مجاهدين من النوع الرفيع ارواحو

[ليليا مرام]

رد: مجاهدين من النوع الرفيع ارواحو

السلام عليكم
والله يا مريومة جبتيها في الصواب ههههههه
خاطر هاد الايام راهم معيفيني الشباب تاع الفايس بوك هادو (حاشا لي مايستاهلش طبعا)
وماش غير الشباب يعني حتى لبنات، صدقيني ساعات طيح عيني على صفحات جزائرية
وانا قلييييل وين نتابع صفحة جزائرية عبر الفايس بوك، بالاك عندي زوج صفحات فقط،
صدقيني نشوف لعجب ولي يمرضني هادوك لي كومونتار التافهين لي ماعندهم حتى معنى،
يتفلسفو على غيرهم وهوما راهم معوجين، مايطلقو حتى عبد ،
تجبدلهم على لبس البنات يقولك بنات الجزائر كامل ماش مربيات وفيهم وفيهم وفيهم
وهوما بعد على علاقة بهاد النوع من البنات، تبدلهم الموضوع تقولهم ماكانش خير من الطفلة
لي مستورة يقولك بلي (حجابي عفتي وحجابي سر سعادتي) هادوك هوما اكبر فاسقات
على وجه الارض ويستعملو حجابهم لحوايج خاطية الطريق، درك ماش نتحر -_-
فهمو رواحكم؟ واصلا واش دخلكم كل واحد يتبع طريق ربي ويخلي الخلق للخالق، نعدلو نفوسنا قبل
ومن بعد يرحمها ربي، وكيما قلتي يبدا يقولك جهاد وهو يخرج من فمو كلام فاحش يخليك
تستغفري في بلاصتو لآخر يوم من عمرك، وبلا الصلاة لي من يمات الابتدائي مازادش صلاها
اما هادوك لي عينهم على الشيشانية والقاورية وزعما يقولك ماتعجبنيش بنت بلادي، وهو في تيليفونو
ماخلا لا منال ولا سامية ولا فتيحة، اي واحد الشعب هو نفسو ماش فاهم روحو ويحب يفهموه الغاشي
ربي يهدينا ويهديهم برك، وكيما قلتي هادو الدراري لي يديرو هكا مع اني مالفة نشوف شياب يدورو
تما، وفي الاخير مازالو كاينين شباب لي طيبين وصالحين هدفهم رضا الله ورضا الوالدين
وربي يكثر من امثالهم ان شاء الله
شكرا مريومة على الموضوع
تقبلي مروري
​

اهلا اختي مريم نورت الموضوع
ايه يا اختي انا نشوفهم يضحكوني يحوس يجاهد وهو الجامع قدام دارهم وما بعرفوش
ايييه اما ذوك نتاع حجابي عفتي خليهم ايه عفتها فحجابها ما شفناهاش كان سروال سليم كان حجاب تركي كل وحدة تعرف عفتها وراء حجابها
ايه شيشانية وباكستنايه يكثرو اللوبية قبل من الرقاد :d شيشانيه راهي تستنى غير فيهم
نقولك انا من عندي غير يروحو راهم طولو
شعب مش عارف وين بروح
شكرا نورت بلاصتك
شكرا

 

[ليليا مرام]

رد: مجاهدين من النوع الرفيع ارواحو

السلام عليكم و رحمة الله و بركاته
كيفك مريم؟؟ ان شاء الله تمام
بالنسبة لموضوعك كتيير عجبني و يؤسفني فعلا انو في شباب تفكر هيك ..تفاهة بمعنى الكلمة ..تلاقيه آية قرآنية مو حافظها و اذا كان حافظها ما يعرف تفسيرها و بعدين يقلك بدي أخدها شيشانية او اجنبية و راح دخلها للاسلام...هنا المخ يستقيل

السلام عليكم نعمة واش راكي
يا بنتي غبت ورجعت سورية قريب ما عرفتكش
المشكل بينهم بين مولاهم علاه يصرعونا نتوما كافرات متبرجات ونروحو ندو قاوريه ندخلوها للاسلام وهو خارج منو شباب مريض
شكرا نورت الموضوع تؤبريني

 

[ليليا مرام]

رد: مجاهدين من النوع الرفيع ارواحو

ههههههه

كين لي صح انسان تاع دين مي عندو حماسة زايدة وما زال ما اختبر الدنيا و مشاكلها و ما زال ما فهمش شا معنى الجهاد الحقيقي لي هو جهاد النفس و هدا النوع يهدرو بزاف على القدس و فلسطين ....

