تطليق الزوجة المصابة بسرطان الثدي

[دعاء الجنات]

سلام عليكم ناس اللمة واش راكوم. عندي بزاف ماكتبتش حبيت اليوم نفرق قلبي
-بزاف وبزاف نسمعو بيهم دايما ، وماكان لاه نغطو الشمس بالغربال
-يتزوجو ويتفاهمو يكونو مع بعض في الحلو والمٌر ... بصح يقدر ربي ولا مفر من قضاءه تمرض الزوجة بسرطان الثدي (انا اتكلمت على هاذ المرض بالذات لأنو حساس) بدون رحمة ولا شفقة يطلقها ولا يحطها عند ماليها ويخليها شبه مطلقة.،، في الوقت لي تكون هي نفسيتها في الصفر ومحتاجة لصدر حنون......
تلقا روحها عايشة وميتة في نفس الوقت ، والله عيب وحرام الدنيا عمرها ماتدوم ولوكان تزوج ألف مرة جاي جاي نهار لي ترقد فيه فراش... ياسيدي ياك ربي حلل اربع 444444444 نساء عاود اتزوج بلا ماتظلم الزوجة المريضة لي ماعندها غير ربي سبحانو، والله في الغرب ويكون يحب مرتو والله يصرا واش يصرا مايتخلاش عليها حتى الموت اما حنا(حاشا لي مايستهلش) في أول مصيبة تقع على مرتو يخليها ويقولك ماعندي ماندير بيها ، الحيوان ومايديرهاش
اسمحولي انا وجعني قلبي لأنو قريبة ليا صرالها هاد المرض الخبيث واضطرت لنزع احد الثديين طلقها راجلها وقالت الحمد لله صابرة على جال ولادها ، العلاقة الزوجية لي راهي مقدسة والزوجين يوقفو مع بعضهم في الحلو والمر ماشي هكذا
اسمحولي ادا طولت عليكوم حاشا لي مايستاهلش اعذروني اذا طولت مارديتش عليكوم
والسلام.​

 

[Skor m@k]

رد: تطليق الزوجة المصابة بسرطان الثدي

السلام عليكم
اولا هذي مكاتيب الله يبتلي الناس بماشاء ولانها دار بلاء لازم الواحد يصبر
والبلاء مكاش لي يضمن ما يبتلى ولو بابسط الاشياء
فكما هناك بلاء بالخير كاين بلاء بالشر
ثانيا انا نقول لي طلق مرتو على جال مرض نظنو ماشي راجل وماشي تاع مسؤلية
كيما فرح معاها فالفرح لازم عليه يوقف معاها فالشدة
وهذا المرض الخبيث عافانا الله من كل الامراض مش لي راح يمنع الزوجة من خدمة زوجها
او تولي مقصرة في حقو مثلا متقدرش طيبلو ولا تغسل لحوايج
ربي يهدينا ويعافينا
شكرا لك ختي

 

[بقايا إنسان]

رد: تطليق الزوجة المصابة بسرطان الثدي

سلام الله عليكم ورحمة الله وبركاته وبعد:نشكرك اختنا الكريمة على هذا الطرح الهادف ونحييك على طرحه بشجاعة ربما غابت عن الكثير من الناس ونقولك أن ما أصاب الانسان من مرض هو من الله ومشي عيب فأرى غياب النخوة والشهامة من الرجل لي ابتلاه ربي في زوجتو ومرضت بهذا المرض فكان بدل الصبر على البلاء والوقوف الى جنب زوجتو في هذه المحنة واجره على الله غير منقوص اتبع ما يجرح شريكة عمره وما توسوس به النفس فيرميها مطلقة عند اهلها بذنب لم تقترفه وهذا عين الانانية وانعدام الانسانية ربي يرفع البلاء ويعجل لهذه المريضة ولجميع مرضى المسلمين بالشفاء
تقبلي مروري المتواضع اختنا الكريمة

 

[GI Joe]

رد: تطليق الزوجة المصابة بسرطان الثدي

rohti b3id, la plu part djiha grippe ykhaliha fi darhom alr la cancer, w li tghid c que had les maladies doka ta9der tfi9 biha w tdawiha mais ykhaliha f dar matchoufech tbib hatan tweli 40 kg

aaalmohim kayen li fihom rahma mart 3ami allah yarhemha semhet l 3ami bach yezewedj mais mahabch stahfedh biha jusqu au dernier moment dayerlha ki l bébé, 2ans wala kthar w ki matet allah yarhemha zewedj bentou w bnou baach khamem f zwedj :love01::love01:
​

 

[لاريمان]

