اجماع ..... البنات اللي ماتدخلش تخلص ....

[ضآحكة مستبشرة]

رد: اجماع ..... البنات اللي ماتدخلش تخلص ....

عاشقه راهي لاهيا مع السي الباك. ماتهدروش معاها بنتي راهي تقرى ههههه


مكآش لي يهدر معايا راهي قاتلكم بلي راني نقرا
لرمضان نشبعكم ماكلة
علاش العام لي فات مدرتلكمش عرضة
بصح هاد العام رح تكون شابة خير
مور لباك نلتحق اسووم احجزيلي مكان​

 

[همس الوُرود]

رد: اجماع ..... البنات اللي ماتدخلش تخلص ....

السلآم عليكم ورحمة الله وبركآته

الحمد لله خرجت سلآمآت

هكآ لآزم تعللوني عندي بآك أنتم تخدموا وأنآ نطفسلكم و تزيدوا تعطوني كآدو فالأخير هههه

وكون مآنلقآش الغدآ وآجد تخلى

ومآتديروليش الغدآ هكآك برك تجوزوهولي لآزم كي نقول غدآ معنتهآ غدآ تع الصح و نفضل شوية حآر فيه

وبآلآكوا تغلطوا تهدروا عليآ ولآ مآتفرآش بيسك تلقآوني ديرآكت عندكم نسمع كلش

ولي كش مآنحتآجهآ في سؤآل ومآتكونش حآضرة ديرآكت نقآطعهآ منهدرش معآهآ

ويآويييلكم مني كيمآنحكيش معآكم المصآيب برك تطيح على ريوسكم الضو مآتشوفوهش

إيبآن بآلآكو مني ههههه:p طبعآ ونفس الشيء يتطآبق معي وكل وحدة هنآ من اللمة عندهآ البآك

بآرك الله فيك أختي ليدي موضوع جميل هآهم ليك الدبزة لختهآ تضرب وأنآ الي تربح نصفقلهآ :$

تحيآتي واحترآمي :smile02:

سلآم​

 

[YARA 26]

رد: اجماع ..... البنات اللي ماتدخلش تخلص ....

هههههههههههههههه
شكرا لكي انا نجي نعاونكم ولا لالالالالالا

 

[شاعرة الأمل]

رد: اجماع ..... البنات اللي ماتدخلش تخلص ....

عذريني طاطا راني نقرا ​

 

[شاعرة الأمل]

رد: اجماع ..... البنات اللي ماتدخلش تخلص ....

يا حصرا على ختنا منا
واش هوما يطيبو ويغلقو كامل البيبان والتيق ومنبعد كي يكملو لالياتي نجي انا نغسل الماعن
اواه لا لا هادي ماشي افار وزيد اسماء قلتيلهم عندها الباك خلوها تقرا وانا جيتك على العين العورة
قولي انا تني عندي الباك ومانغسلش الماعن ناكل ونقرا ونرقد فهمتي ولا نعاودلك بطريقة وحدوخرا
حبيتي تستناي لرمضان ونزهزلكم الدنيا بالطياب اه ماشي الماعن اوكي
ماحبيتيش تستناي كلاك بوبي ههههههههههه :p
ايا اني رايحة نقرا قولي لهادوك لي راهم غير قاعدين يغسلو الماعن ماشي انا باي :sport01:
​

 

[بنقابي افتخر]

رد: اجماع ..... البنات اللي ماتدخلش تخلص ....

السلام عليكم
هههههههههههههههه عجبتني تاع مكونات الخميرة ربي يهديك برك ههههه
درك نتوما اليوم واش صرالكم جاتكم حمى المطبخ
ماتغششونيش لا ندخل المطبخ مانخرجش ههههه اصلا خفت على قسم واش راك تهدر يقعد
فارغ وتقلقو هادا ماكان هههه او جاي شهر رمضان وتشوفو الغزو
ادعيولي نبدل التيليفون ونشري واحد جديد ههه ونهبلكم بالوصفات لا كتب ربي
شكرا اسومة ضحكتيني ماش كيما خونا مالك منشر فينا -_-
ربي يحفظك اختي
تحياتي
​

نندب مالقيت مانقول
زعما نشوفو اطباقك دوك نشوفو. :tongue02:
هههههه انا تاني راني معاه. المخالق دخلو مالقاو ما يخيرو الفنيانا وختها. فالحين غير فاللسان:p
ايا عندكم شهر. وماتورولناش شطارة يدكم. تبانلكم. كامل راهم حالفين فيكم:sport01: من سكر. الى هشام ​

 

[بنقابي افتخر]

رد: اجماع ..... البنات اللي ماتدخلش تخلص ....

