سهرة 19 .........قهوة وتاي

[AmiR@RoRo]

رد: سهرة 19 .........قهوة وتاي

السلام عليكم
هاني رجعتلك من جديد مريومة
بسم الله

بشحال جبتي الباك تاعك؟
الحالة المدنية ؟
خطبوك ولا جامي ؟:d
مريم مع رمضان كفاش ؟
علاقتك بالكوزينة ؟
تقسمي الشغل بينك واختك ولا كل يوم وحدة تخدم وحدها ؟
تحبي الروايات ؟ادا ايه ما هما لي عجبوك كامل ؟ (بعيدا عن في قلبي انثى عبرية وانت لي ههه قتلتوني بيها )( ايه وتاني بعيدا عن فلتغفري واحببتك اكثر مما ينبغي هادو تاني هههه)
كاش ما تتفرجي في رمضان ولا والو ؟
وهدا سؤال من عند القراصان جاك : شحال البوانتير ع صباطك خخخخ
شفتي مجموعة الموت لي طاحت فيها دزاير !! اعطينا رايك فيها :d
ايه وزدتي شفتي المدرب لي جا !! اعطينا رايك فيه تاني :d
ادا كنتي خاطية الرياضة قولي تاني ههه
وين موصلة الختمة ؟
تقراي فقسنطينة ولا خارجها ؟
اعلى معدل جبتيه فالجامعة ؟

دوك نزيد نجي اصبري برك ههه

 

[لؤلؤة قسنطينة]

رد: سهرة 19 .........قهوة وتاي

السلام عليكم
وعليكم السلام ورحمة الله وبركاته
واش حالك يا الزينة نشالله بخير
والله الحمد لله حبيبتي جيهان يسقسي عليك الخير والسوال عليك ان شاء الله تكوني نتي تاني بخير
اممممم جربي جاوبي على هذو الاسئلة هههه
هههه هيا معليش بسم الله
باقة ورد لمن تهديها ...؟؟
لماما
رتبي الكلمات التالية حسب أهميتها عندك:الحب -العائلة -المستقبل المهني-الصداقة-المال
العائلة
الحب
الصداقة
المستقبل المهني
المال

ماأكثر شيء يحرجك؟؟
كي يجي راجل يحكي معايا :$ نولي مانسمعش ويروحلي الصوت هههه

.اي الدول تتمنى ان تزوريها ؟
مكة المكرمة اكيد هي اول حلم
واذا دول اجنبية "اليابان"

.هل تؤيدي الزواج العاطفي ام الزواج التقليدي ؟ ولماذا ؟
نظن الزواج التقليدي احسن. واحد شاف وحدة عجبتو تكلم مع باباها جا باباها ليها تفاهمو على يوم الشوفة
تلاقاتو وتلاقاها بحضور والديها عجبها وعجبتو تفاهمو على خطبة رسمية وعلى عرس وبدات الحياة الزوجية الحقيقية

.هل تعترف بشيء اسمه الصداقه بين الرجل والمرأة ؟
لا، واذا كاينة نفضل نسميها اخوة

.عاده تفعلها دائما تتمني ان تتركيها ؟
التسرع نظن
نشالله يكونو خفاف عليك حبيبتي
لي عودة باذن الله
في امان الله
​

اكيد اسئلتك خفاف حبوبتي ومرحبا بيك في اي وقت
نورتيني و تزيدي تنوريني
كوني بالقرب غاليتي
​

 

[لؤلؤة قسنطينة]

رد: سهرة 19 .........قهوة وتاي

السلام عليكم
وعليكم السلام ورحمة الله وبركاته
يا هلا وغلا بالضيفة
شلونتش ؟ شخبارك ؟
والله واشتـGــنا نشوف ويهتش هني
صحا فطورتش ههههه
يا هلا بأميرة الخليجية هههههه
يخي مهبولة يخي هههه
تفهي شوي خليجي ولا والو خخ
هيه نفهم هههههه حتى انا كنت نتفرجهم شوي واحد الوقت
نهار شفتكم تقابضتو والشعر يطاير قلت خلاص هادو يكملوها هكا نيف عاGــب نيف خخ بصح طلعتو ناس ملاح ورجعتو مثل السمنة عالعسل كما قلتي ههه
ههههههههه هيه واش نقولك فرطسنا بعضانا شعرة مخليناها ههههه
بصح هيا تصالحنا وشراتلي شعر مستعار وانا شريتلها شعر مستعار ههههه
المهم راكي تعرفي راح نشرشحوك بالاسئلة ونقولك مقولتك الشهيرة نخليك تكلي مع البروصي تع ليليا ونرجعلك
تعيشي يا ختي ارجعي لردود وكبريلنا الخط شويا نقرا شوي نحس عينيا يحرقو ويدمعو ديجا عندي بروبلام مع عينيا والصيام وكتبتك تزيدني هههه
راجعلتك