رد: تطليق الزوجة المصابة بسرطان الثدي

من المفروض في السراء والضراء لكن الله غالب مصالح حتى في اسمى العلاقات

 

[دعاء الجنات]

رد: تطليق الزوجة المصابة بسرطان الثدي

السلام عليكم
اولا هذي مكاتيب الله يبتلي الناس بماشاء ولانها دار بلاء لازم الواحد يصبر
والبلاء مكاش لي يضمن ما يبتلى ولو بابسط الاشياء
فكما هناك بلاء بالخير كاين بلاء بالشر
ثانيا انا نقول لي طلق مرتو على جال مرض نظنو ماشي راجل وماشي تاع مسؤلية
كيما فرح معاها فالفرح لازم عليه يوقف معاها فالشدة
وهذا المرض الخبيث عافانا الله من كل الامراض مش لي راح يمنع الزوجة من خدمة زوجها
او تولي مقصرة في حقو مثلا متقدرش طيبلو ولا تغسل لحوايج
ربي يهدينا ويعافينا
شكرا لك ختي

بارك الله فيك اخي كيما قلت كيما عرفها في الفرح وكيما كانت صحيحة ياك ماقصرتش ، الله غالب كي مرضت لازم يعرفها تاني ويوقف معاها
امين ربي يعافينا

 

[miss victoria]

رد: تطليق الزوجة المصابة بسرطان الثدي

allah yhdi makhl9

 

[دعاء الجنات]

رد: تطليق الزوجة المصابة بسرطان الثدي

سلام الله عليكم ورحمة الله وبركاته وبعد:نشكرك اختنا الكريمة على هذا الطرح الهادف ونحييك على طرحه بشجاعة ربما غابت عن الكثير من الناس ونقولك أن ما أصاب الانسان من مرض هو من الله ومشي عيب فأرى غياب النخوة والشهامة من الرجل لي ابتلاه ربي في زوجتو ومرضت بهذا المرض فكان بدل الصبر على البلاء والوقوف الى جنب زوجتو في هذه المحنة واجره على الله غير منقوص اتبع ما يجرح شريكة عمره وما توسوس به النفس فيرميها مطلقة عند اهلها بذنب لم تقترفه وهذا عين الانانية وانعدام الانسانية ربي يرفع البلاء ويعجل لهذه المريضة ولجميع مرضى المسلمين بالشفاء
تقبلي مروري المتواضع اختنا الكريمة

بالاك كاين لي يحشمو يحكو في هاذ السيجي نهار يخدمو الزبايل مايحشموش وكي نحكو على الصح تجيهم الحشمة لا علينا ، شكرا على الرد. المرأة ضعيفة ضعفين "وخلق الإنسان ضعيفا" هاذي اولا و"الرجال قوامون على النساء" هاذي ثانيا وزيد المرض ثالثا واذا زوجها ماقبلهاش شكون لي راح يقبلها ربييشفي الجميع وشكر متحدد

 

[دعاء الجنات]

رد: تطليق الزوجة المصابة بسرطان الثدي

rohti b3id, la plu part djiha grippe ykhaliha fi darhom alr la cancer, w li tghid c que had les maladies doka ta9der tfi9 biha w tdawiha mais ykhaliha f dar matchoufech tbib hatan tweli 40 kg

aaalmohim kayen li fihom rahma mart 3ami allah yarhemha semhet l 3ami bach yezewedj mais mahabch stahfedh biha jusqu au dernier moment dayerlha ki l bébé, 2ans wala kthar w ki matet allah yarhemha zewedj bentou w bnou baach khamem f zwedj :love01::love01:
​

عندك ااحق كاين يحكمها لاڨريب يخليها في دار باباها، اما كاين لي فيهم الرحمة كيما عمك وبزاف هادو هوما لي يرضا عليهم ربي ومايدروش واش راح يخيبلهوم

 

[koko DZ]

رد: تطليق الزوجة المصابة بسرطان الثدي

والله هد الموضوع كاين بزاف شغل هما يحبو المراة متمرضش خلاص واذا مرضت لقدرالله يطلقها دركت

علاه نتا متمرضش

ربي يشافي كل مريض

 

[أم جود]

