سهرة23 .......قهوة وتاي

[ليليا مرام]

السلام عليكم جميعا اهلا وسهلا بالجميع
مرة اخرى نلتقي في موعد جديد من سهرات قهوة وتاي

الليلة ككل الليالي عندنا ضيف او ضيفة الضيوف هذو اكيد راهم عرفو الموضوع ويعرفو انو ليه مراحل

ضيفتي الكريمة او ضيفي الكريم اليك مراحل الموضوع

الفقرة الأولى

الفقرة الثانية

الفقرة الثالثة

الفقرة الرابعة

الفقرة الخامسة

الفقرة السادسة

الفقرة السابعة

هدية الضيف

الفقرة الثامنة

يا درا شكون ضيفي الليلة او ضيفتي

من يكون ؟

شكرا ونتلاقو بعد الفطور




​

 

[ليليا مرام]

رد: سهرة23 .......قهوة وتاي

السلام عليكم جميعا اهلا وسهلا برواد سهرات رمضان
الليلة نتلاقو مرة اخرى مع سهرة جديدة من سهرات

الليلة عندنا ضيفة والضيفة هذي رائدة من رائدات المنتدى
ضيفتنا السيدة النشيطة واياكم وتقولو نروح لقسم آخر وما نلقاوهاش
حراسة 48 ساعة فال 24 ساعة
وايييه وضيفتي وشعال شاطرة فالتهديد هذي نقولهالكم من بعد تعرفو سببها واش

وضيفتي راهي ام من فترة قصيرة وين عايرها هذاك اللي ما طلق حتى واحد وسمع كل الولايات على الطمينة معذور الله غالب
ما يعرفش انو المرا ديما مشغولة وتاعبة وتربية وانو السبوع يدي وقت حتى يتوجد

الاكيد راكم عرفتو شكون ضيفتي الليلة


أم ياسمينdz
:: المشرفة العامة للمنتدى ::

اهلا وسهلا بضيفتي والاكيد الدار دارك والمقام مقامك وان شاء الله نقدرو نرحبو بيك كيما يلزم

ضيفتي اهلا وسهلا بيك ونروحو لاول فقرة






​

 

[ليليا مرام]

رد: سهرة23 .......قهوة وتاي

عرّف بنفسك

ضيفتي الكريمة اللي نعرفوها عليك فالمنتدى جدية في وقت وعادية في وقت
ونعرفوك ديما نشيطة ومتواجدة وعلى قد المسؤولية
لكن يا ترى م هي الأخت ام يسمين خارج المنتدى
كام كربة بيت
التوفيق بين البيت واعمالو والتربية والمنتدى

نخليلك الفسحة هذي تعرفينا عن قرب عليك


​

 

[ليليا مرام]

رد: سهرة23 .......قهوة وتاي

يومياتك

ختنا ام يسمين نظامك فرمضان مع الغيرة ومع الطياب والمنتدى
واش ديري فرمضان وكيفاه قبل الامومة وبعدها مع رمضان كيفاه توفقي
وقتك للكوزينة كيفاه يكون واذا الشابة نتاعنا تهبلك والا لالا
احكينا على يومياتك فرمضان والله امر مليح لانو نتعلمو منك التوفيق بين الدار والامومة فرمضان

شكرا ونروحو لفقرة اخرى


​

 

[ليليا مرام]

رد: سهرة23 .......قهوة وتاي

خمسة بخمسة

ضيفتي اليوم انا المشرفة انت دي كونجي وخليني نحرجك شوي

1- سيدة ام يسمين كانت فتاة ككل الفتيات قبل الزواج مدينا سلبيات الزواج خلينا من الاجابيات مديلي السلبيات
2- قولينا شعال دفعو فيك مهر ؟
3- في يوم ما هل تقلقت لدرجة وين قلت واش داني نتزواااااااااااااااااااااج وجا راجلك وقلي بلعي فمك ههههه
نو مسكين احتراماتي ليه ما سمعكش يا سيدي وحدك قتليها مع روحك ؟
4- موقف صعيب فات عليك فالمنتدى وكيفاه تصرفت معاه ؟
5- خل الاشراف يوصل العضو لمشاكل او العكس

وشكرا ونروحو لفقرة اخرى



​

 

[ليليا مرام]

رد: سهرة23 .......قهوة وتاي

شكون تختار ؟

ضيفتي اهاتي نشد بنتك لانو راحا تدابزي وركزيلي على الشعر
الطفلة راهي عندي تهني ندللها آخر دلال ما تخميش
المهم انت دابزي وحمريلي وجهي وانا والشابة نسيبورتيوك
انا هنا نية بزاف وعاقلة ونحب ندير الخير عليها راحا نلاقي بيناتكم
اختاري شكون تدابزي معاها وهاتي البنيتة هنا


​

 

[ليليا مرام]

رد: سهرة23 .......قهوة وتاي

من 1 ل 10

ضيفتي ولو انو انت ما لازمش تنضمي لينا فالزهور مي شكون قال المتزوجات ما يحبوش الزهر على العكس
انضمي للحافلة وراهم راكبات المغبونات وصف نتاع المتزوجات اقعدي قدام اختك ام منير
اعطيني رقم وخاطيك الشوفور مريم يسوق وانا نقرالكم الفنجان
هاتي قبل الكارطة وندوروها قهوة وفناجن
هاتي رقم واباقي عليا


​

 

[ليليا مرام]

