كُرسٍيّ التّعآرُف_الضَّيفَة{ sarakoukou }

[Skor m@k]

رد: كُرسٍيّ التّعآرُف_الضَّيفَة{ sarakoukou }

السلام عليكم
واش ختي سارا بغيتي تقعدين فالكرسي هاهاهاها
قعدت فيه بككري متزيديليش ضرك هههه
الوقت مكانش باش نجاوب على الاسئلة
المهم القبايلية نفهمها شويا برك صحابي كامل قبايل رفدت عليهم شويا ههههه

شويا اسئلة برك
صورتيني البارح ومقلتليش نسgمم روحي كيمما قالت الاخت اميرة هههه

القنوات الجزائرية تشوفي فيهم شويا ولا غير الامبيسي

فالجامعة كظتي تتريشي شويا ولا انت قاريا ههههه

عندك صحاباتك تاع الحومة اعضاء هنا فاللمة

الاسئلة تاع ختي مريم المحرجة غير جاوبي عليهم قبل ما يجي خويا حكيم ههههه

ايا شويا هكا نولي​

 

[ثَسْكُورْثْ نَثْدُوكْلِي]

رد: كُرسٍيّ التّعآرُف_الضَّيفَة{ sarakoukou }

وسمحيلي سؤال اضافي

ما سبب اختيارك للصورة الرمزية ؟ راني نشوفها دائما نفس الشكل تقريبا مع اختلاف لون المعطف فقط ههه

معليه عادي تفضل

والله نحب برك هذا الستايل تع الصور كنت مع هذي

قريب نبدلها بهذي كحلة خير من رووج :d :-r

نحب الصور ماتكونش كليا تكون اجزاء وهيك يعني

سلامي

 

[ثَسْكُورْثْ نَثْدُوكْلِي]

رد: كُرسٍيّ التّعآرُف_الضَّيفَة{ sarakoukou }

السلام عليكم

وعليكم السلام ورحمة الله وبركاته

واش ختي سارا بغيتي تقعدين فالكرسي هاهاهاها
قعدت فيه بككري متزيديليش ضرك هههه
الوقت مكانش باش نجاوب على الاسئلة

:d:d ايا خلاص ماقلناش اسيدي

المهم القبايلية نفهمها شويا برك صحابي كامل قبايل رفدت عليهم شويا ههههه

ممممم اوكي اوكي :up:

شويا اسئلة برك
صورتيني البارح ومقلتليش نسgمم روحي كيمما قالت الاخت اميرة هههه

هههه ياو انت وين تروح تبات تماك
جيت هنا وكل انطل تحت نلقاك تما :d قلت نبروفيطي نصورو :p

القنوات الجزائرية تشوفي فيهم شويا ولا غير الامبيسي

واه نتبع وحد الحصة في الشروق تيفي المحكمة :up::up: راهي رجعت والبارح جابو وليد بوضياف الله يرحمو
ههه امبيسيات كنت نتبع فور و اكشن بعدها حبست
كاين ناشيونال جيوغرافيك :up:

فالجامعة كظتي تتريشي شويا ولا انت قاريا ههههه

لا والله مانتريشي
في الثانوي مانتريشيش نتريشي في الجامعة اخااه جاامي

عندك صحاباتك تاع الحومة اعضاء هنا فاللمة

لا ماعنديش :smile02: ياو مايحبوش منتديات راهم مع الفيس وتوتر وغيرهم :p

الاسئلة تاع ختي مريم المحرجة غير جاوبي عليهم قبل ما يجي خويا حكيم ههههه

أششش:-o يسمعك تاني وتباصيني معاه ييي شفت اسئلة تعو واعرين ابابا

ايا شويا هكا نولي

ان شاء الله
​

شكرااا ومرحبا

 

[ثَسْكُورْثْ نَثْدُوكْلِي]

رد: كُرسٍيّ التّعآرُف_الضَّيفَة{ sarakoukou }

حالياً الأعضاء النشيطين الذين يشاهدون هذا الموضوع: 8 (2 عضو و 6 ضيف) ‏sarakoukou, ‏وائل ابن الجزائر