وعليكم السلام ورحمة الله وبركاته
كاش مراه صاير اليوم لجات هنا اسماء ودارتلنا مهرجان خخخخخخخخخخخ
علابالك ضحكتيني حتى لوجعتني كرشي من الضحك
واش ندير دركا يعني لازم انت تجيبيلي الدوا خخخخخخ اللي يدير حاجة معايا يخلصها غالية خخخخخخخخ
وعلابالك حاجة اخرى عجبوني التابليات في زوج روعة بصح يليقو عليك انت خير
**خير منا تجيك 4444روعة**
الحمدلله متعبتنيش غير القهوة هذي اللي نشطار فيها
تفضلي اشربي ارفدي الكاس اللي عجبك

شفتيني ياك انا شاطرة في ثانية وحدة حضرتهالكم
ربي يحفظ عمي قوقل كلش واجد من عندو
اشربي القهوة وبصحتك **راني درت فيها غير شوية منوم برك ** ههههههههههه باش نجي للدار وندي واش نحب
خخخخخخخخ غير نتمسخر لديريها بالصح وتبعدي عليا
ايا اخطيني من التمسخر ونهدر بالصح
يعطيك الصحة حبيبتي اسماء
موضوع ممتع ومضحك ...الخ
شكرا ليك وبالتوفيق لك مع التابليات الجدد
في امان الله
​

جبتيلي زوج كيسان قهوة حسبتي روحك سلكتي. يا ونقبل التطبيق.
نويرلك التفنيين. :tongue02:
ههههههه شوفي مع سميكتا ولا ماكناش ضربي نيكستا ولاواش يسموها ههههههههه​

 

[AmiR@RoRo]

رد: اجماع ..... البنات اللي ماتدخلش تخلص ....

السلام عليكم
يعطيك الصحة اختي اسوم راه جابك النيف على خياتك ههه
انا مانيش فلاليست بصح قاع كيفكيف رانا مطلوبات ههه
ادا تنظمولنا شي حملة تاع شطارة رانا هنا
بصح غير هكاك ماشكيت نحط شي حاجه اختك فنيانه مليار تاع صور وحط الخطوات ومنعرف ماعنديش قوسطو فيهم ههه
صحيتي خيتي راكي دافعتي علينا بعدا خخخ
سلام

 

[جمالي في حجابي]

رد: اجماع ..... البنات اللي ماتدخلش تخلص ....

هههه يعطيييك الصحة

فضحتينا ... وبهدلتينا ... يا محاينك تكابتي كل شي بسلامتك .... ههههه

يعطيك صحيحتك موضوووع هايل غير ما تخميش ما نزيد نشوف لحتى حاجة غير الكوووزينة​

 

[بنقابي افتخر]

رد: اجماع ..... البنات اللي ماتدخلش تخلص ....

السلام عليكي
الله يبارك اختي اسماء
ماخليتي حتى وحدة
حتى انا املا ندي هديك للي لونها ازرق
الحق انا نحب ندير الغدا كي عادت الاخت ليليا رايحة ديرلك الحلوى
المهم كل وحدة تتعلم حاجة من اختها وخلاص
​

لا لا انتي لالة عاونيني فيهم:sport01:
قتلك انت ورزيقة الله يرزقكم بالزوج الصالح
​

 

[بنقابي افتخر]

رد: اجماع ..... البنات اللي ماتدخلش تخلص ....

ه
سلام عليكم

ههههههخخخخخ غزيتيلهم فنيانات هاها وزيد الشهر الكريم قريب دوك يبداو يبدعو هيهي ف دوزيام بلا


بالتوفيق شكرا ع الموضوع قوقا (^_~) (Q_Q)

هيهيهيهي حتى انت معاهم:p. قتلكم اللي تطل نجبدها
راني نشوف فيك راكي غير ورقه وستيلو. نيها نيها هااااااااااهاهاهاهاها
حسابلك مافقتلكش زعما تضحكي عليهم ماتغمزيلي ماوالو
تجي ولا نحرش فيك الشبيبا. راهم مايرحموش. شفتي
​

 

[بنقابي افتخر]

رد: اجماع ..... البنات اللي ماتدخلش تخلص ....

