آدم و حواء يتساألان (العدد الثاني)

[زهرة اللمة]

رد: آدم و حواء يتساألان (العدد الثاني)

سؤاااااال لادم

لو كاان كل ما تدخل للدار تلقى صديقاات زوجتك عندهااااااااااا وااش تدير ؟؟؟

 

[Salah eddin]

رد: آدم و حواء يتساألان (العدد الثاني)

اممم زعما الرجال تع هاذ الزمان ما يخصهم والو ؟
​

ههه

صح ...كاين رجال معندهمش حس المسؤولية

ولكن
كل واحد الله يسهل عليه
......
اما بخصوص ...المراة الاولى بها طاعة زوجها ام بر الوالدين

انا نظن بلي تلهى بزوجها خير ....و بر الوالدين مش معناه تظاي قاعدة عندهم ....روحي ليهم مين ذاك ...
الاولى بيك هو راجلك ....ابداو بالواجب ثم المستحب
:d
​

 

[Salah eddin]

رد: آدم و حواء يتساألان (العدد الثاني)

سؤاااااال لادم

لو كاان كل ما تدخل للدار تلقى صديقاات زوجتك عندهااااااااااا وااش تدير ؟؟؟

نروح نشريلهم الGاطو
ههه

هذي حاجة نورمال

بصح من المفروض تعلمني
:up:
​

 

[لؤلؤة قسنطينة]

رد: آدم و حواء يتساألان (العدد الثاني)

لماذا الكثير من النساء تحكي مع صديقتها اكثر من زوجها ؟

صار والديها مايخليهاش تزورهم خلي يا تهدر مع صديقتها هههه
انا عن نفسي ماعنديش صديقات يعني راهو مهني
غير هاد الشي كي يكون غايب ونحكي مع صديقتي مافيها والو اكيد ماش اسرار بصح نحكي نورمال
واذا كان قدامي وجا من العمل راني نحكي معاه مستحيل هو قاعد قدامي وانا مديتها دردشة مع صاحبتي
الا اذا كان موضوع مهم


​

 

[يونس قاسم]

رد: آدم و حواء يتساألان (العدد الثاني)

سؤاااااال لادم

لو كاان كل ما تدخل للدار تلقى صديقاات زوجتك عندهااااااااااا وااش تدير ؟؟؟

اذا كان مايديرونجوش يعني في بلاصة وحدهم نكون براحتي عادي اهلا و سهلا بهم
واذا فيهم ديرونجمون لالا مانقبلش

 

[زهرة اللمة]

رد: آدم و حواء يتساألان (العدد الثاني)

سؤاااااال لادم


راااااااااح تراقب هاااااااتف زوجتك ؟؟؟؟؟؟؟

 

[باتنية و نص]

رد: آدم و حواء يتساألان (العدد الثاني)

أواه ننسحب أحسن
شاوية وراسي خشين وخاطيني مواضيع النقاش
تقولولي السما زرقة نقولكم صفرا
كون نطول فهاذ الموضوع..يسخسرو عليا "حظر "
لبنات بلا منوصيكم . الحرب .الحرب .الحرب
واذا كشما حكمتو خائنة اصفعنها وصرفقنها حتى الموت لول
سعدت بالنقاش معكم
ليلة سعيدة
نحياتي

 

[Salah eddin]

رد: آدم و حواء يتساألان (العدد الثاني)

سؤاااااال لادم


راااااااااح تراقب هاااااااتف زوجتك ؟؟؟؟؟؟؟

ههه
اصلا مانخليهاش دير تليفون ....كي تحوس تكلم ....نعطيها تيليفوني

هه

​

 

[زهرة اللمة]

رد: آدم و حواء يتساألان (العدد الثاني)

ههه
اصلا مانخليهاش دير تليفون ....كي تحوس تكلم ....نعطيها تيليفوني

هه

​

منك بصح

 

[يونس قاسم]

