السلام عليكم ورحمة الله وبركاته
تحية كبييييييييرة لناس اللمة من حدادة لحدادة
مالفة كي نحب نحط موضوع نستيكيه بالفواصل والأيقونات
مي ليوم جيت نهدر ونفرغ قلبي قبل ما ننسى وخلي يحطولي علامة متوسط ولا دون المتوسط
نورمال نقبل كلش من لؤلؤة قسنطينة اي حبيبتي وجارتي ههههههههههه
بون جيت نحكيلكم على وحد العرس حضرتلو
تالمو عندي مدة طويلة ما رحتش للاعراس لبارح كي رحت لعرس جارتي تشوكيت:scared01:
معلاباليش منين نبدا
وش نقلكم : العرا ، الفضح ، الترعوين والله تقول علينا في ديسكوتاك ومش هك
يتنافسو شكون تلبس أقصر ، كارثة أنا رحت بقفطان بالدرعين ودايرة الخمار وخايفة يصوروني مي هوما يشطحو قدام الكاميرا عيني عينك
ويتنافسو شكون حاطة أثقل مكياج مصداقا لقول الشاعر : شفت طفلة دايرة مكياج مي جامي شفت مكياج مداير طفلة
:tongue02:
مي تالمو مكياج كثير الكل يشبهو لبعضاهم ، مي هدا دوكا شيء عادي
نروحو للشطيح
مين حطت الديجي القصبة والمالوف ناض غاشي قليل
اي وي وينها دوكا لي تعرف تشطح زندالي وتلعب بيديها ايييييييه يا حصراااا
حتى وحدة غارت من البلديات لي يشطحو زندالي ناضت تتهول فرجت عليها الخلق ، الضحك داير رايو ههههههههه
وبنتها تحكم فيها وهي تع اطلقوني اطلقوني طاحولها نوادر ، تفتحت المحزمة ، تكشرد الشعر وهي ما عندهاش شهر ملي جابت لابنها عروسة
ووحدة منهيه تصوطي ما فهمتها رايحة ولا جاية ، وزادت تعكلت فالقندورة الطويلة لي لابستها شعرة وجات على وجهها
اما كي تحط الراي وش نحكيلكم ، الشعب الكل ناض يشطح ، والديجي رجعت شونتوز :-h وش نقلكم طيرتها للشابة خيرة
وعجبك اكل حافظين لي باغول أو كلمات الأغنية ، ووشمن أغاني غير اللي تسمعها تسد ودنيك
العيب والخماج ، وغنية فيها زوج كلمات ربع ساعة وهو يعاود فيهم هاسي محمد
الاسم هدا أشرف من انو واحد بوكيمون كيما هدا يجيبو على لسانو في أغنية هابطة؟
ولا تع هاي هاي هاي هاي هاي هاي هاي هاي هاي ، كلمة دارت سوكسي :down:
ويا يما على الحركات اللي يديروهم الشطاحات براسهم وبيديهم والله والله حسبت روحي في بلاد غير الجزائر
او في مكان غير صالة أفراح ، قولو حانة للعاهرات ، ديسكو للسافلات ، اما بنات فاميليا اسمحولي
ووحدة مين تنوض تشطح بالقاردكور تبع فيها هي تبدا تشطح ولوخرا تصور فيها بتلفونها ومين تخلص شطيح يقعدو في زوج يتفرجو وش صورو هههههههه:down:
وحد لمرا قاعدة معانا فالطابلة قالت لجارتي (عليا) : الطفلة هادي وشبيها ما تشطحش ؟
قاتلها جارتي : راهي مخطوبة (كي شغل المخطوبة ما لازمش تشطح)
قاتلها اممممممممممم عليها خايفة؟
يا يماااااااا تبا نندب حناكي بالقرداش، والله بدون تعليق:smile02:
واللي ضحكني فهدوك الشطاحات تلقاها لابسة بدرون وتشطح الراي ، ولوخرا لابسة قندورة كوكتال وتشطح دربوكة
وهي بالاحفاد على قولة خالتي ساسية" الشيب والعيب"
ولي منهيه لابسة طايوغ تع عقود وتشطح لبناني ليش مقصر تنورة
اما العروسة انقلبت 180 درجة ، أنا نعرف العروسة نهار عرسها يغلب عليها الحياء تالمو العينين الكل عليها
اما هادي طيحت سرتها بالشطيح ملي رحنا ما قعدتش
والتصديرة يا يما على ديك التصديرة ، انا نعرف التصديرة يلبسو الـ traditionnel اما هادي دايرتهم كامل دي غوب لا علاقة بتقاليدنا
ويفضحو كتر ملي يسترو ، قالها عادل إمام " لابسة من غير هدوم"
والله عيب
روحت مشوكية ، ماما تقولي عجبك العرس وتقلبلي في شواربها ، وانا حشمت نهدرلها الهدرة هادي كاملة نخاف تقول عليا شغالة وقرعاجة ههههههههههههه
ودوكا انتوما قولولي ، صح لعراس رجعت الكل هكا وانا لي عايشة في عالم آخر
ولا هاد العرس cas spéciale ؟