رد: تطليق الزوجة المصابة بسرطان الثدي

سلام عليكم ناس اللمة واش راكوم. عندي بزاف ماكتبتش حبيت اليوم نفرق قلبي
-بزاف وبزاف نسمعو بيهم دايما ، وماكان لاه نغطو الشمس بالغربال
-يتزوجو ويتفاهمو يكونو مع بعض في الحلو والمٌر ... بصح يقدر ربي ولا مفر من قضاءه تمرض الزوجة بسرطان الثدي (انا اتكلمت على هاذ المرض بالذات لأنو حساس) بدون رحمة ولا شفقة يطلقها ولا يحطها عند ماليها ويخليها شبه مطلقة.،، في الوقت لي تكون هي نفسيتها في الصفر ومحتاجة لصدر حنون......
تلقا روحها عايشة وميتة في نفس الوقت ، والله عيب وحرام الدنيا عمرها ماتدوم ولوكان تزوج ألف مرة جاي جاي نهار لي ترقد فيه فراش... ياسيدي ياك ربي حلل اربع 444444444 نساء عاود اتزوج بلا ماتظلم الزوجة المريضة لي ماعندها غير ربي سبحانو، والله في الغرب ويكون يحب مرتو والله يصرا واش يصرا مايتخلاش عليها حتى الموت اما حنا(حاشا لي مايستهلش) في أول مصيبة تقع على مرتو يخليها ويقولك ماعندي ماندير بيها ، الحيوان ومايديرهاش
اسمحولي انا وجعني قلبي لأنو قريبة ليا صرالها هاد المرض الخبيث واضطرت لنزع احد الثديين طلقها راجلها وقالت الحمد لله صابرة على جال ولادها ، العلاقة الزوجية لي راهي مقدسة والزوجين يوقفو مع بعضهم في الحلو والمر ماشي هكذا
اسمحولي ادا طولت عليكوم حاشا لي مايستاهلش اعذروني اذا طولت مارديتش عليكوم
والسلام.​

سلام عليكي اختي انا عجبني موضوع يلي طرحتيه والله غير عندك الصح انا نعرف شي نسا مايسمحوش في الراجل واش مايصيرله بصح هذي هي المرا اما بنسبة الي الرجل الله يهديه
الله يشافي كل مرضي السرطان ويصبرهم على الوجع

 

[شهيناز بنت بلادها]

رد: تطليق الزوجة المصابة بسرطان الثدي

ماحقش عليه يطلق مرتو وهي في اشد الحاجة ايه
هذا اقسى شي ممكن يديرو
يطلقها لانها مريضة
الحيوان وتلقى عندو رحمة اكثر منو
المراة ترفد كلش
تقاسي وتتحمل و في التالي
"اكي مريضة نطلقك "
اي نوع من اللازواج او اي نوع من البشر
يتخلص من مرتو فقط لانها مرضت مرض خبيث
علاش مايوقفش معاها كيما هي وقفت وقاسات
حسبي الله ونعم الوكيل
مشكورة على طرح الموضوع اختي

 

[cosette]

رد: تطليق الزوجة المصابة بسرطان الثدي

آلسلآم عليكي
آختي موضوعك لفت إنتبآهي
معك حق
كيف زوجة مريضة بسرطآن وآلعيآذ بآلله تروح تلطقهآ؟؟؟؟؟؟؟؟؟؟:s
نوغمآلمون يوقف بجآنبهآ ويسآندهآ ويدآويهآ بآبسط آلآمور
فوق مرضهآ يزيد يطلقهآ
حسبي آلله ونعم آلوكيل فيهم
ليسوآ رجآل آبدآ
آسفة آختآه
سلآمي لكي
موضوع آعجبني
إن شآء آلله توصل رسآلتي ليبهم​

 

[العَنْقَاءُ]

رد: تطليق الزوجة المصابة بسرطان الثدي

نسأل الله السلامة والمعافات
موضوعك كالحطب على النار
لا اعلم اختي ما أقول لكن أؤمن أن المراة غالبا
إن علمت أنّ زوجها مرض
سوف تقف معه في السراء والضراء
فقصة سيدنا ايوب على وقوف زوجته معه
أعطانا الله دليل وبرهان أن المراة تصبر على البلاء ! مع زوجها
قد تبيع شرفها قد تبيع كبدها
أكثر من الرجل في مثل هذه المواقف
وهناك كثير رجال وقفوا مع زوجاتهم في مثل هذه المواقف
حتّي لا نكذب على أنفسنا
وإن شاء الله لا تكون حقيقة ما في موضوعك
مسألة الزواج بين الحبيبين ليست كلها دلع ثم ولع
مسكينة المرأة
الله يرزقك الزوج الصالح
وجزاكِ الله خيرا


​

 

[asma.la.saharienne]

رد: تطليق الزوجة المصابة بسرطان الثدي

ربي يهديهم خي نورمالموا في وقت الشدة كيما هاذي يزيد يتمسك بيها ويساندها لانو النفسية تكون تاعبة ربي يشفي جميع المرضى والمبتلين

