آدم و حواء يتساألان (العدد الثاني)

[بشرى ملاك]

رد: آدم و حواء يتساألان (العدد الثاني)

سؤال لادم:
كيف تتجاهلها وتعاملها كانها نكرة وتكون اخر همك وانت مسلم والرسول عليه افضل الصلوات اوصاك وقال ^استوصوا بالنساء خير^؟

 

[يونس قاسم]

رد: آدم و حواء يتساألان (العدد الثاني)

آدم سؤال برك قلقني ههه كي تتزوج شكون يحكم التيليكوموند خخخ اني من نيتي و الله ما تليكيديونيش ؟؟​

راها ليها في كل وقت بصح وقت الماتشات غير ماتخربش ههههه

 

[يونس قاسم]

رد: آدم و حواء يتساألان (العدد الثاني)

سؤال لادم:
كيف تتجاهلها وتعاملها كانها نكرة وتكون اخر همك وانت مسلم والرسول عليه افضل الصلوات اوصاك وقال ^استوصوا بالنساء خير^؟

يا اختي اسئلتك خاصة لازم تتعمي السؤال
و ممكن يتجاهلها ولم لا ان كانت حية بصفة امراة عافاكم الله

 

[يونس قاسم]

رد: آدم و حواء يتساألان (العدد الثاني)

يا حواء
بصراحة واش تحسي كي تشوفي راجل نهار كامل راقد وانت نهار كامل في الشغل في الدار هههه

 

[لؤلؤة قسنطينة]

رد: آدم و حواء يتساألان (العدد الثاني)

يا حواء
بصراحة واش تحسي كي تشوفي راجل نهار كامل راقد وانت نهار كامل في الشغل في الدار هههه

اذا قصدك اخ ماعنديش اخ نشوفو في هاد الوضع
اما اذا كان زوج هنا حسب الوضع
مثلا زوج اسبوع كامل يخدم وفي الويكاند راقد وانا نقوم بالشغل نورمال
بصح باه لا خدمة لا والو وغير رقاد هادا مانديهش اصلا

لو نعكسو السؤال لآدم
ونقولو آدم كنت متعب من عمل اسبوع كامل وجيت بالويكاند ترتاح وزوجتك كانت تقوم بالشغل
ودارت عليك حس كبيييير ماخلاتكش بيه ترقد
كيفاه تكون ردة فعلك؟
​

 

[عاشقة الإحسان]

رد: آدم و حواء يتساألان (العدد الثاني)

يا حواء
بصراحة واش تحسي كي تشوفي راجل نهار كامل راقد وانت نهار كامل في الشغل في الدار هههه

بصراحة هذا تسقط فيه صفة الرجولة و تحل محلها الذكورة و فقط ( طبعا ان كان نومه لغير مرض)
أحس بغضب و انزعاج طبعا ،فلا أحب الراجل الفنيان

أكرر نفس السؤال الذي طرحته من قبل

 

["viola"]

رد: آدم و حواء يتساألان (العدد الثاني)

يا حواء
بصراحة واش تحسي كي تشوفي راجل نهار كامل راقد وانت نهار كامل في الشغل في الدار هههه

هههه ها وش حابو يدير مثلا ينوض يسيق معايا خخخ
هي فالحقيقة مذابيا يسيق معايا :p
معنديش مشكل انا برك مش يخليني نكمل مبعد يجي يخسرلي الدنيا نحرم عليه النوم ي محاينك :p
و لا يعيبلي على الماكلة نتيري عليه نورمال-__-​

 

["viola"]

رد: آدم و حواء يتساألان (العدد الثاني)

اصبر اصبر ياك خدام :s يرقد نهار كامل فالويكاند مش مقابلني عام 12 شهر ؟​

 

[Hakan]

رد: آدم و حواء يتساألان (العدد الثاني)

