باك 2016

[الفتى المغامر]

رد: باك 2016

على حساب لي باج في الفاسبوك لي شفتي منهم
مام في فزياء و مات قالو جماعت الtm مخرجش مي منبعد قالو خرج
مي يتعاود ولا ميتعاودش الله اعلم
بصح علوم تجريبية قالتلهم نعسو ديراكت واجب منزلي

عندك الصح علوم تجريبية كان على شكل واجب منزلي و ليس باك
ربي ينجحكم ان شاء الله

 

[نجيب]

رد: باك 2016

ونتا قلتها اخي الكريم
اطارات فازو بالغش وبمناصب بالغش ووزراء مايستاهلوش يوصلو لمناصبهم ووصلو بالغش
وفي نفس الوقت مانحاسبوش الغشاشين تاع الباك ؟ ارى في هذا تناقض اخي الكريم

ليس تناقض قلتها بصريح العبارة الوزيرة هي المسؤولة لوكان كاين وزيرة فازة بالمنصب نتاعها
بجهدها و قرايتها و بلا غش لوكان مصراتش هد المسرحية و مكانش غير هي حتى وزير شؤون الدينية
يعني هوما غشاشين كيفاش الطلبة راهم يشوفوفو فيهم ؟؟

واعذرني لأنو كل واحد حر في افكارو، لكن رانا نحتجو ونقولو فلان نجح بالغش وكي تلحق لولادنا نقولو خلي يغشو؟؟
هكا رانا نديرو كتر عليهم ونبينو بلي رانا كيفهم وكتر عليهم

يا اختي الكريمة كاين ولاد الفقراء ميتحصلوش على شغل و متخرجين من جامعات و اولاد صحاب الشكارة
يتحصلوا على شغل برنة هاتف كيفاش انا مندفعش رشوة باه وليدي يخدم نزيد نقولك
انا شخصيا لوكان ولدي ميلقاش خدمة و يتخرج من الجامعة نرشي باه يدخل و ربي راه يشوف
هوما لي راهم يشجعوا على الغش مش الشعب .

انا لما نروح للجامعة نلقى استاذة x مربع ماتعرفش تكتبها نبدا نفتي ونقول هادي نجحت بالغش وتغلط في ولادنا
ولوكان ختي تغش نقولم عليش خلي تنجح ويوما ما رايحة تولي استاذة كيما هادي وتولي الناس تسب فيها
درك حنا علابلنا بلي السبب الاول والاخير يرجع للناس لي سربت المواضيع وفسدت عقول الشباب
ولكن الطلبة تاني ضمن هاد الفساد، اذا كانو مساجين يجوزو الباك بنزاهة وولادنا نشجعوهم على الغش
مالا السجون راهي انزه من المدارس نظن ويبقى مجرد رأي فقط
واعتذر على تدخلي والله نحترم رايك فقط حبيت نجاوب لأنك تكلمت في لب الموضوع فقط
تقبل مروري :regards01:
​

شوفي اختي و الله ما قدرت نفهمك واش راني حاب نقولك بصح كاين عفسة باه الجزائرين يعيشوا غاية

لازم يقتلو كل الشعب ميخلوش حتى واحد و يصنعوا جيل جديد بلا رشوة و لا غش .

لؤلؤة قسنطينة بارك الله فيك اختي و سلامي لك

​

 

[لؤلؤة قسنطينة]

رد: باك 2016

شوفي اختي و الله ما قدرت نفهمك واش راني حاب نقولك بصح كاين عفسة باه الجزائرين يعيشوا غاية

لازم يقتلو كل الشعب ميخلوش حتى واحد و يصنعوا جيل جديد بلا رشوة و لا غش .

