كُرسٍيّ التّعآرُف_الضَّيفَة{ sarakoukou }

[ثَسْكُورْثْ نَثْدُوكْلِي]

رد: كُرسٍيّ التّعآرُف_الضَّيفَة{ sarakoukou }

السلام عليكم

وعليكم السلام ورحمة الله وبركاته

ماجيت نخلص التوقاب الشيب ناضلي ههههه

خخخ وقابة قرعاجية تزيدي تهدري :p

ماخلاو حتى سؤال وسألوه خليولنا شوي -_- ، غير نضحك
صراحة وانا نقرا قدرت نعرف سرسورة شوي، هي فتاة طيبة..طموحة
مشاكسة:-r احم
:d راسها خشين هههه بصح قلبها بزااف حنين
:s راسي خشين
وستايلك في اللباس نفس ستايلي ^^ ما عدا الساعة هههه
ربي يحفظك من كل سوء ان شاء الله

:-r:-h صحيتي صحيتي ربي يحفظك انت تاني منورة

هيا نعطيك اسئلة خفيفة برك
:graduation:
وكتاه انتقلتي للعيش في سطيف؟؟

مممم عندنا شحال بريسك كي كنت صغيرة

وبالرغم من أنك قلتي بلي ماتعرفيش للعربية وتحكي غير قبايلي
واه غير قبايلي
بصح نشوف العكس وخاصة في اللغة العربية الفصحى ، ولا عندك مشكل غير في اللهجة العامية؟

ايوه عندي مشكل في العامية وبديت نسلكها شوي كي طلعت للجامعة تع سطيف وتعلمت منهم شوي شوي
مي كيما قلتلكم نخلطها عاصمي سطايفي ومرة نقلقل ومرة ن gل gل :d

فكرتيني بوحدة صاحبتي سطايفية كي نبدى نهدر هي ماتحبسش من الضحك خخخخ تقلشيء دوك نصنع صاروخ وديفوا نخلط الفصحة المهم نسلكها ويفهموني كي نهدر هيهيهي

حسب واش قريت من ردودك مالقيتش في ردود سارة احلام كيما باقي البنات
مثلا مالقيتكش كاتبة حلمي نأسس اسرة ونلقى نصفي الثاني مثلا
فهل هذا يعتبر من احلامك الجميلة؟ ولا ماش مصنفتو كحلم؟

:d هاو احشمي يا طفلة احم هذوك من اسرار خخخخ
مممم وش نقولك اكيد مكانش طفلة ماتخممش هكاك
مي صح عندك الحق قليل وين نخمملها ;)
ماشي دوكا وسوستيني ودرتيها في بالي وراني نخمم شكون هذا سعيد الحظ :-r اللي يديني :p
ايا ربي يرزقنا الزوج الصالح ;) مي مزال شوي خخخ صغرونات الله يبارك

سؤال خلاف: واش معناها الكلمة لي تكلمتي بيها نتي وخويا مالك ههههه راهو قتلني الفضول

ههههههااااي والله والو الزينة شوفي قالي لاه درتي ف توقيعك الخطرة اللي فاتت كلمة ( ذاشو..؟ ) ( ماذا..؟)
قلتلو درتها برك نفحة :p
وبعدها قالي ارثمليليث معناه لوقت آخر :d
هذا مكان مريووومة وانت تطلعي وتحبطي :p


درك راهو وقت صلاة العصر ولا كن جبتلك جبل من الاسئلة ههه
من ورا الصلاة لا حب ربي نوليلك ان شاء الله
بالتوفيق عزيزتي

الله يقبل عليك وعلينا اجمعين
دعواتك وفقط
مَرحْبَا يَسَمْ أثعْزيزثْ​

بارك الله فيك منورة

 

[لؤلؤة قسنطينة]

رد: كُرسٍيّ التّعآرُف_الضَّيفَة{ sarakoukou }

يآآه قاتلك مازال صغرونات
اجري ابنتي او فاتنا القطار هههه غير نضحك
اصلا اني نسمع لكلامك :$ نتي ختي لكبيرة عليا بـ 3 ايام ههه
هيا نوليو للجد دركا نحبسو شوي ضحك ههه

