وين رايح مجتمعنا بالتخلف هدا ؟؟؟؟

[zagane]

رد: وين رايح مجتمعنا بالتخلف هدا ؟؟؟؟

السلام عليكم

عندي مدة ما درتش موضوع اليوم حبيت نحكي على واحدالظواهر راني نشوفهم في المجتمع نتاعنا
العالم يقدم للامام و احنا نقدم للور كما يقولو اصحاب الحافلات في بلادنا و هادي وحدة من التخلف لي راني نحكي عليه
نبداو بالطريق
قوانين المرور عندنا ما تطبقش الا كي نشوفو الشرطة
حزام الامن يحمي السائق و لي معاه اونكا تكون اكسيدون يكون الضرر اقل
احنا يديروه خوفا من الشرطي و خوفا من البروصي
يسمى العبد كي نتوشيو في جيبو تم عاد يخاف و ما يخافش على عمرو :down:
كي نمشيو في الطريق ياخي كاين اولويات يقولك الاولوية لليمين مثلا
احنا عندنا ما تاكلش....... الاولوية للاسرع و للاقوى و للي عندو طوموبيل جديدة
ممر الراجلين راك تمشي و الله تخاف تقطع الطريق حتى تفرغ تماما
نورمالمو يكون تمهل في السياقة احتراما للعباد لي راهم يمشيو
وااااااااااااالو شغل رانا حشرات قدامهم ماشي عباد
و لي ما يحضيش راسو ضربو كار كما نقولو
كل واحد يطبق القانون على مازاجو
نمشيو لحاجة اخرى
كامل الناس علابالهم بلي سبب الازمة في الجزائر
هي انخفاض اسعار البترول و انخفاض الدينار مقارنة بالدولار و الاورو
و هدا يكون السبب الرئيسي في غلاء المواد و خصوصا المستوردة
آخر صيحات التخلف نتع مجتمعنا
قااااااااالك
المعلم يدير الاضرابات و احنا نخلصو
يا عجبا واش دخل المعلم هنا !!!!!!!!!!!!!!!!!!
ما ضحكت ما بكيب في 2016 ما زال عندنا تخلف لهاد الدرجة ؟؟؟؟
و الادهى و الامر انو كامل الناس على بالهم واش صرا من سرقات لاموال الشعب بصح ما يهدروش
يهدرو على المواطن البسيط كيفهم و يحسبولو و يضلو يعسو فيه واش دار واش ما دارش
لو كان نبدا نحكي في هاد الجانب ما نكملش
نروحو لحاجة اخرى
حاشاكم و حاشا قدركم الرجل طول بعرض يكون يمشي في الطريق و يخلعك بهاديك البصقة لي يرميها من فمو
ول ينسط نيفو قدام الناس عادي و يمسح يديه في الحيط اعععععععععععععع
راكم شايفين القلب يتقلع من بلاصتو سيرتو على الصباح
وين رانا رايحين يا ناس وييييييييييييين :down::down::down::down::down:
والله و الله كي يجو ولاد خوتي من فرنسا و يحكيولي على التصرفات نتاع الناس تما و الادب و التربية
و تعاملهم مع الناس و الله نحس روحي رانا في العالم ل20 ماشي التالت
تقول هم المسلمون ماشي احنا ينقصهم الشهادتين برك
ديننا دين حسن الخلق و طيب المعاملة و التفاهم و اللين و الطيبة و لكن
ولا شي طبقناه نبقاو دايمن في تخلف مستمر الى ان ......................العلم لله وحده
طولت عليكم سامحوني
بصح ماشي هدا هو كامل لو كن نحكي واش رانا نشوفو كل اليوم ما نكملش
لي قرا الموضوع بارك الله فيه :d
و لي دار اعجاب بلا ما يقرا نقولو ارجع و اقرا الموضوع :p
سلاااااااااااااااااااااااااااااااااااااااااااااااااام
​