السلام عليكم مصيبة تاعي
واش حوالك معليكش
اياااااااا ستوب واش هذا ملهيه علىلماكلة وهنا على الماكلة ههههه
مانطيبوش وماتاكلوش صوموا أحسن ..الصيام مليح للصحة
املا هكا ا مصيبة نطيب وندير السانتي والشمع هههههههه قتلتيني هنا وكاش ماكاين احسن من الجو الرومانسي
نفترضو مثلا مانعرفش نطيب ولكن شاطرة مثلا فالرومانسية نوجد الطابلة الله الله مع الشمع والموسيقى ....يجي الراجل يشوف هاذيك الحالة عينيه يخرجو O.O حتى يقول مرتي تعبت صح باه تفرحني حتى واذا جات الماكلة شوية عيانة ياكل ويسكت في خاطر ذيك الطابلةلباهية
نخمم علابالي
زوجي العزيز أرواح باه نبدا نخرج المواهب تاعي باه مايقولوش عليا فنيانة
اصبريلي برك يجي رمضان نطيرهالكم كامل كيما راكم ههههه
حتى المدونة تاعي نقلبها مدونة وصفات
ستندمون يوم لا ينفع الندم
يعطيك الصحة حبيبتي على موضوع الباهي
​

ياك آلالة شوف اسيدي. نضربلها من تجيني من :sport02:
قوتلكم مافيش امل من الطفلة هادي. يماها بعثتهالي خاطرش عيات معاها. اوآه نشوفلك حل واح آخر :smile02: قولت رمضان. إيه شفناك رمضان اللي فات الشات داير ظل :tongue02:
غير سقدي روحك الشبيبه راها تحلف
الشمع. خليه يكل الشمع.
مانعرف علاه قولتي للسيد بلي فحلات:-r
مانعرف فاش فحلات فاللسان ستوت خخخخخخ يا جدك هههههههه حبيتي توخضيه مسكين:down:
عندك شهر كينتي كي البنات ولا تقع ما لا يحمد عقباه
​

 

[بنقابي افتخر]

رد: اجماع ..... البنات اللي ماتدخلش تخلص ....

سلام عليكم
البارح نهار كامل ما دخلتش للنت راني ندير بنصيحة الاخ حكيم ستوري و نقلل من الكونكسيون هههه مي كون دخلت البارح علابالك رايحة نبدا نتعلم الطبخ فيك هههه -امزح فقط -
كيفاش هذي :

اختك مسكينة راهي لاهية في طبخ الباك راني غير نخلط هذي فيزيا و هذي الجتماعيات و تقولي ما تعرفش تطيب :-o مي استناي كي يفوت ان شاء الله و يجي رمضان رايحة نفرجك ان شاء الله و هذي كونترا على العديان هههه:p و زيد واش هذا سكر افندي منا و انتي منا و انا مسكينة و عاقلة و خاطيني المشاكل غير ما نحبش الما عين برك ههه انا نظن ظربتكم اشعاعات الطبخ و لا واش و اون بليس انا قلتلكم نعرف ناكل و نديرلكم جام و رد صغير واش خصكم ههههه:thumb_up02: و زيد ما عنديش باش نصورلكم و مام كون جا عندي نخاف تضربوني بعين و يجو الخطابا بزاف و ما نعرفش نخير ههه :$
و المهم الله يعطيك الصحة على الموضوع الجميل ربي يحفظك ان شاء الله
تحية :regards01:
​

يا ويييييييييو. ياو فاقو. نضربوك بعين آه
ماتحشميش قولي مانعرفش وانا علاه راني هنا. غير باش نخلصك من البار يا جدك
اتعلمي. قيلي من الميكرو. ونقي الميكروبات على قولت خالتي هههههههه
آيوا زعما قاع وليتو تعرفو. دوك نشوفو. ههههه
​

 

[بنقابي افتخر]

رد: اجماع ..... البنات اللي ماتدخلش تخلص ....

السلام عليكم

لقد كثر التمنشير في هاد القسم نياهاهاهاها
مليح مليح خليهم يفطنو من السبات نتاعهم ويديرولنا كاش طبخة مليحة
قتلونا بالتفنييين خخخخخ انا مانيش منهم اكيييد هههه
اوك اوك انا مبعد نولي فراس هاد القايمة خخخخخ
مبعد تشوفو الشطارة نتاعي استناووو برك نيا هاهاها
وضحكتني هادي نتاع ليليا زئبق هههه
هههههههههههههه

موضوع خفيف هايل

صحيتي
​

ايه كثرت نسبة التمنشير وزيدي معاها حتى البار واش راح تقعدولنا هنا
حسابلك جديدة راح نخليهم يقومو بيك:p امشي قدامي للكوزينا حتى راكي معاهم
البسي ولحقيني عندك شهر يا جدك يكونو عرفوك. وما يرحمووووووكش امشي خيرلك

​

 

[بنقابي افتخر]

رد: اجماع ..... البنات اللي ماتدخلش تخلص ....