تصبحون على الف خير

غداا ان كان في العمر بقية

سلام

وشكراا لكل من طرح الاسئلة ولكل من مر هنا ولو بتقرعيجة خفيفة ^^

 

[Hakan]

رد: كُرسٍيّ التّعآرُف_الضَّيفَة{ sarakoukou }

الاسئلة هاذة لعيون خويا مالك وسارة ممنوع التريشاج :
اصعب سؤال كيما تقول لالة ماجدة كاش جديد ؟
خخخخخ المهر عندكم طلع ولا مازال هو هو 500 ومصحف ؟
تقدري تتزوجي بواحد عربي يعني ماشي قبايلي ؟
اسكو تقدر بنت عربية تتفاهم في عايلة قبايلية يتكلمو كامل بالقبائلية وهي ما تفهم والو ؟
شحال خطاب زارك لحد الآن ؟
هل سبق وراسلت سارة احدا واعترفت بحب ربما او اعجاب في المتوسط او الثانوي ؟
قريت في المدونة نتاعك وفهمت انو كاين اللي حاط عينو عليك وانت ما راكيش حابة نصيحة ليك ما تجرحيلوش مشاعرو
اذا كان ماهوش عاجبك واذا صارحك وشفتيه انسان قدو قد حالو وكنت معجبة بيه غير ماكان لاه تعطيلو امل وسلام ختي ..​

 

[Skor m@k]

رد: كُرسٍيّ التّعآرُف_الضَّيفَة{ sarakoukou }

السلام عليكم
اللهم اني بلغت هههههه جاوبي على الاسئلة تاعو ضرك هههه
انا خاطيني ههههههه
اسئلة تابعا لتاع خويا حكيم هاهاهاه
لقبايل تاع تيزي وزو ميبغوش يتزوجو بعربية وخاصة تاع لجبال
منعرف تاع بجاية الى كيف كيف

علاه لقبايلية كي تكون صغيرة تكون شابة
مي كي تكبر تتبدل كامل

واش من اللهجة في الجزائر لي تعجبك هدرتهم

ايا رنا نوليو الى بقينا حيين
سلام​

 

[Oussama.GF]

رد: كُرسٍيّ التّعآرُف_الضَّيفَة{ sarakoukou }

وعليكم سلام
مرحبا بك صار كوكو
لدي بعض اسئلة لك
كم عمرك ؟
هواتك ؟
هل تدرسين تعليم العام ام في جامعة ؟
هل تجدين طبخ ؟
هل فشلتي في حيتك مرة ؟
من هي العضوة التي تردين ان تلتقي بها ؟
من هو العضو الذي تردين ان تلتقي به ؟

 

[ثَسْكُورْثْ نَثْدُوكْلِي]

رد: كُرسٍيّ التّعآرُف_الضَّيفَة{ sarakoukou }

الاسئلة هاذة لعيون خويا مالك وسارة ممنوع التريشاج :


:-o يا يما على هذوك ليكيستيو بيناتنا انت من بين الاعضاء لتخوفت من اسئلتهم صراحة :(

اصعب سؤال كيما تقول لالة ماجدة كاش جديد ؟

ههه والاجابة الشهيرة عند كل الجزائرين :-r
والو غير لقديم ... الجديد من عندك:p

خخخخخ المهر عندكم طلع ولا مازال هو هو 500 ومصحف ؟

ايه المهر بسيط رغم انو هناك بعض العائلات تتعدى عليه مي الحمد لله الاغلبية متمسكة به

تقدري تتزوجي بواحد عربي يعني ماشي قبايلي ؟

شخصيااا ماعنديش مشكلة بالزواج بعربي عادي ونقدر ننساجم
رغم اني راح اواجه صعوبات ف العادات لانو مش كفكيف
لكن عادي



اسكو تقدر بنت عربية تتفاهم في عايلة قبايلية يتكلمو كامل بالقبائلية وهي ما تفهم والو ؟

