ارواو تشوفو الجهل وش يدير

[ام أمينة]

​

السلام عليكم و رحمة الله تعالى و بركاته ​

هذا اول موضوع ليا في هاد الركن ان شاء الله يعجبكم ​

​

بالظبط في 8 مارس كان عندي غونديفو عند طبيبة النساء في وحد الكلينيك بريفي ​

كي رحت قعدت نستنا دالتي كيما كامل النسا كانت قاعدة قدامي طفلة ماشي مرا عمرها وحد 16 سنة و اونسانت عندها على حساب ما سمعت 6 اشهر و الله تغيض صغيرونة مع عجوزتها​

هما كانو فوتو دالتهم و قعدو يستناو فلي يجي يديهم ​

سمعت العجوز تقول لكنها و الله اليوم يقتلك ...انا كي سمعت هكا ما نكذبش عليكم رميت وذني نسمع وعلاش؟​

​

قالتلها اليوم يقتلك بارسكو راكي رايحة تجيبي طفلة ؟؟​

و الكنة تقول و انا وعلاش ؟​

و العجوز تقوللها شوفي شكون يسلكك اليوم يقتلك ​

و الطفلة ميتة باللخوف و تترعد ​

و عجوزها ما عرفتش وين راحت ​

لقيتها فرصة و سقسيت الطفلة قولتلها شكون يقتلك ؟​

قاتلي شيخي- يعني ابو زوجها – لانو ما يحبش البنات ​

و عاودت ولات العجوزة و قعدت غير تهدرو تدير الضغط لديك الكنة المسكينة​

​

قعدت حايرة و قلت سبحان الله مازالت الناس جاهلة لهاد الدرجة ​

الطفل و لا الطفلة ربي سبحانه و تعالى هو لي يخلقهم ​

​

و حاجة اخرى العجوز كي قعدت تدير الضغط لكنتها و جاتني كلي تهدد فيها ما خافتش على البيبية و على بنت الناس كشما يصرالها ؟؟​

​

و الله بقيت حايرة ​

اعطوني ارائكم حول هاد الموضوع ​

​

تحياتي للجميع ​

 

[samra3]

رد: ارواو تشوفو الجهل وش يدير

سبحان الله وبحمدسبحان الله العظيملو كان قلتيلها وعلاش للعجوزة هذيك وتاخذي الاجر بلاك تسلم على يدك ....

 

[أميرة تقرت]

رد: ارواو تشوفو الجهل وش يدير

اولا: موضوع رائع للنقاش
ثانيا:
انا نظن الخطأ من اهلها يزوجو بنتهم صغيرة
و زيد جنس الجنين ماشي هي المسؤولة عليه
ربي يهدي هادوما الناس الجاهلين الي يخممو بهادي الطريقة
في انتظار مواضيع اخرى
تقبلو مروري​

 

[تـريـــاق المحـبـة]

رد: ارواو تشوفو الجهل وش يدير

كان الله في عون البنت المخلوقة انشاء الله تكبر شوية وتتعلم كيفاش تتعامل مع الحياة بعد واش قلتي ماشي حق عليها تخوف الفتاة​

 

[السلطانة]

رد: ارواو تشوفو الجهل وش يدير

وعليكم السلام كون قتيلها راهم جابو 4 و5 ذراري
وكي عاد ربي ماش كاتبلهم لحياة يايموتو يايخرجو ماش صالحين وكاين لي ربي ميرزقهمش لاطفل لاطفلة وهوما يتكبرو على النعمة.
ناس جاهلة للأسف مهما تطور الوقت تبقى العقلية هي هي.

 

[¬Đỉaмơŋđ ✿]

رد: ارواو تشوفو الجهل وش يدير

وعليكم السلآم ورحمة الله تعآلى وبركآته

لحقنآ للـ2016 ومازال الجهل داير حآلة ، سبحآن الله
- 16 سنة وحآمل بستة أشهر والله غير تغيض هآذي اللي كيفهآ راهم فالزنقة يلعبو
- هآذ العجوز تآني ربي يهديهآ كيفها ك شيخهآ المسؤول عن جنس الجنين راهو الراجل مش العكس.
- النآس طاروا قلوبهم مسآكن واحد ومارزقهمش ربي ووحد أخرين أكرمهم ربي ومآيعرفوش للنعمة ، أستغفر الله

​

 

[oussama9694]