لؤلؤة قسنطينة بارك الله فيك اختي و سلامي لك

راني فاهمتك خويا مليح، شكون لي ينكر الفساد لي رانا عايشين فيه؟؟ وشكون لي يقول بلادنا مليحة ؟ وشكون لي يقول بلي نمشيو بنظام ونزاهة، وكيما قتلك الخطأ الأول والأخير يرجع للناس لي بلا ضمير لي على جال باه تطيح وزيرة خربت في تلاميذ وشوشت عليهم ناس تستغل الشعب كامل على مصالحها، ونتا قلت في كلامك لازم نصنعو جيل جديد بلا رشوة، هاهو الكلام الصواب وهاهو هدفنا في الدنيا نخرجو ولادنا ولاد صالحين حتى ولو زادو في مجتمع فاسد، وخير دليل رسولنا الكريم خرج في وقت وين الناس تعبد الاصنام وتدير ابشع انواع المنكرات وكان هو شعلة الامل لي غيرت الامة، هكاك حنا لازم نربيو ولادنا على الصح،
درك ولا الأب يجيب السوجيات لبنتو ويقولها كوبي علاه؟ خاطر ولد الوزير يوصلو السوجي؟ ولا خاطر البلاد ماتمشيش على الحق؟
ونهار يتحط الاب في قبرو يجي ولد الوزير يشفعلو في قبرو؟؟ نقولك حاجة خويا الرزق لي خايفين منو راهو بيد ربي ماش بيد العبد
حتى ولو ولاد الناس تدخل بالرشوة انا ولدي ماندخلوش بالرشوة خاطر لي مكتبلو الخدمة راهو ربي سبحانو ماش عبد تافه نخسر عليه دراهمي وربي لي بيدو كلشي ننساه، علابالي كاين اوضاع تخلينا نفكرو هكا، بصح نهار نقابلو ربي ماش نقولو ياربي راني غشيت ولا رشيت خاطر الفساد في البلاد، ربي سبحانو يقولك لي فسد في البلاد يتعاقب على اعمالو بصح نتا اعمالك تتعاقب عليها خاطر عندك ضمير وعندك شريعة ودين يتحكم فيك ويبينلك الصح من الغالط، على هادي مالازمش نتخباو خلف اخطاء الغير باه نرتاكبو حنا اخطاء ابشع، درك لي مشا ماش قدقد ياك رايح يموت؟؟ ولي مشا قدقد يموت مالا نهار نروحو عند ربي على الاقل نروحو صافيين، وحتى ولو شفت وزيرة ولا اي شخص صاحب منصب يغش ماش نروح نتبعو ونقول هوما لي بداو خاطر كل واحد يتحط في قبرو، صدقني عندنا استاذة تقرينا في الجامعة ومستوى ماستر والله الحرف ماتعرف تكتبو وكل مانشوفها نقول كيفاه لحقت هادي للتدريس، درك كيفاه نهدر فيها ونقول غشاشة ولحقت بالعريفة وكي تلحق ليا نشجع ختي تغش ونخليها تلحق وين تدمر حياة ولاد خلاف مستقبلا ولا تجيب السب والشتم لنفسها؟؟
واش نقولو غير ربي يجي الخير ان شاء الله وكلامك والله فاهمتو وفاهمة وجهة نظرك بصح واش نديرو
على الاقل نحكمو فيال خيط الصحيح لي بقى فينا لربما نخرجو بنتيجة مليحة مستقبلا
شكرا اخي على رحابة صدرك وبارك الله فيك وربي يوفق الجميع
تحياتي

​

 

[ضآحكة مستبشرة]

رد: باك 2016

يا ودي صماطة تفاهة جياحة فضيحة مهزلة
كل واحد يسميها كيما يحب
بصراحة اصبحت اتقزز من لفظ كلمة البكالوريا
اتعبونااا​

 

[فيتامين سي]

رد: باك 2016

اليوم راح يقولو ادا يتعادو او لالا

 

[الاميرة ريان]

رد: باك 2016

حبيت نقول للي قالو في اعادة الباكالوريا خسائر مادية بلي*الجزاير ثاني مايش قليلة الدراهم تاعهم رايحين غير فالمهرجانات والغنا*
وربي يجيب الخير