وهادو لي يهدرو على الشيشان غير خروطي في خروطي.... الأولى و الأهم يهدرو على فلسطين و القدس و المسجد الاقصا

و هادو تاع قاورية و ندخلها الاسلام ماكانش منهم تاني .. هو المهم يتزوجها و مبعدا ما يهموش الامر اذا دخلت و لا لا ... و المشكل نخافو عليهم هوما يخرجو من الاسلام.. لأنو ماعندهمش الثقافة و الفكر الاسلامي لي يقدر يقنع واحد باه يدخل الاسلام + ما كانش الاخلاق عندهم و لي هي الاساس باه يتأثرو الناس بيه و يدخلو الاسلام .... و راني مْجَرَّبهُم هادي النوعية

+
وشا معناتها تركي و سوري و مكسيكي:s ؟؟؟؟ زعما يخرجلك من التيلي و تتزوجي بيه:d ؟؟؟؟

السلام عليكم
ايه السي اسامة تحليل واقعي واللهوما جات للقدس وفلسطين عارفة كل البران لو يسمحو ليجون يروحو مي نحكي على النفاق واحد يخاف من خيالو ما عندوش الكوراج حتى في دبزة يروح يجاهد وعمرو ولا صلى ويروح يتزوج باه يدخلها للاسلام سقسيه برك على اي صحابي فالاسلام ما. يعرف عليه والو سقسيه على الشاب تيتو يحكيلك حياتو كلها ايييه هاهم المجاهدين
انا ما يخرجليش من تليفيزيو انا عندي النيف ما نخليش وليد بلادي وحاجه تخصني تديه شيشانيه او قاوريه عندي وانا تحبس انا او قبرو وهو يختار قالو شيشانيه هههه
نورتني

 

[ليليا مرام]

رد: مجاهدين من النوع الرفيع ارواحو

انا دزيرية ودارت فيا العجب وراتلي الشمس في الليل
واش داني للشيشانية
هي المشكل ماشي في الراجل بصح نضن اكثر منو في البنت الجزائرية
تلقاها ماتشبه لوالو وترفع في نيفها على ولد البلاد
مي اجنبيات تلقايها نورمال ما علابالهاش طول مالغري دير واش دير
الشيشانيات اصلا مسلمات كيما الدزيريات وماهومش كفار كيما يحسبو
الناس ومن بعد اسلمو لا هم مسلمين في الاصل واصلا الشيشانية
ما تصلحش لواحد دزيري غدوة تنوظو يقوم الليل ولات تبعثو يجاهد ضد الروس يقلها امشي تلعبي
والله هي كي تجي تشوفي ساعات من كلا الاطراف لكن رايي الشخصي انو الفتيات الجزائريا
والبعض طبعا والله غير يستاهلو نروح نحوس في افريقا الوسطى على امراة من ثم ومانديهاش هي
سلام ..​

السي حكيم راني وصلت عندك
وهذيك هي حلاوة الجزائريه ماكان حتى مرا تشبهلها تديها شيشانية وجها صفر وفيها قرصة حمرا فوق خدها تضربها كف تتفتت شوف دزيريه تدي المطرق صباح والعشية تزيد تسمان :d
المشكل اللي ما يشبهو لوالو تحبوهم عمرك ولا شفت واحد شباب مع وحده هي طالعة تبان هابطة اكيد شفتها يعني ليجون نتاعنا ما تهموش الكركاسه لانو ماراحش يديها للدار ياو يعرف واش يخير كي يجي يتزوج
ايييه لازم.نحسبو رواحنا نعزوها مدامزتقيمو عجايز فرنسا علينا
ايه نتخيل فيك مع افريقية هههههه حليب وقهوة هههههه وبنتها هااااااااايله

 

[ليليا مرام]

رد: مجاهدين من النوع الرفيع ارواحو

ربي يهديك
واااش هاذ التمنشيرة

بصدق معاك ألف حق
شبابنا يتباهى بحمل الأثقال و هو عاجز
عن حمل الكوفيرطة عند الصبح
شبابنا يتباهى بالرجولة و هو أصلا ماشي راجل
لابس بودي و سروال هابط
و عامل نيفيا لوجهه و ما يقدرش يبعد على ماماه

