لبنات
خليكم متفهمات ومتحكيوش باسمنا كامل
لأنو موضوع زيارة الوالدين بالذات عندي تحفظ اتجاهو
واللي رح يخطبني شرطي الاول نقولو متدينيش لدارنا بزاف
خاطش ميحس بالجمرة غير اللي عفس عليها
نتوما مجربتوش احساس تكون عندك اخت مزوجة بولادها كل ويكاند تزدم عليكم
تتمناي تكوني مع جماعة مالي فالطرق تمسحي الطاكسيات ومتريحيش فهذيك الدار
ها لعياط تع لولاد..التكسار ..الحس ..المنشار
وكي كي تجي تحكي يبداو يتباكاو ويبداو دموع التماسيح
هذي دار بابانا وهذا وش عندنا فهاذ الدنيا
وين حبيتونا نروحو ؟!
وتفوت عليهم لحظة تع كرامة وكبرياء..يبداو بالحليف بالكفارة وصيام العام منزيدو نعتبوها .تهز تلفونها تعيط لراجلها ارواح اديني
تحسي بشوي تانيب ضمير ..مباعد تغمرك سعادة .واخيرا تهنيت
ميفوتوش يومين تسمعي لاصونات تع داركم تحرقت
تحلي لباب تلقاي قرد معنقش الثم تهبطيه بلكفوف
تحكمك اختك تبوسك وتسلم عليك 6 تقول جاية من الحج ..تقولك توحشتوني اه ؟!!
وضك شكيت دارو دوبل للمفتاح تع الدار نكون قاعدة نلقاهم مسامييني عادي
حتى امك مسكينة تحشم تحاوزك
