة مع اميرة و زيدي عليهم عاشقة الجنة هدوا حتى الاسرار نتاوعك يجبدوهم بالاسئلة
ههههه معلش راني ليهم بالمرصاد
مزال اميرة تلعبها متعرفش و تقولك واش نوع تيلفونك و تزيد تلعبها متعرفكش و تقولك و اش من خط تستعملي و علاش؟؟
ههههه راني نستنى فسؤالها الكلاسيكي هدا ههه
أم منير راهي غالقة فمها تقول جامي دخلت لكرسي التعارف
ام منير راها حشمانة تدخل بلاك خاصها نحلفو عليها باش تزورنا :p
وين راكي ام منير والله غير تدخلي ما تحشميش هههه
مليكة والله خاطيني الاسئلة بصح راني نتبع كلشي
علابالي نجيب خاطيك اسئلة راني شفتك فاالكراسي لي قبلي ههه تكتفي برك بالزيارة والااطمئنان
ان شاء الله برك تكوني مبسوطة و يتهلاو فيك ​

بارك الله فيك نجيب
نورتنا بطلتك البهية :regards01:​

 

[نجيب]

رد: كـرسـي التعآرف { الضيـف السآبع عشر }Malika Tlm

ههههه و الله غير تدخلي يا ام منير و تطرحي أسئلة

رانا نستناو فيك ​

 

[أم منيــــــر]

رد: كـرسـي التعآرف { الضيـف السآبع عشر }Malika Tlm

صباح الخير
علاش يا نجيب تحلف عليا كنت نعزز في روحي زعما هههه
راكي مريحة ما يخصك والو؟
مليكة واش رايك في اللمة واعضاءها الحبوبين
كفاش راها استعداداتك الروحانية لشهر رمضان
شهر شعبان شهر الخيرات واعمال الطاعات واش تقدري ديري في هاد الشهر الكريم للتقرب الى الله تعالى
نخلي بقية الاسئلة للجماعة
ما جيتش يدي فارغين راني جبتلك حاجة حلوة

​

 

[فجري لا وربي]

رد: كـرسـي التعآرف { الضيـف السآبع عشر }Malika Tlm

يعطيكم الصحة
فكرة مليحة لتوثيق الصداقات
تحياتي​

 

[نجيب]

رد: كـرسـي التعآرف { الضيـف السآبع عشر }Malika Tlm

صباح الخير
علاش يا نجيب تحلف عليا كنت نعزز في روحي زعما هههه
راكي مريحة ما يخصك والو؟
مليكة واش رايك في اللمة واعضاءها الحبوبين
كفاش راها استعداداتك الروحانية لشهر رمضان
شهر شعبان شهر الخيرات واعمال الطاعات واش تقدري ديري في هاد الشهر الكريم للتقرب الى الله تعالى
نخلي بقية الاسئلة للجماعة
ما جيتش يدي فارغين راني جبتلك حاجة حلوة

​

هدي سمانه و حنا نستناو فيك و كي جيتي جبتي زوج أسئلة من عند لخرين و حبة

طرونش ناع 20 دج و جاية فرحانة واش رايك في رمضان واش حبيتيها تقولك يا ام منير؟؟

حبيتيها تقولك هد العام رايحة منصومش ندي كونجي مثلا؟؟ و لا نصوم ليل و نهار

راها باينة تصوم كيما تصومي انت ؟؟ هههه

و الله يا ام منير الاسئلة راكي تحطيهم بالمعرفة و قتلك راكي تعرفي تقدمي الرشوة

علموك حتى لهدة نتاع لخرين هههه ربي يجيب الخير

شوفي أسئلة اخرى رانا نستناو فيك و لا رانا نحطوك مرة أخرى في كرسي الجمر

راني نادم لي معطيتكش أسئلة فالاسبوع نتاعك معليش درك نعاودولك.

مليكة هد الاسئلة ام منير جبتهم من بيرو منادف مشي مرسمين ههه
​

 

[Malika Tlm]

رد: كـرسـي التعآرف { الضيـف السآبع عشر }Malika Tlm

صباح الخير
علاش يا نجيب تحلف عليا كنت نعزز في روحي زعما هههه
صباح النور
الحمد لله عالسلامة هدا وين بنتي هههه
راكي مريحة ما يخصك والو؟
راني مريحة والحمد لله قايمين بيا الجماعة كنتي ناقصة برك نتي وطلتك المشرقة :p
مليكة واش رايك في اللمة واعضاءها الحبوبين
اللمة واعضاءها كما العائلة وافرادها ربي يدومك المحبة بين الكل
كفاش راها استعداداتك الروحانية لشهر رمضان
شهر شعبان شهر الخيرات واعمال الطاعات واش تقدري ديري في هاد الشهر الكريم للتقرب الى الله تعالى
في شهر شعبان رانا نستعدو لرمضان
رانا نغرسو باش مبعدا نحصدو نكترو الطاعات وتلاوة القران والصيام وزيارة الارحام
تروحي معايا ام منير ههههه
الله يبلغنا
نخلي بقية الاسئلة للجماعة
ما جيتش يدي فارغين راني جبتلك حاجة حلوة