 

[الامين محمد]

رد: تطليق الزوجة المصابة بسرطان الثدي

الرجل الذي يعمل هذا جبان
و ليس فيه من الرجولة الا الاسم
الزوجة في هذا الوقت تحتاج وقفة زوجها
و اذا كان الزوج يبحث عن غريزته فقط بلا انسانية
لا يستحق يكون زوج​

 

[(منير)]

رد: تطليق الزوجة المصابة بسرطان الثدي

بسم الله الرحمن الرحيم
وعليكم السلام ورحمة الله وبركاته
يقو الله تعالى في سورة البقرةالاية 237
(ولاتنسوا الفضل بينكم ان الله بما تعملون بصير)
سيدتى الفاضلة شكرى موصول لك على هذا الطرح.
وساوجز لك ان شاء الله فى ردى هذا
ان السيدة المريضة شفاها ربى وعفاها بمرض السرطان
قادر على ان تعمل في بيتها. وتسهر على شؤون اولادها وزوجها .
فارى والله تعالى اعلم انها مادمت قد بطرت احدى ثدييها فهى .تستعمل حصص (الشيميو) مرة في الشهر او اقل
ففى ذاك اليوم تكون منهارة القوى.
وبعد ذالك اليوم تكون في احسن حال .
بعد تناولها الدواء الكافي .
فمن هنا اقول يتوجب على حبيبها ان يراعى لنفسيتها.
وان يعاملها بالمعروف.
وان يحافظ على ذالك الحب الذى كان ولايزال بينهما
وليعلم ان زوجته في امس الحاجة للمساندة فهى في ظروف قد تجتازها بنجاح.
ويبقى كل ماحدث لها مجرد ماضى لن يعود..ولاندرى الدور على من..؟!
وفى الاخير يبقى دور الحب ثم التضحية
ثم الانسانية
مرة اخرى الله اسال ان يشف تلك السيدة بشفاءه
واذا امكن لها ان تقرا سورة الرحمن يومين
كما تردد هذه الاية مرات عدة في سورة طه الاية 105
ويسءلونك عن الجبال فقل ينسفها ربى نسفا)

 

[دعاء الجنات]

رد: تطليق الزوجة المصابة بسرطان الثدي

بارك الله فيكم على الردود كلها قيمة
نحن نحكي عن واقع يحدث كل مرة غير هذا نسأل الله أن يعافينا ويطيل اعمارنا على طاعته
شكراا للجميع

 

[ليليا مرام]

رد: تطليق الزوجة المصابة بسرطان الثدي

السلام عليكم اختي ملاك اهلا وسهلا
شوفي اختي نقولك اللي يدير هاكا حاشا واسمو راجل انا عندي لانو هو ما يضمنش روحو كان يمرض او لا نمدلك مثالين مختلفين
عندي جارتي مسكينة مريضة بالسرطان وزادها الكلى راجلها يوقف عند راسها ويعايرها ما تامنيش واحد الكلام يفتت الحجر ويقولها نجيب عليك مرا وهي تقولو تزوج من حقك مي علاه المعايرة تخيلي واش يصرا واقف فيوم يطيح فالطريق وحدو راه مشلول امني والا اقعدي هي راهي تتحسن وهو راه مشلول وهي ترفد فيه لما يشفوها هكذاك يولي يبكي يتفكر كيفاه ظلمها وهي مسكينة كانت تسهر الليل تبكي لربي من كلامو اللي يجرح عيب والله عيب
فالمقابل واحد يخدم مع يمى شوفي زوجتو مشولة من 20 سنة مشلولة كليا جاب معاها ولد واحد ربى وليدو وكبرو وتامني هو يدير كل شي وعندها اهلها وما يحبش يديها عندهم يقولهم تجو مرحبا بيكم اما نخليها محال هو يطيب ويغسل ويدير كل شي وقالولو اهلو تزوج عليها قالهم محال راني معاها حد يفرج ربي وفالخدمة مساعفينو يطلع مع 9 يطيبها الحليب ودوشلها ونقيها ويحطها ويروح ويرجع يفطرها ومتعاون هو ووليدو عليها هذا مثال اسمحلي من حقهم الرجال يدو العبرة منو
المرض مش عيب شوفي انا مريضة مرض كبير وقادرة نتشلل وقادرة يصرا كل شي مي خطيبي يحبني وقابل بيا وقالي محال نفرط فيك واهلو كامل عارفين رغم اني كل مرة نقولو خمم يقولي ما تعاوديهاش كاين الرجال وكاين اللي يشبهولهم بالجسد وفقط
الله يهديهم عيب والله عيب