سؤالي لآدم
ربما حواء تميل دائما لاظهار اهتمامها بآدم عن طريق تذكر عيد ميلاده وتذكر يوم زواجهما
يعني تحب تعبر عن اهتمامها بمثل هاد المناسبات وتعتبرها تعبير عن الحب وعن اهمية زوجها في حياتها
فما راي آدم في مثل هذه الامور، يعني هل يساير زوجتو ويعبر حتى هو عن اهتمامو بواش يناسبها
ولا يتبع طريقة خلاف ولا يكتفي بالاحتفاظ بمشاعرو وفي بالو بلي زوجتو تتفهم مشاعرو بلا ما يعبر
بالاخص انو المرأة تهتم بالمظاهر بالرغم من معرفتها بحب زوجها بصح تحب لي يعبرلها



​

قضية التعبير عن المودة والحب عند الرجل تحمل عدة اعتبارات بالاك الواحد راهو مازال بعيد كل البعد عن الزواج
لكن هدفي ان شااء الله هو اني مانكونش مثل الناس اللي سبقوني واللي كان هدفهم واحد زواج اولاد والموت
لا لازم نعيش تفاصيل الحياة الزوجية خاصة الجانب العاطفي منها يعني صراحة نكره نشوف راجل مبعد على الزوجة نتاعو
وعاطيها لعب وتمسخير في الشارع نكره راجل ديما حابس الزوجة نتاعو ما يخرجهاش مرة على مرة على الاقل في الشهر مرة
مناسبتين نعتبرهم مهين في حياة كل انسان يوم الميلاد وفي الزواج سنوية الزواج ماشي غير هي ديرلي لا لازم نفرحها مسكين ولو يكون ماعنديش
نجي نقولهالها بلساني بلي راني متفكر هذا اليوم
​

سؤالي لمن جعل الله العصمة بيده
كيف تشعر حينما ترى أن زوجتك مظلومة من طرف أمك و هي ساكتة و متحملة دون أن تشتكي أو تتذمر؟​

نشعر بالفخر لانو تتغاضى على اخطاء الوالدة نتاعها باسكو راهي الام نتاعها ولازم تسكت عليها
وما تعقهاش برفع الصوت ومن ثم يبقى التدخل نتاعي بالحسنة واذا مكانش نقلبها في الدار هههه :sport02:
​

آدم سؤال برك قلقني ههه كي تتزوج شكون يحكم التيليكوموند خخخ اني من نيتي و الله ما تليكيديونيش ؟؟​

شوف اسيدي ثم ثم ريحت معايا وجمعت معايا وقعدت معايا في التيليفزيون وراهي تخمم في التيليكوموند .
شوفي خيتي انا نتفرج من التلفزيون شيء واحد
اخبار الرياضة على رأس كل ساعة والمباريات بكل انواعها
غير هذا ارفدي التيليكوموند على روحك :p
​

 

[Hakan]

رد: آدم و حواء يتساألان (العدد الثاني)

سؤال لادم:
كيف تتجاهلها وتعاملها كانها نكرة وتكون اخر همك وانت مسلم والرسول عليه افضل الصلوات اوصاك وقال ^استوصوا بالنساء خير^؟

يااختي بشرى راكي داخلتها علينا نكرة وماغيرو والو اختي نعزوكم ونحبوكم وانتوما تجيجان الراس وكل ارضاو علينا برك :yahoo01::yahoo01:
​

لو نعكسو السؤال لآدم
ونقولو آدم كنت متعب من عمل اسبوع كامل وجيت بالويكاند ترتاح وزوجتك كانت تقوم بالشغل
ودارت عليك حس كبيييير ماخلاتكش بيه ترقد
كيفاه تكون ردة فعلك؟
​

نضرية التسياق هذي نكره جدها في الدم هههه
شحال من مرة يهبلوني الدار نديرلهم الزكارة ما نوضش طوول
ردة فعلي هي اني نكمل رقادي خخخخ لابغيتي ديرري gلال
​

 

[Hakan]

رد: آدم و حواء يتساألان (العدد الثاني)

