وعلى زهري انا ...... ارواحو نحكيلكم

[ليليا مرام]

السلام عليكم
اهلا وسهلا بيكم واش راكم جماعة الخير ان شاء الله اموركم بخير
ويا زهري يانا ......
اييه اليوم جيتكم بسوجي
كلمة زهري

حنا الجزائريين والفقنا الكلمة هذي بزاف انا ما تزوجتش ما عنديش الزهر

رحت نحوس خدمة وما عنديش الزهر

رحت نشري حجاب وزهري ما لقيتش اللون اللي حبيتو

جارتي تزوجت راجل شباب وانا زهري طيحني فراجل هو رايح يبان راجع

كل بلاصة ووين نروحو نسا ورجال كلمة زهري تمشي عندنا بزاف
مش عارفة ربطناها بالمكتوب او كلمة زهري اكثر من كلمة المكتوب
الزهر وحتى لما تحكي على حاجة يقولك شوف زهرك كان عندك
وممكن صح كاين امور تطلب زهر كبير الباك يقولك زهر مش قرايا

ويا زهري ياانا وما دار فيا .... ايه ليليا وزهرها راح تحكيلكم

زهري انا مسود اسود رايح للسواد

نضربها على الحيط ترجع
نكون رايحة لبلاصة اما يضربها تسونامي او نلقى الحوانت مقفولين

ياو مرة كنت رايحة لبلاصة ركبت الكار الغالطة وحتى نسمع كلمة البرج وياااااااااااااا رحت للبرج وانا لا خبر كنت كومة
وعيطت ليمى نبكي يمى راني فالبرج قاتلي داوك رجليك يرجعوك يديك دبري راسك وين كان عقلك قتلها املا نقولك زهري جابني واستنايه يرجعني نتلاقاو في لاخرة

الخلاصة يا جماعة نتوما وزهركم
مش كفر بعيد الشر لالا حنا مومنين وكل شي يصيرنا من ربي الف حمد وشكر مي علاه كلمة زهري لصقت فينا بزاف
واحكولي على زهركم احصائيات زعمى عندكم الزهر او لالا

الخط ليكم
​

 

[لؤلؤة قسنطينة]

رد: وعلى زهري انا ...... ارواحو نحكيلكم

السلام عليكم مريومة
واش راكي؟؟ ان شاء الله راكي لاباس؟؟
والله موضوعك شباب الله يبارك وصح العادة هادي فينا مايكدبش العبد هههه الحاجة لي تفسدلك تقول زهري معوج ههههه
انا بالاك مانامنش بحكاية الزهر ودايما نقول بلي هادي مكاتيب من عند ربي ومهما كانت تظهرلنا بلي سيئة عند ربي راهي
مليحة وحنا ماعلابالناش حنا برك نسبقو الاحداث بصح كلمة الزهر دايما على لساني مانكدبش هههه بصح نقولها بضحكة
كي نكون قلقانة نقول زهري ماش مليح، بصح كن نوليو للصح نلقاو بلي ماعندها حتى معنى خاطر كلشي بيد الله ماش بيد
الزهر، اصلا حنا مسلمين وواعيين ونعرفو بلي الشي لي يصرا للانسان وكل ثانية من حياتو مكتبتلو من قبل مايزيد على هادي
ماكاين حتى دخل للزهر وغيرو، لكن الناس الله غالب تخسر تجارة تقولك زهر وماينجحش في قرايتو يقولك زهر وهو ماراجعش
دروسو ومن بعد يقولك زهر، يعني مايديرش بالاسباب ومن بعد يقولك علاه وكيفاه وزهر
يعني ربي يهديهم برك ويهدينا
شكرا مريومة على الموضوع ربي يحفظك غاليتي
تحياتي
​

 

[safouane batna]

رد: وعلى زهري انا ...... ارواحو نحكيلكم

هي ولف برك الكلمة هاذي لصقت فينا اي حاجة نحصلوها فالزهر وكاينة حتى فالقرآن في قوله تعالى: وإنه لذو حظ عظيم. وساعات تولي تطير والعياذ بالله لأنو كاينة ناس نوصل لدرجة الجهل ربي يعافينا من هاذ الأمور ،أما عن سؤالك على زهرنا أنا الحمد لله زهري مليح لي حب نبيعلو هههههه

 

[zohor kfz]

