صباحكم / مساؤكم احلى من الياسمين..
انشالله تكونو بخير يا طيبين..
اليوم حابة نمنشر شوي في ” بعض” المعلمين واذا راني غالطة قولولي ماشي عيب
كلنا نبغوا النصح...
مع الدخلة نتاع المدرسة لاحظنا ظواهر غريبة ..هي في الاصل انتشرت من مدة مي وين الرقيب ؟ ووين روح المسؤولية ؟ كلش راااااح مع الريح..
ياك من المفروض المعلم /المعلمة يكون" قدوة” باه يوصّل لاولاد لبرّ الامان ولا
غالطة؟؟ايا تبعوني في بعض الظواهر وانتوما احكمو....
1- لان المناصب صارت ” بالمعريفة” والتدريس بالقوسطو ولينا نشوفو ” ذراري” زادو قبل البلرح يدرّسوا في اولادنا ومانقولش الكل مش واعيين بصح واش تقولوا في ” بنات” هذا وين تخرجوا من الجامعة وجاية كانها ” لعرض ازياء” وزيد بلا ماتنسى المرافق الدائم ”لوحة بيكاسو” على وجهها؟؟ والاولاد ياعيني ماعندهم منين يلقاوها. يسمعو لفمها واش يحكي ولا يتفرجو في اللوحة والماريكانة اللي قدامهم........
2-شيء اخر هو ظاهرة ” الهاتف الغبي ” مانقولش ذكي باسكو هو ذكي مي الحملة نتاعو اغبياء حاشاكم. وين نلقو بعض المعلمين يتلهاو بهواتفهم وصورهم ومواقعهم ناسيين تماما وظيفتهم وزيد اذا جات لكانش واحد مكالمة ولا وحدة تلقاهم يلقو كلشي حذى الاولاد
يعني ماتنساوش ان الاولاد ” مُسجل الله يبارك” خااااصة نتاع الابتدائي...وهذا الشي رافضاتو مفتشية التربية والتعليم بصح شكون يسمع ؟؟
" نشفى مرة وحدة تحكي مع راجلها على مشكلة وصلت للاولاد واهاليهم وزيد المفتش” يعني فضيحة على مستوى عالي...
3ـ هذيك ” القُصرات ” نتاع ” المدامات” قدام الاولاد ...واش نقلك وزيد نتاع دخّل للقسم واخرج انت ىيعني الحيوط تقري ؟ ياسيدي عندك بيعة وشرية تسنى تكمل الخدمة
واخرج دير صوالح برا...
4- اساس موضوعي ” الرقابة” و”روح المسؤولية” يعني نتوقع هذا الافلات يرجع للادارة بالدرجة الاولى...فاذا غاب الرقيب خلات البلاد فمابالك المدرسة اللي هي.
اساس بناء المجتمع ككل...
5ـحبيت نقارن بين معلمين ومعلمات زمان ...اهيييبه يا زمان كان المعلم عندو هيبة ووقفتو تخلي صوت الذباب يتسمع بصح ضرك. تفوت على قسم تقول نعلم غائب بصح هو لداخل ولاهي بكانش بورطابل ولا ميكرو ولا قُسرة.....ورغم اننا مازلنا نشوفو بعض
القدامى بصح ولاو كارهين كلشي ونساو التعليم خلاااص وكي تسقسيه يقلك المسؤوليات نتاع الدار والاولاد ياسر عليا الله لا قرا واحد...
5- وكاين شي اسمو ” المتابعة” ولينا نسموها ” الرشوة” يعني تلقى ولي يسقسي على ولدو ويتابع فيه. راح يكون لباس شوي وعلى الاقل يضمن الانتقال ولو بالدز اما اللي ضارب النح ولدو من خريطة القسم تنح....
6-
7-
8-
..
..
..ايا خلاص عارفة قلوبكم خرجت من هذا الهم وطولت في الهدرة. بصح اذا غالطة قولولي. واذا كاين شي كيما هذا وادهى. قدام عينيكم نورونا بيه ..الحقيقة عندي امثلة واقعية بزاااف مي عارفتها تجرح وتخوف راح نسكت خير ..
المهم قولولي : هل المعلم /المعلمة كيما اللي ذكرتهم قدوة لاولادنا؟؟
وهل المسؤولية اختفات لهذي الدرجة؟ وين راه الرقيب ؟ واذا غاب رقيب الارض فنظن رقيب السماء لا ينام...
وفي الاخير اسمحولي على الثرثرة وتحية خالصة لكل معلم ومعلمة يقوموا لالواجب نتاعهم على اكمل وجه باه يوصلوا اولادنا لبرّ الامان..الله يكون في عون الجميع يارب..
