السلام عليكم جماعة الخير ان شاء الله تكونو بخير
والغايب يرجعنا بخير ان شاء الله ربي يوفق اللي يحضرو للبياف وللباك الله ينجحكم اجمعين
نرجعو للمنتدى وللمة لمتنا
واليوم جبتلكم سوجي قديم وجديد
الرجل بألف وجه
ما تقولوليش ليليا راكي عقاب الرجال لالا راح نقولكم ونتوما أحكمو
من المعروف انو فالفايس فالمنتديات نلقاو مواضيع عمل المرأة دايرة ظل وحتى فالفايس نشوف ليغروب دايرين حروب
نفس السوجي ونفس الهدرة والزوخ والنيف الطالع وهو يطفي المكيرو وتلقاه يجري ورا الخدامة حتى يلقى رضاها ويجري ويحلل هو ودارهم باه تقبل بيه
في وقت كانو يمدو العلاوات او ليبرييم للمعلمات يا حسراه اللي بايرة قاع تزوجت ياو تزوجو انغرو ما خلاو حتى وحدة حتى اللي تقري محو الأمية :d
وين ما تكون المرا الخدامة الراجل يجري وراها ولو على حساب راحتو وما نقولش اللي خدامة مش مرتاح معاها راجلها لالا بزاف نعرفهم خدامات و منظمين اوقاتهم ولكن بالنسبة ليا اللي فالدار افضل على الأقل تلحق تقوم دارها وولادها والخدامة ديما تاعبة وتجري منا ومنا ويا ربي كان كفاها الوقت
نرجعو للألف وجه للراجل : منا يقولك الرجلة وانا نخدم وممنوع وكذا وكذا هي تولد ويلقى روحو ما يلحقش يرجع هو يحوس عليها تخدم
وكاين تلقاها داير ظل وداير حرب غير الخدامة ما نتزوجهاش ويروح يجري يخطب الخدامة ويختار حسب نوع خدمتها والشهرية
ونروحو للوجه لاخر مرتو خدامة وتلقاه فجماعة يقطع يومنشر فصاحبو تزوج وحدة خدامة ياو فيق لعمرك راك دير روحك قسرة وضحك باينة انت تنوض وهوما يضحكو عليك ياخي حالة قالك المسلوخة تضحك على المذبوحة والمقطعة شابعة ضحك
نفس الشي فالصوالح لخرين المتبرجة ما نديهاش وفاسدة وتلقاه وراها فالزنقة يجري تقول قط وفالاخير يدي متبرجة ويديرلها الحجاب
نروحو والجامعيات ويا حوجي يانا على الجامعيات فيهم وفيهم ويحوس مرتو طبيبة ومعلمة وتسوق الطيارة منين وين تقراهم هذو عندو لازم تكمل الجامعة وتروح تتزوج بيه وداويه غير هو وتقريه غير هو عزيزي الرجل روح قدام الماترنيتي واستنى مولودة جديدة وتزوجها هكذا تهني روحك وتعرفها صافية وافية هذا اذا ما غمزتش للطبيب :p:p
علاه الرجل ما راهش عارف رلاوحو واش راه حاب ديركت
اما خدامة عادي مرتك وشكون يسالك احكم فمك برك على نسا الرجال لخرين ما تحكيش عليهم
كان حبيت اللي قاعدة فالدار علاه تحل فمك فاللي تقرا غدوة بناتك يرجعو يقراو
كان حاب متبرجة ربي يسهل راحا ترفد اسمك انت وعلاه كي ديرلها الحجاب تولي تفتي على الناس لخرين
حابة نعرف الألف وجه هذو اذا هوما ما علامات تعريف الرجولة
نتوما كنسا واش رايكم فراجلك بالف وجه كل يوم شخصية
ونتوما رجال فهمونا ديركت انا حابة تقنعوني بنقاش انت كشاب خياراتك او قناعاتك واضحين ديركت او قادر تبدلهم