ههههههههههه ماعليه راني كبرتلك الخط درتلك زوم وزدت حمرتو :p
ومرحبا بيك امورة في كل وقت واسئلتك حتى هوما سمنة على عسل ههه
كوني بالقرب غاليتي
​

 

[لؤلؤة قسنطينة]

رد: سهرة 19 .........قهوة وتاي

السلام عليك
وعليكم السلام ورحمة الله وبركاته
اهلا بيك ملوكة
واش راك ان شاء الله راكي مليحة
صحا فطورك
الله يسلمك حبيبتي ونتي زادا
والله الحمد لله حبيبتي يسقسي عليك الخير
وان شاء الله تكوني نتي تاني بخير

بون اسئلة خفاف برك
هيا نبداو بسم الله
_انت انسانة عقلانية ولا عاطفية؟
اممم نظن عاطفية اكثر
_كي تكوني منارفية واش ديري؟
نجبد روحي لشوكة ونقعد وحدي حتى نتكالما ههه
_واش تعلمتي من هد الدنيا؟
بزاااف حوايج اولها الصبر والقناعة
_مواقف صراولك ومازالكي متفكرهم لدوركايا؟
بزااف مواقف منهم مرض ماما ودخولها المستشفى كيما جاوبت من قبل
موت جداتي
اجرائي لعملية جراحية
ورسوبي في اول عام ليا في الجامعة بسبب بعض الظروف

_تحب المغامرات ؟
شويا ماش بزاف هي يعني انا مهبولة بصح حاجة فيها ريسك ماندخلهاش
_احكيلي شوية على مريم واش تحب وتكره؟
نحب عايلتي نحب عبادتي نحب قرايتي وناس اللمة اكيد :love01:
نكره الظلم ونكره النفاق
الى كاش ماتفكرت راني نولي ​

حالياً الأعضاء النشيطين الذين يشاهدون هذا الموضوع:

22 (3 عضو و 19 ضيف)
هذا سيلفي مع ضيفة السهرة
‏الحلم الوردي, ‏لؤلؤة قسنطينة, ‏زهرة الزنبق
​

اهلا بيك حبيبتي ملاك ومرحبا بيك في اي وقت تشرفيني
اسئلتك كانت عسل كيفك ماشاء الله :love01:
وشكرا على السالفي راني خرجت فيه شابة ههههه
كوني بالقرب غاليتي

​

 

[لؤلؤة قسنطينة]

رد: سهرة 19 .........قهوة وتاي

سلملم :d:d:d
اهلا بالسلملم تاعي ههههههه

صحا فطوووركم
الله يسلمك حبيبتي ونتي زادا

ما هزا الذي تراه أذناي ههههههه يااااااااا مريم البارح برك كنتي تستشفاي هههههههههههه
ماتراه اذناك هو ماسمعته عيناي هههههههه راكي تشوفي الدنيا دوارة

اليوم نشويك هههههههههههههههه
معليش مرحبا بيك في اي وقت تنوريني في اي وقت فيوليتا

وش يدير الميت في يدين غسالوا هههههههههاااي
مسكين مايدير والو يجاوب على الاسئلة ويسكت هههههههههه

ضرك نجي ضرك نلهالك ابنتي وجدي روحك مريهااام :yahoo01:​

يا لطيف امسكو هذه المرعبة ههههههه
غير نضحك مرحبا بيك في اي وقت واسئلتك على راسي
ياك سلمتي البارح برك على هيبارا هههههه وزعما ردتلي السلام معاك هههه
انتظر عودتك فيوليتا كوني بالقرب حبيبتي
​

 

["viola"]

رد: سهرة 19 .........قهوة وتاي

اني جيت احم :d

صار انا ستوت امريم هههه صحا نتي بديتي هههه وجدي روحك :p:p

أولا نقبل التحدي :sport01: هات ما عندك :sport02:

و ضرك مع الاسئلة الطازجة مامي صحة و عافية :p


*مريومة و العائلة ؟ علاقتك بيهم واحد واحد :d العائلة الصغيرة اكيد :p

*مريم نفتارضوا *بعيد الشر* يصرالك مشكل وااعر هنا فاللمة و توصل انو تفكري تنساحبي ..اسكو ديريها ؟؟