​

امممم مشكورة راها تشهي ديك الطرونش
مزيا حطيتيهالي باش نريح بيها شوي لانو اسئلتك عياااوني وراني محتاجة للجهد :p
لي يشوفك تقولي نخلي الاسئلة للبقية يقول راكي خليتيها بالاسئلة وما بقاوش هههه
يعطيك الصحة وصحا فطوركم​

 

[Malika Tlm]

رد: كـرسـي التعآرف { الضيـف السآبع عشر }Malika Tlm

هدي سمانه و حنا نستناو فيك و كي جيتي جبتي زوج أسئلة من عند لخرين و حبة

طرونش ناع 20 دج و جاية فرحانة واش رايك في رمضان واش حبيتيها تقولك يا ام منير؟؟

حبيتيها تقولك هد العام رايحة منصومش ندي كونجي مثلا؟؟ و لا نصوم ليل و نهار

راها باينة تصوم كيما تصومي انت ؟؟ هههه

و الله يا ام منير الاسئلة راكي تحطيهم بالمعرفة و قتلك راكي تعرفي تقدمي الرشوة

علموك حتى لهدة نتاع لخرين هههه ربي يجيب الخير

شوفي أسئلة اخرى رانا نستناو فيك و لا رانا نحطوك مرة أخرى في كرسي الجمر

راني نادم لي معطيتكش أسئلة فالاسبوع نتاعك معليش درك نعاودولك.

مليكة هد الاسئلة ام منير جبتهم من بيرو منادف مشي مرسمين ههه
​

ههههههههههههههه يعطيك النو يا نجيب
راك تشوف ا خويا شحال وهي غايبة وحنا نستنا انا قلت دوك تجيبلي شي قنابل
ساعا فتالي دخلت بزوج اسئلة وقاتلك نخلي للبقية هههه
وزعما باش ترطب راها جابت ديك الطرونش باش قال ماجيتش بيديا فارغين
ام منير التلمسانيين كرااام وبزاااف وش بيك انتي هههههه
​

 

[نجيب]

رد: كـرسـي التعآرف { الضيـف السآبع عشر }Malika Tlm

راني نخيل البقية ههه واش زعما رايحة تسألك ؟؟

كيف هي علاقتك مع الام ؟؟؟ و عندك جارة كيما جارة نجيب ههه؟؟

بصح هد المرة متجيبلكش طرونش تجيبلك مبسة كبيرة هه

اميرة مبانتش اليوم شي يحير ؟؟؟؟؟​

 

[houssiiine]

رد: كـرسـي التعآرف { الضيـف السآبع عشر }Malika Tlm

سلام ام منير واش راكي لاباس
اهلا اختي مليكة
اليوم غير جيت نرحب و نرجع مرة اخرى ان شاء الله

 

[أم منيــــــر]

رد: كـرسـي التعآرف { الضيـف السآبع عشر }Malika Tlm

تعاونتو عليا
صحا فيها نجيب :pوالله ضحكت حتى عييت
شوفي مليكة ما حبيتش نكثر لك الحلوى باش تحافظي على رشاقتك
بصح نجيب شوف واش جبتلك

بالصحة والهنا وعرض عندك لي حبيت من اللمة

​

https://www.4algeria.com//fr.pinterest.com/pin/create/extension/

 

[أم منيــــــر]

رد: كـرسـي التعآرف { الضيـف السآبع عشر }Malika Tlm

روح نديرخاطر نجيب ونطرح عليك بعض الاسئلة
كفاش تعرفتي على زوجك السابق
لو يجي يخطبك انسان مليح تتزوجي بيه ؟ ول تقولي خلاص جربت ما نعاودش
ولدك قابل بفكرة انك تتزوجي ول رافض
اكتفي بهدا القدر كانش ما تفكرت راني نرجع لك
​

 

[نجيب]

رد: كـرسـي التعآرف { الضيـف السآبع عشر }Malika Tlm

تعاونتو عليا
صحا فيها نجيب :pوالله ضحكت حتى عييت
شوفي مليكة ما حبيتش نكثر لك الحلوى باش تحافظي على رشاقتك
بصح نجيب شوف واش جبتلك

بالصحة والهنا وعرض عندك لي حبيت من اللمة

​

https://www.4algeria.com//fr.pinterest.com/pin/create/extension/

بارك الله فيك شكرا يا أم منير

يعني راكي ترشيني باش نسكت

ايا معليش كثري الاسئلة نتاع رمضان مكانش لي يحكي معاك هههه

مليكة وقتاش تصحري أنت ؟؟ ههه

مليكة تصلي صلاة التراويح فالدار و لا المسجد؟؟

مليكة من ناس لي يغلبها رمضان و تدير السبة باش تتهنى من الكوزينة ؟؟

و بلا ما نسأل علبالي فيها لالة ستي بعد لفطور ؟؟

ام منير مدامك قدمتي رشوة بالقاطو يعني بالحلاوة أسألي واش حبيتي

و أنا نعاونك .