واش رايكم
والغايب يرجعنا بخير ان شاء الله ربي يوفق اللي يحضرو للبياف وللباك الله ينجحكم اجمعين
نرجعو للمنتدى وللمة لمتنا
واليوم جبتلكم سوجي قديم وجديد
الرجل بألف وجه
ما تقولوليش ليليا راكي عقاب الرجال لالا راح نقولكم ونتوما أحكمو
من المعروف انو فالفايس فالمنتديات نلقاو مواضيع عمل المرأة دايرة ظل وحتى فالفايس نشوف ليغروب دايرين حروب
نفس السوجي ونفس الهدرة والزوخ والنيف الطالع وهو يطفي المكيرو وتلقاه يجري ورا الخدامة حتى يلقى رضاها ويجري ويحلل هو ودارهم باه تقبل بيه
في وقت كانو يمدو العلاوات او ليبرييم للمعلمات يا حسراه اللي بايرة قاع تزوجت ياو تزوجو انغرو ما خلاو حتى وحدة حتى اللي تقري محو الأمية :d
وين ما تكون المرا الخدامة الراجل يجري وراها ولو على حساب راحتو وما نقولش اللي خدامة مش مرتاح معاها راجلها لالا بزاف نعرفهم خدامات و منظمين اوقاتهم ولكن بالنسبة ليا اللي فالدار افضل على الأقل تلحق تقوم دارها وولادها والخدامة ديما تاعبة وتجري منا ومنا ويا ربي كان كفاها الوقت
نرجعو للألف وجه للراجل : منا يقولك الرجلة وانا نخدم وممنوع وكذا وكذا هي تولد ويلقى روحو ما يلحقش يرجع هو يحوس عليها تخدم
وكاين تلقاها داير ظل وداير حرب غير الخدامة ما نتزوجهاش ويروح يجري يخطب الخدامة ويختار حسب نوع خدمتها والشهرية
ونروحو للوجه لاخر مرتو خدامة وتلقاه فجماعة يقطع يومنشر فصاحبو تزوج وحدة خدامة ياو فيق لعمرك راك دير روحك قسرة وضحك باينة انت تنوض وهوما يضحكو عليك ياخي حالة قالك المسلوخة تضحك على المذبوحة والمقطعة شابعة ضحك
نفس الشي فالصوالح لخرين المتبرجة ما نديهاش وفاسدة وتلقاه وراها فالزنقة يجري تقول قط وفالاخير يدي متبرجة ويديرلها الحجاب
نروحو والجامعيات ويا حوجي يانا على الجامعيات فيهم وفيهم ويحوس مرتو طبيبة ومعلمة وتسوق الطيارة منين وين تقراهم هذو عندو لازم تكمل الجامعة وتروح تتزوج بيه وداويه غير هو وتقريه غير هو عزيزي الرجل روح قدام الماترنيتي واستنى مولودة جديدة وتزوجها هكذا تهني روحك وتعرفها صافية وافية هذا اذا ما غمزتش للطبيب :p:p
علاه الرجل ما راهش عارف رلاوحو واش راه حاب ديركت
اما خدامة عادي مرتك وشكون يسالك احكم فمك برك على نسا الرجال لخرين ما تحكيش عليهم
كان حبيت اللي قاعدة فالدار علاه تحل فمك فاللي تقرا غدوة بناتك يرجعو يقراو
كان حاب متبرجة ربي يسهل راحا ترفد اسمك انت وعلاه كي ديرلها الحجاب تولي تفتي على الناس لخرين
حابة نعرف الألف وجه هذو اذا هوما ما علامات تعريف الرجولة
نتوما كنسا واش رايكم فراجلك بالف وجه كل يوم شخصية
ونتوما رجال فهمونا ديركت انا حابة تقنعوني بنقاش انت كشاب خياراتك او قناعاتك واضحين ديركت او قادر تبدلهم
واش رايكم