*مريم و الحب ههههه بالضمة على الحاء ماتبلعطينيش قااع :p

*العيد عندك مزال حلو ولا سماط كي الحالة عندي هنا -___- ؟..اعطينا حوايج تحسسك بالعيد

*ماذا لو تعلق بك شخص لا تطيقينه أنت ؟ اقصد الجنس الآخر مريومة اعيد و أكرر ممنوع التبلعيط :p

*انتي انسانة متفائلة ما شاء الله ؟؟ وش هي اكثر حاجة تخليك تتفائلي في هذي الحياة ؟؟

*قلتيلي البارح بلي كتاباتي فالمدونة مليحة ..اقتابسيلي اكثر وحدة عجباتك :d

*ضركا غمضي عينيك ..اتخيلي فيولا واقفة قدامك *ولا قاعدة دبري راسك :d* ..تخيلتي ؟ ضركا روحي لقوقل خيريلي صورة انمي تشبهلي في نظرك و حطيها نشوفوني هههههه

ضرك نرجع الزينة منخليش ختي وحدها قاااع :d
​

 

[لؤلؤة قسنطينة]

رد: سهرة 19 .........قهوة وتاي

السلام عليكم
وعليكم السلام ورحمة الله وبركاته
اهلا بيك خويا مالك
وصح فطورك

صيدوك اليوم صراتلك كي البااك تاع بن غبريط في المرة الاولة داروه ومنجحش
عاودولو وبلاك يقولو نجح ههههه هكذاك انت
المهم في الاعادة افادة مالgرري في الاول قعدتي بايرا واحد ماسألك ههههه

هههههههههه هيه هاديك هي، ان شاء الله هاد المرة تكون سهرة ممتعة وظريفة وخفيفة
وتكون ناجحة بإذن الله

نروحو للأسئلة
هيا بسم الله

يرحم والديك لكلافيي مزالهم الحروف يبانو شكيت تفاساو ههه
هاد الساعة الميكرو او جديد هههههههه بصح ام قريب يتفاصاو هههههه حتى عادت ختي تقولي كي نجي نرقد ماتكتبيش الله يسترك نحسك
تتقابدي مع الكلافيي هههه لوكان تشوفي اصابعي كيفاه يجيرو فوق الكلافيي تقول عنكبوت تشطح ههههه تشبيه ماش في محلو كامل :d

فالدار سافيك متسكتيش كامل على حساب الشوفة هههه بلكتيبة ومسكتيش خلي الهدرة
هيه نحكي بزاف ونضحك بزاف ههههه وارواح نتا اتخايل الجو كيفاه هههههه

حبيت نسقسيك برك ههههه بصح متضحكيش خخخخ
عندكم ميgرريا تكوللكم نجيب يما ونجي نخطبها هههه
والله كانو عندنا زوج ميقريات وشابات ماش كيما جاسمين ههههههه بصح تزوجو :p آخر وحدة تزوجت الصيف هادا لي فات ههههه

متضحكيش على السؤال هذا خاطرش لي جي لهنا نسقسيها اونكا تزهرلي هههه
الله غالب من جيهتي ماكانش زهر هههههه ماكانش زواج من جيهتي هههه

لو ( نفترض زعما مكاش منها ياك ياو نتمسخر ههه ) لو يماك طيب اللوبيا في رمضان تكليها
ديجا تفكرتها مع الشبعة لي راني فيها دخت هههه
والله ناكلوها عادي هههههه اصلا ماعندناش بزاف من لي درناها ههههه وحنا في قسنطينة لوبيا باللحم البقري كطبق رئيسي في رمضان
يعني نديروها ولو مرة في رمضان ماكانش مشكل عندنا

تانيت نسقسيك واقيل رحت فيها انا مبقاليش مع رمضان هذا ماشي

ايا دمتم في رعاية الله
سلام​

هههههههه والله وحدك خويا مالك
وشكرا لمرورك واسئلتك ربي يهنيك خويا
نتمنى نشوفك مرة اخرى هنا
وصح سحورك

​

 

[لؤلؤة قسنطينة]

رد: سهرة 19 .........قهوة وتاي

فيولا وامورة ربي يحفظكم على الاسئلة وشكرا على المرور العطر

درك راح الحال ولازم ننسحب غدوة لا كتب ربي ندخل ونكمل الاسئلة المشوقة تاعكم
اتهلاو في رواحكم وليلة سعيدة وصح سحوركم كامل
في امان الله
​

 

[miss victoria]

رد: سهرة 19 .........قهوة وتاي

مرحبا بيك ضيفتنا الكريمة نورتينا و الله

 

[لؤلؤة قسنطينة]

