سهرة 19 .........قهوة وتاي

[ليليا مرام]

السلام عليكم
اهلا وسهلا بكل رواد المنتدى
الليلة ملتقانا فموضوعنا المعتاد

الليلة عندي ضيف
جوهرة من جواهر المنتدى والماسة من الماساتو خموس علينا راه هذا محل جواهر مش منتدى
خمس وخمس وخمسين عين فاللي يحسدنا

ضيفتي الليلة راح تمر على مراحل وراني عارفة هي تعرفهم

هدية الضيف

بعدما نكملو المراحل هذي
اكيد ضيفتي راح تكمل السهرة معاكم ونتوما تتعرفو عليها بطريقتكم

ايا نخليكم ونتلاقو ففقرة من يكون


​

 

[ليليا مرام]

رد: سهرة 19 .........قهوة وتاي

السلام عليكم أحبابنا اهلا وسهلا نورتوني
صحا فطوركم وان شاء الله فطرتو مليح
اليلة يا احبابي راهي عندنا ضيفة الاكيد كلكم تعرفوها

ضيفتي الليلة راهي من الجواهر وراهي غالية عندنا وعن اهلها اكيد
الصراحة من كثرة شهرتها خايفين تمشي حتى يخطفوها يحسابوها الماس
ايييه مولاتنا الليلة مولات السهرة واللي دارتها بيا فأول عدد مي معليش
قالولي تكبري وتنساي انا كبرت مي ما نسيتش
وان شاء الله ضيفتي الليلة تعوضني وننسى الضربة هذيك
رحبو معايا بنجمة الليلة الأخت

لؤلؤة قسنطينة
:: مشرفة ::منتدى واش راك تهدر

ضيفتي العزيزة واللي اسمها مريم والاسم هذا عزيز عندي بزاف لانو اسم من أسمائي
مرحبا بيك واكيد انت سور نقولك الدار دارك والمقام مقامك واحنا اللي ضيافك

ضيفتي اهلا وسهلا بيك ونروحو لأول فقرة





​

 

[ليليا مرام]

رد: سهرة 19 .........قهوة وتاي

عرّف بنفسك

ضيفتي نعرفو انك مريم وانك بنت قسنطينة وانك مرة علقت روحك فالجسور المعلقة وانك ديامو
مي اللي ما نعرفوش عليك مريومة فالواقع
حنا عايلة اللمة جيناكم بالحسب والنسب طالبين رجل بنتكم مريومة
لازم تعرفونا عليها حتى نشوفو كان ندو يديها او لالا

ضيفتي الفرصة ليك عرفينا على روحك قبل ما يروح وليدنا غدوة لجهة اخرى

راني وصيتك ما تقوليش خدعتني

نروح لفقرة أخرى


​

 

[ليليا مرام]

رد: سهرة 19 .........قهوة وتاي

يومياتك

ضيقتي العزيزة
عندك نظام فرمضان وبرنامج تمشي بيه
خبرينا مريومة فرمضان واش دير من وقت تتسحر لوقت المغرب لوقتها فالمنتدى
كيفاه راهي توفقي
والكوزينة راه وليدنا وصانا اكدولي على كوزينة كان فحلة او خلوها للعام الجاي


وانا نروح نضرب طلة فالفقرة الجاية


​

 

[ليليا مرام]

رد: سهرة 19 .........قهوة وتاي

خمسة بخمسة

ضيفتي لازم تتحملي مني واش راح نقول الله غالب الإحراج ساكني فالدم

1- لما نقول مريم والعصبية واس تقولي على روحها وهي معصبة؟
2- جا نهار وين انسان ما يهمش مرا او راجل جرحك يا درا لو معانا واش تقوليلو ؟
3- موقف فعايلتك أثّر عليك بزاف وما تنسايهش ؟
4- مريومة والجامعة واش تقول واش الفرق بين مرحلة الليسي والجامعة ؟
5- كلمات لمن تقوليلهم
نحبك .... سامحني ..... توحشتك ..... محال نسامحك ...... وراحا نعيطلك فالتلفون ههه