لكن من الطرف الآخر لبنات تاني غالطين
أغلبهم بلا ماكياج تقول عليها كائنات فضائية
و لما تتمنى تقول كيما عساف و تامر حسني او ديكابريو

الهدرة قليلة و النيف في السما و التكبر و معاه الجياحة
برة تقول عليها هاذي كلش بالقدر و النيظام
لوكان تتقدر عليك و تدخل بيتها تلقى كل انواع الحشرات و الأوساخ

ههههههههههه
واش رايك في تمنشيرتي أختي مريم​

اهلا خويا الامين
ايه عندي الحق مانيش نجيب من عندي نجو لتمنشيرك شوف انا كي فحله ونقولك وي كاينة مزوقة من برا وكاليها الدود فدارها ايييه كاينة اما تحسب روحها وتتمنى تامر حسني وديكابريو ها على حساب مسعود يجري ورا مادوناياو قلنا تجيبو يماه وتجي تخطب حتى لو باه تتقيا ما تتقياش عليه ويتشرط وينفخ فرحو كي سردوك العرب علاه ما نحسبوش رواحنا حنا ايييه خويا امين نتعوجو مع اللي يتعوج
مي انا ما شفتش بنات قالو نروحو نجاهدو تقول نروح ندير سيشوار ماكياج نركب ضفاري خارجة بيها ديركت ارواح شوفلي اللي قنفود فوق شعرو وماراهش قادر يرفد سروالو ويروح يجاهد
نورتني

 

[ليليا مرام]

رد: مجاهدين من النوع الرفيع ارواحو

السلام عليكم
مريم اختي راكي حكيتي الصواب
مي شكون يقول هاد الكلام شباب طايش عقلو صغير
لوكان تحكي مع واحد قاري واعي مثقف كلامو غير
يجاهد هههههه باش يجاهد بالسروال الطايح والديفريزاج
وبنات الشيشان بعدا هو يوصل ليهم بوه عليكم
الفايس تشوفي العجب والله انا نموت بالضحك
ربي يهديهم​

اهلا مليكة نورت موضوعي
ايييه شفت داير النيفيا وجهو يزلق كثر من وجهي ويروح يجاهد ايييه انا قتلهم ضربو اللوبيا مع العشا باتو فالشيشان هههههت
شكرا

 

[oussama9694]

رد: مجاهدين من النوع الرفيع ارواحو

السلام عليكم
ايه السي اسامة تحليل واقعي واللهوما جات للقدس وفلسطين عارفة كل البران لو يسمحو ليجون يروحو مي نحكي على النفاق واحد يخاف من خيالو ما عندوش الكوراج حتى في دبزة يروح يجاهد وعمرو ولا صلى ويروح يتزوج باه يدخلها للاسلام سقسيه برك على اي صحابي فالاسلام ما. يعرف عليه والو سقسيه على الشاب تيتو يحكيلك حياتو كلها ايييه هاهم المجاهدين
انا ما يخرجليش من تليفيزيو انا عندي النيف ما نخليش وليد بلادي وحاجه تخصني تديه شيشانيه او قاوريه عندي وانا تحبس انا او قبرو وهو يختار قالو شيشانيه هههه
نورتني

حاجة تخصك:s ؟ ولّى الطونومبيل تاعك ؟؟؟
آآآه راكي تغاري من الشيشانية ... قوليها من البداية في الموضوع :d
حتى الشيشانيات ما عندنا ما نقولو عليهم :p

+ ربي يحفظلي بنت بلادي رانا غير نهدرو

 

[ليليا مرام]

رد: مجاهدين من النوع الرفيع ارواحو

حاجة تخصك:s ؟ ولّى الطونومبيل تاعك ؟؟؟
آآآه راكي تغاري من الشيشانية ... قوليها من البداية في الموضوع :d
حتى الشيشانيات ما عندنا ما نقولو عليهم :p

+ ربي يحفظلي بنت بلادي رانا غير نهدرو

ابييه حاجة تخصني لما نتزوج راجلي يولي حاجه تخصني اللي تقرب تموت
نغير من الشيشانية هههههه ياخي اسامة ضحكتني ياو انا دزيرية كل البدان دايرينا الف حساب نوقف قدامها لازملها ليكوش خلي لو بديت نسيق بها الشيشان نتاعها تربينا فالغابه اسامه بلاك تنسى ههههه

