السلام عليكم ورحمة الله وبركاته سكان اللمة
واش حوالكم معليكمش ،،،المهم لي راهو مليح الحمد لله ربي يدومها ولي ماهوش مليح ربي يفرجها عليه ويهنيه (راني دعيتلكم باه ماتقولوش مشحاحة )
شحال عندي ماسركلتش فهاد القسم ياحسراه من وقت الإستقلال :-o:smile02:
ولكن اليوم راني عدت وبقوة (ماكان لا قوة ولا والو ) على خاطر علابالي توحشتوني (التواضع ثم التواضع )
المهم بلا هاذ الدباجة الطويلة لي ماعندها حتى معنى
جيت اليوم نحكي على موضوع بعد ماسمعت بيه ولي حبسلي مخي كان عندي شوية مخ ايا درك حبس خلاه وخلاني دايرة هكا :s:s:s مبصح انا مانيش صفرة هكا خخخخخخ
الموضوع ولي هو اليوم كانت مسابقة توظيف الاساتذة لحد الساعة رانا ملاح.
المشكل هو أنو حقا حقا لي راحو يمتحنوا زعما رايحين يعودوا اساتذة ايا قلك فهاد المسابقة سجلوا حالات غش واسعة النطاق
من نيتك صديقي ولا نقولك استاذي خير تنقل آه قولي حط عينك في عيني وقولي تنقل ....مبعدة تنجح وتولي استاذ وتولي انت تحارب الغش هاااااا راك كبير ماتجيش صا سفي با اكدولي على لفرونسي المميزة
والله صح نحكوا شوية بجدية ....يعني هادوا هوما لي رايحين يعودوا اساتذة المستقبل ويقروا الأجيال الصاعدة ملاحظة هامة (مانيش نجمع ونقول كامل فيهم وعليهم هكا باه مايجيش واحد ويحرقلي مخي ويقولي ماتجمعيش :up: )
المجتمع تاعنا واش يستنا من استاذ مستقبلي يغش وينجح بالغش هيا قولولي برك هدا كي ينجح ويعود استاذ واش رايح يعلم التلميذ يعني رايح يعلمو القيم الصحيحة ماشكيتش يعني المؤمن يبدا في روحو والواحد كي يحب يغير هاو لازم يبدا من نفسو مبعدة يروح لقومو ولا راني غالطة (خصكم تقولوا غالطة :sport02::sport01: )
انا في رايي لي غش هنا غدوا كي يعود حاجة رايح يغش وهذا سبب من اسباب انتشار الفساد والرشوة وخلي وخلي
بعد ماكان الأستاذ يُضرب به المثل في الأخلاق والقيم أصبحت تصرفاته حدث ولا حرج
المهم بلا مانكثر هدرة ونحكي ونطول نخليلكم شوية هدرة
وفي الاخير عزيزي استاذ المستقبل "لا تنه عن خلق وتأتي مثله عارٌ عليك إذا فعلت عظيم "
وتحية مني الى كل استاذ نزيه يخدم بالضمير تاعو قبل كل شيء
احبتي سكان كوكب اللمة اتكلموا ماتخلوهاش في قلبكم
كانت معكم الزهرة الحمراء من وراء الشاشة
واش حوالكم معليكمش ،،،المهم لي راهو مليح الحمد لله ربي يدومها ولي ماهوش مليح ربي يفرجها عليه ويهنيه (راني دعيتلكم باه ماتقولوش مشحاحة )
شحال عندي ماسركلتش فهاد القسم ياحسراه من وقت الإستقلال :-o:smile02:
ولكن اليوم راني عدت وبقوة (ماكان لا قوة ولا والو ) على خاطر علابالي توحشتوني (التواضع ثم التواضع )
المهم بلا هاذ الدباجة الطويلة لي ماعندها حتى معنى
جيت اليوم نحكي على موضوع بعد ماسمعت بيه ولي حبسلي مخي كان عندي شوية مخ ايا درك حبس خلاه وخلاني دايرة هكا :s:s:s مبصح انا مانيش صفرة هكا خخخخخخ
الموضوع ولي هو اليوم كانت مسابقة توظيف الاساتذة لحد الساعة رانا ملاح.
المشكل هو أنو حقا حقا لي راحو يمتحنوا زعما رايحين يعودوا اساتذة ايا قلك فهاد المسابقة سجلوا حالات غش واسعة النطاق
من نيتك صديقي ولا نقولك استاذي خير تنقل آه قولي حط عينك في عيني وقولي تنقل ....مبعدة تنجح وتولي استاذ وتولي انت تحارب الغش هاااااا راك كبير ماتجيش صا سفي با اكدولي على لفرونسي المميزة والله صح نحكوا شوية بجدية ....يعني هادوا هوما لي رايحين يعودوا اساتذة المستقبل ويقروا الأجيال الصاعدة ملاحظة هامة (مانيش نجمع ونقول كامل فيهم وعليهم هكا باه مايجيش واحد ويحرقلي مخي ويقولي ماتجمعيش :up: )
المجتمع تاعنا واش يستنا من استاذ مستقبلي يغش وينجح بالغش هيا قولولي برك هدا كي ينجح ويعود استاذ واش رايح يعلم التلميذ يعني رايح يعلمو القيم الصحيحة ماشكيتش يعني المؤمن يبدا في روحو والواحد كي يحب يغير هاو لازم يبدا من نفسو مبعدة يروح لقومو ولا راني غالطة (خصكم تقولوا غالطة :sport02::sport01: )
انا في رايي لي غش هنا غدوا كي يعود حاجة رايح يغش وهذا سبب من اسباب انتشار الفساد والرشوة وخلي وخلي
بعد ماكان الأستاذ يُضرب به المثل في الأخلاق والقيم أصبحت تصرفاته حدث ولا حرج
المهم بلا مانكثر هدرة ونحكي ونطول نخليلكم شوية هدرة
وفي الاخير عزيزي استاذ المستقبل "لا تنه عن خلق وتأتي مثله عارٌ عليك إذا فعلت عظيم "
وتحية مني الى كل استاذ نزيه يخدم بالضمير تاعو قبل كل شيء
احبتي سكان كوكب اللمة اتكلموا ماتخلوهاش في قلبكم
كانت معكم الزهرة الحمراء من وراء الشاشة