ضيفتي ردي ونروح نوجد الفقرة الجاية


​

 

[ليليا مرام]

رد: سهرة 19 .........قهوة وتاي

شكون تختار؟

ضيفتي تعرفيني كيما كامل يعرفوني نموت على الخير
و من ابواب الخير الواسعة انو تخلي الناس تدابز وهذا اللي انا نديرو فالفقرة هذي
انا نحب الشر نحب نفرق نحب نشوف الشعر يطاير
انت خيري شكون وخاطيك وانا نروح ليها وحتي هي ما راح نقولها عليك الا الخير
املا كيفاه تجي هي ثاني معولة عليك

ضيفتي اختاري لتحدي عضو او عضوة وانا فريرة نجيبولك والحلبة ليكم



​

 

[ليليا مرام]

رد: سهرة 19 .........قهوة وتاي

من 1 لل 10

اييه شركة المشاور راهي خرجت كل الكمية من الستوك قالك درتيلهم عجز الكمية كلها ديتيها
لقينا ختنا مريم على الأطلال مع عماد حمدي وراهي لاحقتها شادية فركن اتحدي تسحبها من الشعر
خلونا نفهمو ختنا شادية انو عماد حمدي راه يصبر فيها لقاها على الأطلال تبكي وتندب
امالا ختنا شادية راح تجيبلك بوقالة ومعاها فريد الاطرش يضربلك غنايا على العود

اختاري بوقالة ويزينا من المشاور راحا نجيبلك ليزار نتاع التاقة ههه
ضيفتي اختاري رقم وانا ندبر راسي


​

 

[ليليا مرام]

رد: سهرة 19 .........قهوة وتاي

انت وزهرك

ضيفتي راهي غايبة وقت دخلت انا حطيت الموضوع هي ما تعرفش انها ضيفتي وما قدرتش نعاودلها الكاميرا كاشي
مي اكيد راني درتهالها فأول عدد وشوفو ذاك الوقت واش قالت



إقتباس: المشاركة الأصلية أضيفت بواسطة: الحلم الوردي
إقتباس: المشاركة الأصلية أضيفت بواسطة: لؤلؤة قسنطينة
الحمد لله ربي يدومها ان شاء الله وان شاء الله تكون كامل اليامات هكا يارب
كيفاه مافهمتش؟؟

وصلني خبر بلي انت حكيتي عليا
وقلتي هديك شايفة روحها وماتهدرش مع كامل الناس
المهم وحدة قاتلي هكدا
مي حابة نفهم نوغمالمو رانا من ولاية وحدة
وانت كيما اختي الله يبارك
علبالكي مــآمنتش بلي حكيتي عليا

إقتباس: المشاركة الأصلية أضيفت بواسطة: الحلم الوردي
إقتباس: المشاركة الأصلية أضيفت بواسطة: لؤلؤة قسنطينة
هههههه شكون لي قالك هكا؟
اصلا حتى ولو ماكنتيش بنت ولايتي نعزك
وحبيتك قبل مانعرف بلي نتي بنت ولايتي
ونفس الشي بالنسبة لباقي بنات اللمة
وراكي قلتيلي راكي كيما ختي كيفاه اخت تهدر على ختها؟

ايه مي الي وصلي
قالي راهي مريم تقول عليك بلي انت تحبي تبين غير روحك
وراهي تهدر في ظهرك
والله غاضتني روحي نتاع الصح
مكنتش متوقعة هكدا
إقتباس: المشاركة الأصلية أضيفت بواسطة: لؤلؤة قسنطينة
يا حبيبتي والله ماهدرت عليك بكلمة
وبالعكس لا انا نقدر نهدر عليك ولا غيري خاطر اصلا طفلة محترمة
ومادرتي حتى حاجة تخلي العبد يهدر عليك
واذا الكلام هادا قاسك صح اسمحيلي حتى ولو ماعنديش دخل فيه
رمضان رمضان مانحبش ختي تبات زعفانة ولا مقلقة