رد: ارواو تشوفو الجهل وش يدير

ما هذا الجهل المركب ؟؟؟؟؟

حسبنا الله و نعم الوكيل
​

 

[فيتامين سي]

رد: ارواو تشوفو الجهل وش يدير

نوغمالمو ممنوع أصلا تتزوج
على حساب تزوجت على 15 الجهل وين وصل و هدا شيخها ان شاء الله ربي ينتقم منه و راجلها رخيس لدرجة هدي
يقتلها علاش الناس لعبة و ميحبش البنات و قيلة هو تزوج طفل غباء و الله
انا نتم نحكي مع العجوزة و نسمعها مالا يرضيها ..اخر حاجة نقوللها حسبيا الله و نعم الوكيل ..ربي يورينا فيك نهار على ظلمك

 

[racha001]

رد: ارواو تشوفو الجهل وش يدير

rabi yahdihom

 

[ليليا مرام]

رد: ارواو تشوفو الجهل وش يدير

السلام عليكم اختي
الجهل الاول دارهم علاه يزوجوها عندها 15 سنة هذو مهابل راهي مازلت تلعب وزيدي الجهل رماوها عند ناس هكذا متوحشين سبحان الله وعنتر اللي متزوجاتو واش دخل باباه ويا ويلي يا
انا هذا مش جهل برك قمة الجهل
الجنس مسؤول عليه الراجل مش المرا وقبل كل شي ربي هو اللي يكتب مسكينة ان شاء الله ما يكون صرالها والو الله يحفظنا
كاين الشيخ يضرب الكنة اسمحيلي هذي وين مازالت كاينة ويااا ودارهم وين راهم الناس ترمي بناتها وخلاص
الله يسترنا

 

[zohor kfz]

رد: ارواو تشوفو الجهل وش يدير

allah ystor el3a9iba enas kabar w ta39al w homa zaydin f7alhom
7ram 3lihom yzawjo bant sghiraaaaa

 

[لؤلؤة قسنطينة]

رد: ارواو تشوفو الجهل وش يدير

السلام عليكم
يعني مازالو مثل هاد الناس عايشين؟؟
الناس اي تخترع في آلات يتم شحنها بالماء، وناس اي تخترع في سماعات للأذن
ينقلولك الموسيقى من خلال الدماغ فقط بلا ماتحطي في ودنيك وشعب خلاف او مازال
يقول الطفل والطفلة؟؟ يعني عيب والله، هاد العصور وهاد الوقت لي عدا ومازالت الناس جاهلة ؟
أولا وين راهم الوالدين هادو لي يطيشو في بنتهم، وثانيا واش علاقة شيخها بالموضوع؟؟
ياك المفروض القرار لي راجلها ، وزيد واش هاد الجهل تاع ماتجيبيش طفلة وجيبي طفل
رايحين يدخلو في الجهل، كن عبدو الاصنام أحسن على الاقل تخرج عليهم
خاطر لي يعرف بينو وبين مولاه مايديرش هاد الافعال ويتبع هاد الجهل
ربي يهدينا ويهديهم ويعافينا ان شاء الله
تحياتي اختي
​

 

[حروف تائهة]

رد: ارواو تشوفو الجهل وش يدير

السلام عليكم
لا حول و لا قوة الا بالله
اولا 16 سنة ما زالت صغيرة على الزواج و الحمل
ثانيا اهلها كيفاش يرمو بنتهم عند ناس متخلفين كيما هكا
ثالثا حماها واش دخلو حتى يضربها و راجلها كيفاش يرضى مرتو تتضرب
رابعا و الاهم ياخي ربي سبحانه هو لي يرزق عباده الذرية سوا بنت و لا ولد
سبحان الله ناس ربي مارزقهمش و يتمنو في النهار لي يجيهم فيه بيبي
و ناس ربي رازقهم من خيره و ما يحمدوش ربي
ربي يهدي هذا ما كان.

 

[ام أمينة]

رد: ارواو تشوفو الجهل وش يدير

سبحان الله وبحمدسبحان الله العظيملو كان قلتيلها وعلاش للعجوزة هذيك وتاخذي الاجر بلاك تسلم على يدك ....

