آدم و حواء يتساألان (العدد الثاني)

["viola"]

رد: آدم و حواء يتساألان (العدد الثاني)

ههه والله غير قتلتيني الشبكة راهم يخلصو مليح هههه
ايا مليح :love01:
​

خخخ وشمن مليح مساكن ..ربي معاهم​

 

[Hakan]

رد: آدم و حواء يتساألان (العدد الثاني)

آدم

كيف تتعامل مع حوااء الكتومة ؟​

ندغدغها باش تفرز كل شيء ههه
نتمسخر والله الكتومة ما نحبهاش يعني ما تحكي كلشيء ما تخبي كل شيء
على الاقل نتشاركو بعض الاسرار وما نخليهاش تتحمل كل شيء
​

 

["viola"]

رد: آدم و حواء يتساألان (العدد الثاني)

ماهو الفارق في السن الذي تفضل حواء ان يكون بينها وبين فارس احلامها ؟
​

3 سنين 5 ..عام و نورمال خخخ ​

 

[جوهرة الجنة]

رد: آدم و حواء يتساألان (العدد الثاني)

الفارق يكون من ثلاث سنين لفوق :regards01::regards01::regards01::regards01::regards01::regards01:

 

["viola"]

رد: آدم و حواء يتساألان (العدد الثاني)

آدم ..

علاه نشوف اغلبيتكم يفضل يجيب مرتو بنت لبلاد كيما يقولو متكون قارية لا لاشايفة لا والو ..يعني كيما نقولو يفضلها بوجادية :d زعما باه يعود هو خير منها و متحلب عليها و لا وشني مفهمتش ؟؟

و هاذي كاينة مكلاه يقولبني كاش مغوار ​

 

[Hakan]

رد: آدم و حواء يتساألان (العدد الثاني)

آدم ..

علاه نشوف اغلبيتكم يفضل يجيب مرتو بنت لبلاد كيما يقولو متكون قارية لا لاشايفة لا والو ..يعني كيما نقولو يفضلها بوجادية :d زعما باه يعود هو خير منها و متحلب عليها و لا وشني مفهمتش ؟؟

و هاذي كاينة مكلاه يقولبني كاش مغوار ​

خخخخ هذاك اللي امو تخيرلو تجيبلو وحدة بنت عمو ولا بنت خالو ولا من لافامي
باسكو عندنا نضرة سيئة على البنت الجامعية بما انو الاخيرة بهدلت بروحها
قارية وماهيش قافزة ما تعرفش دير شغل الدار وعلابالنا اللي يخير يحب يخير بنت دار يعني تتهلى في دارو وبيتو
اوكي اما قضية التحلاب وغيرو الراجل المثقف اللي مستواه التعليمي والاخلاقي عالي نضن ما يحتاجش
يكون مستوى الزوجة نتاعو كبير لانو رايح يكون دايما هو في القوامة عليها

اما سؤالي :

​

لماذا تفضل البنت العيش في مسكن حر في حين لما تصبح ام تريد من ابنها البقاء تحت جناحيها ؟
​

 

[همس الوُرود]

رد: آدم و حواء يتساألان (العدد الثاني)

حينما تكون الفتاة هي العروس فهي لا تعرف ما الذي سيقابلها حينما تتزوج إن سكنت في بيت أهل زوجها ..

ستلتقي أناس جدد غرباء لا تعرف عاداتهم و طرقهم وتقاليدهم لا تعرف كيف يتعاملون وووو...

فتخاف أن تخطأ في الكثير من الأمور التي كانت تعملها بكل حرية في بيتها دون أن تلقى لوما ولا أي شيء من أحد

فتبقى دائما خائفة أن تفسد العلاقة بينها وبين أهل زوجها ...ومنه بينها وبين زوجها وتسوء أمور معيشتها أكثر ..فتتعقد حياتها

أما إن عاشت لوحدها فهي تستطيع أن تفعل أشياء كثيرة براحة تامة وحرية تامة دون أن تتلقى لوما وعتابا شديدا ..




بينما إن كانت أما فهي تكون مرتاحة في بيتهآ و لآ تحب أن يبتعد عنهآ إبنهآ الذي كبرته و ربته ~ فهو فلذة كبدهآ ولآ تود أن يرحل عنهآ ...ربمآ أيضآ تغآر عليه من زوجته والله أعلم ...