رد: وعلى زهري انا ...... ارواحو نحكيلكم

ana zahri tooooooooooooooooop el7Amdo lillah
kalmat zhar mnin jat allah a3lam ma3andich 7ata fikra 3liha

 

[بقايا إنسان]

رد: وعلى زهري انا ...... ارواحو نحكيلكم

سلام الله عليكم ورحمة الله وبركاته وبعد:أختنا الكريمة موضوعك هو موضوع العصر وجل الناس يفكروا بالطريقة لي طرحتيها اما قصتك مع الكار والطريق لي غلطتي فيها فنفس الشيء وقعت فيه انا من قبل الا انني مغلطتش ف الكار وإنما راحت عليا نوما حتى لقت نفسي في مكان عمري ماشفتو من قبل ههههه ومعرفتش واش نقول وبقيت واقف مذهول لي شوفني يحسبني ضايع ولا مهبول رافد محفظة في يدو ههه
المهم منطولش على ختي والخلاصة هي كاتالي :راني نشوف والله أعلم أنو كلمة زهري هي المشجب لي نعلقو عليه كل فشلنا حتى ثقل عليه الحمل والخوف اذا طاح معندناش علاش نعلقو هذا الفشل فالمفروض نلقاوحاجة متينة على كلمة زهري باش اذا علقنا عليها كل فشلنا تزيد تثبت ومطيحش الا وهي قدر الله ماشاء فعل
تحياتي ليك اختي الكريمة ولقلمك المميز.ربي يرزقك بزهر زين ومتبينهش للناس حتى تتفداي العين لي راهي ابشع من الزهر لمسود واذا حكمت في واحد ماينجيه منها الا رب العالمين
سلام

 

[الامين محمد]

رد: وعلى زهري انا ...... ارواحو نحكيلكم

أختي التوام شكرا الطرح الرائع
لو كان نحكي على زهري رايح نبكيك
صح أنا زهري مكرفس
لكن انا متأكد ان سوء الحظ هو مرحلة امتحان
و يجي بعده الفرج و أنا متأكد ان الفرج رايح يجي لدرجة الذهول
و أكيد رايح نبشركم

دعواتك أختي التوأم​

 

[ديسق]

رد: وعلى زهري انا ...... ارواحو نحكيلكم

وعليكم السلاآآآآآم ورحمة الله وبركاته

ايييه رانا بخير وفي رحمة ربي والحمد لله كثييييرا

امممم كما قلتي الحافلة والبرج تفكرت لما غلطت وركبت في الكار الغالط وداني لوجهة مخالفة صراتلي 3 مرات ههههه
بصح ما دانيش بعييييد وانما بالقرب من المدينة برك هههههه مين داك وليت كما ندخل للكار او سيارة الاجرة نسقسيه
وين يدي حتى وان كنت متأكد 100/100 أنه راح يدي للمنطقة الي حاب نروح ليها، لازم نسقسيه ههههه لأنو احيانا
يتبادلو الكيران مع بعضاهم الاماكن وتتخلطلك اخخخخخخ

وشكرا :graduation:


​

 

[Malika Tlm]

رد: وعلى زهري انا ...... ارواحو نحكيلكم

السلام عليكم
الزهر صح بزاف ناس يقولو معنديش الزهر وكاينا هدي صح
الزهر فبزاف حوايج فزواج فتحواس فالملابس فطريق فحب الناس ليك ووووووو
نتمني كامل ولاد وبنات بلادي يلاقاو زهرهم المودر هههه
ربي يجيب الخير

 

[ليليا مرام]