بسم الله
بما أنو دخلتلك في موضوع حساس شوي
واش هي مواصفات رجل أحلام سارة؟؟
قلتي بلي دركا ماراكيش مهتمة بموضوع الزواج، لو يجيك خاطب دركا
وفيه كل المواصفات لي رايحة تذكريها لفوق ههه ترفضيه؟؟
سارة لو ماسماوكش سارة واش تتمناي يكون اسمك؟
اعطيني اجمل اسم ولد وبنت تحبي تسمي بيهم وليداتك مستقبلا
سارة مهووسة باقتناء الهواتف الذكية ولالا؟؟
واذا كانت الاجابة لا واش هو نوع الهاتف لي عندك؟
واذا كانت الاجابة نعم واش هو نوع الهاتف لي عندك هههه
ولا واش هو نوع الهاتف لي متمنية يكون عندك؟
لاحظت من بعض مواضيعك السابقة عندك موهبة في الرسم ماشاء الله
وكتاه تم اكتشاف هاد الموهبة؟ وهل ترسمي دايما ولا بالنفحة؟؟
وانا بما اني نحب الرسم مثلك كنت نرسم وجوه الفنانين ووجوه البشر بصح
بعدما سمعت بلي حرام وتأكدت منها مزقت كامل الرسومات وحبست رسم الارواح
هل سمعتِ بهاد المعلومة من قبل؟؟ اذا نعم هل توقفتِ عن رسم الارواح؟
واذا لا ، هل مستعدة تتوقفي عن رسم الارواح؟ ولا مستعدة تقطعي كل رسوماتك؟
ربما تبان سهلة لكن بالنسبة لشخص يحب الرسم ويعشق الرسم رايحة تجيه واعرة شوي
هيا تفلسفت بما فيه الكفاية هههههه نخليك تخمي شوي وتجاوبي على الاسئلة هادي
بالتوفيق جميلتي
​

 

[ثَسْكُورْثْ نَثْدُوكْلِي]

رد: كُرسٍيّ التّعآرُف_الضَّيفَة{ sarakoukou }

يآآه قاتلك مازال صغرونات
اي مزال نورمال مايخلعوكش كل حاجة في وقتها حلوة وربي راه شايف الصلاح :up:
ماتتقلقيش ;)

اجري ابنتي او فاتنا القطار هههه غير نضحك
اصلا اني نسمع لكلامك :$ نتي ختي لكبيرة عليا بـ 3 ايام ههه

احم ايه يا ابنتي انا كبيرة عليك ولازم تسمعي لكبار عليك :-r

هيا نوليو للجد دركا نحبسو شوي ضحك ههه

:( دقيقة ليكيستيو ماقصرناش كاامل :down:
بسم الله
يا الله

بما أنو دخلتلك في موضوع حساس شوي

خخخخ يا وحد المصيبة أشششش :-h
واش هي مواصفات رجل أحلام سارة؟؟

:-r ايييي احم راني نماجيني يا محاينك اسكتي برك خخخخ بلاك نلقاه طلع للفضاء ;)
نروحو نعيشو تماك :up:
اوكي شوية جدية كيما قلتي
رجل احلامي :dياو حشمتيني ماعرفتش كامل كيفاه نبدى :-h
مممم اول حاجة مايكونش روجي :p مانشتيش الرواجا
هذيك يخاف ربي ومدين و الاساسيات باينة بلامانحكي عليها يك راكي معايا
دوكا الامور الثانوية خخخ
مادابينا يكون مثقف ومش برك متعلم
يكون طموح باه نشجعو بعضانا ونروحو بعيد بعيد مانبقاوش ف هذيك تع خدام يجيب خبزة للدار ويربي ولادو وتحبس
حبا بعيد بعيد راكي فاهمة طموح ومش متكبر سينو نزعقو :-r
مايكونش هذاك ليحب غير رايو ياسيدي انت اهدر اعطي رايك نسمعك مي انت تاني اسمع لهدرتي سينو نقلبو المعادلة تولي متراجحة يصعب حلها :p
ونظلو ندورو في قوقعة مغلقة
مممم يا مريومة وشنو تاني
تعرفي نقولو نديرو كش جمعية هكا نسيروها بنزاهة وتكون خيرية
وتاني ندوروها نديرو كش مشروع هايل ندعمو ع الاقل بالكلام خخخخ
:s مي نماجيني فيه كل كلمة يقولك ياو هذ البلاد ماتقدري ديري فيها والووووووووو:down:
يعني مانتحركوش ندورو ف قوقعة مغلقة برك
:p
مريومة احبسي ماتمديليش هكا ديكيستيو سينو نبدا نخرف