​

 

[Hakan]

رد: آدم و حواء يتساألان (العدد الثاني)

حينما تكون الفتاة هي العروس فهي لا تعرف ما الذي سيقابلها حينما تتزوج إن سكنت في بيت أهل زوجها ..

ستلتقي أناس جدد غرباء لا تعرف عاداتهم و طرقهم وتقاليدهم لا تعرف كيف يتعاملون وووو...

فتخاف أن تخطأ في الكثير من الأمور التي كانت تعملها بكل حرية في بيتها دون أن تلقى لوما ولا أي شيء من أحد

فتبقى دائما خائفة أن تفسد العلاقة بينها وبين أهل زوجها ...ومنه بينها وبين زوجها وتسوء أمور معيشتها أكثر ..فتتعقد حياتها

أما إن عاشت لوحدها فهي تستطيع أن تفعل أشياء كثيرة براحة تامة وحرية تامة دون أن تتلقى لوما وعتابا شديدا ..




بينما إن كانت أما فهي تكون مرتاحة في بيتهآ و لآ تحب أن يبتعد عنهآ إبنهآ الذي كبرته و ربته ~ فهو فلذة كبدهآ ولآ تود أن يرحل عنهآ ...ربمآ أيضآ تغآر عليه من زوجته والله أعلم ...




​

اذن القضية قضية انانية مترسخة في شخصية الانثى
يعني هي تحب وغيرها ما يحبش ؟؟؟:tongue02:
​

 

[همس الوُرود]

رد: آدم و حواء يتساألان (العدد الثاني)

لا هي تود أن تختار مآ يريحهآ أكثر ~ ولآ تحب أن تعيش في جو مليء بالمشآكل..

فالأنثى تستعمل عآطفتهآ في أغلب الأحيآن ...​

 

["viola"]

رد: آدم و حواء يتساألان (العدد الثاني)

خخخخ هذاك اللي امو تخيرلو تجيبلو وحدة بنت عمو ولا بنت خالو ولا من لافامي
باسكو عندنا نضرة سيئة على البنت الجامعية بما انو الاخيرة بهدلت بروحها
قارية وماهيش قافزة ما تعرفش دير شغل الدار وعلابالنا اللي يخير يحب يخير بنت دار يعني تتهلى في دارو وبيتو
اوكي اما قضية التحلاب وغيرو الراجل المثقف اللي مستواه التعليمي والاخلاقي عالي نضن ما يحتاجش
يكون مستوى الزوجة نتاعو كبير لانو رايح يكون دايما هو في القوامة عليها

اما سؤالي :

​

لماذا تفضل البنت العيش في مسكن حر في حين لما تصبح ام تريد من ابنها البقاء تحت جناحيها ؟
​

جامعية متعرفش دير شغل الدار مش لاازم تكون صح هاذي ..
الشق الثاني مقنعنيش قااع -__-
...

خاطر تتبدل تكون تخمم كمرأة مبعد تولي تخمم كأم *قولي و الله هههه*
منعرف انا طول نقولهم منسكنش وحدي نخااف خخخ مالقري يقولك المشاكل فيها فيها بصح منشتيش داري و حدي و منعرف
بصح وليدي و الله ما يجيبها حتان يدبر سكنة وحدو يروح يبعدني خير يقعدوا عزاز ​

 

[بقايا إنسان]

رد: آدم و حواء يتساألان (العدد الثاني)

وينو السؤال لأدم؟؟؟؟؟
قالك حواء قبل ما تتزوج تقول:نسال من الدنيا رجل لا غير ولما تدي ذاك الرجل تطمع في الدنيا كلها

 

[يونس قاسم]

رد: آدم و حواء يتساألان (العدد الثاني)

ههههههههههههههه كملو كملو راني نتعلم

 

[koko DZ]

رد: آدم و حواء يتساألان (العدد الثاني)

ههههههههههههههه كملو كملو راني نتعلم

ههههههه تعلم مليح

 

[همس الوُرود]

رد: آدم و حواء يتساألان (العدد الثاني)

............

