سهرة 19 .........قهوة وتاي

[sosobibicha]

رد: سهرة 19 .........قهوة وتاي

سلام عليكم
راني رجعت هههه
كي تكملي فقرات الاخت ليليا جاوبي علي الاسئلة بكل شفافية ههههه احم احم احم :p
بسم الله :

1/اسوء طبع فيك ؟

2/لِمـَن تعطي هذه الآلقـــــاب ؟؟

العضو المميز ..

العضو الغامض ..

العضو المشاكس ..

عضو طيب ..

عضو دمه خفيف ..

عضو ذوق ..

عضو تحب ردوده ..

3/متى تبكي بحرقه؟
4/متى تجلس لوحدك؟
اسمحيلي كثرت عليك قلتلك gاع الاسئلة هههه و نقولك تشريح موفق مع باقي الاعضاء هههه
صحا سحورك ^^
​

 

[~أمِيرَة الخَجل~]

رد: سهرة 19 .........قهوة وتاي

ممم هآني رجعتلك يآ المهبولة
اول سؤال ..
وآش رآكي ؟
صآفآ؟
وآش فطرتي اليوم ؟؟
شحآل فعمرك ؟
مهنتك ؟
معدل قعدتك فاللمة ؟
​

 

[لؤلؤة قسنطينة]

رد: سهرة 19 .........قهوة وتاي

يومياتك

ضيقتي العزيزة
عندك نظام فرمضان وبرنامج تمشي بيه
خبرينا مريومة فرمضان واش دير من وقت تتسحر لوقت المغرب لوقتها فالمنتدى
كيفاه راهي توفقي
والكوزينة راه وليدنا وصانا اكدولي على كوزينة كان فحلة او خلوها للعام الجاي


وانا نروح نضرب طلة فالفقرة الجاية

​

اه قولو لوليدكم راني نعرف ندير الفريت + البوراك برك الباقي يشريه من المطاعم :p غير نضحك
امممم يومياتي منين نبداها من السحور ولاالفطور ههههه، استنا نبداو من الصباح، انا في رمضان مانوضش الصباح بكري نوض على 10 ولا 10.30 ماكسيموم
وراني تفنينت هاد العام، العام لي فات كانت 9.30 اللخر واقيلا العام الجاي تلحق لـ 11.30 ههههه، المهم نوض نتفاهم مع ماما واش نديرو فطور لنهار اليوم
اذا كانت حاجة تتطلب يد بزااف نوجد جزء منها الصباح بعد واذا حاجة خفيفة (خاطر حنا مانطيبوش بزاف) راني نخليها للعشية، ومن بعد نجي للمة هاني قاعدة
فيها شوي حتى يأذن الظهر نروح نصلي نقرا قرآن ونحفظ الآيات تاع الحملة المخصصة للنهار هاداك مانجي نخلص تلحق 2 ساعات نحط الفطور يطيب بلعقل
وساعات تحطو ماما وانا نكمل يعني نخدمو كيف كيف، من بعد ندخل اللمة راني قاعدة هنا ونعس الفطور اكيد حتى 4 هكاك ولا 4.30 كي يلحق وقت العصر
نروح نصلي ونقرا القرآن وراني في الكوزينة مع ختي نوجدو في الفطور وكي يقرب الفطور نوجد الطابلة مع ختي ونستناو الآذان كي يأذن نفرقو الصيام بشوي تمر
وحليب ونوضو نصليو المغرب كامل من بعد نكملو نفطرو، ومن بعد هي من المفروض كي تعود دالتي نغسل انا لماعن وكي تعود دالت ختي تغسل هيا لكن هاد العام
ختي هي مستكلفة بلماعن بسبب الاصابة تاع رجلي اصلا كل مانوقف في الكوزينة لازملي على الاقل 5 دقائق نقعد نرتاح من السطر وكلشي ولات ساع هي
هناتني من لماعن هههه، من بعد نقعد مع العايلة هانا نتفرجو شوي كاميرا كاشي وواش كاين في التلفاز حتى يأذن العشاء او بابا يروح يصلي التراويح وانا نصلي العشاء
في الدار وكي نخلص نجي للمة نسهر معاكم حتى ما بعد منتصف الليل نطفي الميكرو ونتوضا ونقرا شوي قرآن ومن بعد كي تبقى ساعة او ساعة نص على الفجر نصلي
ركعات لله نختمهم بالشفع والوتر ومن بعد نوجد السحور ونوضهم يتسحرو (انا نتسحر بكاس ماء) ومن بعد نبقى نقرا القرآن حتى يأذن الفجر نصلي ونرقد وهكا
تتعاود نفسا لحكاية، هيا لعام لي فات ساعات نسهر حتى بعد الفجر نقرا القرآن ونصلي صلاة الضحى بعد شروق الشمس لكن هاد العام متعبة خلاص وصحتي
متدهورة وليت نكتفي بالركعات هادوك برك
هادا هو برنامجي راني كتبتهولك بالتفصيل الممل ههه
هيا نصوطيو للمرحلة الجاية
​