قلتي بلي دركا ماراكيش مهتمة بموضوع الزواج، لو يجيك خاطب دركا
وفيه كل المواصفات لي رايحة تذكريها لفوق ههه ترفضيه؟؟

والله بصراحة جاو ماشاء الله عليهم وتغيضك عمرك كي يروحو برك هكاك
وخصوصا كي يقبلو ويحاولو مي باباك يرفضهم لاتفه الاسباب صعيبة شوي
مي المكتوب كيما نقولو


سارة لو ماسماوكش سارة واش تتمناي يكون اسمك؟

ياو عجبني اسمي شباب خمسة وخموووس والله ماخممت توجور يعجبني :love01:
بالمناسبة اختي اسمها مريومة ;)​

صحيتي

 

[همس الوُرود]

رد: كُرسٍيّ التّعآرُف_الضَّيفَة{ sarakoukou }

أهلآ حبيبتي سآرة

أحكيلي وشرآكي؟؟

وش تحبي فاللمة \

وش تحبي فاللمة

وين تسكني إيكزآكتلي

وشكون أول عضو/ة تعرفتي عليه/آ

وشكون هومآ الأعضآء الي يجبدوك بجمالياتهم هخخخخخ

أممممممم سآرة تعرف تطبخ المحآجب؟؟ صحآ والبرآج؟؟ صحآ و لآكريم؟؟ هههههه

تآكلي بزآف ولآ شوية ؟؟

نرجعلك إن شآء الله​

 

[ثَسْكُورْثْ نَثْدُوكْلِي]

رد: كُرسٍيّ التّعآرُف_الضَّيفَة{ sarakoukou }

اعطيني اجمل اسم ولد وبنت تحبي تسمي بيهم وليداتك مستقبلا
يم يم يم حابا ليجومو (توأم ):love01:
كاين اسماوات
مممم الولد : علاء :$ , يوسف , غورطا ,سيف , عصام , ماسينيسا, ...:p
البنت: يسرى , ريحانة , مارية , جَجِيــ g ــةُ , سناء , رادية ..... خخخخخ نجيب طزينة :p


سارة مهووسة باقتناء الهواتف الذكية ولالا؟؟
واه نشتيهم :-r
معايا المصيبة هذاك تع سامسونج سامبل ماحابش يطلقني :@
ونتزوج بايفون :$


واذا كانت الاجابة لا واش هو نوع الهاتف لي عندك؟
:d جاوبت ولا
عجزت نولي الفوق ونعدل :p

واذا كانت الاجابة نعم واش هو نوع الهاتف لي عندك هههه

:p ياو جاوبت صاييي


ولا واش هو نوع الهاتف لي متمنية يكون عندك؟

المصيبة تع ايفون 6ول غلاكسي مانقولش لا لا :-r

لاحظت من بعض مواضيعك السابقة عندك موهبة في الرسم ماشاء الله
:-r احم احم هيهيهي :d ماتبهدلينيش
وكتاه تم اكتشاف هاد الموهبة؟ وهل ترسمي دايما ولا بالنفحة؟؟

نرسم بالنفحة برك خصوصا يجذبوني تع قلم الرصاص ونشتي نرسم هكا كي نكون وحدي

وانا بما اني نحب الرسم مثلك كنت نرسم وجوه الفنانين ووجوه البشر بصح
بعدما سمعت بلي حرام وتأكدت منها مزقت كامل الرسومات وحبست رسم الارواح
هل سمعتِ بهاد المعلومة من قبل؟؟ اذا نعم هل توقفتِ عن رسم الارواح؟

:d ايه ايه علبالي علبالي ;)
ديفوا نرسم تع انمي وقلت زعما عادي وبعدها حبست من الانمي
والطبيعة صعيبة شوي فيها بزااف خنتوشات :d
مي كيما حيوانات او مانعرف وش نرسمو اذن خخخ;)
فواكه عفسات مافيهاش ارواح هكا
قلت نمزقهم مي كي سمعت تاني
كاين لقالو ماديرش فيهم ظل باه مايكونوش صورة حية
وكاين لقالو عادي برك ماتعلقيهومش ف الدار يعني تغطيهم
الله اعلم

واذا لا ، هل مستعدة تتوقفي عن رسم الارواح؟ ولا مستعدة تقطعي كل رسوماتك؟

ايوه دك ندورها لعفسات مش فيها ارواح باه نبعدو ع الشبهات ;)