رد: وعلى زهري انا ...... ارواحو نحكيلكم

السلام عليكم مريومة
واش راكي؟؟ ان شاء الله راكي لاباس؟؟
والله موضوعك شباب الله يبارك وصح العادة هادي فينا مايكدبش العبد هههه الحاجة لي تفسدلك تقول زهري معوج ههههه
انا بالاك مانامنش بحكاية الزهر ودايما نقول بلي هادي مكاتيب من عند ربي ومهما كانت تظهرلنا بلي سيئة عند ربي راهي
مليحة وحنا ماعلابالناش حنا برك نسبقو الاحداث بصح كلمة الزهر دايما على لساني مانكدبش هههه بصح نقولها بضحكة
كي نكون قلقانة نقول زهري ماش مليح، بصح كن نوليو للصح نلقاو بلي ماعندها حتى معنى خاطر كلشي بيد الله ماش بيد
الزهر، اصلا حنا مسلمين وواعيين ونعرفو بلي الشي لي يصرا للانسان وكل ثانية من حياتو مكتبتلو من قبل مايزيد على هادي
ماكاين حتى دخل للزهر وغيرو، لكن الناس الله غالب تخسر تجارة تقولك زهر وماينجحش في قرايتو يقولك زهر وهو ماراجعش
دروسو ومن بعد يقولك زهر، يعني مايديرش بالاسباب ومن بعد يقولك علاه وكيفاه وزهر
يعني ربي يهديهم برك ويهدينا
شكرا مريومة على الموضوع ربي يحفظك غاليتي
تحياتي
​

السلام عليكم مريومة اهلا وسهلا نورتيني يومك مبارك
انا الحمد لله ربي يحفظك يا رب
اييه ام نامنوش بها لانو حنا مسلمين ونعرفو انو كل شي من عند الله مي والفناها كل شي نقولو كلمة زهري
الزهر داخل فحياتنا ممكن ب 80 بالمية انا كل مرة نسمعها فاصغر الامور
اييه وقلت كلام صح لو نفشلو فزواج نقولو الزهر لو القرايا الزهر لو تنوي تشري وما تلقايش واش تحبي تقولي زهري
الله غالب والفناها مي نقولك مجرد ولف لانو ايماننا كبير ونعرفو كل شي مقدر
الله يهدينا اجمعين
شكرا لك اختي مريم نورتيني

 

[ليليا مرام]

رد: وعلى زهري انا ...... ارواحو نحكيلكم

هي ولف برك الكلمة هاذي لصقت فينا اي حاجة نحصلوها فالزهر وكاينة حتى فالقرآن في قوله تعالى: وإنه لذو حظ عظيم. وساعات تولي تطير والعياذ بالله لأنو كاينة ناس نوصل لدرجة الجهل ربي يعافينا من هاذ الأمور ،أما عن سؤالك على زهرنا أنا الحمد لله زهري مليح لي حب نبيعلو هههههه

السلام عليكم اخي صفوان نهارك مبروك نورتني
فعلا هي قضية ولف وبرك لكن لما تولي تطير راهي دخلت فالكفر والجهل معاذ الله لانو فعلا كاين ناس تأمن بها بزاف
تبعينا ما قلتش تفليكسي لخاوتك مشحاح
نورتني

 

[ليليا مرام]

رد: وعلى زهري انا ...... ارواحو نحكيلكم

ana zahri tooooooooooooooooop el7Amdo lillah
kalmat zhar mnin jat allah a3lam ma3andich 7ata fikra 3liha

السلام عليكم اهلا وسهلا اختي زهور نورتيني يومك مبارك
الله يدومها عليك يا رب وعلينا واللي ما عندوش زهر ربي يمدولو
منين جات والله ما علابالي مي نعرف من صغرنا نعرفوها وهي قضية ولف وبرك كبرنا وقرينا وتعلمنا ونعرفو انو كل شي مكتوب من الله
مي كاين ناس كيما قال خونا صفوان يوصلو للجهل من كثرة ما يامنو بالامور هذي
شكرا لك نورتيني

 

[ليليا مرام]

رد: وعلى زهري انا ...... ارواحو نحكيلكم

سلام الله عليكم ورحمة الله وبركاته وبعد:أختنا الكريمة موضوعك هو موضوع العصر وجل الناس يفكروا بالطريقة لي طرحتيها اما قصتك مع الكار والطريق لي غلطتي فيها فنفس الشيء وقعت فيه انا من قبل الا انني مغلطتش ف الكار وإنما راحت عليا نوما حتى لقت نفسي في مكان عمري ماشفتو من قبل ههههه ومعرفتش واش نقول وبقيت واقف مذهول لي شوفني يحسبني ضايع ولا مهبول رافد محفظة في يدو ههه
المهم منطولش على ختي والخلاصة هي كاتالي :راني نشوف والله أعلم أنو كلمة زهري هي المشجب لي نعلقو عليه كل فشلنا حتى ثقل عليه الحمل والخوف اذا طاح معندناش علاش نعلقو هذا الفشل فالمفروض نلقاوحاجة متينة على كلمة زهري باش اذا علقنا عليها كل فشلنا تزيد تثبت ومطيحش الا وهي قدر الله ماشاء فعل
تحياتي ليك اختي الكريمة ولقلمك المميز.ربي يرزقك بزهر زين ومتبينهش للناس حتى تتفداي العين لي راهي ابشع من الزهر لمسود واذا حكمت في واحد ماينجيه منها الا رب العالمين
سلام