 

[oussama9694]

رد: مجاهدين من النوع الرفيع ارواحو

ابييه حاجة تخصني لما نتزوج راجلي يولي حاجه تخصني اللي تقرب تموت
نغير من الشيشانية هههههه ياخي اسامة ضحكتني ياو انا دزيرية كل البدان دايرينا الف حساب نوقف قدامها لازملها ليكوش خلي لو بديت نسيق بها الشيشان نتاعها تربينا فالغابه اسامه بلاك تنسى ههههه

تربيتو في الغابة و ما تعرفوش الشنين ماكانش منها :p

خليك عاقلة ... الشيشانية ديما رافدة الكلاشينكوف ومدربة على الجهاد و الغزو :sport02:
------
ايا تبقاو على خير
دمتم

 

[safouane batna]

رد: مجاهدين من النوع الرفيع ارواحو

والله المرة هاذي اسمحيلي نلومك شويا أنت راكي ديري على هاذ الجماعة نتاع الجهاد والحرقة والشيشانيات والله فكرتيني في حكاية نحكيهالك تلخص كلش : قالك واحد حاب يزوج قاورية وباباه ماحبلوش قالو لازم تدخل للاسلام راح عطاها كتب عل الاسلام وقالتلو اعطيني مهلة نقراهم كي كملت المدة راحلها قالتلو راني قريتهم و دخلت للاسلام ، قالها وكتاه نزوجو قالتلو كي تولي انت مسلم نزوجك... وبالنسبة للجهاد والله ضحكتني نهار لعبت فلسطين هنا والشعب راح ويناصر فيهم وتفكرت المناصرين نتاعنا كل سمانة القتل والتكسار مابيناتهم ويشجعو فلسطين؟ ياخويا ريقل روحك وساهل انت مارحمتش خوك وتشوف للناس؟ هاذ الناس نتاع الفايسبوك من دارو مايبعدش ولاعبها حاجة كبيرة ويسب الناس ويقذف فيهم اما الواقع مانحكيوش خير

 

[MOHAMED LAMINE7]

رد: مجاهدين من النوع الرفيع ارواحو

ليقولتيهم كامل معمروش دماغي لعجبتني .. انو يطلب ربي يقبض روحو ساجد وهو لا يصلي

 

[ليليا مرام]

رد: مجاهدين من النوع الرفيع ارواحو

تربيتو في الغابة و ما تعرفوش الشنين ماكانش منها :p

خليك عاقلة ... الشيشانية ديما رافدة الكلاشينكوف ومدربة على الجهاد و الغزو :sport02:
------
ايا تبقاو على خير
دمتم

وانا نتربى فالغابة على جال الشنين ياو تربيت فيها باه ندافع على روحي يا الفاهم
ايييه حنا هدرنا على السلاح واش راحلي فيها تحرب الروس انا دورلي بالسبع نتاعي
تجي هي والروس نتاعها
راني عاقله والله ههههه
شكرا لانك مناقش ومحلل تصبح على الشيشان ههههه

 

[MOHAMED LAMINE7]

رد: مجاهدين من النوع الرفيع ارواحو

لمليحة انو يجيبها هندية ويذبح بقرة يوم العرس ويتحول العرس الى كارثة وتنوض الحرب مابين الجزائر والهند
هنا يكون دور الشيشانيات يرفدوا السلاح ويدافعوا على الوطن لانه عندهم خبرة في هذا المجال
ان شاء الله عرفتي فائدة الزواج من الشيشانيات مش العينين الزرق والشعر الأصفر انما الدفاع عن الوطن
لا بد على الشاب الجزائري ان يضحي من اجل وطنه

 

[ليليا مرام]

رد: مجاهدين من النوع الرفيع ارواحو

والله المرة هاذي اسمحيلي نلومك شويا أنت راكي ديري على هاذ الجماعة نتاع الجهاد والحرقة والشيشانيات والله فكرتيني في حكاية نحكيهالك تلخص كلش : قالك واحد حاب يزوج قاورية وباباه ماحبلوش قالو لازم تدخل للاسلام راح عطاها كتب عل الاسلام وقالتلو اعطيني مهلة نقراهم كي كملت المدة راحلها قالتلو راني قريتهم و دخلت للاسلام ، قالها وكتاه نزوجو قالتلو كي تولي انت مسلم نزوجك... وبالنسبة للجهاد والله ضحكتني نهار لعبت فلسطين هنا والشعب راح ويناصر فيهم وتفكرت المناصرين نتاعنا كل سمانة القتل والتكسار مابيناتهم ويشجعو فلسطين؟ ياخويا ريقل روحك وساهل انت مارحمتش خوك وتشوف للناس؟ هاذ الناس نتاع الفايسبوك من دارو مايبعدش ولاعبها حاجة كبيرة ويسب الناس ويقذف فيهم اما الواقع مانحكيوش خير