 

[جيهان جوجو]

رد: سهرة 19 .........قهوة وتاي

السلام عليكم
واش حالك يا الزينة نشالله بخير
اممممم جربي جاوبي على هذو الاسئلة هههه
باقة ورد لمن تهديها ...؟؟
رتبي الكلمات التالية حسب أهميتها عندك:الحب -العائلة -المستقبل المهني-الصداقة-المال
ماأكثر شيء يحرجك؟؟
.اي الدول تتمنى ان تزوريها ؟

.هل تؤيدي الزواج العاطفي ام الزواج التقليدي ؟ ولماذا ؟

.هل تعترف بشيء اسمه الصداقه بين الرجل والمرأة ؟

.عاده تفعلها دائما تتمني ان تتركيها ؟
نشالله يكونو خفاف عليك حبيبتي
لي عودة باذن الله
في امان الله
​

 

[AmiR@RoRo]

رد: سهرة 19 .........قهوة وتاي

السلام عليكم
يا هلا وغلا بالضيفة
شلونتش ؟ شخبارك ؟
والله واشتـGــنا نشوف ويهتش هني
صحا فطورتش ههههه
تفهي شوي خليجي ولا والو خخ
نهار شفتكم تقابضتو والشعر يطاير قلت خلاص هادو يكملوها هكا نيف عاGــب نيف خخ بصح طلعتو ناس ملاح ورجعتو مثل السمنة عالعسل كما قلتي ههه
المهم راكي تعرفي راح نشرشحوك بالاسئلة ونقولك مقولتك الشهيرة نخليك تكلي مع البروصي تع ليليا ونرجعلك
تعيشي يا ختي ارجعي لردود وكبريلنا الخط شويا نقرا شوي نحس عينيا يحرقو ويدمعو ديجا عندي بروبلام مع عينيا والصيام وكتبتك تزيدني هههه
راجعلتك

 

[لؤلؤة قسنطينة]

رد: سهرة 19 .........قهوة وتاي

خمسة بخمسة

ضيفتي لازم تتحملي مني واش راح نقول الله غالب الإحراج ساكني فالدم

معليش اسألي كيما حبيتي راني مريت بتجربة كيما هادي من قبل وسمها كرسي التعارف يجيبو بيك سمانة كاملة وهوما يسألو
ينشفولك الدم في عروقك هههههههيا نبداو بسم الله

1- لما نقول مريم والعصبية واس تقولي على روحها وهي معصبة؟
امممم انا صراحة مانتعصبش ليه ليه واذا نتعصب نحكمها في قلبي وفي اغلب الاحيان نرجعها بكاء بيني وبين نفسي
هي نكون مع عبد براني مانديرش عليه يعني قد مايكون العبد بعيد عليا نحكمها في قلبي باه مانديرش معاه العيب
خاطر براني عليا نتلاقاه مرة في العام، بصح كي يكون عبد قريب ليا راني ننفجر في وجهو ههههه
انا صراحة كي البركان عاااقلة خلاص وكي ننفجر نهيج ضربة وحدة ونهيج لمدة قصيرة قادرة تكون 5 دقائق على الاكثر
ومن بعد نولي نورمال كلي ماكاين والو ههههه

2- جا نهار وين انسان ما يهمش مرا او راجل جرحك يا درا لو معانا واش تقوليلو ؟
انا صراحة في حياتي تجرحت من بزاااف ناس بصح لي للآن جرحهم مازال يحرق في قلبي راهم من العائلة
وبلا مانقولها قدامكم راني نقولها لربي في كل ليلة "حسبي الله ونعم الوكيل" وإلا "ربي يسامحكم"