ح

عاشقه راهي لاهيا مع السي الباك. ماتهدروش معاها بنتي راهي تقرى ههههه


مكآش لي يهدر معايا راهي قاتلكم بلي راني نقرا
لرمضان نشبعكم ماكلة
علاش العام لي فات مدرتلكمش عرضة
بصح هاد العام رح تكون شابة خير
مور لباك نلتحق اسووم احجزيلي مكان​

حبيبتي. مور الباك نتفاهمو:-h. مابقاش بزاف. ونتلاقو عند الشبيبه. ياو. يقطعوك :p​

 

[حاملة القرءان]

رد: اجماع ..... البنات اللي ماتدخلش تخلص ....

انا راني مزلت جديدة ضيفوني شوية

ونبدا نشبعكم اطباق ،المهم ممنوع السرقة من عندي

 

[بنقابي افتخر]

رد: اجماع ..... البنات اللي ماتدخلش تخلص ....

السلآم عليكم ورحمة الله وبركآته

الحمد لله خرجت سلآمآت

هكآ لآزم تعللوني عندي بآك أنتم تخدموا وأنآ نطفسلكم و تزيدوا تعطوني كآدو فالأخير هههه

وكون مآنلقآش الغدآ وآجد تخلى

ومآتديروليش الغدآ هكآك برك تجوزوهولي لآزم كي نقول غدآ معنتهآ غدآ تع الصح و نفضل شوية حآر فيه

وبآلآكوا تغلطوا تهدروا عليآ ولآ مآتفرآش بيسك تلقآوني ديرآكت عندكم نسمع كلش

ولي كش مآنحتآجهآ في سؤآل ومآتكونش حآضرة ديرآكت نقآطعهآ منهدرش معآهآ

ويآويييلكم مني كيمآنحكيش معآكم المصآيب برك تطيح على ريوسكم الضو مآتشوفوهش

إيبآن بآلآكو مني ههههه:p طبعآ ونفس الشيء يتطآبق معي وكل وحدة هنآ من اللمة عندهآ البآك

بآرك الله فيك أختي ليدي موضوع جميل هآهم ليك الدبزة لختهآ تضرب وأنآ الي تربح نصفقلهآ :$

تحيآتي واحترآمي :smile02:

سلآم​

هي هي هي :p
راكي تتمسخري عليهم ادخلي ادخلي
ماكانش عندي الوقت نلمكم قاع علاه قلت اللي تطل نجبدها. روحي حدى اختك ماجدة.
ستفي روحك مليح. يا نويرلك تضحكي وتتقلشي. :d
دوك تشوفي.
​

 

[بنقابي افتخر]

رد: اجماع ..... البنات اللي ماتدخلش تخلص ....

هههههههههههههههه
شكرا لكي انا نجي نعاونكم ولا لالالالالالا

جابك ربي. روحي لهاديك مريم عاونيها شويا.
ايه. حابا تهربي. :tongue02:​

 

[بنقابي افتخر]

رد: اجماع ..... البنات اللي ماتدخلش تخلص ....

يا حصرا على ختنا منا
واش هوما يطيبو ويغلقو كامل البيبان والتيق ومنبعد كي يكملو لالياتي نجي انا نغسل الماعن
اواه لا لا هادي ماشي افار وزيد اسماء قلتيلهم عندها الباك خلوها تقرا وانا جيتك على العين العورة
قولي انا تني عندي الباك ومانغسلش الماعن ناكل ونقرا ونرقد فهمتي ولا نعاودلك بطريقة وحدوخرا
حبيتي تستناي لرمضان ونزهزلكم الدنيا بالطياب اه ماشي الماعن اوكي
ماحبيتيش تستناي كلاك بوبي ههههههههههه :p
ايا اني رايحة نقرا قولي لهادوك لي راهم غير قاعدين يغسلو الماعن ماشي انا باي :sport01:
​

يا لالة زيدي تقلشي واش راكي تعملي تاني ايه سمعيني
ماكفاكش يضحكو علينا وزيدي حتى انت اعلني بعدم العمل
ايا شمري على يدك وريلنا شطارتك اليوم غسلس الماعن. وغدوا طيبي كي خواتاتك
لالة حابا تريح. كملي البا ومن بعد نهدرو. ولا راكي حابا تبوريلي هنا
​

 

[تـريـــاق المحـبـة]

رد: اجماع ..... البنات اللي ماتدخلش تخلص ....

* ها صح ماعليش راه جاي شهر رمضان الكريم ولي ما يدخلش الكوزينة في العام في هذا الشهر يدخلها * يا سحور يا فطور يا غسيل الماعن ... انا راني ندخلها ونساعد في الاعداد للفطور وماكنش لي تتقلق ولا تقول ما دير والو راني ندخل ونساعد ونطيب وحتى حلوة العيد

هاهي الحريرة

وهذا قاطو العيد ههههههههههههه