السلام عليكم جميعا اهلا وسهلا بكل رواد المنتدى اعضاء وزوار مرحبا بيكم
جماعة الخير رمضان معناها السهرة ولمة العايلة والأحباب ولانو رانا في لمة الخير ولمة الأحباب درنا الموضوع هذا
الاكيد انو كل ليلة عندنا ضيف والضيف هذا اما جديد نحبو نتعرفو عليه او عضو قديم ونزيدو نتعرفو عليه
ولازم ضيفنا يعرف انو راه فقعدة عائلية
فيها مراحل ملزومة ولكن بعدو السهرة ليه ولكل الناس
ضيفي الكريم عندك مراحل فالموضوع لازم تفوت عليها وهذي هي
تعريفك ........... راح تمدنا نبذة عليك لا تشعر والو تحكينا على روحك شوي بكل صراحة
اجابياتك وسلبياتك وكل شي فيك
يومياتك ......... راح تقولنا واش دير فرمضان من وقت تنوض حتى تتسحر
خمسة بخمسة ....... هذي راهي مش خمسة ماسكل جاكسون لالا راهي خمس اسئلة ترد عليها بخمس اجوبة محرجة الله غالب
شكون تختار ..... شكون تختار هذي فقرة انت تختار عضو تتحداه فلعبة فنكتة فمواجهة الله يسهل بيناتكم
واحد من عشرة .... راهي ارقام وانت يا ضيفنا تختار رقم وراح نمدولك بوقالتك
انت وزهرك ....... هذي فقرة يا ضيفي انت وزهرك واش يصرالك ادعي ربي قبل ما تدخل الفقرة ذي مريم راح هنا تتحول ويا زهرك واش دير فيك
كلمة ختامية ........ منك كلمة ختامية
واخيرا هدية الضيف هذي نمدلك فيها كادو انا يبقالك ذكرى
اليوم زعمى شكون هو ضيفي راحين نعرفو