3- موقف فعايلتك أثّر عليك بزاف وما تنسايهش ؟
نص المواقف لي اثرت فيا بزااف وللآن مستحيل ننساها راهم يعرفوها ناس اللمة
اول موقف نهار دخلت ماما للمستشفى باه دير ثاني عملية على القلب ورحت زرتها قبل العملية واش نقولك
وضع الله لا يشوف فيه مومن انا نبكي وهي تبكي ههههه انا روحت عينيا منفوخين وهي طلعتلها لاطونسيو
وتما كنت نقرا نة ثالثة متوسط
والموقف الثاني هو موت جداتي قبل عام ونص تقريبا وكانت في مقام يما تربيت عندها وكنت بنتها ماش حفيدتها
حتى القش والملابس والحنة نفوخو بيها على بعضانا نهار العيد كلي بنات في نفس العمر
بصح ربي خير ربي يرحمها وراهي مليحة وين راهي ربي يجعلها من اهل الجنة ان شاء الله

4- مريومة والجامعة واش تقول واش الفرق بين مرحلة الليسي والجامعة ؟
اممم الليسي والجامعة كل مرحلة وذكرياتها وكل مرحلة وصعوباتها
يعني في كل مرحلة ضحكت وبكيت ودارلي اكتئاب وفشلت ونجحت وهكا تمشي الحياة
واشوا الفرق انو الانسان يولي واعي كتر مع كل مرحلة خاطر الليسي تكون فيه المرح ومازال ماتحملناش المسؤولية والاساتذة يساعدوك
ويحبوك بصح في الجامعة ماكانش هاد الشي يعين تتعب وتبكي وماترقدش وتحضر وتشوف نقطتك تتمد لشخص خلاف
ولا عبد مايجيش خلاص ينجح ونتا لالا يعني تشوف الظلم على اصولو بصح تقوى شخصيتك وتتعلم بزاف حوايج

5- كلمات لمن تقوليلهم
نحبك .... سامحني ..... توحشتك ..... محال نسامحك ...... وراحا نعيطلك فالتلفون ههه

نحبك: نقولها ليما .. لكامل عايلتي لي يحبوني ولناس اللمة
سامحني: لكل شخص غلطت في حقو ولا هاز عليا في قلبو
توحشتك: لجداتي ربي يرحمها، ولصاحبتي عندي قريب 5 سنين ماشفتهاش
محال نسامحك: للناس لي آذاوني
هادي لي نعيط في التييلفون معرف ههههه اصلا انا تيليفوني تقول مقبرة نهار كامل طافي لا يعيطولي ولا نعيط ههه
ضيفتي ردي ونروح نوجد الفقرة الجاية


​

واخيرا خلصت الاسئلة وااااي:yahoo01:
غير نضحك كانت اسئلة ممتعة ونتمنى نكون جبتها في الصواب
شكرا مريومة وننتقل للمرحلة القادمة
​

 

[الحلم الوردي]

رد: سهرة 19 .........قهوة وتاي

السلام عليك
واش راك ان شاء الله راكي مليحة
صحا فطورك
بون اسئلة خفاف برك
_انت انسانة عقلانية ولا عاطفية؟
_كي تكوني منارفية واش ديري؟
_واش تعلمتي من هد الدنيا؟
_مواقف صراولك ومازالكي متفكرهم لدوركايا؟
_تحب المغامرات ؟
_احكيلي شوية على مريم واش تحب وتكره؟
الى كاش ماتفكرت راني نولي ​

 

[الحلم الوردي]

رد: سهرة 19 .........قهوة وتاي

حالياً الأعضاء النشيطين الذين يشاهدون هذا الموضوع:

22 (3 عضو و 19 ضيف)
هذا سيلفي مع ضيفة السهرة
‏الحلم الوردي, ‏لؤلؤة قسنطينةhttp://4algeria.com/forum/members/151377/, ‏زهرة الزنبق
​

 

[لؤلؤة قسنطينة]

رد: سهرة 19 .........قهوة وتاي

شكون تختار؟

ضيفتي تعرفيني كيما كامل يعرفوني نموت على الخير
و من ابواب الخير الواسعة انو تخلي الناس تدابز وهذا اللي انا نديرو فالفقرة هذي
انا نحب الشر نحب نفرق نحب نشوف الشعر يطاير
انت خيري شكون وخاطيك وانا نروح ليها وحتي هي ما راح نقولها عليك الا الخير
املا كيفاه تجي هي ثاني معولة عليك

ضيفتي اختاري لتحدي عضو او عضوة وانا فريرة نجيبولك والحلبة ليكم

​

اممممم البارح فيولا دارت تحدي وواحد ماتحداها
هيا نتحداها انا اليوم خلي حتى تجي ساع ونحدد معاها التحدي :sport01:
ليوم نتجابدو من الشعر مليح ههههه
اين انتي يا فيوليتا
​

 

[لؤلؤة قسنطينة]

رد: سهرة 19 .........قهوة وتاي

من 1 لل 10

اييه شركة المشاور راهي خرجت كل الكمية من الستوك قالك درتيلهم عجز الكمية كلها ديتيها
لقينا ختنا مريم على الأطلال مع عماد حمدي وراهي لاحقتها شادية فركن اتحدي تسحبها من الشعر
خلونا نفهمو ختنا شادية انو عماد حمدي راه يصبر فيها لقاها على الأطلال تبكي وتندب
امالا ختنا شادية راح تجيبلك بوقالة ومعاها فريد الاطرش يضربلك غنايا على العود

اختاري بوقالة ويزينا من المشاور راحا نجيبلك ليزار نتاع التاقة ههه
ضيفتي اختاري رقم وانا ندبر راسي

​

ههههههههههههه ضحكتيني تاع الصح ههههه
نختار رقم 9 يوم ميلادي
​

 

[لؤلؤة قسنطينة]

رد: سهرة 19 .........قهوة وتاي

انت وزهرك

ضيفتي راهي غايبة وقت دخلت انا حطيت الموضوع هي ما تعرفش انها ضيفتي وما قدرتش نعاودلها الكاميرا كاشي
مي اكيد راني درتهالها فأول عدد وشوفو ذاك الوقت واش قالت



إقتباس: المشاركة الأصلية أضيفت بواسطة: الحلم الوردي
إقتباس: المشاركة الأصلية أضيفت بواسطة: لؤلؤة قسنطينة
الحمد لله ربي يدومها ان شاء الله وان شاء الله تكون كامل اليامات هكا يارب
كيفاه مافهمتش؟؟

وصلني خبر بلي انت حكيتي عليا
وقلتي هديك شايفة روحها وماتهدرش مع كامل الناس
المهم وحدة قاتلي هكدا
مي حابة نفهم نوغمالمو رانا من ولاية وحدة
وانت كيما اختي الله يبارك
علبالكي مــآمنتش بلي حكيتي عليا

إقتباس: المشاركة الأصلية أضيفت بواسطة: الحلم الوردي
إقتباس: المشاركة الأصلية أضيفت بواسطة: لؤلؤة قسنطينة
هههههه شكون لي قالك هكا؟
اصلا حتى ولو ماكنتيش بنت ولايتي نعزك
وحبيتك قبل مانعرف بلي نتي بنت ولايتي
ونفس الشي بالنسبة لباقي بنات اللمة
وراكي قلتيلي راكي كيما ختي كيفاه اخت تهدر على ختها؟

ايه مي الي وصلي
قالي راهي مريم تقول عليك بلي انت تحبي تبين غير روحك
وراهي تهدر في ظهرك
والله غاضتني روحي نتاع الصح
مكنتش متوقعة هكدا
إقتباس: المشاركة الأصلية أضيفت بواسطة: لؤلؤة قسنطينة
يا حبيبتي والله ماهدرت عليك بكلمة
وبالعكس لا انا نقدر نهدر عليك ولا غيري خاطر اصلا طفلة محترمة
ومادرتي حتى حاجة تخلي العبد يهدر عليك
واذا الكلام هادا قاسك صح اسمحيلي حتى ولو ماعنديش دخل فيه
رمضان رمضان مانحبش ختي تبات زعفانة ولا مقلقة


إقتباس: المشاركة الأصلية أضيفت بواسطة: الحلم الوردي
إقتباس: المشاركة الأصلية أضيفت بواسطة: لؤلؤة قسنطينة
يا حبيبتي والله ماهدرت عليك بكلمة
وبالعكس لا انا نقدر نهدر عليك ولا غيري خاطر اصلا طفلة محترمة
ومادرتي حتى حاجة تخلي العبد يهدر عليك
واذا الكلام هادا قاسك صح اسمحيلي حتى ولو ماعنديش دخل فيه
رمضان رمضان مانحبش ختي تبات زعفانة ولا مقلقة