 

[بقايا إنسان]

رد: آدم و حواء يتساألان (العدد الثاني)

هههههه صح مثل لي معندوش الكهرباء في الدار ولما سمع بلي زادو فيها جاتو الجلطة ومات بالخلعة ههههه
قالك كاين عمود كهريائي فايت من جنب البيت وخاف تخرج فاتورة عليه هههه
حنا مخليناش كلمة الا وقلناها بالفرنسية ولما جاء الامتحان رسبنا كامل
تحياتي واحترماتي لقلمك المبدع
اسمحولي خاوتي هذا الجواب راه لموضوع واحد اخر مشي هنا هههه النت مهبلتني ولا نقولوا ايادي خارجية هي لي نقلتلي الرد هنا
المهم هذا الرد راه في قسم النقاش الجاد حول الفرنسية نتمنى من الاخوة نقل الرد من هذا القسم لقسم النقاش الجاد ولا العام خاطر صبحت منشفاش هههه الله غالب استحملوني
يلا خلصونا من الفيضحة لي وقعت فيها

 

[عاشقة الإحسان]

رد: آدم و حواء يتساألان (العدد الثاني)

خخخخ هذاك اللي امو تخيرلو تجيبلو وحدة بنت عمو ولا بنت خالو ولا من لافامي
باسكو عندنا نضرة سيئة على البنت الجامعية بما انو الاخيرة بهدلت بروحها
قارية وماهيش قافزة ما تعرفش دير شغل الدار وعلابالنا اللي يخير يحب يخير بنت دار يعني تتهلى في دارو وبيتو
اوكي اما قضية التحلاب وغيرو الراجل المثقف اللي مستواه التعليمي والاخلاقي عالي نضن ما يحتاجش
يكون مستوى الزوجة نتاعو كبير لانو رايح يكون دايما هو في القوامة عليها

اما سؤالي :

​

لماذا تفضل البنت العيش في مسكن حر في حين لما تصبح ام تريد من ابنها البقاء تحت جناحيها ؟
​

تفكير المرأة الحديثة الزواج يختلف عن تفكير المرأة التي حملت و أنجبت و ربت ، فالأولى مازالت لم تستشعر احساس الأمومة، لكن بمجرد انجابها الأولاد يتغير تفكيرها و تلتمس الأعذار لحماتها ( رغم أني لا أحبذ هذا المصطلح، فما أجمل منادتها بأمي ) و لا تنزعج من تصرفاتها لأنها غريزة جعلها الله في الأم ،(هنا تتجلى حكمة الزوجة بأن لا تأجج هذه الغيرة و تزيد من حدتها )
إذا هي غرائز جعلها الله في المرأة ،وعليها توجيهها و عدم التفكير بأنانية فعندما تكون زوجة تفكر في أم زوجها التي تعبت من أجله كثيرا و عندما تكون أما تفكر في زوجة ابنها التي لها الحق في عيش حياة هادئة دون منغصات .​

 

[لؤلؤة قسنطينة]

رد: آدم و حواء يتساألان (العدد الثاني)

لا ما نتصرفش براتبها مي
الراتب نتاعها لازم نتشاركوه
واذا قاتلي لا نقلها اصرفيه على عمرك
اما تخدمي على اهلك وغاشيك انا ما جبتش مرا باش تخدم على باباها على العام
ياتريحي ياتروحي لباباك واخدمي عليه في داركم اوكي ..

علاش ما تهتمش حواء بالجانب النفسي الخاص بها
وعلاش تضعف النفسية نتاعها بابسط الاحداث.؟
​