ربما تبان سهلة لكن بالنسبة لشخص يحب الرسم ويعشق الرسم رايحة تجيه واعرة شوي

:-h حاجة باينة واعرة خخخخ تقطعي كاامل ابداعاتك :p وش من ابداعات خخخ

هيا تفلسفت بما فيه الكفاية هههههه نخليك تخمي شوي وتجاوبي على الاسئلة هادي
بالتوفيق جميلتي

ايا صحيت صحيت حتى راني تعلمت نتفلسف منك عديتيني :p
​

منورة الزينة
بالتوفيق لك

 

[الحلم الوردي]

رد: كُرسٍيّ التّعآرُف_الضَّيفَة{ sarakoukou }

مساء الانوار
حنونة سارة:love01:
راني وليت:bravo01:
مي قبل نمدلك تاكلي شوية
:$

ومن بعد نبدا باسئلتي
وشعال راكي قارية القرآن وشعال من حزب؟
السورة الي تقريها وتحسيها قريبة ليك؟
اللون المفضل عندك؟
وشعال ترتيبك في العائلة؟
أكثر مادة ما تبغيهاش ؟
لوكان يرجع بيك الزمان شوية واش هي المرحلة الي تخيري ترجعليها و علاه ؟
كي تتفرجي فيلم حزين تتاثري بيه و لا لالا؟
لي عودة ان شاء الله
:sport02:
​

 

[الحلم الوردي]

رد: كُرسٍيّ التّعآرُف_الضَّيفَة{ sarakoukou }

:$
نرجعو لذكريات الطفولة نتاعك يا سارة
الميكيات الي تحب تتفرجيهم؟
ميكي أثر فيك في صغرك و مزلتي تشتي تتفرجيه لحد الآن؟
اغنية لميكي لدوركايا دندني فيها؟
مازالك تتفرجي الميكيات؟
واش الميكي الي مازالك تتفرجيه؟
كنت طفلة هادئة؟
تحبي تلعبي بزاااااااااااف في الصغر نتاعك؟
لي عودة ان شاء الله

​

 

[الحلم الوردي]

رد: كُرسٍيّ التّعآرُف_الضَّيفَة{ sarakoukou }

وليت باخر اسئلة ليا
واش رايك في الاخوات:thumb_up02:
لؤلؤة قسنطينة
اميرة رورو
لوفلي اس سمايل
ملكة زمـــــآني
ان شاء الله يكونو اسئلتي خفاف:sport02:
وماعييتكش معايا
ربي يهنيك حنونة:love01:
ربي يحققلك امانيك
:regards02:
​

 

[ثَسْكُورْثْ نَثْدُوكْلِي]

رد: كُرسٍيّ التّعآرُف_الضَّيفَة{ sarakoukou }

أهلآ حبيبتي سآرة

أحكيلي وشرآكي؟؟

وبيك اهلا عبيرووو الحمد لله صافا ^^ سوال عليك الزينة


وش تحبي فاللمة

:-r وش نحب ف اللمة ممممم مين جبتي هذا السؤال خخخ تلفتيهالي
نحب اهلها ونحب مواضيعها
باختصار نحس فيه بالراحة كي ندخل للمة

وين تسكني إيكزآكتلي

كيفاه وين نسكن زعما نقول العنوان كامل :smile02: حابا تباصيني يا طفلة :p

بجاية قولي أقبو زعما تعرفيها ;)

ول قاصدة في سطيف :p مانقولش سينو يجيو لابوليس ويرفدونا ;)

وشكون أول عضو/ة تعرفتي عليه/آ

ان لم تخني الذاكرة من بين الاعضاء الاوائل لتعرفت عليكم ربي يذكرو بالخير خويا لعزيز سفيان اسلام لنحييه بالمناسبة وطول الغيبة تع الصح ربي يوفقو على كل حال
اما العضوات الفراشة ومن غيرها سلمى خفة روح اللي سمحت فينا تاني ربي يذكرهم بالخير
هذو لشفيت عليهم كي كنت جديدة


وشكون هومآ الأعضآء الي يجبدوك بجمالياتهم هخخخخخ

كيفاه مافهمتش السؤال مليح :s

أممممممم سآرة تعرف تطبخ المحآجب؟؟ صحآ والبرآج؟؟ صحآ و لآكريم؟؟ هههههه

ايه ندير محاجب بما انو ندير معارك او مسمن كيما تقولو اكيد محاجب ساهلين :-r

لمبرجة يما لتشتي ديرهم انا مادرتهومش وماحوستش نديرهم برك ناكل :p

وش من لاكريم تقصدي ايسكريم مثلجات ياك اذا هذو جامي درتهم نشريهم ;)