تحية كبييييييييرة لناس اللمة من حدادة لحدادة
مالفة كي نحب نحط موضوع نستيكيه بالفواصل والأيقونات
مي ليوم جيت نهدر ونفرغ قلبي قبل ما ننسى وخلي يحطولي علامة متوسط ولا دون المتوسط
نورمال نقبل كلش من لؤلؤة قسنطينة اي حبيبتي وجارتي ههههههههههه
بون جيت نحكيلكم على وحد العرس حضرتلو
تالمو عندي مدة طويلة ما رحتش للاعراس لبارح كي رحت لعرس جارتي تشوكيت:scared01:
معلاباليش منين نبدا
وش نقلكم : العرا ، الفضح ، الترعوين والله تقول علينا في ديسكوتاك ومش هك
يتنافسو شكون تلبس أقصر ، كارثة أنا رحت بقفطان بالدرعين ودايرة الخمار وخايفة يصوروني مي هوما يشطحو قدام الكاميرا عيني عينك
ويتنافسو شكون حاطة أثقل مكياج مصداقا لقول الشاعر : شفت طفلة دايرة مكياج مي جامي شفت مكياج مداير طفلة
:tongue02:
مي تالمو مكياج كثير الكل يشبهو لبعضاهم ، مي هدا دوكا شيء عادي
نروحو للشطيح
مين حطت الديجي القصبة والمالوف ناض غاشي قليل
اي وي وينها دوكا لي تعرف تشطح زندالي وتلعب بيديها ايييييييه يا حصراااا
حتى وحدة غارت من البلديات لي يشطحو زندالي ناضت تتهول فرجت عليها الخلق ، الضحك داير رايو ههههههههه
وبنتها تحكم فيها وهي تع اطلقوني اطلقوني طاحولها نوادر ، تفتحت المحزمة ، تكشرد الشعر وهي ما عندهاش شهر ملي جابت لابنها عروسة
ووحدة منهيه تصوطي ما فهمتها رايحة ولا جاية ، وزادت تعكلت فالقندورة الطويلة لي لابستها شعرة وجات على وجهها
اما كي تحط الراي وش نحكيلكم ، الشعب الكل ناض يشطح ، والديجي رجعت شونتوز :-h وش نقلكم طيرتها للشابة خيرة
وعجبك اكل حافظين لي باغول أو كلمات الأغنية ، ووشمن أغاني غير اللي تسمعها تسد ودنيك
العيب والخماج ، وغنية فيها زوج كلمات ربع ساعة وهو يعاود فيهم هاسي محمد
الاسم هدا أشرف من انو واحد بوكيمون كيما هدا يجيبو على لسانو في أغنية هابطة؟
ولا تع هاي هاي هاي هاي هاي هاي هاي هاي هاي ، كلمة دارت سوكسي :down:
ويا يما على الحركات اللي يديروهم الشطاحات براسهم وبيديهم والله والله حسبت روحي في بلاد غير الجزائر
او في مكان غير صالة أفراح ، قولو حانة للعاهرات ، ديسكو للسافلات ، اما بنات فاميليا اسمحولي
ووحدة مين تنوض تشطح بالقاردكور تبع فيها هي تبدا تشطح ولوخرا تصور فيها بتلفونها ومين تخلص شطيح يقعدو في زوج يتفرجو وش صورو هههههههه:down:
وحد لمرا قاعدة معانا فالطابلة قالت لجارتي (عليا) : الطفلة هادي وشبيها ما تشطحش ؟
قاتلها جارتي : راهي مخطوبة (كي شغل المخطوبة ما لازمش تشطح)
قاتلها اممممممممممم عليها خايفة؟
يا يماااااااا تبا نندب حناكي بالقرداش، والله بدون تعليق:smile02:
واللي ضحكني فهدوك الشطاحات تلقاها لابسة بدرون وتشطح الراي ، ولوخرا لابسة قندورة كوكتال وتشطح دربوكة
وهي بالاحفاد على قولة خالتي ساسية" الشيب والعيب"
ولي منهيه لابسة طايوغ تع عقود وتشطح لبناني ليش مقصر تنورة
اما العروسة انقلبت 180 درجة ، أنا نعرف العروسة نهار عرسها يغلب عليها الحياء تالمو العينين الكل عليها
اما هادي طيحت سرتها بالشطيح ملي رحنا ما قعدتش
والتصديرة يا يما على ديك التصديرة ، انا نعرف التصديرة يلبسو الـ traditionnel اما هادي دايرتهم كامل دي غوب لا علاقة بتقاليدنا
ويفضحو كتر ملي يسترو ، قالها عادل إمام " لابسة من غير هدوم"
والله عيب
روحت مشوكية ، ماما تقولي عجبك العرس وتقلبلي في شواربها ، وانا حشمت نهدرلها الهدرة هادي كاملة نخاف تقول عليا شغالة وقرعاجة ههههههههههههه
ودوكا انتوما قولولي ، صح لعراس رجعت الكل هكا وانا لي عايشة في عالم آخر
ولا هاد العرس cas spéciale ؟
آخر تعديل:
