السلام عليكم
بغيت نتوووووووووووب .... بغيت نتووب وما خلاونيش العرب
ايا واقيل زهاتلكم وقلتو نضربو فيها شطحة تعالو اعضاء الكوكب اللماوي
عندنا اجتماع طارئ
اليوم يا جماعة حبين نحكو على نظرة الناس لواحد يغلط
التوبة تجي بعد الذنب وكل انسان ربي مدولو فرصة يغفرلو مي حنا تجبرنا على امر الله
وحنا اللي ما نغفرو ما نسامحو
المسجون مهما كان السبب راح يوصم وصمة عار تظل معاه لولاد ولادو يبقى اسمو محبوس
هو لو ينوي يتوب الناس ما تخليهش
في حادثة وين واحد موالف يسرق وحكم الحبس شعال من مرة لكن اخر مرة توفات امو وهو فالحبس قرر لما يخرج يتوب ويرجع انسان ثاني وفعلا اول ما خرج بدا يصلي ويجبد فروحو على صحابو ومنعزل ويمشي وحدو مي
وين يحوس خدمة ما يخدموهش لانو معروف انو سراق ونتاع مشاكل
الابواب كلها مغلوقة فوجهو راح دار طابلة يبيع الخضرة الشرطة والدرك وين يكون ملاحقينو السيزي وتروح السلعة اللي اصلا تسلف دراهمها حتى يبدا بداية نظيفة وسرات سرقة فالحي داوه هو الاول ولو كان راقد فالدار وما عندو حتى دخل صبر مدة حاول وحاول واخيرا ما خلاهش المجتمع يتوب ورجع لعوايدو ولو انو صح تقريبا عامين من تمرميد وما خدم ما خلاوه هنا هذا انا نسميه ضحية مجتمع
بنات غلطو وراحو للشارع نتيجة عدم رحمة الاهل او اي كانت الاسباب محال المجتمع يشوف للبنات هذو على انهم ضحايا لا ابدا راح الشوفة فيهم ما تتبدلش وتبقى معاهم طول حياتهم
متعاطي المخدرات وخلوني نقولكم حتى اللي يتعطاو راهم انواع الناس الكل تخاف من اللي يتعاطى المخدرات ويشوفو فيه شوفة نتاع مجرم حتى ولو يتوب ويبطل لكن ديما تشار اليه الايادي على انو متعاطي مخدرات ولو يتوب ويتزوج ويبقاو اولادو عرضة للمعاير
ناس توب وتنوي وصح تمشي فطريق التوبة اللي ربي فاتحنا ابوابها ويلح علينا نستغفرو كل ثانية حتى يغفرنا مي العرب نتاعنا ما يخولكش توب تكون عصبي ومقلق وتنوي تصلح نفسك انا عن نقسي شعال من مرة نحاول نرجع كالم ونهدا وما نتقلقش مي كاين ناس تنوضلك الشوك فالجلد تتقلق بالذراع عليك
امور بزاف نحكو عليها وين ربي يغفر والناس لو تلقى تحرقك
ناس هي تغلط وتبرر لروحها مي يحاكموك وما نعرف شكون عينهم القاضي
لكن المشكلة مجتمعنا هو الحاكم لانو الخدمة لازمها سلوك والقرايا سلوك
ومع جيرانك لازملك سلوك وين تروح لازم يكون سلوكك عادل لازم تكون ملاك وما تغلطش
وان غلطت اطلب المغفرة من العباد لانو ربي غفور رحيم عبادنا راهم حاببين نستغفروهم قبل الله معاذ الله وهذا محال
اللي عندو عقل يتوب على جال ربي وبعدو نفسو وبعدو مجتمعو سامحو او لا الله لا سامحو
عن نفسي اخر همي انو نتوب على غلطة على جال الناس نندم لانو نخاف من ربي
ونندم لو ندير حاجة تزعف امي
ونندم لو نغلط في حق ناس ونعرف انا الغالطة اما ندير امر يخصني انا ونحب نتوب وما يسامحونيش الله لا سامحوني بالناقص منهم
الموضوع ليكم واش رايكم
وبغيت نتووووووووووووووووووب وما خليتونيش
خاصة سكر افندي
شكرا
بغيت نتوووووووووووب .... بغيت نتووب وما خلاونيش العرب
ايا واقيل زهاتلكم وقلتو نضربو فيها شطحة تعالو اعضاء الكوكب اللماوي
عندنا اجتماع طارئ
اليوم يا جماعة حبين نحكو على نظرة الناس لواحد يغلط
التوبة تجي بعد الذنب وكل انسان ربي مدولو فرصة يغفرلو مي حنا تجبرنا على امر الله
وحنا اللي ما نغفرو ما نسامحو
المسجون مهما كان السبب راح يوصم وصمة عار تظل معاه لولاد ولادو يبقى اسمو محبوس
هو لو ينوي يتوب الناس ما تخليهش
في حادثة وين واحد موالف يسرق وحكم الحبس شعال من مرة لكن اخر مرة توفات امو وهو فالحبس قرر لما يخرج يتوب ويرجع انسان ثاني وفعلا اول ما خرج بدا يصلي ويجبد فروحو على صحابو ومنعزل ويمشي وحدو مي
وين يحوس خدمة ما يخدموهش لانو معروف انو سراق ونتاع مشاكل
الابواب كلها مغلوقة فوجهو راح دار طابلة يبيع الخضرة الشرطة والدرك وين يكون ملاحقينو السيزي وتروح السلعة اللي اصلا تسلف دراهمها حتى يبدا بداية نظيفة وسرات سرقة فالحي داوه هو الاول ولو كان راقد فالدار وما عندو حتى دخل صبر مدة حاول وحاول واخيرا ما خلاهش المجتمع يتوب ورجع لعوايدو ولو انو صح تقريبا عامين من تمرميد وما خدم ما خلاوه هنا هذا انا نسميه ضحية مجتمع
بنات غلطو وراحو للشارع نتيجة عدم رحمة الاهل او اي كانت الاسباب محال المجتمع يشوف للبنات هذو على انهم ضحايا لا ابدا راح الشوفة فيهم ما تتبدلش وتبقى معاهم طول حياتهم
متعاطي المخدرات وخلوني نقولكم حتى اللي يتعطاو راهم انواع الناس الكل تخاف من اللي يتعاطى المخدرات ويشوفو فيه شوفة نتاع مجرم حتى ولو يتوب ويبطل لكن ديما تشار اليه الايادي على انو متعاطي مخدرات ولو يتوب ويتزوج ويبقاو اولادو عرضة للمعاير
ناس توب وتنوي وصح تمشي فطريق التوبة اللي ربي فاتحنا ابوابها ويلح علينا نستغفرو كل ثانية حتى يغفرنا مي العرب نتاعنا ما يخولكش توب تكون عصبي ومقلق وتنوي تصلح نفسك انا عن نقسي شعال من مرة نحاول نرجع كالم ونهدا وما نتقلقش مي كاين ناس تنوضلك الشوك فالجلد تتقلق بالذراع عليك
امور بزاف نحكو عليها وين ربي يغفر والناس لو تلقى تحرقك
ناس هي تغلط وتبرر لروحها مي يحاكموك وما نعرف شكون عينهم القاضي
لكن المشكلة مجتمعنا هو الحاكم لانو الخدمة لازمها سلوك والقرايا سلوك
ومع جيرانك لازملك سلوك وين تروح لازم يكون سلوكك عادل لازم تكون ملاك وما تغلطش
وان غلطت اطلب المغفرة من العباد لانو ربي غفور رحيم عبادنا راهم حاببين نستغفروهم قبل الله معاذ الله وهذا محال
اللي عندو عقل يتوب على جال ربي وبعدو نفسو وبعدو مجتمعو سامحو او لا الله لا سامحو
عن نفسي اخر همي انو نتوب على غلطة على جال الناس نندم لانو نخاف من ربي
ونندم لو ندير حاجة تزعف امي
ونندم لو نغلط في حق ناس ونعرف انا الغالطة اما ندير امر يخصني انا ونحب نتوب وما يسامحونيش الله لا سامحوني بالناقص منهم
الموضوع ليكم واش رايكم
وبغيت نتووووووووووووووووووب وما خليتونيش
خاصة سكر افندي
شكرا