السلام عليكم خويا صفوان اهلا وسهلا ايه لومني على روحك خويا وانا علاه ندير المواضيع مش لازم دايما توافقوني او نكون انا على صح انا نحطهم ونشوف رايكم
ما نديرش عليهم انا نعتبرهم مرضى او واحد راقد وراه ينوم اللي يكون قادر على شفاه يجي باين ياو الراجل نتاع الصح مش محتاج يدخل للفايس بوك ويقول ندير وندير
راك جبت كلام الصح يجي يكسر ويقولك نحرر فلسطين لازم يحرو عقلوهم من التفكير هذا اما يتزوج شيشانية او برتغالية والله لو حاب يروح طريق السلامة نتهناو من هكذا اشكال
نورتني خويا صفوان
شكرا

 

[ليليا مرام]

رد: مجاهدين من النوع الرفيع ارواحو

ليقولتيهم كامل معمروش دماغي لعجبتني .. انو يطلب ربي يقبض روحو ساجد وهو لا يصلي

السلام عليكم خويا محمد ليمن
اييه عندك الحق هذي الشابة كامل فيهم ياو راني نسيتها برك موالفة نشوفها فالنت يعيش عيشة الكفار ويحب يموت كالصحابى الله يهديهم

لمليحة انو يجيبها هندية ويذبح بقرة يوم العرس ويتحول العرس الى كارثة وتنوض الحرب مابين الجزائر والهند
هنا يكون دور الشيشانيات يرفدوا السلاح ويدافعوا على الوطن لانه عندهم خبرة في هذا المجال
ان شاء الله عرفتي فائدة الزواج من الشيشانيات مش العينين الزرق والشعر الأصفر انما الدفاع عن الوطن
لا بد على الشاب الجزائري ان يضحي من اجل وطنه

ايييه وعلاه عراسنا ما راهمش يذبحو فيهم البقر روح شوف اعراس تبسة وباتنة وغيرو وغير وفالشرق ما يهدروش على كبش واحد ياو الهدرة من 7 للفوق وبالمكريف زيد شوف اعراس تبسة تقول حرب مش عرس ايييه نورولهم عرس واحد برك من اعراس بير العاتر ايييه يهربو قبل ما يحتلونا
شيشانية وهندية داقع علينا وعلاه شكون اللي راحت للجبل بوحيرد او كارينا كابور الله الله عندنا نسا ضربو المثل وكانو كثر من الرجال وارواح لينا حنا انا شفت نسا وقت الارهاب كان عندهم الكوراج كثر من الرجال
الشاب الجزائري صح ضحى على بلادو تخبى على 4 ونصف فدارهم خاف من الموس ويروح يحررها من الرشاش هذي التالية نتاعهم:d:d:d
نورتني شكرا لك

 

[MOHAMED LAMINE7]