رد: سهرة 19 .........قهوة وتاي

السلام عليكم
وعليكم السلام امورتي وصباح النور

هاني رجعتلك من جديد مريومة
مرحبا مرحبا بيك تنوريني اكيد الدار دارك

بسم الله
هيا نبداو بسم الله

بشحال جبتي الباك تاعك؟
جبتو بـ 13.31 يعني 13 واعكسيها هههه
الحالة المدنية ؟
متزوجة وعندي 10 اولاد ههههه نتمسخر عازبة

خطبوك ولا جامي ؟:d
جامي :smile02: هاد الساعة راني بايرة كيما يقولها خويا مالك هههه

مريم مع رمضان كفاش ؟
والله عادي مايقلقنيش خلاص بالعكس نحس فيه بالراحة التامة
واشوا هاد العام مارانيش في احوالي راني مقصرة بزاااااف على عكس العام لي فات

علاقتك بالكوزينة ؟
رانا متصالحين هاد الساعة ههههه بصح قادر نتقابدو ماتدريش ههه

تقسمي الشغل بينك واختك ولا كل يوم وحدة تخدم وحدها ؟
هي تقريبا لماعن لي نقسمو كل يوم وحدة ودالتها بصح باقي الاعمال نخدمو كيف كيف

تحبي الروايات ؟ادا ايه ما هما لي عجبوك كامل ؟ (بعيدا عن في قلبي انثى عبرية وانت لي ههه قتلتوني بيها )( ايه وتاني بعيدا عن فلتغفري واحببتك اكثر مما ينبغي هادو تاني هههه)
هيه نحبهم وبصراحة ماعنديش بزاف من لي بديت نقراهم
ولي عجبوني في قلبي انثى عبرية ههههه وغربة الياسمين لنفس الكاتبة وتاني قطة في عرين الاسد وكيغار لكاتبة مصرية وإيماجو
وكاين بزاف بصح هادو لي عجبوني كتر، و تاع انت لي تيليشارجيتها بصح مازال ماقريتهاش كي شفت الشعب كامل يعيط عليها توسوست هههههه
قلتلها اقعدي حتى نركحلك مليح ونقراك

كاش ما تتفرجي في رمضان ولا والو ؟
والله هاد العام عندي كاميرا كاشي برك كاشما نخطف لقطات منها برك وشكون هو الشاف في قناة سميرة برك
لأنو نص وقتي كوزينة ولا اللمة ولا راني نقرا في القرآن

وهدا سؤال من عند القراصان جاك : شحال البوانتير ع صباطك خخخخ
ياك قلتلكم 43 هههههه هي الصح نلبس 38 بصح البوانتير تاع الجزائر فوص بوانتير ساعات نلبس 39
بصح الصبابط تاع الخارج حاشاك نلبس حتى 37 يعني معدل البوانتير تاعي 38 ههههه "الاستنتاج النهائي":p

شفتي مجموعة الموت لي طاحت فيها دزاير !! اعطينا رايك فيها :d
والله نسمع فيهم يقولو مجموعة الموت بصح ماتولهت شكون هوما هههههه مع اني مالفة نتبعهم خطوة بخطوة
هي نظن طاحت مع اقوى الفرق الافريقية وان شاء الله فيها خير

ايه وزدتي شفتي المدرب لي جا !! اعطينا رايك فيه تاني :d
والله المدرب مانعرفو كيما شفت صورتو في التلفاز برك، والمشكل ماش في المدربين المشكل في الصحافة ماتخليش المدرب يخدم
مايجي يكمل عام يهربوه ان شاء الله يكمل معاهم وتكون النتيجة ايجابية ان شاء الله

ادا كنتي خاطية الرياضة قولي تاني ههه
هيه راني بعدت شوي على الرياضة هاد الايام ههه

وين موصلة الختمة ؟
ختمت القرآن مرتين ودرك راني في سورة المائدة الحزب 12

تقراي فقسنطينة ولا خارجها ؟
نقرا في قسنطينة بعد

اعلى معدل جبتيه فالجامعة ؟
اعلى معدل جبتو هاد العام في السداسي الاول كان 13.61

دوك نزيد نجي اصبري برك ههه

شكرااااا امورة على الاسئلة الشيقة انتظر عودتك حبيبتي
واعتذر على التأخير الكونيكسيو راهي مهولة اليوم

​

 

[ليليا مرام]

رد: سهرة 19 .........قهوة وتاي

ههههههههههههه ضحكتيني تاع الصح ههههه
نختار رقم 9 يوم ميلادي
​

السلام عليكم اختنا مريومة
راكي عارفة مصر شوي بعيدة وختنا شادية هذا وين وصلت

مع الشمس الصبيحة عيني شافت لبعيد ،فارس من الثنية جاني نهار العيد طلبت ربي يحن عليا وحققلي حلمي الوحيد.