تآكلي بزآف ولآ شوية ؟؟

ناكل بعيني وكي تلحق الماكلة ننقب كي الطير برك
حتى ف الدار يقولولي ليصطوما تاعك تع بيبي
الله غالب هكا مواسيا مش رجيم وف حياتي ماخممت ع الريجيم مي هكا برك ;)

نرجعلك إن شآء الله

ان شاء الله الفحلة مرحبا يسم اثعزيزث ;)
​

شكراا

 

[ثَسْكُورْثْ نَثْدُوكْلِي]

رد: كُرسٍيّ التّعآرُف_الضَّيفَة{ sarakoukou }

مساء الانوار
حنونة سارة:love01:

مساء الفل والتفائل مرحبا بالشيفة تع اللمة :yahoo01:

راني وليت:bravo01:
مي قبل نمدلك تاكلي شوية
:$

علبالي توجور تجي ويديك معمرين ربي يفتح عليك :-r

مممممم الله يبارك فحلة :up:

ومن بعد نبدا باسئلتي
وشعال راكي قارية القرآن وشعال من حزب؟

تقصدي شحال راني حافظة ياك
المهم راني حافظة فوق خمسة احزاب والباقي سور متفرقة
وادعيلي نحفظ بويسك راسي يابس وواعر للحفظ دوماج
والله دايما ندير حفظ القران من بين اهدافي ومشاريعي لكن اخفق في كل مرة
ربي يهدينا ويسرلنا الحفظ

السورة الي تقريها وتحسيها قريبة ليك؟

اكيد القران كااامل مليح وهو كلام الله طبعااا يعلى ولا يعلى عليه
لكن كاين سور ادمت على سماعها
سورة الفتح :up:_ سورة قاف :up:- سورة الرحمان - سورة يوسف :up:

اللون المفضل عندك؟

الأسود بدون منازع

وشعال ترتيبك في العائلة؟

كلاصيت الدوزيام :-r

أكثر مادة ما تبغيهاش ؟

اجتماعيات :tongue02:

لوكان يرجع بيك الزمان شوية واش هي المرحلة الي تخيري ترجعليها و علاه ؟

مرحلة المتوسطة فوور لاني كنت مشاغبة بزاااف هاااه وفيها وااايد ذكريات :-h الشغب
مرحلة الثانوي عااااقلة بزااااف مي عندها حلاوتها الخاصة الخااااااااصة ;)
مرحلة الابتدائي نفضل نمسحها :tongue02:( حقروني يامحاينك )

كي تتفرجي فيلم حزين تتاثري بيه و لا لالا؟
ايوه
ياو رسوم متحركة ونتاثر به :-r:-h
كي نتفرج رسو ندخل فيه روحي انت وخرجيني
خصوصا كيما القناص وماشابهه

لي عودة ان شاء الله
:sport02:

مرحبا نورتيني والله وبأسئلتك الجميلة ​

اهلييين

 

[ثَسْكُورْثْ نَثْدُوكْلِي]

رد: كُرسٍيّ التّعآرُف_الضَّيفَة{ sarakoukou }

:$
نرجعو لذكريات الطفولة نتاعك يا سارة
:$ يم يم
الميكيات الي تحب تتفرجيهم؟
- الدوامة ههه تع رعد ( اي سباق هذا قد لفت الانظار معركة ام ماذا شبت في المضمار:p)
- سابق و لاحق
- دراغامبوول
- أكيرا يوكي :sport02:
- انا واخي شوق يدفعني لاراها امي ذكرى لا انساها ....:love01:
- ويا حبيبي حسووونة وفادييييي هههه ( سلام دانك ):up:
- باتراش بالامازيغية
- زينة ونحول
- توم وجيري شحال كنت نكرهووو:tongue02: هههه مانعرف لاه
- مارووووووووووووكووووو اودا اودا اوداداااااااا:love01:
- بيكااااااااتشوووووو;)
- شامل نجم النجوم شاااامل ;)
- تان تان :-r
- سكر
- موكا موكا
- لبيبة
- جونغوم جونغوما جوهرة في القصر :p
- تفكرت وحد مي مش رسوم هذاك نادين كبسووولة الزمن :up:
- كاين وحد راحلي اسمو يييي :(
وتاني ماننساش تع القبعة الحمراء وساندريلا وهايدي وسالي ;)
- ولحد الان نتفرج القناص راني نعاود فيه :up: ;)
- كاين ناروتو هبلني خويا به وقلت نطل عليه ووقيلا هااايل :p