المهم يا مريم واش رايحة نقولك
مارانيش رايحة نسامحك
هكدا
إقتباس: المشاركة الأصلية أضيفت بواسطة: لؤلؤة قسنطينة
يا حبيبتي ملاك
شوفي نستغفرو ونشهدو ساع
واذا صح غلطت ولا قستك اني قتلك اسمحيلي
رمضان شهر التسامح ولالا
انا عمري لا هدرت عليك ولا رايحة نهدر عليك راكي ختي والله



حاولت الاخت الحلم الوردي تشوف ردة فعل مريم
مي نقولها يا مريومة راهي هايلة ومتربية واصيلة وطلبت السماح وانت ما درت والو
نشكر اختي الحلم الوردي لانو عاونتني وشفنا مريم رائعة وهايلة

يعطيك الصحة


اييه يا مريومة طحت فالفخة ونشكر اختي الحلم الوردي ذاك الوقت عاونتني

شكرا لك
​

ههههههههه درتوها بيا صح
انا كي بعتتلي ملاك وقاتلي هكاك حطيتها تتمسخر
وعلى هادي ضحكت في اول الامر ومن بعد لقيت الحالة تطورت وبدات توعار ههههه
والشي لي حيرني كتر ماش كي هدرت عليها لي حيرني شكون من بنات اللمة لي تهدر في ختها
علابالي كامل اخلاقهم عالية ومتربيين ومستحيل ينزلو لهاد المستوى
على هادي تخربطت هههه
على كل حال بصحتي كليتها :d
​

 

[لؤلؤة قسنطينة]

رد: سهرة 19 .........قهوة وتاي

هدية الضيف

انت كادوك طلبتو من الخارج وراحا نجيبو اصبري

ان شاء الله يعجبوك
ونروحو لآخر فقرة

​

اووووو يهبلو الله يبارك
ذوقك رووووعة وهديتك ارووووع ربي يحفظك مريومة
وربي يهنيك ختي وربي يحميك
واي حاجة تجي من عندك مليحة :love01:
شكرا
​

 

[لؤلؤة قسنطينة]

رد: سهرة 19 .........قهوة وتاي

كلمة ختامية

ضيفتي انا نشكرك بزاف على الحضور ولو اني ما خبرتكش لانك كنت غايبة
لكن هاكا نتاع الغفلة راهي حلوة
نشكرك على وقتك وعلى السهرة ولو متأخرة لانك كنت مبرمجة لاول عدد مي معليش
ان شاء الله نتوفق ونعرض كل اللي فبالي
وانا نشكر كل رواد السهرات والمشرفين كلهم
وغدوة اذا حب سيدنا ربي نتلاقو فسهرة اخرى مع ضيف جديد
نقولكم تهلاو فصحيحتكم وصحا سحوركم

في امان الله
​

هاد الفقرة رايحة نكونجليها ههههه نخبيها ساع
غدوة لا كتب ربي نوضع كلمتي الختامية هاداك هو يهبلوني شوي ناس اللمة بالاسئلة هههه
نرجع لهاد الفقرة غدوة ان شاء الله لا كتب ربي سبحانو
شكرا مريومة
​

 

["viola"]

رد: سهرة 19 .........قهوة وتاي

سلملم :d:d:d

صحا فطوووركم

ما هزا الذي تراه أذناي ههههههه يااااااااا مريم البارح برك كنتي تستشفاي هههههههههههه

اليوم نشويك هههههههههههههههه

وش يدير الميت في يدين غسالوا هههههههههاااي

ضرك نجي ضرك نلهالك ابنتي وجدي روحك مريهااام :yahoo01:​

 

[لؤلؤة قسنطينة]

رد: سهرة 19 .........قهوة وتاي

السلام عليكم
يمكن مريم "لؤلؤة"
ولا ميجو

وعليكم السلام ورحمة الله وبركاته
اهلا امورة :love01:
صحيتي الفحلة :yahoo01:راكي كل يوم تكتاشفي العضو
نستعرف بيك شاطرة :up:
كوني بالقرب امورتي
​

السلام عليكم
امممم الزهرة الحمراء
صح فطوركم
في امان الله
​

وعليكم السلام
اهلا حبيبتي جيهان
الله يسلمك حبيبتي ونتي زادا
صار هكا ماتكتاشفينيش درك نبدا نبكي هههه
غير نضحك
كوني بالقرب غاليتي
​