ياو الجماعة الكل راهم يخرجو من الدار وحدة تطلع للسطح لخرى تعسلي فالشروق وانا راقدة لل 10 عليها زهري رقد من غدوة من الفجر راني برا نستنى الشروق
فارس من الثنية وشكون فارس هذا نحوسو عليه ياو الثنية فتيارت جليلوس راك مطلوب تشوفنا خونا فارس هذا
نهار العيد اامممممم جايبلك المهيبة معناها ختنا مخطوبة لفارس من تيارت اييه حققلك حلمك وعلها تشبعو خلونا نحققو الربع
شوفينا فارس هذا كان عندو خوه وديجاااااااا واااااااع لالا راه من تيارت وانا نحوسو شاوي وفحل يموت وما يحملش الذل قول والله ما لحنتيها هههههه

 

[لؤلؤة قسنطينة]

رد: سهرة 19 .........قهوة وتاي

اني جيت احم :d
اهلا اهلا فيولا واش احوالك؟ مرحبا بيك
وينك ساع؟ وقيلا راكي راقدة ههه

صار انا ستوت امريم هههه صحا نتي بديتي هههه وجدي روحك :p:p
هههههههه شكون قال ستوت :-r انا خاطيني ههههه

أولا نقبل التحدي :sport01: هات ما عندك :sport02:
اصبري نخلص الاسئلة ونوليو للتحدي ورايحة نبدل شروط التحدي :p

و ضرك مع الاسئلة الطازجة مامي صحة و عافية :p
هههههه اني صايمة حابة تفطريني، هيا نبداو بسم الله

*مريومة و العائلة ؟ علاقتك بيهم واحد واحد :d العائلة الصغيرة اكيد :p
اممم انا المهبولة تاع الدار، بابا نتفاهم معاه وسمنة على عسل انا وياه خاطر ماش نفس الشخصية هو عصبي بزااف وانا عاقلة هههه نقدر ناثر فيه نديرلو غسيل الدماغ ههههه نعرف نخير الكلمات كي نجي نحكي معاه نديرلو تنويم مغناطيسي ههههه يسمى نتفاهمو انا وياه، انا وماما تاني نتفاهمو بزااف لدرجة لما تكون في مشاكل تجي تشاورني، هي كي تكون مقلقة تما تحلالي نهبلها شوي هههه حتى تقولي طيري عليا وكي تكون كالم هانا سمنة على عسل تاني ههه، وعلاقتي مع ختي متذبذبة ههههه هي ختي نفس عقلية بابا عصبية وقبيحة ومكارة من الكبار هههه بصح قلبها مليح وكي يكون طالعلها المورال نكونو علكيف، بصح كي تكون مشنفة يا لطيف تعود تشارشيلي على الحس ههههه بصح متفاهمين انا وياها وبالغمزة نتفاهمو


*مريم نفتارضوا *بعيد الشر* يصرالك مشكل وااعر هنا فاللمة و توصل انو تفكري تنساحبي ..اسكو ديريها ؟؟
والله مانكدب عليك هي تاع ننساحب ممكن نديرها معرف خاصة اذا مشكل واعر كيما قلتي بصح قادر نولي يعني نروح ونولي هههه اصلا ربيت الكبدة خلاص ماعندي وين نروح
صار قبل عامين تقريبا وين ماكنتش متعلقة 100 بال 100 باللمة ورغبت لعام كامل ورجعتلو وين دركا لي حبيتكم وكلشي نظن مانروحش ان شاء الله يمكن نسميها فترة استراحة برك ونرجع


*مريم و الحب ههههه بالضمة على الحاء ماتبلعطينيش قااع :p
ههههههههه انا نعرف لي بالفتحة على الحاء :p والله نقولك يا امونة ختي الكلمة هادي راني مكونجليتها خليها تجمد مليح كي يلحق وقتها نخرجها
الانسان كان صغير ووقت مراهقة وكان مايعرفش يحط الكلمة هادي في بلاصتها الصحيحة بصح درك كبرنا والحمد لله ورانا كل يوم نتعلمو حاجة
وعلى هادي حطيت قاعدة لنفسي بلي الكلمة هادي ماتتحط غير لمولاها :$ نهار يجي يطبطب في باب دارنا ويقول جيناكم بالحسب والنسب نخبطلو الكلمة هادي على وجهو ههههه