او كاين بزاااف هذا وش تفكرت :d

ميكي أثر فيك في صغرك و مزلتي تشتي تتفرجيه لحد الآن؟
-أنا وأخي - الجوال (رامي) - بائع الحليب - باتراش - هذو بكيت صح ;)

اغنية لميكي لدوركايا دندني فيها؟

ههههه ياو لذكرتهم الفوق كاامل دندنتهم
مي اليوم كنت ندندن بها
تع القناص
قد لمعت عيناه
https://www.youtube.com/watch?v=OE_A6f_dRJI
مازالك تتفرجي الميكيات؟

واه مزال مي نقصت مش كيما بكري :(

واش الميكي الي مازالك تتفرجيه؟
دوكا القناص
وعندي تقريبا شهر كنت مع سلام دانك خخخخ
كنت طفلة هادئة؟

هادئة وخجولة جداااا
مي ندير شغب وناكل طريحة :p

تحبي تلعبي بزاااااااااااف في الصغر نتاعك؟

واه بزااااف حتى اني ناكل طريحة
مي لعبت صافا ههه مش كيما دراري تع درك مايلعبو ماوالو :down:
لي عودة ان شاء الله


مرحبايسم اثعزيزث:love01:
​

ياااه فكرتيني بالميكيات :love01::$

 

[ثَسْكُورْثْ نَثْدُوكْلِي]

رد: كُرسٍيّ التّعآرُف_الضَّيفَة{ sarakoukou }

ياو غادي ندير سيلفي مع خويا وائل :p وامووورة
ابتسمووووووووووووووووووووو:d


حالياً الأعضاء النشيطين الذين يشاهدون هذا الموضوع: 6 (3 عضو و 3 ضيف) ‏sarakoukou, ‏AmiR@RoRo+, ‏وائل ابن الجزائر

 

[AmiR@RoRo]

رد: كُرسٍيّ التّعآرُف_الضَّيفَة{ sarakoukou }

علاه عليك سارة كون قلتيلي برك نسقم شعري هههه

السلام عليكم
وش حوالك ضيفتنا
يادرا ان شا الله عجباتك الاقامة هنا ؟
اني نشوف اهم متهليين فيك الجماعة الله يبارك
جيت نطمن عليك برك
ربي يكون فالعون

 

[oussama9694]

رد: كُرسٍيّ التّعآرُف_الضَّيفَة{ sarakoukou }

مرحبا بك

بالمناسبة مجرد اسئلة خفيفة

كاين عضو اسمه koukou04 إن لم تخني الذاكرة هل هي عضويتك أم أحد أقربائك لانو تشابه كبير في koukou ههه

حالتك الاجتماعية ؟

حلمك المستقبلي الدنيوي ؟

و في هذا القِدر كفايةٌ لكم

دمتم
​

 

[ثَسْكُورْثْ نَثْدُوكْلِي]

رد: كُرسٍيّ التّعآرُف_الضَّيفَة{ sarakoukou }

علاه عليك سارة كون قلتيلي برك نسقم شعري هههه
:d معليه معليه راكي فور هكاك كي تكون صورة عفوية خير :p:up:
السلام عليكم
وعليكم السلام ورحمة الله وبركاته
وش حوالك ضيفتنا
صافا الحمد لله حتى الزينة تعنا الشيفة ماخلاتنيش كل صبع بصنعة :bravo01:
يادرا ان شا الله عجباتك الاقامة هنا ؟
لحد الان صافا وكلشيء راه مليح :d
اني نشوف اهم متهليين فيك الجماعة الله يبارك
جيت نطمن عليك برك
ربي يكون فالعون


الله يطمن عليك بالخير
صحيت صحيت
ربي يوفقك انت تاني

شكراا وليلة سعيدة

 

[ثَسْكُورْثْ نَثْدُوكْلِي]

رد: كُرسٍيّ التّعآرُف_الضَّيفَة{ sarakoukou }

مرحبا بك
وبيك مرحبا خويا اسامة اهلا

بالمناسبة مجرد اسئلة خفيفة

كاين عضو اسمه koukou04 إن لم تخني الذاكرة هل هي عضويتك أم أحد أقربائك لانو تشابه كبير في koukou ههه