بنت عربية تجيها صعيبة شوي لكن نعرف بنات عربيات تزوجو عن حب على كل حال مع قبايلي و قدرو يعيشو عادي
لكن الاحسن تعيش وحدها مع راجلها لانو في العايلة الكبيرة تلقى احراجات بزاااف نظرااا ان العايلة اكيد راح تهدر غير بالقبايلية
خخخخ فكرتني فوحدة جارتنا جابت عروسة عربية وكان وليدها يبغيها بزاااف هو لشرطها وهي تاني تموت عليه
ههه يماه ماتفهم والو في العربية وماتعرفش تهدرها وعروستها كيف كيف لا علاقة مع القبايلية
هههه ووليدها قالهم روووعة حتى وحدة ماتشكي من الاخرى هكا نعيشو بسعادة :p


شحال خطاب زارك لحد الآن ؟

خخخخ خويا الصغير عليا ليدرس في الثانوي هو ليحسبلي شحال :-h
بويسك انا وهو كي القط والفار
دونك كل مايجي خطاب و مايكتبش ربي يشوف فيا ويقول طار لحمام لاخر:$

هل سبق وراسلت سارة احدا واعترفت بحب ربما او اعجاب في المتوسط او الثانوي ؟

لا لا كنت نحشم بزاااف ومانداخسش الدراري
صح في المتوسطة كنت مشاغبة وندير مقالب وتشويش لكن مع الدراري عندي حدود
حتى هما يخافو مني :p نقصد يحترموني والله


قريت في المدونة نتاعك وفهمت انو كاين اللي حاط عينو عليك وانت ما راكيش ابة نصيحة ليك ما تجريلوش مشاعرو
اذا كان ماهوش عاجبك واذا صارحك وشفتيه انسان قدو قد الو وكنت معجبة بيه غير ماكان لاه تعطيلو امل وسلام ختي ..

:d شرير انت

وش نقولك اخويا حكيم شوف الحكاية انو هذا الشخص ربي يذكرو بالخير درس معايا ف الابتدائي ومن الابتدائي وهو يحبني وانا والله لا خبر حتى خبرتني ابنة عمه كي كبرت ودخلت للثانوي وهو خبرها لانو سمع انو استاذي راح يخطبني

بعدها حكماتو الخلعة وقال قوليلها ماتقبلش فوالا فولا .....الخ

:-o وانا خلعت وقلت هذا راه يتمسخر برك وجامي اهدر معايا وبعدها كي لحقت للباك خخخخ بدا الهجوم
هذا الشاب زايد ف 92 يعني يكبرني بعام برك
ها وجات جداتي وقالتلي هاو فلان هدرمع دارهم عليك وقالهم يا انت ِ يا مايتزوجش وناضت الدنيا وهاك وهيك وبداو اشاعات يطبطبو ويتخلقو وحدهم :down:
ودوماج انا ماعنديش اي مشاعر تجاهو عليها ماتحركت ماوالو
على كل بابا وباباه ماقبلوش لانو صغير :p
ايا حبسو تقريعج حلاتلكم:d:p​

ايا صح فطورك وكون عاقل خويا حكيم :-r

شكراا ع الاسئلة
كن بخير

 

[ثَسْكُورْثْ نَثْدُوكْلِي]

رد: كُرسٍيّ التّعآرُف_الضَّيفَة{ sarakoukou }

السلام عليكم

وعليكم السلام ورحمة الله

اللهم اني بلغت هههههه جاوبي على الاسئلة تاعو ضرك هههه
انا خاطيني ههههههه

:s اللهم اني شهدت على بلاغك
:-h جاوبت صيبو جازت سلامات


اسئلة تابعا لتاع خويا حكيم هاهاهاه

:s ربي يستر برك

لقبايل تاع تيزي وزو ميبغوش يتزوجو بعربية وخاصة تاع لجبال
منعرف تاع بجاية الى كيف كيف