السلام عليكم اهلا وسهلا خويا نورتني يومك مبروك
اييه يا خويا لقيت روحك فبلاصة ما تعرفهاش الحمد لله اني مانيش وحدي ياو انا دابزت مع مول الكار قتلو سرقتني:d
الراجل تشوكا قالي وعلاه فعمرك عامين انت ما تعرفيش روحك وين رايحة لقيت روحي بعيدة بساعات والكارثة وينتا نرجع وستر ربي ورجعت اييه صراتلي شعال من مرة ولكن نتاع البرج هي البلاصة اللي بعيدة بزاف
اييه صح خويا من المفروض نشدو فكلمة قدر الله وماشاء فعل حتى نطقها عندها معنى كبير ويحس الانسان بالثقة
لما يجيني زهر زين راح نقولك غير انت هههه ياو راح نقلع بيه ونروح من البلاد راني عارفة العين اكثر من السحر والحسد مرض صعيب
وهنا راهي عين حكيم والسي سكر ما خلاو الزهر يجيني
نورتني خويا ربي يحفظك يا رب وشكرا على وفائك لمواضيعي
شكرا لك

 

[ليليا مرام]

رد: وعلى زهري انا ...... ارواحو نحكيلكم

أختي التوام شكرا الطرح الرائع
لو كان نحكي على زهري رايح نبكيك
صح أنا زهري مكرفس
لكن انا متأكد ان سوء الحظ هو مرحلة امتحان
و يجي بعده الفرج و أنا متأكد ان الفرج رايح يجي لدرجة الذهول
و أكيد رايح نبشركم

دعواتك أختي التوأم​

السلام عليكم خويا الامين اهلا وسهلا نورتني هذي مدة وانت غاي ان شاء الله خير
والله عارفة زهرك من زهري يتشابهو
نعم سوء الحظ صح مرحلة في حياتنا واكيد الفرج يجينا ويا ريت تفاجئنا ان شاء الله تبشرنا قريبا يا رب بفرحة كبيرة
ربي يفرجها عليك خويا الأمين عاجل غير آجل يا رب
شكرا لك

 

[ليليا مرام]

رد: وعلى زهري انا ...... ارواحو نحكيلكم

وعليكم السلاآآآآآم ورحمة الله وبركاته

ايييه رانا بخير وفي رحمة ربي والحمد لله كثييييرا

امممم كما قلتي الحافلة والبرج تفكرت لما غلطت وركبت في الكار الغالط وداني لوجهة مخالفة صراتلي 3 مرات ههههه
بصح ما دانيش بعييييد وانما بالقرب من المدينة برك هههههه مين داك وليت كما ندخل للكار او سيارة الاجرة نسقسيه
وين يدي حتى وان كنت متأكد 100/100 أنه راح يدي للمنطقة الي حاب نروح ليها، لازم نسقسيه ههههه لأنو احيانا
يتبادلو الكيران مع بعضاهم الاماكن وتتخلطلك اخخخخخخ

وشكرا :graduation:


​

السلام عليكم خويا يومك مبارك نورتني
اييه رجت للبرج انا وصلت قتلو واش هذي قالي البرج قتلو برج دلاع او واش سرقتني واقيل هههه درتلو عرس مول الكار وعيطت ليمى راني فالبرج يمى داخت واش من برج يساو قتلها زغرتي بوعريريج واش من برج الدلاع
اييه مناك وليت نسقسي يا خويا حاصة لو نكون مشومرة يا حسراه نبات برا وما نقولش للناس راني اونبان
الله يخليك خويا وينورني

 

[ليليا مرام]

رد: وعلى زهري انا ...... ارواحو نحكيلكم

السلام عليكم
الزهر صح بزاف ناس يقولو معنديش الزهر وكاينا هدي صح
الزهر فبزاف حوايج فزواج فتحواس فالملابس فطريق فحب الناس ليك ووووووو
نتمني كامل ولاد وبنات بلادي يلاقاو زهرهم المودر هههه
ربي يجيب الخير