رد: سهرة23 .......قهوة وتاي

انت وزهرك

الفقرة هاذي راحين نأجلوها شوي لحين عودة الضيفة ونشوفو


​

 

[ليليا مرام]

رد: سهرة23 .......قهوة وتاي

هدية الضيف

ضيفتي كيما كل النسا تحبي الذهب رحت لعنابة وجيت وراني خيرتلك هذي

وهذو مني للاصغر عضوة الزينة نتاعنا

​

 

[ليليا مرام]

رد: سهرة23 .......قهوة وتاي

كلمة ختامية

نشكرك ضيفتي على قبول الدعوة ولو اني درتهالك مفاجأة ومازال ماراكيش عارفة انك ضيفتي
نشكرك على رحابة صدرك وعلى وقتك وعلى مجهوداتك فالمنتدى وشخصيا نشكرك على تعاونك معي وصبرك علي من وقت انضمامي لكم

شكرا لكل رواد السهرات رغم انو قريب نكملوهم لكن اكيد كانت سهرات رائعة

شكرا لكم جميعا ونقولكم غدوة عندنا ضيف آخر وسهرة اخرى
نقولكم في امان الله وتهلاو فصحتكم وصحا فطوركم

في امان الله
​

 

[ضآحكة مستبشرة]

رد: سهرة23 .......قهوة وتاي

السلام عليكم ختي
انا نظن الاخت ام ياسمين dz
و الله اعلم

 

[بنفسج]

رد: سهرة23 .......قهوة وتاي

السلآم عليكم
صحآ فطوركمْ
مآشي ام ياسمين dz​

 

[يونس قاسم]

رد: سهرة23 .......قهوة وتاي

لا اعرف هذه السهرة و رايح نتفاعل معاكم ان شاء الله

 

[الحلم الوردي]

رد: سهرة23 .......قهوة وتاي

السلام عليكي
على حساب المواصفات
انا نقول الاخت أم ياسمينdz

​

 

[~أمِيرَة الخَجل~]

رد: سهرة23 .......قهوة وتاي

كمآ قآلت الأخوآت ..
أظنّهآ الأخت أم يآسمين dz
شكرآ لكِ ليليآ
سلآم​

 

[لؤلؤة قسنطينة]

رد: سهرة23 .......قهوة وتاي

السلام عليكم
وصح فطوركم ومرحبا بضيفتنا ولي راهي غنية عن التعريف
اختنا ام ياسمين
ان شاء الله تكون سهرة ممتعة نستمتعو فيها مع اختنا ام ياسمين
رايحة نخلي ضيفتنا تجاوب على الاسئلة ونولي ان شاء الله
بالتوفيق
​

 

["viola"]

رد: سهرة23 .......قهوة وتاي

اهلا بك اختي ام ياسمين صح فطوورك نورتي

لي عودة مبعد لا كتب ربي ​

 

[miss victoria]

رد: سهرة23 .......قهوة وتاي

السلام عليكم و صحل فطوركم
بصح ليكادو شابين بزاف

 

[AmiR@RoRo]

رد: سهرة23 .......قهوة وتاي

السلآم عليـــكم
آهلآ وسهلآ بام ياسمين
صحا فطورك
نخليك تكملي اسئلة ليليا ولي عودة

 

[السلطانة]

رد: سهرة23 .......قهوة وتاي

عرّف بنفسك

ضيفتي الكريمة اللي نعرفوها عليك فالمنتدى جدية في وقت وعادية في وقت
ونعرفوك ديما نشيطة ومتواجدة وعلى قد المسؤولية
لكن يا ترى م هي الأخت ام يسمين خارج المنتدى
كام كربة بيت
التوفيق بين البيت واعمالو والتربية والمنتدى

نخليلك الفسحة هذي تعرفينا عن قرب عليك


​

السلام عليكم ورحمة الله وبركاته


أولا نشكرك اختي لولو :p على هذه الدعوة الطيبة
ايا اليوم مدخلتش خلاه للمة مالا معرف واش لي خلاني ندخل درك ههه جاني احساس بلي نلقى كاش سوربريز مسنيتني للسع لقيت رسالتك :love01:
صحا فطوركم جميعا وصحا سهرتكم
وشكرا للضيافة للفوق درك نصحر بهاذ الخير كامل هههه


أم ياسمين ولي معروفة باسم شوشو:tongue02: في المنتدى وفي الواقع
هاه راكي كبيرة
بون انسانة تعيش حياتها كيما كامل الناس
كربة منزل هذه المهمة الصعبة
توليتها تقريبا من عامين
زوجة ثم أم ازدادت المسؤولية
بالنسبة لاعمال البيت نسكن مع دار شيخي علابيها ممكن تشوفوني احيانا نكوناكتي نهار كامل
اما نخلي اللاب توب مفتوح ونفوت نخدم خدمتي وكل ماندخل للاشومبر تاعي نفوت على اللمة
واما مرات نختفي كي تعود عندي اعمال او ضيوف او ماشابه
وندخل كيما اليوم في الليل :yahoo01:
كي ترقد الرّجل :sport01:
اما بالنسبة للعمل فحاليا ماكثة بالبيت
مكتبليش ربي نكمل فيه منلي تزوجت توقف المشوار :regards02:
هيا باقيها اسألوا انتم معرفتش نعرف بروحي اكثر ههه
اما التوفيق بين البيت والمنتدى شويا صعيب طبعا
لكن الحمد لله