ملتقى عرائس اللمة الجزائرية 2016

[ام أمينة]

رد: ملتقى عرائس اللمة الجزائرية 2016

اختي ام امينة مش عارفة بصح حسيتك عروسة جديدة يعني عام و شوية صح و لالا

​

لالا اختي راني بديت نقدام
بصح كيفاش حسيتيني عروس جديدة

​

 

[iman-dz4ever]

رد: ملتقى عرائس اللمة الجزائرية 2016

حسيتك ناشطة و عندك الجديد الله يبارك عليك
قلت هذي تولي عروسة جديدة

 

[jojo12]

رد: ملتقى عرائس اللمة الجزائرية 2016

بصحت ختي رووووعة البدرون عجبني يااااسر انا مخيطة واحد بصح للاعراس العادي لونو مووف
ياك راني معروضة في عرسك نجي بيه:d:regards02:
في انتظار النايلي وعندك الحق علاش تشري تصديرة باش يكلها غير الغبار في الخزانة
اشري زوج برك الاساسين و متروحش لاموود نتاعهم و الباقي غير اكري
ربي يسهلك حبوبتي

مرحبا بيك:regards02 اهلى وسهلى :$

 

[jojo12]

رد: ملتقى عرائس اللمة الجزائرية 2016

سلام ايمان واش راكي ليوم وانا ندور في الجلفة بضبط في بوتريفيس

كنت ندور في لفوارات ثم سقسيت على الي يكرو تصديرات

قالتلي وحدة راها كاينة وحدة هنا تكري تصديرات روعة ب50 الف برك

رحت ليها يلقيتها مصكرا خصارة راني معولا نرجع ليها في هادي ليمات

اذا كان يهمك الامر راني نقلك وين بضبط

 

[Ľă Mîšš HîBă]

رد: ملتقى عرائس اللمة الجزائرية 2016

لالا اختي راني بديت نقدام
بصح كيفاش حسيتيني عروس جديدة

​

هههههههههههههه والله مام انا حسيتك عروسه جديده

 

[Ľă Mîšš HîBă]

رد: ملتقى عرائس اللمة الجزائرية 2016

سلام ايمان واش راكي ليوم وانا ندور في الجلفة بضبط في بوتريفيس

كنت ندور في لفوارات ثم سقسيت على الي يكرو تصديرات

قالتلي وحدة راها كاينة وحدة هنا تكري تصديرات روعة ب50 الف برك

رحت ليها يلقيتها مصكرا خصارة راني معولا نرجع ليها في هادي ليمات

اذا كان يهمك الامر راني نقلك وين بضبط

ممممممم والله اختي تاع 50مكان مكان ماشي تاع حطة عروس تلقايهم طايبن وديفوا مسخين

 

[jojo12]

رد: ملتقى عرائس اللمة الجزائرية 2016

ممممممم والله اختي تاع 50مكان مكان ماشي تاع حطة عروس تلقايهم طايبن وديفوا مسخين

والله ماني عارفة ياختي الناس تشكر فيهم انا مزال ماكريت


قلت روح ونشوف نقرعش لعجبوني

 

[jojo12]

رد: ملتقى عرائس اللمة الجزائرية 2016

بنات شوفو تسريحات سامبل الي تحب السامبل

 

[hanaaane]

رد: ملتقى عرائس اللمة الجزائرية 2016

tooooooop

 

[iman-dz4ever]

رد: ملتقى عرائس اللمة الجزائرية 2016

سلام ايمان واش راكي ليوم وانا ندور في الجلفة بضبط في بوتريفيس

كنت ندور في لفوارات ثم سقسيت على الي يكرو تصديرات

قالتلي وحدة راها كاينة وحدة هنا تكري تصديرات روعة ب50 الف برك

رحت ليها يلقيتها مصكرا خصارة راني معولا نرجع ليها في هادي ليمات

اذا كان يهمك الامر راني نقلك وين بضبط

صباح العسل:d
واش راكي اليوم ختي جوجو اسمحيلي البارح لهيت عندنا ضياف
هذا وين شفت رد
ايه غير شوفي الحانوت و تأكديلنا من السلعة اذا تصلح نتاع عرايس و جديدة
واعطيني عنوان عين المكان ماكان ماكان ههههههههههههه
راه في بالي انا نضرب دورة نشوف بصح راكي تشوفي الجو نتاعنا مايساعدش
خلاص الببببببببببببببببرد

 

[iman-dz4ever]

رد: ملتقى عرائس اللمة الجزائرية 2016

تجهيزات ليلة الحنة:regards02:

في عرس ولد خالتي العروسة بعد ما حنولها
وزعت على البنات العزبات توزيعات كيما نتاع جوجو الي دايرة فيهم البوقلات
بصح هيا دايرة فيهم ساشي صغيرة فيها حنة غبرة و مكعب سكر و قطن المدور الخاص بالمكياج
باش كل وحدة تحني لروحها في داهم انا عن روحي عجبتني الفكرة و رح نديرها
خاصة ولات الوحدة تخاف على روحها ياك على بالكم واش يديرو بحنة العروس:-o
ناس متخافش ربي
​

 

[Ľă Mîšš HîBă]

رد: ملتقى عرائس اللمة الجزائرية 2016

تجهيزات ليلة الحنة:regards02:

في عرس ولد خالتي العروسة بعد ما حنولها
وزعت على البنات العزبات توزيعات كيما نتاع جوجو الي دايرة فيهم البوقلات
بصح هيا دايرة فيهم ساشي صغيرة فيها حنة غبرة و مكعب سكر و قطن المدور الخاص بالمكياج
باش كل وحدة تحني لروحها في داهم انا عن روحي عجبتني الفكرة و رح نديرها
خاصة ولات الوحدة تخاف على روحها ياك على بالكم واش يديرو بحنة العروس:-o
ناس متخافش ربي
​

ايمان قوووليلي واش يديروو حنه العرةس سحوورر ؟؟:scared01:

 

[iman-dz4ever]

رد: ملتقى عرائس اللمة الجزائرية 2016

ايمان قوووليلي واش يديروو حنه العروس سحوورر ؟؟:scared01:

علاش يا هبة متعرفيش بلي الحنة الي تحني بيها العروس يسحرولها بيها على الذرية ربي يحفظ و يستر
ماماك ولا جداتك اكيييد يعرفو هذي المعلومة ماقلولكش عليها و حذروك الطبسي لي يخلولط فيه الحنة لالالازم يبقى في يد ماماك برك و هي تتصرف فيه تغسلو و الحنة الي في يدك كي تجي تنحي فيها ماترميهاش اغسليها تحت العين نتاع الماء
و تحصني بالرقية..................
ربي يبعد علينا شر الناس الوحدة في يوم فرحها يسحرولها ربي يستر

 

[iman-dz4ever]

رد: ملتقى عرائس اللمة الجزائرية 2016

هبهوبتي اقريا هذا الموضوع و انتي ثاني جوجو

يتحوّل بعض المقربين من العائلة في حفلات الزفاف إلى "بودي ڤارد" يحيطون العروس بمراقبة وحراسة مكثّفتين، ترصدا لأي محاولة سحر أو شعوذة قد تقلب حياة العروسين رأسا على عقب، وتشدد المراقبة بدرجة خاصة على لوازم العروسين وكل ما يستعملانه خلال الأيام القليلة التي تسبق الدخلة وخلالها. وتعتبر الحنة المطلوب رقم واحد لدى "المفرقين بين المرء وزوجه"، تليها الإبر والخيوط المعقودة والملابس الداخلية وشعر العروس وقرون الكبش أو صوفه و"القفال".... ويبقى التحصن بقراءة القرآن والأذكار أفضل عماد قد يرتكز عليه العروسان لدرء المكائد التي تحاك للفراق قبل اللقاء.