*العيد عندك مزال حلو ولا سماط كي الحالة عندي هنا -___- ؟..اعطينا حوايج تحسسك بالعيد
والله يا امونة ماش غير العيد كلشي ولا صامط في الدنيا هادي، لو ترجعي للوراء شوي تلقاي بلي كنتي تتمناي تلحقي للوقت هادا ويكونو عندك الامكانيات هادو
بصح كي لحق الوقت تلقايه ماعندو حتى معنى، واش فايدة العيد ولا رمضان والناس قلوبها ماش صافية؟ كلشي راح والله
والشي لي يحسسني بالعيد هي لجنة الاهلة كي تقول غدا اول ايام الفطر ههههههه، بالاك صنع الحلويات ولا شراء الحوايج تاع العيد والحنة
هادي لي بقات شوي تبعت نكهة للعيد

*ماذا لو تعلق بك شخص لا تطيقينه أنت ؟ اقصد الجنس الآخر مريومة اعيد و أكرر ممنوع التبلعيط :p
زعما شكون الجنس الآخر؟ مازال مانعرفهمش ههههه
هي صراحة مانتقربش بزاف من الجنس الآخر غير كي نضطر نتعامل معاهم في القراية ولا مع افراد العائلة
شوفي اذا كان انسان ناس ملاح يعني المشكل فيا اني انا لي مانطيقوش تما نتعامل معاه عادي نحاول مانجرحوش ونحاول تكون العلاقة بيناتنا محدودة وخاصة اذا كان براني عليا
اما اذا كان هو دوريجين صامط والناس كامل ماتطيقوش تما ندورها دبزة ههههه :sport01:
كي يعود براني هاني نتجنبو طول وكي يعود من العائلة يعني وين نضطر نحكي معاه راني من هدرتي نبينلو بلي راك قلقتني ههههه
ومعرف حسب المواقف كيفاه تكون

*انتي انسانة متفائلة ما شاء الله ؟؟ وش هي اكثر حاجة تخليك تتفائلي في هذي الحياة ؟؟
هههههه عايشة في الاحلام، والله يا فيولا ختي كن الانسان مايتفاءلش بالاك يموت بالاكتئاب
انا الكاركاص تاعي تبتسم هههه بصح لداخل راهي مخربشة خلاص هههه بصح كن نخليو الشي لي لداخل ياثر علينا تروح حياتنا غير هم وغم
على هادي اي حاجة تصرالي نورمال، ماعندهاش اشهر طحت على رجلي في الدقيقة هاديك الطفلة كي شافت رجلي تنفخت قريب تبكي غضتها
وانا لاتية نضحك ههههه حتى عادت تقولي ماراهيش تسطر عليك؟؟ شوكيتها ههههه، قبل اشهر تاني خرجت نشري حوايج ليا وشريت حجاب وخيمارات كي روحت للدار
مالقيتش الصباط هوما قلبو الدنيا ويخممو وين نسيناه وانا عادي كلي ماكاين والو ههههه قالولي راكي نورمال؟؟ قلتلهم اذا كتبهولي ربي نلبسو راني نلبسو
واذا ماش مكتبهولي ربي والله مانلقاه ونموت، وليت نسيتو خلاص بعد يومين ولا لقاتو خالتي جابتهولي ههههه

*قلتيلي البارح بلي كتاباتي فالمدونة مليحة ..اقتابسيلي اكثر وحدة عجباتك :d
يعني حسب الصفحتين الاخيرتين تاوعك هادي لي عجبتني كتر مع انو كامل ملاح

بالأمس و أنا أتلو ما تيسر من كتابه الحكيم ..وقعت على تلك الآية التي تجادلنا حولها يوما ..

أسكتتني حججك يومهآ.. فلطالما كنت الأفضل في هذا المجال

لقد كان لك نصيب من دعائي في السجود ...

وفقك الله لما يحبه و يرضاه ..

فَ لستُ بذلك السوء بعد كل شيء..

*ضركا غمضي عينيك ..اتخيلي فيولا واقفة قدامك *ولا قاعدة دبري راسك :d* ..تخيلتي ؟ ضركا روحي لقوقل خيريلي صورة انمي تشبهلي في نظرك و حطيها نشوفوني هههههه

هادا واش نتخيل فيولا

من غير هيبارا ماعندي واش نتخيالك ههههه

ضرك نرجع الزينة منخليش ختي وحدها قاااع :d
​

هههههههه معليش مرحبا بيك في اي وقت وسامحيني على التأخير واحد الكونيكسيو تعيف اليوم :tongue02:
انتظر عودتك هيبارتي ههه
​

 

[لؤلؤة قسنطينة]

رد: سهرة 19 .........قهوة وتاي

مرحبا بيك ضيفتنا الكريمة نورتينا و الله

اهلا بيك حبيبتي
نورتيني بمرورك العطر
والسهرة ماتحلاش الا بوجودكم
ان شاء الله نكون خفيفة عليكم
كوني بالقرب حبيبتي
​

 

[لؤلؤة قسنطينة]

رد: سهرة 19 .........قهوة وتاي

السلام عليكم اختنا مريومة
راكي عارفة مر شوي بعيدة وختنا شادية هذا وين وصلت

مع الشمس الصبيحة عيني شافت لبعيد ،فارس من الثنية جاني نهار العيد طلبت ربي يحن عليا وحققلي حلمي الوحيد.