رد: آدم و حواء يتساألان (العدد الثاني)

سؤاااااال لادم


راااااااااح تراقب هاااااااتف زوجتك ؟؟؟؟؟؟؟

لالا مانراقبش اذا مش واثق فيها مانتزوجش بيها خير
الثقة اساس صلح العلاقة

 

[Salah eddin]

رد: آدم و حواء يتساألان (العدد الثاني)

منك بصح

هاو وش تحسبي...هه

راكي دايرتني سيفيليزي وقيل؟؟ والو ...مكاش gاع اللعب

ههه
​

 

[{مُدَلَّلَتُهُ}]

رد: آدم و حواء يتساألان (العدد الثاني)

ههه

صح ...كاين رجال معندهمش حس المسؤولية

ولكن
كل واحد الله يسهل عليه
......
اما بخصوص ...المراة الاولى بها طاعة زوجها ام بر الوالدين

انا نظن بلي تلهى بزوجها خير ....و بر الوالدين مش معناه تظاي قاعدة عندهم ....روحي ليهم مين ذاك ...
الاولى بيك هو راجلك ....ابداو بالواجب ثم المستحب
:d
​

ما قلتلكش تظل عندهم بصح تزورهم مرة على مرة يا لوكان تقضي معاهم عشية كل شهر . . كيدايرة هادي والديها عايشين و هي مشتاقة تشوفهم
بر الوالدين مستحب :s ها خيي شتاو ذا ؟ !
​

Enregistrer​

 

[لؤلؤة قسنطينة]

رد: آدم و حواء يتساألان (العدد الثاني)

يا سيدتي
انا مقلتش ...اقطعي الدورة على والديك

انا قلت تزوريهم فالمناسبات ...مش تظلي طالعة هابطة
ههه



​

طيب قلت تزورها في المناسبات
مثلا عيد الاضحى الفترة لي تزور فيها المراة والديها لا تتجاوز ساعتين
وعيد الفطر نفس الشي
ورمضان شكون الرجل لي يقبل يقعد بلا فطور ومرتو عند يماها يسمى نلغيو رمضان
مناسبات اخرى كيما الاعراس نقولو ماكانش اعراس الشعب كاملم تزوج
يسمى في رايك المرأة في العام كامل تزور والديها 4 ساعات برك؟؟
اذا قدر الرجل يصبر على والديه ومايزورهمش غير 4 ساعات في العام تما معليش
وطاعة الزوج ماش غير في زيارة الوالدين، الزوج لي يشوف رجل كبير في السن ومرتو وحدهم في دار
لا من يطل عليهم ولا يزورهم ويقبل نورمال ويزيد يحرم مرتو تشوفهم
هادا من رايي يروح عند الجزار يشري قلب -_-
​

 

[{مُدَلَّلَتُهُ}]

رد: آدم و حواء يتساألان (العدد الثاني)

سؤاااااال لادم


راااااااااح تراقب هاااااااتف زوجتك ؟؟؟؟؟؟؟

لاكان مش واثق فيها على تيليفون علاه استأمنها على داره و عرضه و أولاده . . الثقة أساس الزواج و اذا انهارت الثقة غي قولي للزواج بالسلامة
​

 

[Salah eddin]

رد: آدم و حواء يتساألان (العدد الثاني)

ما قلتلكش تظل عندهم بصح تزورهم مرة على مرة يا لوكان تقضي معاهم عشية كل شهر . . كيدايرة هادي والديها عايشين و هي مشتاقة تشوفهم
بر الوالدين مستحب :s ها خيي شتاو ذا ؟ !
​

Enregistrer​

ياه ... ياه...
صافي 25 سنة و لا 85 سنة وهي عايشة مع والديها gاع ماجاهاش بر الوالدين :s:s

كي تزوجت ...جاها بر الديها

ايا خلونا رحم على والديكم

والله العظيم

قلنا تروحي فالعيد و خلاص
ههه


​

 