تحياتي الخالصة
انشالله تكونو بخير يا طيبين..
اليوم حابة نمنشر شوي في ” بعض” المعلمين واذا راني غالطة قولولي ماشي عيب
كلنا نبغوا النصح...
مع الدخلة نتاع المدرسة لاحظنا ظواهر غريبة ..هي في الاصل انتشرت من مدة مي وين الرقيب ؟ ووين روح المسؤولية ؟ كلش راااااح مع الريح..
ياك من المفروض المعلم /المعلمة يكون" قدوة” باه يوصّل لاولاد لبرّ الامان ولا
غالطة؟؟ايا تبعوني في بعض الظواهر وانتوما احكمو....
1- لان المناصب صارت ” بالمعريفة” والتدريس بالقوسطو ولينا نشوفو ” ذراري” زادو قبل البلرح يدرّسوا في اولادنا ومانقولش الكل مش واعيين بصح واش تقولوا في ” بنات” هذا وين تخرجوا من الجامعة وجاية كانها ” لعرض ازياء” وزيد بلا ماتنسى المرافق الدائم ”لوحة بيكاسو” على وجهها؟؟ والاولاد ياعيني ماعندهم منين يلقاوها. يسمعو لفمها واش يحكي ولا يتفرجو في اللوحة والماريكانة اللي قدامهم........
2-شيء اخر هو ظاهرة ” الهاتف الغبي ” مانقولش ذكي باسكو هو ذكي مي الحملة نتاعو اغبياء حاشاكم. وين نلقو بعض المعلمين يتلهاو بهواتفهم وصورهم ومواقعهم ناسيين تماما وظيفتهم وزيد اذا جات لكانش واحد مكالمة ولا وحدة تلقاهم يلقو كلشي حذى الاولاد
يعني ماتنساوش ان الاولاد ” مُسجل الله يبارك” خااااصة نتاع الابتدائي...وهذا الشي رافضاتو مفتشية التربية والتعليم بصح شكون يسمع ؟؟
" نشفى مرة وحدة تحكي مع راجلها على مشكلة وصلت للاولاد واهاليهم وزيد المفتش” يعني فضيحة على مستوى عالي...
3ـ هذيك ” القُصرات ” نتاع ” المدامات” قدام الاولاد ...واش نقلك وزيد نتاع دخّل للقسم واخرج انت ىيعني الحيوط تقري ؟ ياسيدي عندك بيعة وشرية تسنى تكمل الخدمة
واخرج دير صوالح برا...
4- اساس موضوعي ” الرقابة” و”روح المسؤولية” يعني نتوقع هذا الافلات يرجع للادارة بالدرجة الاولى...فاذا غاب الرقيب خلات البلاد فمابالك المدرسة اللي هي.
اساس بناء المجتمع ككل...
5ـحبيت نقارن بين معلمين ومعلمات زمان ...اهيييبه يا زمان كان المعلم عندو هيبة ووقفتو تخلي صوت الذباب يتسمع بصح ضرك. تفوت على قسم تقول نعلم غائب بصح هو لداخل ولاهي بكانش بورطابل ولا ميكرو ولا قُسرة.....ورغم اننا مازلنا نشوفو بعض
القدامى بصح ولاو كارهين كلشي ونساو التعليم خلاااص وكي تسقسيه يقلك المسؤوليات نتاع الدار والاولاد ياسر عليا الله لا قرا واحد...
5- وكاين شي اسمو ” المتابعة” ولينا نسموها ” الرشوة” يعني تلقى ولي يسقسي على ولدو ويتابع فيه. راح يكون لباس شوي وعلى الاقل يضمن الانتقال ولو بالدز اما اللي ضارب النح ولدو من خريطة القسم تنح....
6-
7-
8-
..
..
..ايا خلاص عارفة قلوبكم خرجت من هذا الهم وطولت في الهدرة. بصح اذا غالطة قولولي. واذا كاين شي كيما هذا وادهى. قدام عينيكم نورونا بيه ..الحقيقة عندي امثلة واقعية بزاااف مي عارفتها تجرح وتخوف راح نسكت خير ..
المهم قولولي : هل المعلم /المعلمة كيما اللي ذكرتهم قدوة لاولادنا؟؟
وهل المسؤولية اختفات لهذي الدرجة؟ وين راه الرقيب ؟ واذا غاب رقيب الارض فنظن رقيب السماء لا ينام...
وفي الاخير اسمحولي على الثرثرة وتحية خالصة لكل معلم ومعلمة يقوموا لالواجب نتاعهم على اكمل وجه باه يوصلوا اولادنا لبرّ الامان..الله يكون في عون الجميع يارب..
تحياتي الخالصة