تبغي صراحة ايه صح
تعرف لاه لانو مزال شوية هذيك الشحنة وهذيك لعقليلة تع القبايل هكا والعرب هكا راك فاهم
وبلاك لانو مايفهموش العربية ومايقدروش يتواصلو معاها راك فاهم
تخيل برك تقعد مع واحد انت ماتعرف وهو مايعرف كيفاه
على الاقل الواحد فيهم يكون يعرف
.....
مي كاين وكاين كي نشوفو هكا من بعيد تلقى صافا مش كيما بكري
عندي عايلة في تيزي وزو جابو عروسة من سكيكدة ونجح زواجهم ماشاء الله وعندهم دراري كبيرتهم جابت الباك العام اللي فات
وتاني في عنابة تكونت اسرة تماك وحدة تاعنا تزوجت لعندهم وراهم صافا
وحتى في الجلفة صافا

يعني بصفة عامة وباختصار
تبقى العقليات تلعب في الملعب :d

علاه لقبايلية كي تكون صغيرة تكون شابة
مي كي تكبر تتبدل كامل

:s خخخ مين جبت هذا السؤال يا مصيبة

ممممم نقدر نقول تصبر بزاااف وتتحمل فوق طاقتها مما ينقصها في جمالها كي تكبر :-r
ممممم ول نقولك تقدم هذاك الجمال لابنتها وباقي اولادها :p

واش من اللهجة في الجزائر لي تعجبك هدرتهم

مممممم تع عنابة تهبل :up:
وكاين كيما الغرب وهران واه وغادي و...الخ هههه تعلمتها عند ثلاثي الامجاد وعند بشرى الشريرة :p

ايا رنا نوليو الى بقينا حيين
سلام

سلام ونقص من الحار ياك انا والحار مانتفاهموش

ارحمني يا آدم :d
​

بالتوفيق

 

[ثَسْكُورْثْ نَثْدُوكْلِي]

رد: كُرسٍيّ التّعآرُف_الضَّيفَة{ sarakoukou }

وعليكم سلام
مرحبا بك صار كوكو

وعليكم السلام خويا وبك اهلا

لدي بعض اسئلة لك

كم عمرك ؟

قلنا زايدين ف 93 ^^

هواتك ؟


هل تدرسين تعليم العام ام في جامعة ؟

جامعي


هل تجدين طبخ ؟

الحمد لله نسلكوها

هل فشلتي في حيتك مرة ؟

تقدر تقول تثبيط وليس فشل

من هي العضوة التي تردين ان تلتقي بها ؟

كل العضوات اللي نعرفهم هنا وحكيت معاهم باغية نلتقي بهم

من هو العضو الذي تردين ان تلتقي به ؟

شكراا ع الاسئلة
بالتوفيق لك

 

["viola"]

رد: كُرسٍيّ التّعآرُف_الضَّيفَة{ sarakoukou }

السلام عليكم

واش ختي سارة راني نشوف في حكيم و مالك حطولك مغيرفة هريسة :d البنة معليش :p

اني جبتلك انا شوية أسئلة خفاف و ظراف كيفك :d

نبداو مع القراية

*أسوء نقطة ديتيها في مشوارك الدراسي ..شحال و في أي مادة ولا موديل ؟

*وش من مادة كنتي تكرهيها ؟

*قريتي رياضيات ..مهبلتيش ؟؟:-o

*كنتي توري فالاختبارات و لا مالجماعة لي يغطو الورقة بيديهم :p؟

ضركا نخلطوها باه تصفا :p:p

*تسمعي أغاني ؟؟

*سارة بكاية و لا لا ؟؟ بكاية هي كثيرة أو سهلة البكاء تعودي متفهمينيش :d

*شفتي Evil Dead البارح في mbc2؟؟ اذا ايه خفتي و لالا ؟:d

*أكثر حاجة تنارفي سارة؟؟

*حاجة متقدريش تخرجي مالدار بلا بيها ؟؟

*أي نوع من الفنون التي تجذب سارة ؟؟

*سارة من النوع لي تهدر أكثر و لا تسمع أكثر ؟؟

أخيرا و ليس آخرا: وش هو أول انطباع ديتيه على فيولا ؟؟

سلاامي

​

 

[Amine7N]