[Salah eddin]

رد: آدم و حواء يتساألان (العدد الثاني)

طيب قلت تزورها في المناسبات
مثلا عيد الاضحى الفترة لي تزور فيها المراة والديها لا تتجاوز ساعتين
وعيد الفطر نفس الشي
ورمضان شكون الرجل لي يقبل يقعد بلا فطور ومرتو عند يماها يسمى نلغيو رمضان
مناسبات اخرى كيما الاعراس نقولو ماكانش اعراس الشعب كاملم تزوج
يسمى في رايك المرأة في العام كامل تزور والديها 4 ساعات برك؟؟
اذا قدر الرجل يصبر على والديه ومايزورهمش غير 4 ساعات في العام تما معليش
وطاعة الزوج ماش غير في زيارة الوالدين، الزوج لي يشوف رجل كبير في السن ومرتو وحدهم في دار
لا من يطل عليهم ولا يزورهم ويقبل نورمال ويزيد يحرم مرتو تشوفهم
هادا من رايي يروح عند الجزار يشري قلب -_-
​

اودي حوى واعرة صح ...و الله

ماعليش ..هذو اذا كانو و الديك و وحدهم ماعليش ...روحي ليهم كل سمانة و لا كل شهر.ماقلناش

اما اذا كان عندك خاوتك و لا خواتاتك ..وقايمين بيهم

نتي ...وعلاه تظلي طالعة ..هابطة ؟؟؟:-h
​

 

[{مُدَلَّلَتُهُ}]

رد: آدم و حواء يتساألان (العدد الثاني)

ياه ... ياه...
صافي 25 سنة و لا 85 سنة وهي عايشة مع والديها gاع ماجاهاش بر الوالدين :s:s

كي تزوجت ...جاها بر الديها

ايا خلونا رحم على والديكم

والله العظيم

قلنا تروحي فالعيد و خلاص
ههه


​

هاااااااا حليلي أنا لاه رح تديها عاقة والديها . . ها خلينا من الهدرة هاذي . . انت تصبر على والديك و تزورهم خطرتين في العام ؟ تصبر تشوف أمك كبدتها محروقة على اختك الي متزوجة و ما تزورهاش ؟ تصبر غدوة على بنتك لوكان ما تشوفهاش غير كل فين و فين ؟ كيما تشوف لروحك شووف لزوجتك كيما انت تحس هي تحس كثر منك

Enregistrer​

 

[Salah eddin]

رد: آدم و حواء يتساألان (العدد الثاني)

يا يونس............. هاوين راك؟؟

راه يتحاماو

اااوو
​

 

[لؤلؤة قسنطينة]

رد: آدم و حواء يتساألان (العدد الثاني)

اودي حوى واعرة صح ...و الله

ماعليش ..هذو اذا كانو و الديك و وحدهم ماعليش ...روحي ليهم كل سمانة و لا كل شهر.ماقلناش

اما اذا كان عندك خاوتك و لا خواتاتك ..وقايمين بيهم

نتي ...وعلاه تظلي طالعة ..هابطة ؟؟؟:-h
​

مالا والديا ماعندهمش من غيري انا واختي
اذا تزوجنا فيزوج يبقاو وحدهم ^^
يسمى تم الاتفاق باه نروح
وبلا حكاية قايمين بيهم مانتوحشهمش؟؟ ماراهمش والديا لي كبروني وتعبو عليا؟؟
نجي انا بين يوم وليلة نقولهم لالا داري وولادي
ماجاتش هادي

سؤالي لآدم
تقبل لمرتك تروح للاعراس بزاف
سواءا من جيهتك ولا من جهة عايلتها؟
​

 

[يونس قاسم]

رد: آدم و حواء يتساألان (العدد الثاني)

اذا كان عرس افامي تروح من جهتي ولا جهتها بصح البعاد علينا تنساهم