اسمحلي خويا حكيم قبل مانجاوب على السؤال تاعك ندير تعقيب على اجابتك فقط واعتذر على ذلك
تقولي مرأة ماتصرفش راتبها على الغاشي تاعها بالاك بصح باباها ويماها نظن عندهم حق عليها
لما يكونو الوالدين عندهم راجل يصرف عليهم راني معاك وعندك حق المرأة تحكم دار راجلها والراجل يصرف على والديه
بصح لو نحكي على وضعي انا والديا عندهم زوج بنات انا واختي برك لو نتزوجو فيزوج شكون يبقالهم؟؟
راجل كبير ومريض عمرو 60 ولا كتر ومرتو كبيرة يبقاو في دار وحدهم ولا واحد يصرف عليهم؟؟ ولا يوقف عليهم
هوما ماش محتاجين دراهم ولا رايحين يطلبوهم بصح جا دوري باه نرجعلهم خيرهم، بابا راهو تجاوز 55 سنة ومازال
للآن يصرف عليا يما كانت في الشتاء تلبس قش الصيف غير باه تكبرني وكي جا دوري باه نرجعلهم خيرهم ونشريلهم ونلبسهم
ونتهلا فيهم ونعوضهم بالشي لي تحرمو منو نقولهم لالا؟ راجلي وولادي وبس
انا واجبي انو نهتم بأهل زوجي يا لوكان نحطهم في عينيا نقوم عليهم ونوقف معاهم ونخلي علاقتهم مع ولدهم
مليحة اذا كنت خدامة منهم مني نشريلهم ونوقف عليهم ونديهم طبيب حتى بدون علم ولدهم واذا مكنتش خدامة عليا
ننصح ولدهم ومانخليهش يبعد عليهم ونخليه يرجعلهم حقهم وحق تربيتهم بصح في نفس الوقت كيما طاعة والديه واجب عليا حتى الاعتناء بوالديا واجب عليا
وانا كن نلقى راجل يقولي والديك هوما والديا انا نوقف عليهم صدقني لا نتدخل خاطر كيما انا قايمتلو بوالديه راهو يقوملي بوالديا
على الاقل يتفهم بلي كيما والديه عزاز عليه انا والديا عزاز عليا
واعتذر على التدخل في الرد كنت حابة نبين وجهة نظر فقط بما انو رانا في موضوع يخص آدم وحواء واحترم رأي الجميع

نوليو للسؤال
لو كانت حواء نفسيتها ثابتة ومافيهاش اضطراب مايكونش الرجل خلاص سند ليها
الراجل عطاه ربي قدرة التحكم في العقل يعني يمشي بعقلو لكن المرأة عندها اضطراب في نفسيتها
مثلا لو راجل يروح لحانوت برك تلقاه يشوف سروال يعجبو يشريه وخلاص بصح المرأة
تدور 77 حانوت باه تشري حاجة خاطر متقلبة المزاج نفسيتها تتغير بالظروف وبواش تقابل في يومها
عندها حساسية زائدة وهكا خلقها ربي وللضعف هادا لي فيها دارلها ربي الرجل سند ليها
​

هل يؤثر الراتب الشهري الذي يتقاضاه الرجل في القبول به بكل صراحة ؟
​

انا بالنسبة ليا المهم مايكونش عاطل على العمل
اما الراتب الرزق على الله
مارايحة نطلب عليه يديرلي عرس في فندق ولا مهر 100 مليون
الشي الوحيد لي نكون صارمة فيه اذا قادر يتحمل مسؤولية ولادي مستقبلا
ويخليهم يمشيو في طريق ربي ويكون انسان صالح
اما راجل ميلياردير وكي يتكلم يكفر على لي خلقو وسجدة لربي مايسجدهاش
هادا ويبقى في الدنيا وحدو ماعندي ماندير بيه اصلا نعافو :tongue02:
​

ماهو الفارق في السن الذي تفضل حواء ان يكون بينها وبين فارس احلامها ؟
​

ماعنديش اشكال
اكيد كل مرأة تتمنى زوجها كبير عليها ولو ب 5 سنوات على الاقل
باه تبقى في عينو ديما صغيرة بصح ماش شرط
كاين لي هو اقل منها في السن ماش حتى كبير عليها والله عايشين حياة الملوك
وشفتهم في ناس قراب مني، وكاين لي كتر عليها بسنوات ومرمدها وعيشها حياة الكلاب حاشاك
يعني المهم يكون انسان مليح وواعي ولو كتر عليا حتى بسنة وحدة
​

اما سؤالي :


لماذا تفضل البنت العيش في مسكن حر في حين لما تصبح ام تريد من ابنها البقاء تحت جناحيها ؟
​