إقتباس: المشاركة الأصلية أضيفت بواسطة: الحلم الوردي
إقتباس: المشاركة الأصلية أضيفت بواسطة: لؤلؤة قسنطينة
يا حبيبتي والله ماهدرت عليك بكلمة
وبالعكس لا انا نقدر نهدر عليك ولا غيري خاطر اصلا طفلة محترمة
ومادرتي حتى حاجة تخلي العبد يهدر عليك
واذا الكلام هادا قاسك صح اسمحيلي حتى ولو ماعنديش دخل فيه
رمضان رمضان مانحبش ختي تبات زعفانة ولا مقلقة

المهم يا مريم واش رايحة نقولك
مارانيش رايحة نسامحك
هكدا
إقتباس: المشاركة الأصلية أضيفت بواسطة: لؤلؤة قسنطينة
يا حبيبتي ملاك
شوفي نستغفرو ونشهدو ساع
واذا صح غلطت ولا قستك اني قتلك اسمحيلي
رمضان شهر التسامح ولالا
انا عمري لا هدرت عليك ولا رايحة نهدر عليك راكي ختي والله



حاولت الاخت الحلم الوردي تشوف ردة فعل مريم
مي نقولها يا مريومة راهي هايلة ومتربية واصيلة وطلبت السماح وانت ما درت والو
نشكر اختي الحلم الوردي لانو عاونتني وشفنا مريم رائعة وهايلة

يعطيك الصحة


اييه يا مريومة طحت فالفخة ونشكر اختي الحلم الوردي ذاك الوقت عاونتني

شكرا لك
​

 

[ليليا مرام]

رد: سهرة 19 .........قهوة وتاي

هدية الضيف

انت كادوك طلبتو من الخارج وراحا نجيبو اصبري

ان شاء الله يعجبوك
ونروحو لآخر فقرة



​

 

[ليليا مرام]

رد: سهرة 19 .........قهوة وتاي

كلمة ختامية

ضيفتي انا نشكرك بزاف على الحضور ولو اني ما خبرتكش لانك كنت غايبة
لكن هاكا نتاع الغفلة راهي حلوة
نشكرك على وقتك وعلى السهرة ولو متأخرة لانك كنت مبرمجة لاول عدد مي معليش
ان شاء الله نتوفق ونعرض كل اللي فبالي
وانا نشكر كل رواد السهرات والمشرفين كلهم
وغدوة اذا حب سيدنا ربي نتلاقو فسهرة اخرى مع ضيف جديد
نقولكم تهلاو فصحيحتكم وصحا سحوركم

في امان الله
​

 

[AmiR@RoRo]

رد: سهرة 19 .........قهوة وتاي

السلام عليكم
يمكن مريم "لؤلؤة"
ولا ميجو

 

[جيهان جوجو]

رد: سهرة 19 .........قهوة وتاي

السلام عليكم
امممم الزهرة الحمراء
صح فطوركم
في امان الله
​

 

[لؤلؤة قسنطينة]

رد: سهرة 19 .........قهوة وتاي

السلام عليكم
صار راني معروضة وانا لا خبر هههههه
شكرا مريومة ختي ولا نقولك ليليا كيف كيف المهم معزتك عندي مايهمش الاسم
واكيد السهرة الاولى صرا فيها خطأ بصح راني هنا هاد المرة ولا حابين تليكيديوني -_-
المهم نخلي الضيف يجاوب على الاسئلة تاع الموضوع ونولي هههههه
نسيت بلي انا الضيفة نبداو مالا على بركة الله قبل مايلحقو الستوتات هادوك تاع اميرة وفيولا ههههه
وصح فطوركم جميعا وشكرا على الدعوة
نتمناو تكون سهرة ممتعة كيما باقي السهرات ان شاء الله
​