ياو الجماعة الكل راهم يخرجو من الدار وحدة تطلع للسكح لخرى تعسلي الشروق وانا راقدة لل 10 عليها زهري رقد من غدوة من الفجر راني برا نستنى الشروق
فارس من الثنية وشكون فارس هذا نحوسو عليه ياو الثنية فتيارت جليلوس راك مطلوب تشوفنا خونا فارس هذا
نهار العيد اامممممم جايبلك المهيبة معناها ختنا مخطوبة لفارس من تيارت اييه حققلك حلمك وعلها تشبعو خلونا نحققو الربع
شوفينا فارس هذا كان عندو خوه وديجاااااااا واااااااع لالا راه من تيارت وانا نحوسو شاوي وفحل يموت وما يحملش الذل قول والله ما لحنتيها هههههه

وعليكم السلام ورحمة الله وبركاته
هههههههههههههه يخي مهبولة يخي
امممم يسمى فارس الاحلام يبدا اسمو بالفاء وانا ماعلاباليش :love01:
خلاص اتضحت الرؤيا، وزيد في العيد الفرحة تولي فرحتين
مالا راني نبدل رايي فيولا قلك العيد صامط هاو ظهر العيد مليح وفيه خطابة تاني ههههه
من اليوم نعود نحب العيد، او عندو خوه ليليا ماتخميش واذا ماعندوش نروح كيف كيف نقولولو قابلين بالتعدد نورمال هههه
اكيد لحنتها الغناية هاديك هههههه فكرتني بالاعراس
واقيلا ماش رايحة نبقى بايرة مكرا في خونا مالك جايبها ورا البنات :tongue02:
​

 

[لؤلؤة قسنطينة]

رد: سهرة 19 .........قهوة وتاي

فيولا ليوم تأكدت بلي ماعندكش زهر هههه
كي جيت ندير معاك تحدي ماحبتش تجي الكونيكسيو خلاااص
الله غالب سامحوني اليوم دارتها بيا الكونيكسيو الله لا تربحها :tongue02:
​

 

[AmiR@RoRo]

رد: سهرة 19 .........قهوة وتاي

السلام عليكم
صباح الخير مريومة ولا مسا الخير كما تحبي ههه
قلتي رواية تيليشارجيتها ؟ وينها راه الميكروو عندي كلو روايات متيليشارجيين هههه
ولا تقصدي e.s.p المهم ادا هي اقريها راهي تهبل الادراك الفائق للحواس مممم مشوقة
وقلتي تاني تتفرجي شكون هو الشاف هههه شفتي ربح حكيم ههه وشفتي راه خو قاواواوي لي كان يلعب مع ليكيب ناسيونال
انا نهار شفت اللقب ديالو والولاية عرفتو خوه يشبهلو "استنتاج عظيم علابالي:p " هههه
هدرت بزاف هههه

شحال كان عمرك كي بديتي تصومي ؟ما تقوليش نسيت كما ايمان تقول فيها الزهايمر :tongue02:
وش الطبق المشهور في قسنطينة ؟
حضرتي الاحتفالات تع العميد قبل لبارح ولا والو ؟هههه
يادرا مسلككتها مع الفوتوشوب لي قلتي ؟
وش رايك فزواج النت تامني بيه ؟
تفضلي الزواج التقليدي ولا الجديد هه يعين عن حب ؟
كامل نعرفو بلي البنت تميل لباباها ملا قولي الصح تدبزي انتي وختك على باباك ؟ههه
عندك صديقة مقربة فمقام اخت ولا اختك هي اختك وصديقتك وكلشي؟
الاقسام لي تعجبك فاللمة ؟
ايه وكفاش تعرفتي عليها هه؟
برصاوية ولا مدريدية ؟
ووش رايك كي اعتزل ميسي اللعب الدولي بعض المصيبة لي دارها مع الارجنتين؟ ههه
الولايات لي زرتيهم ؟
وش رايك فليtrisomiques تتحبيهم ولا لا علاقة ليك بيهم ؟
الاسم المشهورة بيه فعايلتك؟
ممم اسم شخص عزيز عليك ؟