آهلآ مريم المريومة
بآينة سهرة غير شكل اليوم
و يآ ليليآ يعطيك الصحة عرفتي من تعرضي
ان شآء الله مآنكونش ثقيلة عليك يا لؤلؤة
نضرب دورة و نرجعلك نقرعج معآك
آيآ صح فطورك و ربي يوفقك حبيبتو
شرفيتنآ يآرب تتمتعي و نتمتعو معآك
​

اهلا حبيبتي نورتينا وصح فطورك
الله يسلمك غاليتي مرحبا بيك الدار دارك والسهرة سهرتك
وبالعكس حضورك يشرفني ويفرحني
وخوذي راحتك حبيبتي وانتظر عودتك
ان شاء الله تكون سهرتي خفيفة عليكم
كوني بالقرب غاليتي
​

سلام عليكم
صحا فطورك
اهلا و سهلا و الف مرحبا بلؤلؤتنا الغالية معنا
ان شاء الله تقضي اوقات ممتعة و طيبة
بالتوفيق
​

وعليكم السلام ورحمة الله وبركاته
الله يسلمك حبيبتي ونتي زادا ومرحبا بيك نورتيني
وان شاء الله نكون خفيفة عليكم
وتكون سهرتي ممتعة وماتقلقوش منها
شكرا غاليتي
وكوني بالقرب
​

 

[Skor m@k]

رد: سهرة 19 .........قهوة وتاي

السلام عليكم
صيدوك اليوم صراتلك كي البااك تاع بن غبريط في المرة الاولة داروه ومنجحش
عاودولو وبلاك يقولو نجح ههههه هكذاك انت
المهم في الاعادة افادة مالgرري في الاول قعدتي بايرا واحد ماسألك ههههه
نروحو للأسئلة

يرحم والديك لكلافيي مزالهم الحروف يبانو شكيت تفاساو ههه

فالدار سافيك متسكتيش كامل على حساب الشوفة هههه بلكتيبة ومسكتيش خلي الهدرة

حبيت نسقسيك برك ههههه بصح متضحكيش خخخخ
عندكم ميgرريا تكوللكم نجيب يما ونجي نخطبها هههه
متضحكيش على السؤال هذا خاطرش لي جي لهنا نسقسيها اونكا تزهرلي هههه

لو ( نفترض زعما مكاش منها ياك ياو نتمسخر ههه ) لو يماك طيب اللوبيا في رمضان تكليها
ديجا تفكرتها مع الشبعة لي راني فيها دخت هههه

تانيت نسقسيك واقيل رحت فيها انا مبقاليش مع رمضان هذا ماشي

ايا دمتم في رعاية الله
سلام​

 

[لؤلؤة قسنطينة]

رد: سهرة 19 .........قهوة وتاي

السلام عليكم و رحمة الله تعالى و بركاته
وشراكم لباس

وعليكم السلام ورحمة الله وبركاته
اهلا اهلا حبوبتي اسماء زارتنا البركة
والله الحمد لله يسقسي عليك زينونتي ونتي واش راكي لاباس شوي؟
رتحتي من تعب الباك؟

الله الله شكون الضيف اليوم
بسم الله رح نبدا

الله يسلمك حبيبتي :$
بسم الله هيا نبداو على بركة الله

مريم هاذي بنت 25 طفلة اصيلة و رزينة و متربية و متخلقة
و شابة كل صبع بصنعة اخلاق عالية لسان حلو عقل يوزن بلاد
افكار جهنمية و ثرثارة بزااااف هههههه
طفلة نحبها و نموت عليها و لوكان جيت طفل غير هي لي نتزوجها هههه

ههههههههههههه لي عجبتني فيهم هي كن جيت طفل نتزوجها هههههه
كيما بنت خالي تقولي كن جيت طفل نتزوجك هههه
الله يحفظك حبيبتي واي كلمة قلتيها اكيد تنطبق عليك وبزيادة
زايدلها حلاوة وسكر :love01:

يا طفلة عاشقة الجنة تحبك و تموووووووت عليك و عندها انتي بالدنيا

ايييه ولوكان تشوفي انا ماش غير نموووت عليك نرمي روحي من الجسر العملاق تاعنا على جالك هههه
غير نضحك، والله حتى نتي نحبك وراكي تعرفي هاد الشي بلا مانقولو
اسومة في القلب دايما