رد: مجاهدين من النوع الرفيع ارواحو

في جزائر المجد ونبع الجمال ومنتدى الفكر ومهد الجلال
لحراير لراكي تهدري عليهم وكانوا سببا في تحرير الوطن من المستعمر هذوك بنات جمعية العلماء المسلمين تربوا في المساجد وكانت تربيتهم القرآن كانوا يعرفون ماهو الوطن وماهي الشهادة وماهو الجهاد .. تربوا على ايدي بن باديس والابراهيمي والطيب العقبي وغيرهم .. تربوا على الكسرة وخبز الشعير ..
اما حراير اليوم راكي شايفتهم ماكلاه نجبدلك على الجامعات والثانويات والإدارات والكباريهات واللي تشوفيهم على ناصية الشوارع يتاجرون بأجسادهن .. هاذم جيل الغد ومستقبل الامة لراح ينجبوا أمثال بن بولعيد وبن مهيدي وصلاح الدين .. بنات ام بي سي بوليود والمسلسلات التركية والمكسيكية
شوفي لحراير الاولين على علاش تربوا من مبادئ وشوفي حراير اليوم أي مبادئ راهي عندهم
اما لو جانا احتلال .. لايوجد عندنا جيش يدافع على هذا الوطن .. اول من يرمي السلاح والكومبا هوما
الناس من افراد الجيش اللي في الحدود مش لاجلك انتي او دفاع عنك انتي او على الشعب انما لبعثوهم الى تلك الحدود هو الدفاع عن مصالحهم وعن أموالهم وشركاتهم الموجودة في عين امناس وحاسي مسعود.. وربي ان شاء الله يحفظ أولئك الجنود ويعودون سالمين
سبع سنوات ونصف جات فيها رجال حررت الجزائر وكلهم ماتوا شهداء اختارهم الله الى جواره
لو كان في الجزائر رجال وحراير راهي فرنسا مقعدتش في الجزائر 132 سنة
تاريخ الجزائر كله كوارث الى اليوم كله دم وحروب وخيانة .. فرنسا لم تقدر على قيادات الثورة لكن الخيانة هي من قتلهم

 

[ليليا مرام]

رد: مجاهدين من النوع الرفيع ارواحو

في جزائر المجد ونبع الجمال ومنتدى الفكر ومهد الجلال
لحراير لراكي تهدري عليهم وكانوا سببا في تحرير الوطن من المستعمر هذوك بنات جمعية العلماء المسلمين تربوا في المساجد وكانت تربيتهم القرآن كانوا يعرفون ماهو الوطن وماهي الشهادة وماهو الجهاد .. تربوا على ايدي بن باديس والابراهيمي والطيب العقبي وغيرهم .. تربوا على الكسرة وخبز الشعير ..
اما حراير اليوم راكي شايفتهم ماكلاه نجبدلك على الجامعات والثانويات والإدارات والكباريهات واللي تشوفيهم على ناصية الشوارع يتاجرون بأجسادهن .. هاذم جيل الغد ومستقبل الامة لراح ينجبوا أمثال بن بولعيد وبن مهيدي وصلاح الدين .. بنات ام بي سي بوليود والمسلسلات التركية والمكسيكية
شوفي لحراير الاولين على علاش تربوا من مبادئ وشوفي حراير اليوم أي مبادئ راهي عندهم
اما لو جانا احتلال .. لايوجد عندنا جيش يدافع على هذا الوطن .. اول من يرمي السلاح والكومبا هوما
الناس من افراد الجيش اللي في الحدود مش لاجلك انتي او دفاع عنك انتي او على الشعب انما لبعثوهم الى تلك الحدود هو الدفاع عن مصالحهم وعن أموالهم وشركاتهم الموجودة في عين امناس وحاسي مسعود.. وربي ان شاء الله يحفظ أولئك الجنود ويعودون سالمين
سبع سنوات ونصف جات فيها رجال حررت الجزائر وكلهم ماتوا شهداء اختارهم الله الى جواره
لو كان في الجزائر رجال وحراير راهي فرنسا مقعدتش في الجزائر 132 سنة
تاريخ الجزائر كله كوارث الى اليوم كله دم وحروب وخيانة .. فرنسا لم تقدر على قيادات الثورة لكن الخيانة هي من قتلهم

السلام عليكم
ردك رائع وانا اقر انه حقيقي وواقعي ولك الحق في كل كلمة
ان شاء الله ربي يحمي جنودنا وشبابناعلى الحدود
رببي يحفظك ردك كافي ووافي لا غبار عليه شكرا لك

 

[كنت أنثى]

رد: مجاهدين من النوع الرفيع ارواحو

السلام عليك اختي مريم ان شاء الله تكوني ملييحة و ارتحت شوي
و الله فشيتيني بالموضوع تاعك يعكيك الصحة يا الفحلة و الله كلام في الصواب ​

 

[ليليا مرام]

رد: مجاهدين من النوع الرفيع ارواحو

السلام عليك اختي مريم ان شاء الله تكوني ملييحة و ارتحت شوي
و الله فشيتيني بالموضوع تاعك يعكيك الصحة يا الفحلة و الله كلام في الصواب ​

السلام عليكم اهلا وسهلا جزاك الله كل خير
الحمد لله اختي الله يخليك يا رب
ايه ومازال نزيد نفششكم مازال هذي البداية برك
ويخليك انت ثاني تعيشي شكرا