هههه مكن يكون احد اقاربي في المهجر :p


حالتك الاجتماعية ؟

راني براسي

حلمك المستقبلي الدنيوي ؟

نكمل دراساتي وبعدها ربي يسهل
سر :p

و في هذا القِدر كفايةٌ لكم

دمتم

شكرااا ع الاسئلة والمرور الجميل
كن بخير ​

شكراا

 

[oussama9694]

رد: كُرسٍيّ التّعآرُف_الضَّيفَة{ sarakoukou }

شكرا على الاجوبة

بخصوص المتون كاش ما قريتي منها :الالفية و الاجرمية و الجزرية و البيقونية و ابن عاشر و اسهل المسالك و ... و...؟؟؟ يعني قريتيها وحدك و فهمتيها؟؟ و لا غير مطالعة برك ؟

و اسعد الله اوقاتكم على واقع اجمل

سلام

 

[oussama9694]

رد: كُرسٍيّ التّعآرُف_الضَّيفَة{ sarakoukou }

وسمحيلي سؤال اضافي

ما سبب اختيارك للصورة الرمزية ؟ راني نشوفها دائما نفس الشكل تقريبا مع اختلاف لون المعطف فقط ههه

 

[ثَسْكُورْثْ نَثْدُوكْلِي]

رد: كُرسٍيّ التّعآرُف_الضَّيفَة{ sarakoukou }

وليت باخر اسئلة ليا

:( صاي غادي تروحي وتخليني وحدي هنا :$

واش رايك في الاخوات:thumb_up02:

لؤلؤة قسنطينة
نشيطة ومحبوبة الجماهير اللماوية وطيوبة وفيلسوفة :p
ماشاء الله ربي يحفظها ويسرلها امورها ويثبتها ويرزقها الزوج الصالح ;)
اميرة رورو
هادئة وانيقة بردودها وحضورها الجميل الله يبارك
لوفلي اس سمايل
الايام الاخيرة تعرفت على اسمها هدى اسم جميل بالمناسبة :-r
من خلال مدونتها عندها اسلوب انيق وجذااب ماشاء الله

ملكة زمـــــآني

يم الشيفة تع اللمة ماشاء الله كل صبع بصنعة وحقااا استفدت كثيراا من وصفاته
حتى وان لم اضع هنا تطبيقاتي لكن اطبقها وتنجح :up:
شكرااا لك ولنشاطك

كل الاخوات ماشاء الله عليهم ربي يرزقكم الخير
ان شاء الله يكونو اسئلتي خفاف:sport02:
وماعييتكش معايا
ربي يهنيك حنونة:love01:
ربي يحققلك امانيك
:regards02:

لا بالعكس استمتعت كثيراا بتواجدك :love01::$
واهلا بك في اي وقت
جزيل الشكر لك ولكرمك
موفقة يا غالية وربي يسرلك امورك ​

بارك الله فيك
وليلة سعيدة

 

[ثَسْكُورْثْ نَثْدُوكْلِي]

رد: كُرسٍيّ التّعآرُف_الضَّيفَة{ sarakoukou }

شكرا على الاجوبة

العفو بلامزية ^^

بخصوص المتون كاش ما قريتي منها :الالفية و الاجرمية و الجزرية و البيقونية و ابن عاشر و اسهل المسالك و ... و...؟؟؟ يعني قريتيها وحدك و فهمتيها؟؟ و لا غير مطالعة برك ؟

اه روووعة كي كنت في الثانوي وخصوصا في الادب اعتمد كثيراا على متن الاجروية في النحو وكذا ملحة الاعراب :up: وساعدتني كثيرااا

وكاين تع التجويد يعني تسهل مليح الفهم بطريقة تنظيمها

اه في البداية لقيتهم عند خالتي وقريت تع فن التجويد والاربعون نووية وقلتلها هايلة قالتلي كاين فيهم بزااف وبشوي بشوي وصانا الاستاذ تعنا في الثانوية تع متن الاجرومية ف النحو و اقتنيتهم :up::up::up::up:

اه قريتهم وحدي كنت نسقسي حاجة اذا مافهمتهاش طبعاا
و اسعد الله اوقاتكم على واقع اجمل
واوقاتك اطيب واسعد شكراا لك ولحظورك

سلام

سلام واهلا بك في اي وقت