السلام عليكم
اغرب قوم واغرب شعب واغرب دولة فوق الارض الجزائر وشعبها غريب الاطوار
تلقاه يفسد وكي جي تنصحو ينصحك ويدير ليك موعضة

 

[لؤلؤة قسنطينة]

رد: وين رايح مجتمعنا بالتخلف هدا ؟؟؟؟

السلام عليكم
أمي الغالية أم منير والله اشتقنا لمواضيعك المشوقة
صراحة موضوع في الصميم وحكيتي فيه على كلشي
بلادنا حاكمها التخلف والعوج بنسبة كبيرة، التطور يتبعوه غير في الشي لي ما يعجبش
اما الاشياء تاع تربية واخلاق وتعامل بأدب ماتلقايهمش كاينين حاشا لي مايستاهلش
كيما قلتيها لازم تقيسهم في جيبهم باه يعدلو رواحهم
وكيما قلتي حتى انا كي يجيو ولاد عمتي من فرنسا ويحكيو كيفاه عايشين حتى تقولي بالاك هوما
في كوكب وحنا في كوكب آخر ، كيفاه يحكيو على المعاملة ، على التربية، على التنظيم والاجتهاد في العمل
كن تحبي تدخلي ابنك لحضانة تخدم فيها وحدة من عايلتك يرفضوك، خاطر يقولك قادر ولدك تحن عليه
هاديك لي من عايلتك كتر من الاطفال لخرين وهادا باه يحققو المساواة بين الاولاد، وحنا الطبيب بالمعريفة
القراية بالمعريفة، الشرطي بالمعريفة ، قريب نتنفسو بالمعريفة ، وكي عاد ماكانش قوانين على هادي الشعب يتمادى
في تصرفاتو، مادام مجرم يقتل ويسرق وينهب وفي الاخير تلقايه يمشي قدامك كلي ماصرا والو يسمى على هادي
مايروحش العوج، ربي يهدينا برك كن ماش على وجه عبيدات قلال لي تايبين لربي بالاك معرف واش صرا فينا
والدليل شتاء كامل كن ماش يومين ولا تلاتة صب فيهم شوي تلج ونو كن رانا في الجفاف
ربي يجيب الخير برك ان شاء الله
بارك الله فيك على الموضوع المميز ان شاء الله دائما منورة اللمة هكا ^^
تقبلي مروري المتواضع
​

 

[أم منيــــــر]

رد: وين رايح مجتمعنا بالتخلف هدا ؟؟؟؟

السلام عليكم
أمي الغالية أم منير والله اشتقنا لمواضيعك المشوقة
صراحة موضوع في الصميم وحكيتي فيه على كلشي
بلادنا حاكمها التخلف والعوج بنسبة كبيرة، التطور يتبعوه غير في الشي لي ما يعجبش
اما الاشياء تاع تربية واخلاق وتعامل بأدب ماتلقايهمش كاينين حاشا لي مايستاهلش
كيما قلتيها لازم تقيسهم في جيبهم باه يعدلو رواحهم
وكيما قلتي حتى انا كي يجيو ولاد عمتي من فرنسا ويحكيو كيفاه عايشين حتى تقولي بالاك هوما
في كوكب وحنا في كوكب آخر ، كيفاه يحكيو على المعاملة ، على التربية، على التنظيم والاجتهاد في العمل
كن تحبي تدخلي ابنك لحضانة تخدم فيها وحدة من عايلتك يرفضوك، خاطر يقولك قادر ولدك تحن عليه
هاديك لي من عايلتك كتر من الاطفال لخرين وهادا باه يحققو المساواة بين الاولاد، وحنا الطبيب بالمعريفة
القراية بالمعريفة، الشرطي بالمعريفة ، قريب نتنفسو بالمعريفة ، وكي عاد ماكانش قوانين على هادي الشعب يتمادى
في تصرفاتو، مادام مجرم يقتل ويسرق وينهب وفي الاخير تلقايه يمشي قدامك كلي ماصرا والو يسمى على هادي
مايروحش العوج، ربي يهدينا برك كن ماش على وجه عبيدات قلال لي تايبين لربي بالاك معرف واش صرا فينا
والدليل شتاء كامل كن ماش يومين ولا تلاتة صب فيهم شوي تلج ونو كن رانا في الجفاف
ربي يجيب الخير برك ان شاء الله
بارك الله فيك على الموضوع المميز ان شاء الله دائما منورة اللمة هكا ^^
تقبلي مروري المتواضع
​