رد: كُرسٍيّ التّعآرُف_الضَّيفَة{ sarakoukou }

الســـلام عليكم
وصلــت روطار مي خير من مانوصلش كامــل
صـــــارة ! جميلـة اللمة ع كرسي التعـارف !
يــاألف أهــلا وإقــامة ممتعة في الكرســي

لازم نســألك شويـة
صـارة وعــلاقتها بالكوزينة كيفاش دايرة ؟
قلت أنــــك تحبي كتابات غـــادة السمــان
أي قصيــدة تفضلين لها ؟
زايـدة في 93
تفرجــت بلا حدود ولا جــامي ؟
مين كنــت صغيرة مشاغبـة ولا كنت كما بــاربي ؟

ربـي يوفقــك في دراستك وفي حيــاتك
ســلام
​

 

[{مُدَلَّلَتُهُ}]

رد: كُرسٍيّ التّعآرُف_الضَّيفَة{ sarakoukou }

سلآمو سآرٍيتآ . . اممم ماكانش لي راه مقلشلي الزينة تاعنا جيتو حطيتولها الحار بصح ما جبتوش حاجة حلوة علاه عليكم خخخخ

جبت للختي معايا شوية براج

و لا ما تبغيهمش هاكي بغرير 'ولا غرايف ماا نعرف شا تقولولهم'

مع الشّآي

جيت غي نطل عليك لا راهم متهليين فيك ولا لا . . ربي يوفقك حنونتي . . و اذا كاش ما ضربلي في راسي راني نجي بلا ما تعرضيني :d
​

 

[{مُدَلَّلَتُهُ}]

رد: كُرسٍيّ التّعآرُف_الضَّيفَة{ sarakoukou }

يااه لا تفكرت شا نسقسي هههه

سارة زايدة في الصيف ولا الشتا ؟

أحب فصل لقلبك ؟

نعطيك كلمات و اعطيني تعريف كيما تبغي انت

العائلة

الأخت

الصديق

الحياة

الصلاة

بما أن رمضان راه على الأبواب . . نسقسيك عليه

سارة تدخل شوية للكوزينة في رمضان و لا تشوف غي من بعيد ؟

أكلك بنين صراحة ولا شوية شوية ؟

الأكلة الي ما تمليهاش تبغيها بزاف ؟

تصلي التراويح ولا لا ؟

يغلبك رمضان ولا لا ؟

هادا ماكان . . . و لا كاش ما تفكرت راني نجي :d
​

 

[ثَسْكُورْثْ نَثْدُوكْلِي]

رد: كُرسٍيّ التّعآرُف_الضَّيفَة{ sarakoukou }

السلام عليكم

وعليكم السلام :) اهلا اهلا

واش ختي سارة راني نشوف في حكيم و مالك حطولك مغيرفة هريسة :d البنة معليش :p

واه شفتي :s شرشحوني ههههه قالت البنة قالت اوكي اوكي سمحتلهم :-r

اني جبتلك انا شوية أسئلة خفاف و ظراف كيفك :d

نبداو مع القراية

^^ اوكي


*أسوء نقطة ديتيها في مشوارك الدراسي ..شحال و في أي مادة ولا موديل ؟


ديت ف الجامعة 03 خخخخ ف EDP معادلات تفاضلية :p وتاني وحد ال
موديل تع اعلام الي صفرتني فيه هذيك المهبولة لاني راطيت تاست تع الــTP

*وش من مادة كنتي تكرهيها ؟

اجتماعيات :down:


*قريتي رياضيات ..مهبلتيش ؟؟:-o

والله كنت نعشقها ونتنفس بها :love01:

هههه بقالي شوية برك عقل خليتو للزواج كشما يزيد يطيرلي هيهيهي

*كنتي توري فالاختبارات و لا مالجماعة لي يغطو الورقة بيديهم :p؟

بصراحة في المتوسطة وريت لطفلة ووحد الجماعة وحكموني الاساتذة هههه وبعدها كي نقصولي انا وهم لا قلت والله والله مايشوفي مني قط :d:p ن هذاك الوقت وانا تحفظت على ورقتي مانقل ما نوري لحتى واحد :p