هاد السؤال جاوبت عليه من قبل
انا ماعندي حتى اشكال في العيش مع اهل الزوج نورمال خلاص
واشوا الشي لي ممكن يسببلي ازعاج هو لما يكون الزوج عندو اخوة ذكور وانا محافظة على حجابي
يعني نضطر 24/24 ساعة والخيمار فوق راسي نسيق بيه ونطيب بيه ونظف بيه
رايح يكون الامر متعب شوي
اما عن ابني مستقبلا والله الشي لي يريحو يديرو
كيما نخمم في نفسي نخمم في بنت الناس، يحب يسكن معايا مرحبا ونحطو فوق راسي بيه بمرتو
يحب يسكن وحدو راهو حر يدبر راسو
ولكن هذه هيا المرأة دائما ولدها عزيز وتنسى بلي حتى هي بعدت عزيز على يماه
مثلا في سؤالك قلت البنت تتمنى تعيش بعيد على عجوزتها حتى عجوزتها نهار تزوجت كانت تتمنى دار وحدها
وكي كبرت ولات تقول ولدي يعيش معايا يسمى هادي صفات متوارثة في النساء من بكري
واشوا درك تبدلت الامور شوي ولاو نص النساء تقولك يروح يعيش وحدو ويخطيني خير ونخطي المشاكل

​

وينو السؤال لأدم؟؟؟؟؟
قالك حواء قبل ما تتزوج تقول:نسال من الدنيا رجل لا غير ولما تدي ذاك الرجل تطمع في الدنيا كلها

والله يا اخي في الدنيا هادي مانسال راجل مانسال والو
قريت باه نربح ثقافة وباه نكون متعلمة ويكون عندي سلاح في يدي وهو العلم
خلصت قرايتي نستخدم شهادتي باه نخدم وماش حبا في العمل ولكن باه بقول لوالديا
جا وقتكم ترتاحو وتتطلبو وانا نلبي كيما كنت انا نطلب ونتوما تلبيو
جا مكتوب وتزوجت الحمد والشكر لله لي بعتلي لي يسترني ويقربني منو اكتر ويتحمل معايا
مصاعب الحياة، ماجاش الحمد والشكر لله على واش عطاني نكمل نعيش والديا
ونكمل واش ناقصني في ديني ونروح ندير عمرة وهاني قاعدة هههه


اسمحولي درتلكم رد طويل وعريض :$

سؤالي لآدم
ربما حواء تميل دائما لاظهار اهتمامها بآدم عن طريق تذكر عيد ميلاده وتذكر يوم زواجهما
يعني تحب تعبر عن اهتمامها بمثل هاد المناسبات وتعتبرها تعبير عن الحب وعن اهمية زوجها في حياتها
فما راي آدم في مثل هذه الامور، يعني هل يساير زوجتو ويعبر حتى هو عن اهتمامو بواش يناسبها
ولا يتبع طريقة خلاف ولا يكتفي بالاحتفاظ بمشاعرو وفي بالو بلي زوجتو تتفهم مشاعرو بلا ما يعبر
بالاخص انو المرأة تهتم بالمظاهر بالرغم من معرفتها بحب زوجها بصح تحب لي يعبرلها

علابالي سؤال مخلط المهم جاوبو وخلاص هههه

​

 

[عاشقة الإحسان]

رد: آدم و حواء يتساألان (العدد الثاني)

سؤالي لمن جعل الله العصمة بيده
كيف تشعر حينما ترى أن زوجتك مظلومة من طرف أمك و هي ساكتة و متحملة دون أن تشتكي أو تتذمر؟​

 

[يونس قاسم]

رد: آدم و حواء يتساألان (العدد الثاني)

سؤالي لمن جعل الله العصمة بيده
كيف تشعر حينما ترى أن زوجتك مظلومة من طرف أمك و هي ساكتة و متحملة دون أن تشتكي أو تتذمر؟​

سؤال صعب
اولا الزوجة هذي نعم الزوجة و راح نعوضها كل الظلم
بصح الام مانقدر ندير والو معاها الله غالب لا استطيع الا محاولة النقاش معها باللين

 

["viola"]

رد: آدم و حواء يتساألان (العدد الثاني)

آدم سؤال برك قلقني ههه كي تتزوج شكون يحكم التيليكوموند خخخ اني من نيتي و الله ما تليكيديونيش ؟؟​