ماهو رايك في الرجل الذي يجيد الحديث الى النساء ويكون لبق في الحكايات معاهم هل تغارين عليه من النساء الاخريات وتخافين عليه من وقوعهن في هواء مع العلم ان اللباقة في الحديث مع النساء لا تعتبر اهانة للزوج ؟
​

 

["viola"]

رد: آدم و حواء يتساألان (العدد الثاني)

ماهو رايك في الرجل الذي يجيد الحديث الى النساء ويكون لبق في الحكايات معاهم هل تغارين عليه من النساء الاخريات وتخافين عليه من وقوعهن في هواء مع العلم ان اللباقة في الحديث مع النساء لا تعتبر اهانة للزوج ؟
​

:-o:-o:-o:-o: خلات عليه :-o و شمن لبق ياو ..يهدر معاها بالبروتوكولات و يا ربي ​

 

[Hakan]

رد: آدم و حواء يتساألان (العدد الثاني)

:-o:-o:-o:-o: خلات عليه :-o و شمن لبق ياو ..يهدر معاها بالبروتوكولات و يا ربي ​

يعني كيفاه زميلتو في العمل يكشر عليها انيابو
مثلا طبيب اسكو تليق يحكي بالبروتوكولات والبروتوكول هذا ماهي نوعيتو او كيفيتو ؟
​

 

[لؤلؤة قسنطينة]

رد: آدم و حواء يتساألان (العدد الثاني)

ماهو رايك في الرجل الذي يجيد الحديث الى النساء ويكون لبق في الحكايات معاهم هل تغارين عليه من النساء الاخريات وتخافين عليه من وقوعهن في هواء مع العلم ان اللباقة في الحديث مع النساء لا تعتبر اهانة للزوج ؟
​

واشوا اللباقة مع النساء هادي؟؟ -_-
نطيرلو لسانو ونطيبهولو ياكلو هههه
اللباقة يخليها مع الرجال برك واذا حب لباقة مع النساء يمدهالي ليا برك :p
يحترم النساء صح مثلا مايتطاولش عليهم بالهدرة ويخاف عليهم كلامو يكون نظيف معاهم ، مثلا كي نشوف راجل متزوج
في وسط الحافلة يخلي امراة تقعد وهو يوقف خاطر يخاف عليها كأخت ليه هادا نحتارمو ونورمال
بصح ماش يطلقلي لسانو معاها ويحكيلها قصة حياتو -_-

سؤالي لآدم
كي تطيح بيك وتلقى روحك في ازمة كبيرة وتقولك زوجتك راني معاك في الحلوة والمرة
ونكمل معاك لآخر دقيقة كيفاه تكون في نظرك هاد الانسانة وهل رايح تكون وفي ليها ولا غير تطلع بيك تطيشها؟
واذا قاتلك مثلا نخليك ماعندي ماندير بيك كي طاحت بيك وتتخلى ليك واش دير معاها؟ (هنا بعدو الاطفال خاطر رايح يكون فيها مشاهد عنيفة :p)

​

 

[Hakan]

رد: آدم و حواء يتساألان (العدد الثاني)

سؤالي لآدم
كي تطيح بيك وتلقى روحك في ازمة كبيرة وتقولك زوجتك راني معاك في الحلوة والمرة
ونكمل معاك لآخر دقيقة كيفاه تكون في نظرك هاد الانسانة وهل رايح تكون وفي ليها ولا غير تطلع بيك تطيشها؟
واذا قاتلك مثلا نخليك ماعندي ماندير بيك كي طاحت بيك وتتخلى ليك واش دير معاها؟ (هنا بعدو الاطفال خاطر رايح يكون فيها مشاهد عنيفة :p)

​

ياو ما نحتاجهاش تقلي نحتاجها تأكدلي خخخخ خاصة في الازمة المالية
يعني من خلال كثير من المشاهد اللي مرت عليا من اسوا الاشياء اللي ممكن ما تصبرش عليها المراة في زوجها هي المال
ماعندها مادير بيا نورمال نقلها لكم دينكم وليا دين :love01:
​

 

["viola"]

رد: آدم و حواء يتساألان (العدد الثاني)