​

لي عودة
بالتوفيق ^^

 

[ثَسْكُورْثْ نَثْدُوكْلِي]

رد: كُرسٍيّ التّعآرُف_الضَّيفَة{ sarakoukou }

ا

ضركا نخلطوها باه تصفا :p:p

هههه ايا خلطي برك خلطي ربي يستر وش يخرج من الخلطة هذي :d

*تسمعي أغاني ؟؟


تبغي الصراحة مش مهتمة بالاغاني طووول ديفوا نسمع تع دوبل كانو وتع وحد
لـيـ gروب هكاك سمعتهم ف طابليت تع خويا الصغير
والباقي أناشيد و تاني دندنات تع الرسوم نشتيهم:p

*سارة بكاية و لا لا ؟؟ بكاية هي كثيرة أو سهلة البكاء تعودي متفهمينيش :d

أبدااا مش بكاااية طوووول
من النوع ليرجع او يخلي لداخل راكي فاهمة
عليها حتى واحد مش حاسس بيا خخخخ:d


*شفتي Evil Dead البارح في mbc2؟؟ اذا ايه خفتي و لالا ؟:d

او اسكتي برك صار هذاك لكان يجوز البارح ههه كنت قاعدة ف الصالون واختي الكشرودة كانت تتفرج وتقول ارواحي تتفرجي وانا نقولها اسكتي خليني طرونكيل :d
لا ماتفرجتوش :-r


*أكثر حاجة تنارفي سارة؟؟

كي تبدا واحد يزوخ عليا
وانا نعرف كولشيء عليه هاااااااا اسكت علينا وبركااااو
من الزوخ والفوخ

وتاني كي يصوني بورتابلي ونلقى غير ع المصلحة ليعيطولي :down: بففففف:@


*حاجة متقدريش تخرجي مالدار بلا بيها ؟؟

خخخ صاكي والفت نهز حاجة في يدي ههه
مانقدرش نخرج بلا به نحس حاجة راحتلي


*أي نوع من الفنون التي تجذب سارة ؟؟

- الفنون القتالية كيما تع بروسلي :-r;)

- لعبة الشطرنج ياك فن خخخ سينو تقولي عليا راهي تخلط هذي :d

_ الرسم بقلم الرصاص واااو يقتلوني هذوك ليبدعو :up:

- الخط العربي:love01: يييي نموت عليه حابة نتعلم هذا الفن صراحة وسقسيت عليه قالولي لازم ديري فنون جميلة ف العاصمة زعما صح غير ف معهد :s

- وتاني فن الشعر ;)



*سارة من النوع لي تهدر أكثر و لا تسمع أكثر ؟؟

اييي من النوع ليسكت بزاااف قليييييل وين تلقايني نهدر

تقدري تقولي نسمع اكثر


أخيرا و ليس آخرا: وش هو أول انطباع ديتيه على فيولا ؟؟

:-r تبغي الصح
كي نقرا ردودك
اول حاجة قلت هذي باينة تقصر بزاااف نقصد تقصري(تقــ g صري) فهمتيني :d

وتاني ارتحت لك تفكريني بوحدة صاحبتي قلت سيور تشبهلها ;)
الله يبارك عليك ربي يبقي السر عليك
بالتوفيق

سلاامي

​

كوني بخير
بالتوفيق الفحلة

 

[ثَسْكُورْثْ نَثْدُوكْلِي]

رد: كُرسٍيّ التّعآرُف_الضَّيفَة{ sarakoukou }

سلآمو سآرٍيتآ . . اممم ماكانش لي راه مقلشلي الزينة تاعنا جيتو حطيتولها الحار بصح ما جبتوش حاجة حلوة علاه عليكم خخخخ
وعليكم السلام هُديتآ :d الفحلة اهلا بك :$ شفتي وش صاري فيا خخخخ

جبت للختي معايا شوية براج

ممم يعطيك الصحة ايوه نبغي لمبرجة :up: صحيتي وزيد يبانو هايلين
شكرااا

و لا ما تبغيهمش هاكي بغرير 'ولا غرايف ماا نعرف شا تقولولهم'

