اساتذة غشاشون بإمتياز

[قرصان الساحل]

رد: اساتذة غشاشون بإمتياز

يسرني ان ابدي اعجابي باسلوبك في الطرح اختي زهرة خفيف ظريف
بخصوص موضوع الغش هذا والله رانا ما فهمنا والو واش راه صاري
بالمختصر في البداية كانت اضرابات عن الطعام ومش عارف وبعدها شفنا الغش هذا يبين الناس تحوس على الخبزة باي طريقة المهم يدخل يعمر جيبو مش كل ناس نحكي طبعا
نقصد الناس لي معندهاش ضمير يدخل يخدم بالغش ويكمل حياتو اللي بداها بالحرام ويكون دا منصب هو مش اهل ليه وتجيه عادي ؟؟؟ وش ننتظر من انسان معندوش ضمير
والله وش راح نقولو عيش تشوف وخلاص
مشكوووورة على طريقة الانتقاء والطرح اختي
موفقة
​

 

[الزهرة الحمراء]

رد: اساتذة غشاشون بإمتياز

شي مخجل بحق
مثل ما قالت أختي أم ياسمين
الناس ماهيش عارفة الجار و المجرور
و أكيييد هاذو لراهم رايح يربحوا
و يصبحوا أساتذة ماذا ننتظر منهم
و كيف سيكون مستوى أبناءنا

واحد نهار سألتني أستاذة و قالت الصحراء الغربية عندها بحر و لا ماعندهاش

هيا فهموني استاذة الجغرافيا هاذي عمرها ما شافت خريطة افريقيا
ام شايفا خرائط وجهها و تضاريس جسمها فقط لذالك راهي أستاذة
انا لا اعمم لكن و الله أغلب الأساتذة تدوخ كيف قراو و أين قراو
مثل صاحبة المعالي الوزيرة رمعون اللي ما تعرفش تقول كلمتين صحاااح

فعلا اذا كان رب البيت للدف ضاربا فلا تلومن البنات ان رقصن​

السلام عليكم ايها الفاضل ومرحبا بك
وصحيح ما تفضلت به ....لي مايعرفوش الفرق بين الفعل والفاعل هوما لي رايحين يولوا اساتذة المستقبل وواحد مايقدر يهدر ولا يقول حاجة
ههههه راهي مليحة كي سقساتك اذا الصحراء الغربية فيها بحر ولالا
واش يجيك انت من استاذ رياضيات يدخل القسم وكي يكتب التاريخ ...يكتب تاريخ مغاير خلاه يعني في عوض مايكتب 2016 كتب تاريخ من عندو وفوق الشيء هذا قال نكتب اي تاريخ ميلادي شكون يضمنلي بلي رانا في تاريخ 2016 ها قلي ذرك هذا بنادم ولا حبة بصلة
ربي يهدينا ويصلح احوال امتنا
بوركت ايها الفاضل على مرورك العطر
تحياتي​

 

[الزهرة الحمراء]

رد: اساتذة غشاشون بإمتياز

الخطأ سيكون في التعميم .. الأكيد أن الغش طال نسبة قليلة .. أضف إلى أن الدعاية المغرضة دائما تضخّم الأرقام و صحافتنا معروف عمالتها لأعداء المنظومة التربية ..
----
و لكن لنكن صرحاء ... سياسيون غشّاشون تجار غشاشون عمّال و موظفين و مقاولي بناء و منجزي مشاريع و مربّي الدجاج و الأنعام و شبه رقاة و أزواج و زوج

​

ات و مقدّمي خدمات و صحافيين و ... غشّاشون ... غشاشون غشاشون غشاشون في كل مكان .. نحن كلّنا غشاشون إلا من رحم ربّي .. من المؤكد أن الغش حرام ، و المؤسف أن أزمة التشغيل أعمت المتنافسين عن ذلك ، فأمام عذاب البطالة و الرعب من فقدان الوظيفة أصبحوا يفعلون أي شيء ربما حتّى الرشوة ، بالرغم من أن العمل حق مشروع و ضروري جدا .. لكن ما لا نفهمه هو الغش الذي يقوم به أصحاب الملايير و السلطة و النفوذ .. ما الذي ينقصهم حتّى يلهثون وراء المزيد عن طريق الغش
---
من سيسامحكم يا من زرعتم بذور الخراب في هذا الوطن الحبيب ؟؟ .. من سيسامحكم يا من أهنتم الشعب الجزائري و يا من أهنتم الطالب و المعلم و الأستاذ و رددتموهم لهذه الدرجة من الهوان ؟؟ ... من سيسامحكم يا مجرمين و يا من أغلبكم الآن هم موتى مقبورين ؟؟ ... هل أخذتم شيئا معكم إلى القبور ؟؟ .. في سبيل من فعلتم أفعالكم الديوثة تلك يا أرذل الخلق ؟؟ .. هل في سبيل بني ماسون و بني صهيون ؟؟ .. فأعلموا إذا أنهم لن يغنوا عنكم من الله شيئا.
--
و الله أنا أرثى لحال الطالب و المعلم و الأستاذ .. جميعم ضحايا .. لما آلت إليه مكانتهم و أوضاعهم بسبب السياسة القبيحة و الإجرامية المتعمّدة.

​

السلام عليكم أيها الفاضل
صحيح كلامك ولكن نحن لم نعمم ...وانما اخذنا العينة القليلة صاحبة الظاهرة وتكلمنا عليها ...
صحيح ما تفضلت به ...غشاشون في كل مكان ولكن لماذا علينا أن نرى نصف الكأس الفارغة ولا نرى نصف الكأس الممتلئة ....هل بالضرورة عندما يحيط بنا الغشاشون أن نصبح نحن أيضا مثلهم لا والله
بالعكس لوكان كل واحد منا يقوم بعمله دون النظر إلى ما فعله فلان وعلان لربما استطعنا أن نغير ولو القليل من الفساد الذي طال قطاع التعليم وعدة قطاعات أخرى (إن الله لا يغير ما بقوم حتى يغيروا ما بأنفسهم )
نسأل الله الهداية والثبات
بوركت أيها الفاضل على مرورك الموقر
تحياتي​

 

[rycerz]

رد: اساتذة غشاشون بإمتياز

...... صحيح ما تفضلت به ...غشاشون في كل مكان ولكن لماذا علينا أن نرى نصف الكأس الفارغة ولا نرى نصف الكأس الممتلئة ....هل بالضرورة عندما يحيط بنا الغشاشون أن نصبح نحن أيضا مثلهم لا والله
بالعكس لوكان كل واحد منا يقوم بعمله دون النظر إلى ما فعله فلان وعلان لربما استطعنا أن نغير ولو القليل من الفساد الذي طال قطاع التعليم وعدة قطاعات أخرى ....

صحيح يا أخت .. أعترف أنّني لم أعبّر بشكل صحيح .. :d
لست أدري لماذا .. ربّما لأنّني مع الوقت و الصدمات و كأنني لم أعد أرى الكأس إلاّ و كأنها كلها فارغة و ليس فقط نصفها
--

....... بوركت أيها الفاضل على مرورك الموقر
تحياتي

و فيك بركة يا أخت .. تحياتي
​

​

 

[Hakan]

رد: اساتذة غشاشون بإمتياز

يعني بلا ما نطول في الرد واش تستناي من استاذ منين كان في الجامعة يغش وفي الثانوي يغش وفي المتوسط يغش والابتدائي ويغش
اسكو صح رايح يحبس الغش نهار المساابقة اكيد لا لكن هناك خطأ انو الناس عطاتلها سمعة سيئة مهما يكون ماهيش النسبة لهاذ الدرجة لكن كاين حالات غش ورانا نعرفو الصحابة تصنع من الحبة قبة ربي يهدي وخلاص الغش مهما كان سن الشخص او مستواه التعليمي يسمى غش وفي مجالات عديدة الغش لكن لما يلمس الغش الطائفة اللي رايحة تربي الاجيال هنا لازم نحطو علامة حمرااء وننذر باقتراب جيل لن يبقى او يذر صحيتي على الموضوع ماجدة..​

 

[الزهرة الحمراء]

رد: اساتذة غشاشون بإمتياز

السلام عليكم
صراحة حرت فيهم !!!
كيفاش يربو الاجيال هادو وهما نفسهم لازمهم تربية
يدخل يقري بالغش
ولغدوا يبدا ينصح فالتلميد ويعاقبو خاطر غش !!
وهادي لي حطتها ام ياسمين يعني معقول جاية تفوت مسابقة باش تدخل تقري وتعلم وهي ما تعرفش اسيم التفضيل ؟؟
الله يهدي برك

وعليكم السلام غاليتي
ماتحيري ما والو رانا في وقت نشوفوا عجب العجاب
وقادرة تلقاي اكثر من هاذيك لي ماتعرفش اسم التفضيل
بالعربية جماعة قتلها الفيد لقات مسابقة توظيق قالك نروحو نجربوا يعيوا صح
بوركت على مرورك العطر
تحياتي ​

 

[الزهرة الحمراء]

رد: اساتذة غشاشون بإمتياز

السلام عليكم
وعليكم السلام مصيبتي :p
ياهلا ويا مرحبا زارتنا البركة، واش راكي؟؟ واش احوالك؟؟ هادي غيبة وهادي مدة ماشفتكش (هنا زدت فيها ههههه)
وبيك يعيشك حشمتيني خخخخ .الحمد الله في نعمة
الله لا يغيبك طولت بلعاني باه تتوحشوني هاااا كل يوم لاصقة فيكم ماتجيش ......ماشي غير زدتي فيها حمضتيها خههههه
قتلتيني ضحك يا مصيبة ههههه وخاصة لفرونسي قصدي لفخونسي، هيا نوليو للموضوع ولي عجبني وعندك الحق فيه
وانا عجبتني الآر آه قصدي الآغ دو فخونسي هههه
نرجعوا للميضوع هههه
قالك اساتذة المستقبل مع احترامي للجميع طبعا وينا مستقبل الله يهديك، صدقيني نص الشعب لي راح ولا 90 بالمئة
منهم نساء ومن بين هاد النساء كامل بالاك 5 بالمئة إلى 20 بالمئة لي صح تحوس على خدمة نصهم رايحين يحوسو ويجوزو وقت
تقولك نروح نحي على بالي ونخرج ناكل في لي فاست فود مع صحاباتي وكي يخلص الوقت تجي مروحة وهي متأكدة 1000 بالمئة
بلي ماش رايحة تنجح، تجي في بالك حوال في الشهر التاسع رايحين يجوزو الكونكور؟ كن شابة وعازبة ماتغيضش وحتى ولو متزوجة
معليش بصح حامل؟؟؟ وماكانش ظروف وماش ظروف لانو كاين لي نعرفهم لاباس بيهم وراحو، المهم اني خرجت على الموضوع
شوي يعني بزاف ماش شوي ههههه، يعني حبيت نببنلك برك بلي هاهو الهدف تاعهم كيفاه على هادي مايهمهمش يغشو ولالا
المهم المنصب والدراهم ولو تدهورت حالة التلاميذ وأصلا درك مادام المحاكم لي مكان للعدل وفيها الغش خلي يا التعليم ، روحي
برك للجامعات وللمدارس وتشوفي التعليم كيفاه مداير وتشوفي اساتذة تحيري كيفاه لحقو للمنصب هادا غير بالغش والمعارف آخر
مرة برك هزيت كتاب تاع تعليم خاص بالسنة الثالثة تشوكيت فيه واحد الاخطاء فادحة ومن بعد يقولك علاه ولادنا فسدو وعلاه
ولادنا ناقصين خاطر ماكانش ضمير وماكانش ناس واقفة لا على التعليم ولا على اي مجال وماكانش لي عندو ضمير
المهم نسكت خير هنا خاطر قلبي معمر، شكرا حبيبتي على الموضوع
وزورينا مرة على مرة هههه
تحياتي
​

صح كلامك حبوبة ...بعد ماكان قطاع التعليم يضرب به المثل وكانت مسابقات كيما هاذي ماكانش فالنزاهة تاعها درك كل شيء تعكس عدنا نشوفوا اساتذة حدث ولا حرج تشوفيه ولا تشوفيخها والله ماتقولي عليه استاذ لا من ناحية المنظر ولا من ناحية العقلية
مافهمناش منين راهم يجيبوا فيهم
ومبعدة يقولك منين خرج الجيل هذا ...ايه شوفوا على يد شكون طلع وتربى
ربي يهدينا ويصلح احوالنا
لالا كون زدتي هدرتي ماعندك ماخليتي هههههه
بوركت على المرور العطر
تيه ماتخافيش نزوركم درك نسكن عندكم حتى تكرهوا مني
تحياتي ​

 

[الزهرة الحمراء]

رد: اساتذة غشاشون بإمتياز

اييه عندك الصح في هذه الأستاذ مربي الأجيال واللازم يكون القدوة

نسأل الله الهداية أختي
بوركت على مرورك الموقر
تحياتي​

 

[الزهرة الحمراء]

رد: اساتذة غشاشون بإمتياز

السلام عليكم و رحمة الله وبركاته

يعطيك الصحة ميجو على الموضوع "راني متوحشاتك مصفارتي عندك شحال ما طليتيش علي -_- "

شوفي هاديك لا صال لي فوت فيها أنا البق ما يزغدش دخلنا حطينا شا كاين في ريسانا و خرجنا نـgـزو . . ما نعرف علاه نربح العيب و نروح ننقل و أنا أصلا على بالي بلي ما راحش ندي الـPـوست على خاطر مولاه راه باين قبل ما ندخل للمسابقة !

الفايدة خلي البير بغطاه و صايي

بالمختصر × إن الله لا يغير ما بقوم حتى يغيروا ما بأنفسهم ×

سلآم
​

وعليكم السلام ورحمة الله وبركاته مصيبتي :d
الله يسلمك وانت يعطيك الصحة على الدخول الى الموضوع :p:bravo01:
انا تاني متوحشاتك الله غالب راني محرقة حديدة تحتي ماكانش وانت قلتي ماطليش عليا ويديك فارغين خيهيهيهي :yahoo01:
الله غالب اصلا دخولي متذبذب (تقول منحنى سقوط الأمطار في صحراء الجزائر هههه )
يااااااا حبوبتي راحت تفوت علاه ماقلتيليش انا تاني نقلك حطي السوجي فالانترنت وجماعة اللمة يعطوك الاجوبة وهكا نعودوا نقولولك استاذة استاذة :regards01::regards01:
معليش حبيبة كل واحد يدي واش راهو كاتبلو ربي
وكي يكون كاتبلك حاجة والله واحد ماينحيهالك
ربي يفرحك الزينة
وتحياتي
​

 

[الزهرة الحمراء]

رد: اساتذة غشاشون بإمتياز

سلام عليك يا وطني
رداءة من القاعدة الى القمة
بدون تعليق
​

نسأل الله أن يصلح حال أمتنا أيها الفاضل
ونسأله أيضا الهداية
بوركت على مرورك الموقر
تحياتي ​

 

[الزهرة الحمراء]

رد: اساتذة غشاشون بإمتياز

يسرني ان ابدي اعجابي باسلوبك في الطرح اختي زهرة خفيف ظريف
بخصوص موضوع الغش هذا والله رانا ما فهمنا والو واش راه صاري
بالمختصر في البداية كانت اضرابات عن الطعام ومش عارف وبعدها شفنا الغش هذا يبين الناس تحوس على الخبزة باي طريقة المهم يدخل يعمر جيبو مش كل ناس نحكي طبعا
نقصد الناس لي معندهاش ضمير يدخل يخدم بالغش ويكمل حياتو اللي بداها بالحرام ويكون دا منصب هو مش اهل ليه وتجيه عادي ؟؟؟ وش ننتظر من انسان معندوش ضمير
والله وش راح نقولو عيش تشوف وخلاص
مشكوووورة على طريقة الانتقاء والطرح اختي
موفقة
​

السلام عليكم أيها الفاضل
وأنا سرني مرورك الموقر
أصلا لوكان عاد كل واحد يخدم بالضمير تاعو لوكان رانا ماشفناش كامل هاذ الامور لي يندى لها الجبين
ولكن كي عاد كل واحد كي ينوض صباح باه يروح للعمل ويخلي الضمير تاعو راقد حاجة باينة نشوفوا مثل هاذ التصرفات
ربي يهدينا قبل لا يدينا
بوركت وتحياتي​

 

[الزهرة الحمراء]

رد: اساتذة غشاشون بإمتياز

يعني بلا ما نطول في الرد واش تستناي من استاذ منين كان في الجامعة يغش وفي الثانوي يغش وفي المتوسط يغش والابتدائي ويغش
اسكو صح رايح يحبس الغش نهار المساابقة اكيد لا لكن هناك خطأ انو الناس عطاتلها سمعة سيئة مهما يكون ماهيش النسبة لهاذ الدرجة لكن كاين حالات غش ورانا نعرفو الصحابة تصنع من الحبة قبة ربي يهدي وخلاص الغش مهما كان سن الشخص او مستواه التعليمي يسمى غش وفي مجالات عديدة الغش لكن لما يلمس الغش الطائفة اللي رايحة تربي الاجيال هنا لازم نحطو علامة حمرااء وننذر باقتراب جيل لن يبقى او يذر صحيتي على الموضوع ماجدة..​

السلام عليكم ومرحبا بيك
هي صح قالك من شب على شيء شاب عليه
تلقاه كان فالسويام يقولك نقل حتى نطلع للثانوية يلحق للثانوية نفس الأمر يلحق للجامعة كيف كيف مبعدة يقولك خلي نغش باه نحكم خدمة وهي رايحة وحياتو كامل بدات بالغش وخلاصت بالغش
هي صح نسبة قليلة ونعرفواأنو الصحافة تاعنا تموت وتهول الأمور ولكن كي عاد الأمر هذا حدث في قطاع التربية وكيما قلت على يد أستاذ رايح يربي أجيال المستقبل هذا لي خلا الموضوع يكبر
بلادنا راحت فيها من هداك العام
يعطيك الصحة حكيمو على مرورك
وتحياتي لك
​

 

[أم الأولاد]

رد: اساتذة غشاشون بإمتياز

ضاعت التربية والاخلاق اولا والأن يضيع التعليم
ماذا بقي لنا ؟ وزير ماشي وزيرة ومسؤول ماشي مسؤول
ورئيس ماشي رئيس ومعلمين غشاشين حاشا البعض

حاجة ماراهي راكبة في هذي البلاد

 

[جليلوس]

رد: اساتذة غشاشون بإمتياز

السلام عليكم
موضوع حساااس يعطيك الصحة
آآآي اصبري واش من حساس راكي تهدري في وجهي خارجتلي للعيب طاي طاي
النهار لي كتبتي فييييه الميضوووع انا رحت نفوت الكونكوووور حلي عينييييك
احنااا عندنا مكاااش لي كوبيااا فااتت غايااا بصح الأسئلة شا نقولك تبهديلة تقول رايحين نفتوا سانكياااام ابريدي وطفي الضو
المهم نرجعووو لموضوعناااا صح الكوبيااااج راه بارتوووو في كل بلاصة بصح ادا وصلت بالبروووف يغش ويكوبي واش من بنة في التعليم بقاااات ياخي راحت بلادنا بسلامة .... واحد مايعرفش الفاعل والمفعوول كيفاش يدير معا وليداااات الناااس
كيما قالو ناس زمااان عيب الناس gبالي وعيبي دارg علياااا .... والساس المخدووووع يعيااا ويريب
هادي هيااااا
الله يهدينا ان شاء الله ويوفقناااا ادعولناااا ربي يحفظكم

​

 

[Salah eddin]

رد: اساتذة غشاشون بإمتياز

الله يهدي
​

 

[الزهرة الحمراء]