و عليكم السلام حبيبتي
تشتاقلك الجنة ان شاء الله ربي يحفظك
شفتي كفاش رانا نعانيو يوميا مع هاد العباد لي راهم في قمة التخلف
و اكثر حاجة تقتل هي المعرفة لي رجعت موضة في الجزائر
يا عجبا حقوقنا المشروعة ادا عندنا معرفة ندوها ما عندناش ما ندوهاش :s:down:
الدنيا رجعت بالمقلوب و ما دمنا نبعدو على ربي سبحانو رايحين نبقاو هكدا
كما قلت حتى ربي عاقبنا و لولا لطفو لكنا ناشفين
الحمد لله ربي حنين رحيم
ربي ينورك و يخليك يا لؤلؤة اللمة
اسعد ني مرورك الطيب:love01:
​

 

[Salah eddin]

رد: وين رايح مجتمعنا بالتخلف هدا ؟؟؟؟

كلنا جزائريون ...............

 

[مسك وعنبر]

رد: وين رايح مجتمعنا بالتخلف هدا ؟؟؟؟

السلام عليكم أولا ألف شكر ليك أختي أم منير دائما رائعة ومتألقة بمواضيعك الهادفة والقيمة بارك الله فيك

وجعل كل مجهود تبذلينه في ميزان حسناتك إن شاء الله :up: أما على واش حكيتي عليه والله صدقت في كل حاجة قلتيها أحنا رانا قوم أموات أحياء مع الأسف الشديد الإنسان واش يفرقو على الحيوان هو

نعمة العقل والأخلاق اللي يتصف بيهم أما إذا كان تجرد من هادو الزوج راه في بعض المواقف الحيوان يولي خير منو حاشا اللي مايستاهلهاش أكيد المجتمع ديالنا ولا خربان ومجرد خردة ولا التصفاق وكلمة

راجل ولا مرة ونص يقولوها للأكثر فسادا مابقى والو كي ولا الجهر بالمعصية علامة الجودة عندنا :down: يا أختي والله القلب ولا يوجع من كثرة لعجب اللي رانا نشوفو فيه كل يوم ومين داك تجي الدمعة

​

تطيح كي نعرفو باللي لبلاد اللي ماتو عليها رجال راهي رافدا كوارث كيما هادي السمحيلنا يا بلادي والله مانستاهلوك :dunno01: ربي يهدينا أجمعين ويصلح الأمور آمين تقبلي مروري أختي في الله مع تحياتي :regards01:​

 

[adel._dz]

رد: وين رايح مجتمعنا بالتخلف هدا ؟؟؟؟

السلام عليكم
انا تعرضت مرة للتكفير من واحد جاهل لأني لابس سروال جينز ..
قلتلو من ديننا كامل عرفتو غير التكفير ..؟
كون جينا نطبقو في 5 اخلاق بسيطة رانا لوالة
اماطة الأذى
التبسم في وجه أخيك صدقة
قل خيرا أو أسكت
الأمر بالمعروف والنهي عن المنكر ...

 

[siko]

رد: وين رايح مجتمعنا بالتخلف هدا ؟؟؟؟

مجتمعنا متخلف وش راح ديرلوا

 

[youcef.as.dz]

رد: وين رايح مجتمعنا بالتخلف هدا ؟؟؟؟

كلامك في الصميم قصتلي قلبي