رح نبدا بالاسئلة :
هيا بسم الله

- لوكان حياتك قصة واش تديرلها عنوان ؟
"ويبقى الأمل"

- واش هي الصفة لي تكرهيها في روحك ؟
ممم بلاك التسرع وساعات ولا نقول دايما نسكت على حقي
وعندي نبكي بزاف، كن عبد يعيط عليا برا ويرفع صوتو عليا ينزلو دموعي ويبخصو بيا ههه ديك التبهديلة
والحشمة تاني غير يقرب يهدر معايا واحد نولي طماطم هههه مانخلعكشم هنا زعما فحلة
برا نحمار ليه ليه هههه

- مريم باش تتميز ؟
ثرثارة من الكبار هههه .. نضحك بزااف ونبكي بزااف ونحشم بزاف
كلشي عندي بزاف ههه

- شكون اقرب عضوة ليك في المنتدى ؟
مممم بزااااف نتي وماجدة وفيولا وهدى وشيمومات فيزوج وعبورات فيزوج وسارة وسكون و بزااف والله ماش معناها مارانيش متفكرتكم راكم في البال بصح كن نكمل نكتب اللمة كامل هههه

- شكون اقرب عضو ليك في المنتدى ؟
بزاف تاني، خويا حكيم خويا مالك خويا الامين محمد خويا عبدو بلانكو خويا ابراهيم خويا سيف كاين الاخ جليلو تاني وكاين بزاااف
وحتى هوما راهم في البال ويسمحولي لي ماذكرتش اسمهم

-اللمة واش تعنيلك ؟
بيتي الثاني

- واش هي الوصفات لي تحبيها تكون في فارس احلامك ؟
امممم يكون هاز قيتارة كيما الصرصور ههههه غير نضحك يكون متربي يخاف من ربي يصلي صلاتو ومايهدرش الكلام الفاحش
خاطر نعاف راجل يقول كلام فاحش ومايصليش نحس روحي عايشة مع كافر -_-
واكيد لازمو يكون طايع والديه خاطر لي مافيهش الخير في والديه مافيهشا لخير فيا + الغيرة نكره الراجل لي قلبو بارد نحسو حجرة ههههه
يعني هادو هوما الاساسيات تقريبا اما الباقي عادي يتقبلهم العبد


- تقبلي تعيشي مع عجوزتك ؟
هيه ماعنديش مشكل، اكيد كل مرأة تتمنى تعيش وحدها باه تلقى راحتها خاصة لي تكون محافظة على خمارها وعايشة في
نص عايلة كلها رجال عنيا لراجل عندو خاوتو ذكور راهي تجيبها من الصباح لليل وهي بالخمار كلي راهي برا
يعني هادا هو السبب الوحيد فقط اما غير هادا نعيش مع عجوزتي ماعنديش مشكل
(راكي تسمعي يا عجوزتي ههههه اديني برك وانا نتهلا فيك :p)

- واش حابة تولي تخدمي ؟
والله المهم حاجة حلال وخلاص
انا حابة نكمل في الدومان تاع التأمينات ولا البنوك خاطر كي كنت ندير عندهم تربص عجبتني خدمتهم ولي مكتبو ربي مرحبا بيه
ماعنديش اشكال

- امنيتك في المنتدى ؟
والله امنيتي انو نبقاو مجتامعين ونكونو بخير يعني مايتضرر حتى واحد فينا
ولا نبكيو على ماساة حتى واحد يعني نكونو كال فرحانين ان شاء الله

ايا بزاف عليك
ان شاء الله ربي يحفظك و يوفقك حبيبتي
في امان الله ​

الاسئلة تاعك منين جبتيهم من اعماق البحر؟
راني غصت معاهم هههه بصح ممتعين صراحة
شكرا اسومتي ربي يحفظك حبيبة قلبي وينجحك في دراستك ان شاء الله

​

 

[لؤلؤة قسنطينة]

رد: سهرة 19 .........قهوة وتاي

السلام عليكم
صح صيامكم
طلعت مريومة الزينة ♥♥♥
متوقعتهاش ههههه
نورتينا يا حبيبتي
اكيد راح تكون سهرة ممتعة
مرحبا اهلا وسهلا بيك

نشالله تعجبك السهرة معانا
وكاش ميجيني سؤال اني نجي
وجدي روحك
بالتوفيق حبيبتي
في امان الله