يعني كيفاه زميلتو في العمل يكشر عليها انيابو
مثلا طبيب اسكو تليق يحكي بالبروتوكولات والبروتوكول هذا ماهي نوعيتو او كيفيتو ؟
​

مقلناش يكشر السبع تاعي يعرف يكشر عليا انا برك -__________-
زميلتو و لا ال boss تاعو قلنا بروتوكولات ..كفاه نوعيتو مش عارفة انا يكون رسمي و خلاص مش يبدا يحننلي في صوتو و يجيب و يدي معاها فالهدرة تقولو السلام عليكم يقلها و عليكم مع السلامة :d
يخي ميزعكوهش مالخدمة لا ماكانش "لبق" ​

 

["viola"]

رد: آدم و حواء يتساألان (العدد الثاني)

واشوا اللباقة مع النساء هادي؟؟ -_-
نطيرلو لسانو ونطيبهولو ياكلو هههه
اللباقة يخليها مع الرجال برك واذا حب لباقة مع النساء يمدهالي ليا برك :p
يحترم النساء صح مثلا مايتطاولش عليهم بالهدرة ويخاف عليهم كلامو يكون نظيف معاهم ، مثلا كي نشوف راجل متزوج
في وسط الحافلة يخلي امراة تقعد وهو يوقف خاطر يخاف عليها كأخت ليه هادا نحتارمو ونورمال
بصح ماش يطلقلي لسانو معاها ويحكيلها قصة حياتو -_-

​

هذا ما كنت اتحدث عنه يا اختااه :d:d​

 

[Hakan]

رد: آدم و حواء يتساألان (العدد الثاني)

مقلناش يكشر السبع تاعي يعرف يكشر عليا انا برك -__________-
زميلتو و لا ال boss تاعو قلنا بروتوكولات ..كفاه نوعيتو مش عارفة انا يكون رسمي و خلاص مش يبدا يحننلي في صوتو و يجيب و يدي معاها فالهدرة تقولو السلام عليكم يقلها و عليكم مع السلامة :d
يخي ميزعكوهش مالخدمة لا ماكانش "لبق" ​

آخخخ منكم والله ساعات نحير فيكم
كاين شيء بنات غير تبتاسملها ابتسامة ضريفة وتكون لبق في الرد
تقتلك بعينيها ارواح اذا خليتلها البلاصة تموت فيك طول ..هههه

ايا سؤال :

التكيف مع العادات والتقاليد هل هو سهل بالنسبة للمراة او صعيب واقصد هنا تقاليد عائلة الزوج ؟
​

 

[لؤلؤة قسنطينة]

رد: آدم و حواء يتساألان (العدد الثاني)

مقلناش يكشر السبع تاعي يعرف يكشر عليا انا برك -__________-
زميلتو و لا ال boss تاعو قلنا بروتوكولات ..كفاه نوعيتو مش عارفة انا يكون رسمي و خلاص مش يبدا يحننلي في صوتو و يجيب و يدي معاها فالهدرة تقولو السلام عليكم يقلها و عليكم مع السلامة :d
يخي ميزعكوهش مالخدمة لا ماكانش "لبق" ​

هههههههه الله يعطيك الربح
ضحكتيني في نص الليل سورتو يحننلي صوتو ههههه
يخي ايمان يخي هههه
​

 

["viola"]

رد: آدم و حواء يتساألان (العدد الثاني)

آخخخ منكم والله ساعات نحير فيكم
كاين شيء بنات غير تبتاسملها ابتسامة ضريفة وتكون لبق في الرد
تقتلك بعينيها ارواح اذا خليتلها البلاصة تموت فيك طول ..هههه

ايا سؤال :

التكيف مع العادات والتقاليد هل هو سهل بالنسبة للمراة او صعيب واقصد هنا تقاليد عائلة الزوج ؟
​

ايوه ..و نتا تقولي نكون لبق معاها هاراها تصيدك ديراكت ههه
..........
منيش عارفة بصح لي راحو قااع قالك صعيب بصح مع الوقت والفو ​