مع الشّآي

اووووو ثِغْريفِينْ :love01: لغرايفْ صحيت نحبهم تاني مانقولش لا لا
هذو بالعسيلة ياك احنا ناكلوهم بالزيت وندرو عليهم السكر او بالمعجون

صحيت صحيت :love01: هكا نقول عليك كريمة واهل الجود :-r

جيت غي نطل عليك لا راهم متهليين فيك ولا لا . . ربي يوفقك حنونتي . . و اذا كاش ما ضربلي في راسي راني نجي بلا ما تعرضيني :d

حتى انا قلت نبدا فيهم ناكل شوية وبعدها نجاوب ههه
صحيت بزاااف وربي يوفقك انت تاني​

ثنميرثْ فلام

 

[لؤلؤة قسنطينة]

رد: كُرسٍيّ التّعآرُف_الضَّيفَة{ sarakoukou }

السلام عليكم
ساريتا راهي عاجبتك الحالة؟؟ راهم متهليين فيك ياك؟
(هادو تاني داخلين في الاسئلة :d )
بقيت نخربش في المخيخ تاعي كاشما نلقى اسئلة وجيتك

هيا نبعتلك اسئلة خفاف برك
(كيما قالها السيد رابح تقولو خفاف ومن بعد تشنشفونا هههه)


هيا ندخلو للأعراس شوي:
سرسورة تروح بزاف للأعراس ولالا؟
سرسورة في الاعراس تحب تلبس لباس تقليدي ولا صواغي؟
بيناتنا تعرفي تماكيي؟؟ ولا كي حالتي ههه
تحبي الاعراس التقليدية لي تكون في دار بين النساء برك
ولا اعراس درك لي ديجي ومخلطة الحالة بين الرجال والنساء؟؟
واش رايك في لباس بنات اليوم في الاعراس؟؟ تعتابريه حرية او قلة تربية؟
دركا سؤال اخير ونتمنى مايشكلكش ازعاج
سارة تنحي خيمارها في الاعراس؟؟

هيا نحبس هنا ونخليك تخمي وكي يتحرك مخي نزيد نولي ههه
تحياتي ساريتا
​

 

[ثَسْكُورْثْ نَثْدُوكْلِي]

رد: كُرسٍيّ التّعآرُف_الضَّيفَة{ sarakoukou }

الســـلام عليكم
وعليكم السلام خويا أمين اهلا وسهلا بك

وصلــت روطار مي خير من مانوصلش كامــل
صـــــارة ! جميلـة اللمة ع كرسي التعـارف !
يــاألف أهــلا وإقــامة ممتعة في الكرســي

لا ماشي روطار مرحبابيك :)
:$ :-rشكراا شكرااا اسعدتني بكلامك هذا
والله يشهد انك من بين الأعضاء الذين اعتز بهم
وبيكم تكون القعدة حلوة
صحيت :regards01:

لازم نســألك شويـة

اوكي اتفضل :d نتخيل روحي في محكمة

صـارة وعــلاقتها بالكوزينة كيفاش دايرة ؟

علاقة طيبة :-hوالحمد لله نسلكها لانو بديت الطياب من صغري بحكم اني البنت الكبرى :up:

قلت أنــــك تحبي كتابات غـــادة السمــان
أي قصيــدة تفضلين لها ؟
والله كل قصيدة وحلاوتها وجمالها
ايه والله نبغي بزااف كتاباتها :up: هاايلة
صراحة قصائدها جميلة جداا ويعجبني تنوع حرفها واسلوبها السلسل:up:
كيما تعرف عندها اكثر من 200 قصيدة على كل لم اتفرغ لقراءتها كليا لكن انجذبت للبعض

كاين كيما قصيدة جميلة جداا بعنوان "أكذوبة اسمها سنة جديدة" تحمل مغزى

قصيدة "عاشقة المطر داخل محبرة"

وايضا قصيدة " أميرة في قصرك الثلجي " حينما قالت في بداية القصيدة :d
:
أين أنت أيها الاحمق الغالي ؟
ضيعتني لأنك أردت امتلاكي !
.....
....