 

[~أمِيرَة الخَجل~]

رد: سهرة 19 .........قهوة وتاي

آهلآ مريم المريومة
بآينة سهرة غير شكل اليوم
و يآ ليليآ يعطيك الصحة عرفتي من تعرضي
ان شآء الله مآنكونش ثقيلة عليك يا لؤلؤة
نضرب دورة و نرجعلك نقرعج معآك
آيآ صح فطورك و ربي يوفقك حبيبتو
شرفيتنآ يآرب تتمتعي و نتمتعو معآك
​

 

[sosobibicha]

رد: سهرة 19 .........قهوة وتاي

سلام عليكم
صحا فطورك
اهلا و سهلا و الف مرحبا بلؤلؤتنا الغالية معنا
ان شاء الله تقضي اوقات ممتعة و طيبة
بالتوفيق
​

 

[ضآحكة مستبشرة]

رد: سهرة 19 .........قهوة وتاي

السلام عليكم و رحمة الله تعالى و بركاته
وشراكم لباس


الله الله شكون الضيف اليوم
بسم الله رح نبدا

مريم هاذي بنت 25 طفلة اصيلة و رزينة و متربية و متخلقة
و شابة كل صبع بصنعة اخلاق عالية لسان حلو عقل يوزن بلاد
افكار جهنمية و ثرثارة بزااااف هههههه
طفلة نحبها و نموت عليها و لوكان جيت طفل غير هي لي نتزوجها هههه


يا طفلة عاشقة الجنة تحبك و تموووووووت عليك و عندها انتي بالدنيا


رح نبدا بالاسئلة :

- لوكان حياتك قصة واش تديرلها عنوان ؟
- واش هي الصفة لي تكرهيها في روحك ؟
- مريم باش تتميز ؟
- شكون اقرب اقرب عضوة ليك في المنتدى ؟
- شكون اقرب عضو ليك في المنتدى ؟
-اللمة واش تعنيلك ؟
- واش هي الوصفات لي تحبيها تكون في فارس احلامك ؟
- تقبلي تعيشي مع عجوزتك ؟
- واش حابة تولي تخدمي ؟
- امنيتك في المنتدى ؟



ايا بزاف عليك
ان شاء الله ربي يحفظك و يوفقك حبيبتي
في امان الله ​

 

[لؤلؤة قسنطينة]

رد: سهرة 19 .........قهوة وتاي

السلام عليكم أحبابنا اهلا وسهلا نورتوني
صحا فطوركم وان شاء الله فطرتو مليح
اليلة يا احبابي راهي عندنا ضيفة الاكيد كلكم تعرفوها

ضيفتي الليلة راهي من الجواهر وراهي غالية عندنا وعن اهلها اكيد
الصراحة من كثرة شهرتها خايفين تمشي حتى يخطفوها يحسابوها الماس
ايييه مولاتنا الليلة مولات السهرة واللي دارتها بيا فأول عدد مي معليش
قالولي تكبري وتنساي انا كبرت مي ما نسيتش
وان شاء الله ضيفتي الليلة تعوضني وننسى الضربة هذيك
رحبو معايا بنجمة الليلة الأخت

لؤلؤة قسنطينة
:: مشرفة ::منتدى واش راك تهدر

ضيفتي العزيزة واللي اسمها مريم والاسم هذا عزيز عندي بزاف لانو اسم من أسمائي
مرحبا بيك واكيد انت سور نقولك الدار دارك والمقام مقامك واحنا اللي ضيافك