يا ختي ما لقيت ما نقوللها انا و خفتها كي كانت تهدر هكاك ميم في وجها تبان عجوز قبيحة و الله اعلم
اكتفيت غير ندعي للمخلوقة ما يصرالها والو
​

 

[ام أمينة]

رد: ارواو تشوفو الجهل وش يدير

اولا: موضوع رائع للنقاش
ثانيا:
انا نظن الخطأ من اهلها يزوجو بنتهم صغيرة
و زيد جنس الجنين ماشي هي المسؤولة عليه
ربي يهدي هادوما الناس الجاهلين الي يخممو بهادي الطريقة
في انتظار مواضيع اخرى
تقبلو مروري​

صح الخطأ الاول تاع اهل البنت كي زوجوها صغيرة
و الله تحيري الناس كيفاش مازالها تخخم
​

 

[ام أمينة]

رد: ارواو تشوفو الجهل وش يدير

كان الله في عون البنت المخلوقة انشاء الله تكبر شوية وتتعلم كيفاش تتعامل مع الحياة بعد واش قلتي ماشي حق عليها تخوف الفتاة​

يا ودي انا و خفت في بلاصتها ما بالك هي و كيفاش كانت تحكي معاها بنوع من التهديد
ربي يهديها
​

 

[ام أمينة]

رد: ارواو تشوفو الجهل وش يدير

وعليكم السلام كون قتيلها راهم جابو 4 و5 ذراري
وكي عاد ربي ماش كاتبلهم لحياة يايموتو يايخرجو ماش صالحين وكاين لي ربي ميرزقهمش لاطفل لاطفلة وهوما يتكبرو على النعمة.
ناس جاهلة للأسف مهما تطور الوقت تبقى العقلية هي هي.

الناس جاهلة
الكرش لي تجيب الطفلة تجيب الطفل
لوكان جاو يخممو شوية
​

 

[ام أمينة]

رد: ارواو تشوفو الجهل وش يدير

وعليكم السلآم ورحمة الله تعآلى وبركآته

لحقنآ للـ2016 ومازال الجهل داير حآلة ، سبحآن الله
- 16 سنة وحآمل بستة أشهر والله غير تغيض هآذي اللي كيفهآ راهم فالزنقة يلعبو
- هآذ العجوز تآني ربي يهديهآ كيفها ك شيخهآ المسؤول عن جنس الجنين راهو الراجل مش العكس.
- النآس طاروا قلوبهم مسآكن واحد ومارزقهمش ربي ووحد أخرين أكرمهم ربي ومآيعرفوش للنعمة ، أستغفر الله

​

صح لي قدها مازالو يقراو و يلعبو فالزنقة
و الله ما عرفت كيفاش يخممو
ربي سبحانو هو لي يخلق الذكر و يخلق الانثى
صح الناس تتحرق قلوبها على الصغار يجرو و يداوو و يا ربي الا داواو و حملو
​

 

[ام أمينة]

رد: ارواو تشوفو الجهل وش يدير

ما هذا الجهل المركب ؟؟؟؟؟

حسبنا الله و نعم الوكيل
​

كيما قلت حسبي الله و نعم الوكيل
​

 

[ام أمينة]

رد: ارواو تشوفو الجهل وش يدير

السلام عليكم
يعني مازالو مثل هاد الناس عايشين؟؟
الناس اي تخترع في آلات يتم شحنها بالماء، وناس اي تخترع في سماعات للأذن
ينقلولك الموسيقى من خلال الدماغ فقط بلا ماتحطي في ودنيك وشعب خلاف او مازال
يقول الطفل والطفلة؟؟ يعني عيب والله، هاد العصور وهاد الوقت لي عدا ومازالت الناس جاهلة ؟
أولا وين راهم الوالدين هادو لي يطيشو في بنتهم، وثانيا واش علاقة شيخها بالموضوع؟؟
ياك المفروض القرار لي راجلها ، وزيد واش هاد الجهل تاع ماتجيبيش طفلة وجيبي طفل
رايحين يدخلو في الجهل، كن عبدو الاصنام أحسن على الاقل تخرج عليهم
خاطر لي يعرف بينو وبين مولاه مايديرش هاد الافعال ويتبع هاد الجهل
ربي يهدينا ويهديهم ويعافينا ان شاء الله
تحياتي اختي
​

يا اختي ما تشوفيش كاين بعض المناطق الشيخ هو لي يحكم
يقولها تدخل و لا تخدم و لا تروح ولا لالا يعني الشيخ هو لي يحكم و الزوج والو كلام باباه لي يمشي و لو يتعلق بزوجته
و الله يهديهم
​