وكذا قصيدة قصيرةو جميلة بعنوان " بومة متحفظة عاشقة "


خخخخ دوك نجيبلك كاامل ديوانها نحبس هنا خير :d



يييي كاين تاني "ذاكرة متمردة" هايلة:up:




زايـدة في 93

ايه ف 93

تفرجــت بلا حدود ولا جــامي ؟

هههه روووعة ايه تفرجتو اكيد :d :up::up::up:
في وقتها ني كونيكسيو ني بارابول لكن الحلاوة تنبع ف البساطة

مين كنــت صغيرة مشاغبـة ولا كنت كما بــاربي ؟

واه كنت مش كي باربي هههه شغب كي نكون مع ابنة عمي و دراري تع الحومة
لكن في البيت خخخ عينيا يخرجو نقعد عاقلة

ربـي يوفقــك في دراستك وفي حيــاتك
ســلام

يارب
وربي يعزك وشكراا على حضورك الانيق
كن بخير
وربي يوفقك

​

شكرااا لك

 

[ثَسْكُورْثْ نَثْدُوكْلِي]

رد: كُرسٍيّ التّعآرُف_الضَّيفَة{ sarakoukou }

يااه لا تفكرت شا نسقسي هههه

واه تفضلي من قبيلا قلت نتعلم عند اميرة لهجة تع الغرب :-r
أيا بيان انت راكي تهدريها وراني نهز عليك ;) صحيتي
شا تسقسي يا درا :-h

سارة زايدة في الصيف ولا الشتا ؟

واه ف الشتا فيبرايرية

أحب فصل لقلبك ؟
صراحة الشتاء:up:
الصيف نحس بالقلقة فيه سيرتو كي تكون السخانة بزااف نتقلق وبسيف باه نتحمل
أ ما الربيع والخريف عادي :-h

نعطيك كلمات و اعطيني تعريف كيما تبغي انت
أوكي :-r

العائلة

الحماية و الأمان

الأخت
السند والمشورة والصديقة

الصديق


كيما قال الشافعي رحمه الله

سلام على الدنيا اذا لم يكن بها صديق صدوق صادق الوعد منصفا

الحياة

هي الحياة :d:p

طيب الحياة هي ان يكون قلبك حيُّ وتتناوب فيه المشاعر والاحاسيس

الصلاة

الراحة و ايضا الصلة اللي تقوينا وتقربنا الى لله

بما أن رمضان راه على الأبواب . . نسقسيك عليه
ربي يبلغنا رمضان واياكم
سارة تدخل شوية للكوزينة في رمضان و لا تشوف غي من بعيد ؟

ايه ندخل ونساعد يما لكن الطبق الرئيسي ديما يفضلو الوالدة لديرو وانا نزيد الثانوية ;)

أكلك بنين صراحة ولا شوية شوية ؟

صراحة بنين :$ وعلى شهادة خويا لكبير خخخخ توجور
مايكسرليش قلبي الصغير
والحاجة لنطيبها يقولي روووعة
:-r
وخصوصا تيكوربابين توجور يقولي هاايلة وياكل دوبل
:p هاو دوك نديها ف روحي وتعاينوني :d

كاين ليفسدلي لكن رانا نتعلمو :graduation:

الأكلة الي ما تمليهاش تبغيها بزاف ؟
والله
ماعنديش اكلة معينة نشتي ناكل شوية شوية منهم كاامل
نحب كيما السلق والفلفل حميس وشلايط وعفايس خفاف :-r


تصلي التراويح ولا لا ؟

اكيد نصليها
لكن مش في المسجد برك في البيت لانو عندنا
ما يروحوش النساء للجامع :smile02:

يغلبك رمضان ولا لا ؟

ديفوا كل خطرة كيفاه

هادا ماكان . . . و لا كاش ما تفكرت راني نجي :d

اهلا بيك ف كل وقت نورتيني باسئلتك :d
​

صحيييييييت ^^