راني كترت عليك ههه
يعطيك الصحة موفقة

 

[لؤلؤة قسنطينة]

رد: سهرة 19 .........قهوة وتاي

فيوليتا راهي ركحتلي الكونيكسيو شوي حسب واش نظن
شوفي نعطيك شروط التحدي
بما انو حكينا بزاااف على المدونات
درك مهمتك تروحي للمدونة تاعي وتهزي منها 4 تدوينات من صفحات مختلفة
ومن بعد لازم عليا نلقى الصفحات تاع كل تدوينة في رقم قياسي
(ومادام الكونيكسيو مهبولة اليوم نلغي الرقم القياسي هههه)
وانا نفس الشي نروح لمدونتك ونجبدلك 4 تدوينات
واذا حابة التحدي يكون اصعب نجبدو اربع تدوينات من مدونات مختلفة :d
يعني ماش المدونات تاعنا
ونتي خيري الطريقة لي تعجبك
​

 

["viola"]

رد: سهرة 19 .........قهوة وتاي

فيولا ليوم تأكدت بلي ماعندكش زهر هههه
كي جيت ندير معاك تحدي ماحبتش تجي الكونيكسيو خلاااص
الله غالب سامحوني اليوم دارتها بيا الكونيكسيو الله لا تربحها :tongue02:
​

ههههههه شكرا للتذكير خخخ

معليش نخليلك شوية أسئلة خفااف هاك اذا جات الكونيكسيون اكي تجاوبي و اذا مجاتش اكي تجاوبي ههه

*مادام البارح درتيلنا هذاك الموضوع تاع المااكلة هههه كون جيتي ماكلة نتي وش تخيري تكوني ؟؟:p

*كون جيتي قاطو ثان ؟ وش تخيري تكوني ؟؟

*نحطوك في مختبر و عندك قااع الوسائل باه تختارعيلنا حاجة .وش تختارعي و بوغكوا خخخخ

*كي تجي راحا تزوجي ديري ليماش في عرسك خخخ بصراحة يعني ههه

*آخر سؤال سيريو هذا ..اعطيني نصيحة :-r

شكرا ختيتي و آسفة انتقمت منك برك هههه ​

 

["viola"]

رد: سهرة 19 .........قهوة وتاي

فيوليتا راهي ركحتلي الكونيكسيو شوي حسب واش نظن
شوفي نعطيك شروط التحدي
بما انو حكينا بزاااف على المدونات
درك مهمتك تروحي للمدونة تاعي وتهزي منها 4 تدوينات من صفحات مختلفة
ومن بعد لازم عليا نلقى الصفحات تاع كل تدوينة في رقم قياسي
(ومادام الكونيكسيو مهبولة اليوم نلغي الرقم القياسي هههه)
وانا نفس الشي نروح لمدونتك ونجبدلك 4 تدوينات
واذا حابة التحدي يكون اصعب نجبدو اربع تدوينات من مدونات مختلفة :d
يعني ماش المدونات تاعنا
ونتي خيري الطريقة لي تعجبك
​

اووكي دووكي :d

نخير الطريقة الدوزيام صعيبة :sport01:

ضرك نجي ههه​

 

["viola"]

رد: سهرة 19 .........قهوة وتاي

اني جبتهم و جيت :p:p

بصح منعطيعكش تاعمن ..باه تصعاب أكثر خخخخ

نمبر وان :d

~ عُذرًا مِنْكَ ياهَذا فأنَا أُنثَى لا تَرْضَى بِنِصف الحُضور ~

نمبر تو :p

التقاها في الطريق صدفة ثم احبها مدة ...
ثم استوقفها في نفس الطريق برهة ... اخرج قلما واعطاها ورقة
ضنت هي: ان قد طلب رقما !! فايسبوك !! او صفحة شخصية !!
لكنه نظر اليها مستحيا قائلا :
دوني عنوان بيتك ..

نمبر ثرييي

أحيانا

أشعر و كأن ضحكاتي #لعنة أُصبت بها ل تُوهم الجميع أني بخير ..!

ربما أكون على حق ..من يدري ..

نمبر فوور و بزوور خخخ:bravo01:

كنت أروي لعائلتي موقفاً محرجاً
فقلت: انسكبت عليّ القهوة قبل أن أخرج لتقديم الحفل
فقالوا: جميعاً ماذا فعلتِ ؟
إلا أمي قالت ؛ هل تأذيتِ !
إنّهآ جنّتـي

بالتوفيق :d​