• شعوذة بـ 5 ملايين سنتيم في الحنة لصنع تعاسة الآخرين​
• ​
• شكّلت الحنة تعاسة العديد من الأزواج بعدما لحقت بهم مشاكل كادت تعصف بحياتهم وهي التي كانت تضفي على الأعراس الجزائرية نكهة مميّزة وتدخل إلى قلب العروس فرحة كبيرة تشاركها فيها قريناتها، ما جعل العديد من العائلات تتخلى عن إقامة هذا الركن ضمن أفراحها، أما الثلة القليلة المتشبثة بهذا الركن فتقيمه تحت ظروف أمنية مشددة من قبل المقربين ذوي الثقة احتراسا من التعرض لأذى الخصوم والأعداء بواسطة عمل سحري قد يؤذي أحد العروسين أو كلاهما، وحسب بعض المترددين على أوكار الشعوذة، فإن "العمل" الذي يوضع في الحنة تتلقى "الشوافة" نظيره ما يقارب 50 ألف دج إن لم يزد على ذلك، وتفضل بعض من لا يمتلكن هذا المبلغ تقديم قطع من حليّها لهذا الغرض، ويؤكد أحد الجيران المحاذين جدا لمشعوذة يذيع صيتها بين ذوي النفوس الضعيفة بالمدنية أن الزبائن الذين يقصدونها من الأثرياء جدا ويبدو عليهم ذلك من خلال الهندام والسيارات التي تتوقف بالجوار، كما أن الطوابير التي تصطف في منزلها والزبائن الذين يقصدونها يزداد عددهم خلال فصل الصيف وموسم الأعراس.​
• ​
• إبر وعقد وتعويذات تحدث الشقاق ليلة العرس ​
• ​
• (م. س) فتاة كانت ضحية حسد إحدى المدعوات التي تسللت إلى غرفة نومها وعقدت لها -كما تروي إحدى قريباتها- عقدا عديدة بفراش نومها حالت دون تمكن زوجها من الاقتراب منها ولم يتم ذلك إلا بعد أن تم الاستنجاد براق أخذ يقرأ القرآن داخل الغرفة وكامل الشقة في زيارات متتالية للبيت. أما (خ. م) فقد عثرت هي الأخرى على إبر بفستان نومها ليلة العرس وهو ما فسرته لها إحدى المقربات بأنه سحر وضع لها ناصحة إياها بعدم نزعها بنفسها والتريث إلى حين حضور الراقي أو الإمام.​
• ​
• (ب. ف) حرمت الأمومة لمدة 7 سنوات وهو عدد العقد التي وجدتها مربوطة في"قماطة" مولود حديث دسّت بين لوازمها ورغم الاستنجاد براق ضليع في هذا المجال وفتحه لتلك العقد، إلا أنها لم تتمكن من الإنجاب طوال تلك المدة لترزق فيما بعد بمولود بعد طول انتظار. (ب. م) وضعت لها إحدى المكلفات بالتحضير للحنة المحرمة التي تغطي رأس العروس بالمقلوب وفسر العارفون بخبايا الشعوذة ذلك أنه سحر وثبت مع مرور الأيام أنه كذلك ما اضطر الزوجان إلى الانفصال من أجل الإنجاب، حيث رزق كل منهما بأولاد مباشرة بعد إعادة الزواج.​
• ​
• الاعتقاد الصحيح في الله خير تحصين​
• ​
• قال الشيخ شمس الدين إن السحر هو المشجب الذي يعلق عليه الجزائريون جميع مشاكلهم والزوجان قبل زفافهما يتسلحان لخوض معركة ضد العين والسحر والجن، ونفى المتحدث أن يكون ما يحدث للجزائريين سحرا حقيقيا بل هو سحر التخيل أي إيهام بالسحر، فالسحر الحقيقي لا يقوم به إلا العلماء على غرار سحرة فرعون، فأيّما إنسان يتوهم انه مسحور إلا وسيجد في مشاكل الحياة ما يؤيد هذا الاعتقاد، هذا لا ينفي أن السحر حقيقة وواقع ومن أكثره انتشارا هو سحر التعطيل عن الزواج وسحر العجز الجنسي الذي يجعل الزوج غير قادر على المعاشرة ليلة الدخلة عن طريق تعويذات يقوم بها السحرة الذين يستثمرون في هذا المجال، حيث اضطر رجل إلى أكل رأس كلب بعد أن أقنعه مشعوذ في المغرب أنها الطريقة الوحيدة للتخلص من السحر الذي يعانيه لكن للأسف الشديد الرجل لم يشف بل أصيب بالجنون وأصبح رهينة هذا الدجال الذي يلزمه بزيارته كل عام من أجل استقرار حالته الصحية والعقلية.​

 

[الحلم الوردي]

رد: ملتقى عرائس اللمة الجزائرية 2016

 

[الحلم الوردي]

رد: ملتقى عرائس اللمة الجزائرية 2016

​

 

[الحلم الوردي]

رد: ملتقى عرائس اللمة الجزائرية 2016

​

 

[الحلم الوردي]

رد: ملتقى عرائس اللمة الجزائرية 2016

​

 

[Ľă Mîšš HîBă]

رد: ملتقى عرائس اللمة الجزائرية 2016

علاش يا هبة متعرفيش بلي الحنة الي تحني بيها العروس يسحرولها بيها على الذرية ربي يحفظ و يستر
ماماك ولا جداتك اكيييد يعرفو هذي المعلومة ماقلولكش عليها و حذروك الطبسي لي يخلولط فيه الحنة لالالازم يبقى في يد ماماك برك و هي تتصرف فيه تغسلو و الحنة الي في يدك كي تجي تنحي فيها ماترميهاش اغسليها تحت العين نتاع الماء
و تحصني بالرقية..................
ربي يبعد علينا شر الناس الوحدة في يوم فرحها يسحرولها ربي يستر

يالطيف ربي يحفضنا

والله نسمع بيهم بصح مش في ليلة الحنه اكثرها في ليلة الدخله الله يسترنا
ناس ماولتش تخاف ربي

ربي يخليك ايمان نبهتيني

 

[Ľă Mîšš HîBă]

رد: ملتقى عرائس اللمة الجزائرية 2016

لبـــنــات ارواحو هنا ايمان شاركينا لهنا​

http://4algeria.com/forum/threads/442213/