​

سgمو رواحكم زين هههه
حالياً الأعضاء النشيطين الذين يشاهدون هذا الموضوع: 19 (3 عضو و 16 ضيف)
‏جيهان جوجو, ‏لؤلؤة قسنطينة+, ‏زهرة الزنبق+​

وعليكم السلام ورحمة الله وبركاته
اهلا حبوبتي جيهان نورتيني للمرة الثانية
الله يحفظك حبيبتي وان شاء الله تكون سهرة ممتعة وماتقلقوش مني ومن الثرثرة تاعي ههههه
امم راكي تصوري فينا من بعد ابعتيلي الصورة كيفاه خرجت واذا ماخرجتش فيها شابة انولي -_-
ههههه غير نضحك شكرا حبوبتي جيهان على مرورك وكوني بالقرب غاليتي
​

 

[لؤلؤة قسنطينة]

رد: سهرة 19 .........قهوة وتاي

سلام عليكم
راني رجعت هههه
كي تكملي فقرات الاخت ليليا جاوبي علي الاسئلة بكل شفافية ههههه احم احم احم :p

وعليكم السلام ورحمة الله وبركاته
اهلا اهلا ومرحبا نورتيني بمرورك غاليتي
ومرحبا باسئلتك واكيد نجاوب بشفافية فيها شووووي برك خرافات ههههه
غير نضحك ان شاء الله نجاوبو صح
هيا نبداو بسم الله
بسم الله :

1/اسوء طبع فيك ؟
كيما قلت لاسماء بالاك التسرع والحشمة الزايدة والبكاء الزايد

2/لِمـَن تعطي هذه الآلقـــــاب ؟؟

العضو المميز ..
والله بزاف: اسماء .. حكيم .. فيولا .. مالك .. جليلو .. ملاك .. سكون وكاين الكثييير
العضو الغامض ..
ماكانش عضو غامض نظن بالاك حنا نعرفو اسرار الاعضاء كتر على نفسو ههههه
العضو المشاكس ..
فيولا ومالك مهابل هادو حتى هبلوني معاهم ههههه وكاين تاني خونا الباندي راهو غايب
عضو طيب ..
والله كامل طيبين وكامل ناس ملاح
عضو دمه خفيف ..
نفس المشاكسين لي ذ كرتهم الفوق :-r
عضو ذوق ..
واشوا ذوق هادي مافهمتهاش :s
عضو تحب ردوده ..
بزاااف تاني خويا سيف خويا حكيم ختي ماجدة ختي حفيدة الخنساء ختي ام ياسمين وكاين بزاف راهم يعرفو رواحهم والله
3/متى تبكي بحرقه؟
كي نتظلم ولا نتفكر شخص عزيز
4/متى تجلس لوحدك؟
في نص الليل نبقى بيني وبين روحي وتما تبدا سمفونية البكاء هههه
اسمحيلي كثرت عليك قلتلك gاع الاسئلة هههه و نقولك تشريح موفق مع باقي الاعضاء هههه
صحا سحورك ^^
​

لا حبوبتي ماكترتيش عليا بالعكس مرحب بيك في اي وقت
الدار دارك والسهرة سهرتك
ونتمنى نشوفك هنا مرة اخرى
بالتوفيق غاليتي وربي ينجحك في البكالوريا
​

 

[لؤلؤة قسنطينة]

رد: سهرة 19 .........قهوة وتاي

ممم هآني رجعتلك يآ المهبولة

هههههه مرحبا مرحبا بيك نورتيني

اول سؤال ..
وآش رآكي ؟
صآفآ؟
الحمد لله حبيبتي السوال عليك ونتي لاباس

وآش فطرتي اليوم ؟؟
والله درنا جاري (شربة ) ومعاه بيتزا وسلاطة
والحمد لله

شحآل فعمرك ؟
23 سنة

مهنتك ؟
مازلت نقرا العام هادا لي جاي لا كتب ربي سنة تانية ماستر نسوتني ونتهنا من الجامعة :graduation:

معدل قعدتك فاللمة ؟
منين تجي تلقايني هنا هههه وقت فراغي كامل في اللمة اصلا خاطيني التفراج وخاطيني الخرجة يسمى نرجعها على اللمة

​

شكرا حبوبتي على الاسئلة ربي يحفظك ويهنيك
نتمنى نزيد نشوفك هنا مرة اخرى
كوني بالقرب عزيزتي
​