السلا عليكم
قريت موضوعك وكون غير ماقريتوش قلقتيني بيه *هههههه*
للاسف هدا هو واقعنا راه يقلق و يطلع السكر و الظغط
بارك الله فيك أختي الفاضلة على هذه الإلتفاتة على تطرقك لهذا الموضوع المؤسف لحاله في مجتمعنا
و فيك بارك الرحمان ما هادي الا نقطة من بحر المشاكل و التخلف لي رانا عايشين معاه
نبدا من عند أختي الزهرة الحمراء * والمشكل بكل هذا التخلف والامبالات وقلت الأدب والغش في العمل والإهمال ينسى يحاسب روحو ويهدر في غيرو ومحقش عليهم وهذا ظلم وهذا خماج وهو وين راه قاعد ولا واقف البزقة تاع الشمة بين رجليه ما قدرش حتى يحكها بصباطو وقس على هكا حوايج بزاف*
ما يحاسبش نفسو و يكريتيكي في غيرو احنا المشكل انو الضمير المهني غايب بقولك انا علاش نخدم و نتعب روحي و الحكام نتاعنا ضاربينها بطالون
اما البصقة و الشمة تلق دايمن لي طروطوار نتاعنا مزوقين بيهم شغل ديكور رجعنا نشوفوه في كل بلاصة
نرجع للتخلف هو سباب من في الهرم لوكان هم في المستوى كانو دارو قوانين تعبر عن صلاحهم ويصلحوا بها المجتمع مثلا في قضية حزام لمان البوليسي والجدارمي بعد اوقات العمل ومايديرش السبتة ويعدي نورمال يقولو كولاg ونت إلا حكمك خلات عليك يعرقك ويصفرلك وجهك بشرح القانون حتى تحسبو ج فالقرآن*الله يهدينا ويصلح حالنا*
هادي كاينة و تلقى الشرطي يحرق الستوب و ما يطبقش قوانين الطريق نورمال شغل الطريق نتاعو يدير فيها واش يحب و هو لي من المفروض حامي القانون
وزيد من كثرة التخلف تلقاهم يتبهاو بالفتوى وشرح الأدوية لكانش مريض ويحكيو في قضايا البلاط والله تحسبهم فقهاء وإلا أطباء أو ساسا كبار وكل هذا على خاطر ماهو عارف حجم المسؤلية لراه متحملها بكلامو وهذا جهل وتخلف*
جهل و تخلف كبير كل واحد يلعبها فاهم و هو زيرو
يعاجابا يا خاوتي الزبال راه يطيش في زبل العامة ومنهم زبلو. لراه من تحت يمد لصاحبو بدزن تاع القمامة كيفرغها مايرجعلوش البدون في يدو كما عطاهولو لالا يطيشوا من فوق تكسر ماتكسرش مايهموش*هذا من التخلف ولا مبالات
هادي اللامبالاة باشياء الناس
احنا نقدرو عمال النظافة لان لولاهم لو كان راه كلانا الزبل حاشاكم بصح هما تاني لازم يحافظو على صوالح الناس
واش نحكيو واش نخليو هم كبير وإحراج رانا عايشينو مع حثالة من الشعب لاترضى بغير التخلف عنوان لها*
و الله احكينا و احكينا و ملينا و ما لقينا واش نديرو نشوفو قلبنا يوجعنا و كما قلت حثالة لا ترضى الا بالتخلف عنوان لها
تقبلوا تحياتي