الله يدومها عليكم و ان شاء الله تلقاي راحتك في كرسي التعارف

​

 

[mà_dikrà]

رد: كـرسـي التعآرف { الضيـف السآبع عشر }Malika Tlm

اَلْسَّـــــــــلآمُ عَلَييكم ...
سؤآل وآحد فقط !!
-
مآذآ تمنيـنآ ف بنآآئك ...!!؟؟؟

لــــي عـودة​

 

[الامين محمد]

رد: كـرسـي التعآرف { الضيـف السآبع عشر }Malika Tlm

ربي يهديك أختي السلطانة أم منير جوعتيني
هههههههههههه
أختي مليكة كيف أحوالك الجماعة راهم يغسلوا فيك ههههههه
المهم عندي أسئلة خفيفة
قدمي نصيحة لكل بنت من خلال تجاربك
قدمي نصيحة لكل شاب من خلال تجاربك
واش يعني
الصبر
الأخوة
الصداقة
الصدق
الوالد
الخال

شكرا اختااه متمنيا لك كل التوفيق في حياتك
​

 

[red rose]

رد: كـرسـي التعآرف { الضيـف السآبع عشر }Malika Tlm

السلاماهلا اهلا بك
جبتك شوية اسئلة هيهيه
1-اسمك المستعار ؟

2-سبب اختيارك لهذاالاسم ؟

3-الهوايات ؟

4-افضل شهـر بالسنه والسبب ؟

5-حلمك في الحياة؟.

6-أجمل سنوات مرت عليك؟

7-البرامج المفضلة؟

8-شخصيتك ( عصبي ، رومانسي ، ....... )؟

9-اجمل بلد زرتها ؟

10-ماهو لونك المفضل ؟

11-من هو مثلك الاعلى ؟

12-ماهي حكمتك بالحياة ؟

13-ماالذي يحزنك ؟

14-ماالذي يغيظك ؟

15-ماالذي يفرحك ؟

16-افضل شخصيه في رأيك ؟

17-فنانك ومطربك المفضله؟

18-ماهو رأيك بالحب ؟.

19- صــف نفســـك بكلمتيـــن فقـــط..!

20 -مــاهــو الشــئ الذي ندمــت علــي عمـلــــه؟!؟

21 -كـلمـــة تمنيـــــت ان تسـتطيـــع سحـبهــــا؟!؟

22 -آخـــر شخـــص تتـــذكــــره قبـــل أن تنـــــام؟!؟

23 -جــريمــة تتمنـــي لـــو تستطيـــع ارتكابهــــا؟!؟

24 -حمـامة زاجـــل حاملـــة رســالة لـك,,,من من تتمنـى ان تكــون؟!؟

25-شخـــص لطــالما حـــلمـــت بــــه؟!؟

26 -دمـعـــه انـذرفــــت رغـمــاً عنـــك؟!؟

27 -مـوقـــف صــدمــك ولــن تنســــاه؟!؟

28 -شـخــص تتمنــي الإنتقــام منـــه؟!؟

 

[الباندي]

رد: كـرسـي التعآرف { الضيـف السآبع عشر }Malika Tlm

سلام عليكم

...كيراكي اختي مليكة ..لباس عليك

بغيت نــGولك حاجة ..علابالي مـGالـوهالكش ..انا من نهار اللي قعدت في الكرسي و نظت مانيش مليح ..مانيش عارف واش دايرين فيه ..ميمتي ام منير تقعدك في الكرسي و تقولك انا خاطيني ...و تـهرب ..ومن بعد يجوك وحد الاعضاء ..يكملو عليك نيشان ماتجي تكمل العهدة تاعك حتى ..تولي في حالى يرثى لها ..حالة كبيرة معندي منــGولـك ....ربي يصبرك عليهم ..هههههههه
اذا ديري على رايي ديرلهم خاتمة كرسي التعارف ...من دروك هههههههه اسحبي بيهم الحصيرة ههههه اتغداي بيهم قبل مايتعشاو بيك ههههههههههههههههههه

مرحبا بيك مجددا ..

كاين صفة تبقى معاك منذ عهد الطفولة ..وكاين اللي تروح مع الوقت ..انتي اي صفة بقات

معاك واي صفة راحتلك ؟

هل تميلين الى العزلة ام انك شخصية اجتماعية ...؟

هل تقدر المراة او الرجل ان يحب او تحب مرتين في حياتهما بنفس الكفاءة و القوة الى

درجة الجنون ...حسب رايك ؟

في رايك هل توجد مراة في الكون جافة ماهش حنينة..اذا اخذنا باعتبار ان المراة تشتهر

بكونها احن و ارق مخلوق ؟

هل هل رجلك الصغير العزيز (ربي يخليهلك ) تلاحظين فيه بعض من ملامح شخصيته

المستقبلية ..؟

و السؤال الكلاسيكي كاعادة ...واش رايك في الباندي ؟ واخطينا من هادي تاع شخص

طيب ومرح هههههه

دمت اختي في رعاية الرحمن :bye01::bye01:
​

 

[ام اشراق]

رد: كـرسـي التعآرف { الضيـف السآبع عشر }Malika Tlm

اهلا وسهلا بالاخت مليكة نورتى كرسى التعارف
رانى ضربت طلة برك اومبعد نرجع بشوية اسئلة
رانى نشوف فى الجماعة راهى غير تنسج وتحط ههه الله يهديهم عليك وخلاص
لى عودة باذن الله
تحياتى

 

[Malika Tlm]

رد: كـرسـي التعآرف { الضيـف السآبع عشر }Malika Tlm

راني نخيل البقية ههه واش زعما رايحة تسألك ؟؟

كيف هي علاقتك مع الام ؟؟؟ و عندك جارة كيما جارة نجيب ههه؟؟

بصح هد المرة متجيبلكش طرونش تجيبلك مبسة كبيرة هه

اميرة مبانتش اليوم شي يحير ؟؟؟؟؟​

هههههههههههه معلش انا نجاوبها

علاقتي بامي جيدة جدا قريبة ليا بزاف بزاف

والحمد لله ماعانديش جارة كما جارتك هههه لا من ناحية النحس ولا من ناحية الجاوي والبخور هههههه ربي يبعدهم علينا

اميرة راها مع الامتحانات ما كون ماسلكتش منها ههه​

 

[Malika Tlm]

رد: كـرسـي التعآرف { الضيـف السآبع عشر }Malika Tlm

روح نديرخاطر نجيب ونطرح عليك بعض الاسئلة
كفاش تعرفتي على زوجك السابق
زوجي السابق كان سبابي اختي رحت نحوسلها على كراء سكنى ولا وتما شافتني اخته وكانت تعرف وحده قريبتي املا حكات لخوها عليا
لو يجي يخطبك انسان مليح تتزوجي بيه ؟ ول تقولي خلاص جربت ما نعاودش
ادا كان مليح نتزوج وعلاش لا
ولدك قابل بفكرة انك تتزوجي ول رافض
كل مرة وكفاش يقول
اكتفي بهدا القدر كانش ما تفكرت راني نرجع لك
​

امممم يعطيك الصحة ام منير كفيتي ووفيتي
ان شا الله برك تكون كاينة سيارة اسعاف خاصة باللمة راني كترت حلاوات كاش حاجة ... ههههه

كاش ما تفكرتي راني هنا :sport02:​

 

[Malika Tlm]

رد: كـرسـي التعآرف { الضيـف السآبع عشر }Malika Tlm

بارك الله فيك شكرا يا أم منير

يعني راكي ترشيني باش نسكت

ايا معليش كثري الاسئلة نتاع رمضان مكانش لي يحكي معاك هههه

مليكة وقتاش تصحري أنت ؟؟ ههه
اممم وقت السحور تكون 3 ولا
مليكة تصلي صلاة التراويح فالدار و لا المسجد؟؟
كنت نصلي مرات فالمسجد بصح عنا الجامع فيه نسا يمشو يحكو ويمنشرو ماشي يصلو
نكتفي فالدار برك
مليكة من ناس لي يغلبها رمضان و تدير السبة باش تتهنى من الكوزينة ؟؟
لا لا الحمد لله مايغلبنيش والكوزينة فرمضان انا ساكنتها ههه عندي قوسطو فيها
و بلا ما نسأل علبالي فيها لالة ستي بعد لفطور ؟؟
ههه مرات نروحو ونجيبوها حتى للسحور
بصح مش دايما لاني نحب بعد الفطور نصلي ونقرا وندكر ربي
لالة ستي راها العام كامل

ام منير مدامك قدمتي رشوة بالقاطو يعني بالحلاوة أسألي واش حبيتي

و أنا نعاونك .


الله يدومها عليكم و ان شاء الله تلقاي راحتك في كرسي التعارف

​

ههههه ام منير هللكتنا بالحلاوة برك باش تسكتنا ههه
ربي يحفظك خويا نجيب ويدوم هناك
منور :regards01:​