رد: اساتذة غشاشون بإمتياز

ضاعت التربية والاخلاق اولا والأن يضيع التعليم
ماذا بقي لنا ؟ وزير ماشي وزيرة ومسؤول ماشي مسؤول
ورئيس ماشي رئيس ومعلمين غشاشين حاشا البعض

حاجة ماراهي راكبة في هذي البلاد

السلام عليكم غاليتي
اصلا اذا ضاعت التربية والاخلاق فمنطقيا سيضيع التعليم
تتسائلين عما بقي لنا ؟ بقي لنا الفساد والرشوة ....
نسأل الله الهداية والصلاح
بوركت على مرورك الطيب​

 

[الزهرة الحمراء]

رد: اساتذة غشاشون بإمتياز

السلام عليكم
موضوع حساااس يعطيك الصحة
آآآي اصبري واش من حساس راكي تهدري في وجهي خارجتلي للعيب طاي طاي
النهار لي كتبتي فييييه الميضوووع انا رحت نفوت الكونكوووور حلي عينييييك
احنااا عندنا مكاااش لي كوبيااا فااتت غايااا بصح الأسئلة شا نقولك تبهديلة تقول رايحين نفتوا سانكياااام ابريدي وطفي الضو
المهم نرجعووو لموضوعناااا صح الكوبيااااج راه بارتوووو في كل بلاصة بصح ادا وصلت بالبروووف يغش ويكوبي واش من بنة في التعليم بقاااات ياخي راحت بلادنا بسلامة .... واحد مايعرفش الفاعل والمفعوول كيفاش يدير معا وليداااات الناااس
كيما قالو ناس زمااان عيب الناس gبالي وعيبي دارg علياااا .... والساس المخدووووع يعيااا ويريب
هادي هيااااا
الله يهدينا ان شاء الله ويوفقناااا ادعولناااا ربي يحفظكم

​

وعليكم السلام أخ جليلو ....الله يسلمك
ههههههههه لا مانيش نهدر عليك راني نهدر على هاذوك ،،،هاذوك راك عرفتهم :p:d
ايه شفت نموذج من هاذوك الاسئلة ولا اسهل لوك برك يديروهم فالباك ياعيني
انا من رأيي اذا واحد مايعرفش الفاعل والمفعول غير الديبلوم تاعو يروح يديرو خليع احسن ليه
ربي يهدي ماخلق ويحسن احلنا
تالمون عادو اساتذة غشاشين يطلعو في مناصب شفت المهزلة تع البكالوريا شكون كان وراها
ربي يحفظ بلادنا هذا ماكان
يعطيك الصحة على مرورك الطيب
تحياتي​

 

[الزهرة الحمراء]

رد: اساتذة غشاشون بإمتياز

الله يهدي
​

اللهم آمين أخي
ربي يحفظك على مرورك​

 

[saho souhila]

رد: اساتذة غشاشون بإمتياز

قآلك كيفاه ضاعوا التلاميذ ؟ ياه و لوكان نروحوا للفري لي بروف السبب
دروك تخاف باه ترسل ولدك يقرا باه يروح يتعلم لمصلحته تلقاه جايب حوايج الله عافينا
تقول نخليه فالدار و لا نرسلو
هدا الغش و ووو لي راه يصرا كامل عندوا نفس العلاقة
كيما فالتسريبات لوكان مشي واحد تما استاذ او ما شابه حرض مكانش التلميذ وحده دارها

الله يهديهم التعليم التالي لي كان ليه قيمة رجعوه .....


سلام صحا سحوركم ​

 

[بقايا إنسان]

رد: اساتذة غشاشون بإمتياز

السلام عليكم ورحمة الله وبركاته وبعد:نشكرك ختي ع الطرح المميز والهام مع مضمونه المؤسف نعم العش اصبح واجب وطني لازم الكل يعمل بيه انطلاقا من الانتخبات ووصولا الى غش الاساتذة والاستاذات نزيدك امر تاني هو يوم جوزت امتحانات المدراء لقيت الغش هو مول البيت يعني مدراء هذا الزمان جلهم نجح بالغش
منطولش على ختي ربي بهدينا ويصلح حوالنا
تحياتي واحترماتي