السلام عليكم اهلا وسهلا اختي مليكة واش أحوالك ؟
وييي ما عندناش الزهر خاصة حنا نسا ختي مليكة والا واش قال
اييه اكدينا على الدعوة لولاد بلادك اللي مودرين فالبحر يجرو ورا القاوريات ما عندهمش الزهر مساكن :p
:p
امين الخير ليكم ولينا

 

[شاعرة الأمل]

رد: وعلى زهري انا ...... ارواحو نحكيلكم

اهلا اهلا بالغالية ان شاء الله اخبارك طيبة
هادي المرة راني تأخرت بالرد شوية لانو النت راهي دايرتها بيا لانو ماعنديش الزهر هههههههه
ايه ختي واللله مانامنش بالزهر بزاف لانو نعرف بلي كلشي بالمكتوب مي الله غالب رسخت في عقولنا
ومن جيهت زهري انا تنطبق عليا مقولة
ان حظي كدقيق فوق شوك نثروه
وقالوا لحفاة يوم ريح اجمعوه
ياو انا فقيرة من جيهة الزهر مي الحمد لله
تقبلي مروري شكرا عالموضوع ​

 

[ليليا مرام]

رد: وعلى زهري انا ...... ارواحو نحكيلكم

اهلا اهلا بالغالية ان شاء الله اخبارك طيبة
هادي المرة راني تأخرت بالرد شوية لانو النت راهي دايرتها بيا لانو ماعنديش الزهر هههههههه
ايه ختي واللله مانامنش بالزهر بزاف لانو نعرف بلي كلشي بالمكتوب مي الله غالب رسخت في عقولنا
ومن جيهت زهري انا تنطبق عليا مقولة
ان حظي كدقيق فوق شوك نثروه
وقالوا لحفاة يوم ريح اجمعوه
ياو انا فقيرة من جيهة الزهر مي الحمد لله
تقبلي مروري شكرا عالموضوع ​

السلام عليكم اهلا ةسهلا اختي
اييه ما عندكش الزهر ياو انا اليوم دارتها بيا الحمد لله جاب ربي شكون عاوني الحمد لله ومشاتلي
عودة للسوجي طيحتلولي دمعة وخنونة رانا كامل فقاقير فالزهر غير زهور وصفوان لخرى قاتلك انا زهري توووووووووووووب ولاخر قالك نبيعلكم هاللي ما عندو زهر فالكبدة يلقى العظم ما عندناش الزهر الله غالب ربي يجيب مي حنا نامنو بالمكتوب اكثر مي الزهر ربطناه بمكتوبنا وكيما قال صفوان تاجر الزهر راه مذكور فالقرآن
شكرا لك نورتيني

 

[عيشة مرة قدور]

رد: وعلى زهري انا ...... ارواحو نحكيلكم

سلام زهر مسكين كون ينطق يبكي منا ويششكي ههههههههههه يقول قتلوني جزائرين والله كلمت ولف هدي برك ولفناها ومرات منلقوش فاه نحصلو نقولو زهر مكاش زهر مكرفص كي منقلوش مكتوب نقولو زهر مكاش الله يهدينا

 

[ليليا مرام]

رد: وعلى زهري انا ...... ارواحو نحكيلكم

سلام زهر مسكين كون ينطق يبكي منا ويششكي ههههههههههه يقول قتلوني جزائرين والله كلمت ولف هدي برك ولفناها ومرات منلقوش فاه نحصلو نقولو زهر مكاش زهر مكرفص كي منقلوش مكتوب نقولو زهر مكاش الله يهدينا

السلام عليكم اختي عيشة مرت قدور قوليلهم يصححو التاء ان شاء الله قدور راه مليح
اييه يا اختي حنا مومنين مي والفناها وكيما قلت الزهر رفد كابتو وقلع من بلادنا لانو كلنا نشكو منو وقليل بزاف يقول راه زهري مليح ولو يخبي على جال الحسد والعين وهي فالصح نورمالمو نقولو كلمة قدر الله وماشاء فعل او على الاقل الحمد لله مي حنا نقولو الحمد لله ورا شكارة شكاوى ولف وطبيعة فينا الله غالب
نورتيني مرت قدور