ضيفتي اهلا وسهلا بيك ونروحو لأول فقرة

اهلا اختي مريم ومرحبا بمريم عند مريم ههههه
نشكرك على الدعوة هادي بزاااف وان شاء الله تكون سهرة ممتعة كباقي السهرات
ونستمتعو فيها ونجوزو وقت مليح وظريف، وشكرا على الكلمات الطيبة والنقية لي كتبتيها عليا
اكيد اكتر من مقامي ورانا نتعلمو منكم ونستفادو منكم وبلا بيكم حنا والو
وان شاء الله تكبري وتنساي ههه :p غير نضحك
ياك خلاص تفاهمنا عليها هادي :$ قطعنا شعر بعضانا في الاول بصح من بعد ولينا سمنة على السعل كيما يقولو هههه
والحلويات هادو ياك ناكلهم وحدي مايكلوش معايا هوما هههه
غير نضحك مرحبا بالجميع معانا وكل ما يكبر العدد كلما تكون السهرة احلى
هيا نصوطي درك للفقرة لي وراها
واسمحيلي اضطريت نفاصي الصور خاطر ماخلاونيش ندير اقتباس بالصور
ماعلاباليش واش المشكل على هادي اعتذر
​

 

[جيهان جوجو]

رد: سهرة 19 .........قهوة وتاي

السلام عليكم
صح صيامكم
طلعت مريومة الزينة ♥♥♥
متوقعتهاش ههههه
نورتينا يا حبيبتي
اكيد راح تكون سهرة ممتعة
مرحبا اهلا وسهلا بيك

نشالله تعجبك السهرة معانا
وكاش ميجيني سؤال اني نجي
وجدي روحك
بالتوفيق حبيبتي
في امان الله

​

 

[جيهان جوجو]

رد: سهرة 19 .........قهوة وتاي

سgمو رواحكم زين هههه
حالياً الأعضاء النشيطين الذين يشاهدون هذا الموضوع: 19 (3 عضو و 16 ضيف)
‏جيهان جوجو, ‏لؤلؤة قسنطينة+, ‏زهرة الزنبق+​

 

[لؤلؤة قسنطينة]

رد: سهرة 19 .........قهوة وتاي

عرّف بنفسك

ضيفتي نعرفو انك مريم وانك بنت قسنطينة وانك مرة علقت روحك فالجسور المعلقة وانك ديامو
مي اللي ما نعرفوش عليك مريومة فالواقع
حنا عايلة اللمة جيناكم بالحسب والنسب طالبين رجل بنتكم مريومة
لازم تعرفونا عليها حتى نشوفو كان ندو يديها او لالا

ضيفتي الفرصة ليك عرفينا على روحك قبل ما يروح وليدنا غدوة لجهة اخرى

راني وصيتك ما تقوليش خدعتني

نروح لفقرة أخرى

​

هههههههههه ماننصحكش تطلبي رجلي راني نلبس 43 هههههه غير نضحك لاتحطوها صح وتقولو هادي رجلها تاع ديناصور ههه
المهم نعرف بنفسي اسمي مريم وفي رواية اخرى الطاوس ههههه غير نضحك عمري 23 سنة من قسنطينة كيما يوضح اسم عضويتي
نقرا هاد العام ولا كتب ربي سنة ثانية ماستر تخصص ادارة مالية هاد العام نسوتني ونتهنا :yahoo01:وتخصصي في الليسانس كيما يعرفو ناس اللمة كان بنوك وتأمينات
انا بنت عادية تقدري تقولي اجتماعية نحب نهدر بزاااف ههه :p ونضحك ليه ليه ونبكي ليه ليه هههه
اهم حاجة عندي في الدنيا هي عايلتي "ماما وبابا وختي" نحبهم بزااف وماعنديش حلم مستقبلي مافيهمش هوما
وختي الصغرى هاد العام جوزت الباك ربي يوفقها وينجحها وينجح كامل الممتحنين
يعني ربي يحفظلي عايلتي ويحفظلكم عايلتكم ان شاء الله + دراستي وعبادتي هادي هي اهم الاشياء في حياتي
نظن هادا تعريف بسيط لي مازال مايعرفنيش والاسئلة الجاية رايحة توضح شخصيتي اكثر
هيا نصوطي للفقرة التالية
​