طفولتك أيها العضو/ة اللماوي تحت عدساتنا(العدد17)Malika Tlm

[Malika Tlm]

رد: طفولتك أيها العضو/ة اللماوي تحت عدساتنا(العدد17)Malika Tlm

السلام عليكم
وعليكم السلام ورحمة الله وبركاته

ختي مليكة نتمنى راك مليحة ومهنية ومرتاحة البال
راني في نعمة والحمد لله ربي يدومها يارب
رجعتلك مرة أخرى إستضافتك
مربا بيك علي الراس والعين تفضل سيدي الفاضل
قريت مرة في رد مشاركة لإحداهن نادتك بإسم دلع ميكو
ههه لالا اسم ميكو حتي كبرت ودلعوني بيه عايلتي ومرات يقولولي ميلكا ههه بصح نتاع كراميل لاخاطر نموت عليها باش المرة الجاية كي تجي تسالني تجيب علية فيديك بصح ناكدلك كراميييل ههه
ترى هو من ظفولتك ومن سماك بالدات أم هو وليد مع الأحفاد والصديقات ؟
نتمني نكون وفقت فاجابتي علي ميكو ههه
مليكة الصغيرة هل كانت تلحس إصبعها خفية بما تخبئه الأم في الثلاجة أو في القدر أم خطيها سقايط ؟
ههههه راك تعرف الصغر يبين بلانات ايييه كنت موخدة ماما وين ما تخبي الحاجة نجبدها وناكلها هههه
مليكة حاليا هل تتذكر كذبة أخذت عليها طريحة أم أنها لم تكذب في طفولتها من أجل مصلحة ؟
كامل مين نكونوا صغار باش نسلكوا راسنا نكدبو وكليت طرييييحات عليها ههههههه الصغر يبين البلانات راك تعرف
ترى هل كانت أختي في صغرها حافظة لبعض الآيات أو السور أم حتى سن الرشد ؟
الحمد لله الوالد ربي يرحموا علمنا من الصغر الصلاة وتلاوة القران ربي يجعلها في ميزان حسناته
تحياتي وإحتراماتي لأختي مليكة ومعذرة إن أحرجتك في سؤال ما
لي الشرف شيخ اللمة بتواجدك ضيف عندي علي الرحب والسعد كل وقت
​

تقبلوا تحياتي

تحياتي لك وشكرا

 

[رابح66]

رد: طفولتك أيها العضو/ة اللماوي تحت عدساتنا(العدد17)Malika Tlm

السلام عليكم

ترحب بيك الجنة أختي وسيدتي الفاضلة مليكة
حقا هذا من نبل أخلاقك وطيبة قلبك ونقاء سريرتك
وفرحتي بيك كبيرة لشهادتك للوالد ربي يرحمه ويوسع عليه
ولك مني هذه الهدية إكراما وتحت طلبك


ولي عودة إن كان في العمر بقية ومتسع من الوقت​

تقبلوا تحياتي

 

[سكون الفجر]

رد: طفولتك أيها العضو/ة اللماوي تحت عدساتنا(العدد17)Malika Tlm

ملوكة أحييكِ على لطافتك وجمال أخلاقك وطيب روحك
الله يحفظك حبيبتي ويحميكِ

اوصفي لي اجواء رمضان حسن كنتي طفلة ثم اوصفي لي عيد الفطر ثم الاضحى.
هل كانت هناك ايام معينة في الاسبوع تذهبون بها لزيارة الجد والجدة؟
هل هناك عادة معينة تميزك عن باقي الاطفال؟

بالتوفيق عزيزتي ❤❤

 

[عاشقة الإحسان]

رد: طفولتك أيها العضو/ة اللماوي تحت عدساتنا(العدد17)Malika Tlm

السلام عليكم

حبيبتي مليكة بلاك ألحقت روطار ،مي معليش أن تصل متأخرا خير من أن لا تصل ههههه

حابة نسولك معرفتش إيلا طرحومهم من قبل و لا لا

ما هو أصعب موقف مررت به في طفولتك وما قدرتيش تنسايه ؟

متى أحسست أن برائتك بدأت تتلاشى ،أي وليتي حيلية ؟

من أحزنك من أقرانك في القسم و لم تستطيعي نسيانه؟

معلم أو معلمة كنت تموتي عليها في الصغر ، و العكس أي المعلم اللي مكنتيش تحبي الحصة تاعو ؟

هل كنت منظبطة في الدراسة ؟ أي عدم تأخر و إحضار الأدوات كاملة و إنجاز الواجبات .......
أرجو أن أكون خفيفة الظل و ما قلقتكش بالأسئلة تاعي ،دمت بخير غالية

 

[Malika Tlm]

رد: طفولتك أيها العضو/ة اللماوي تحت عدساتنا(العدد17)Malika Tlm

السلام عليكم

ترحب بيك الجنة أختي وسيدتي الفاضلة مليكة
حقا هذا من نبل أخلاقك وطيبة قلبك ونقاء سريرتك
وفرحتي بيك كبيرة لشهادتك للوالد ربي يرحمه ويوسع عليه
ولك مني هذه الهدية إكراما وتحت طلبك


ولي عودة إن كان في العمر بقية ومتسع من الوقت
السلام عليكم
كيف احوالك اخي رابح
فرحتني الهدية بزاف تعيش ربي يخليك
هدا من كرمك
وانا في انتضار عودتك اسعدني مرورك سيدي
​

تقبلوا تحياتي

:regards01::regards01::regards01:

 

[Malika Tlm]

رد: طفولتك أيها العضو/ة اللماوي تحت عدساتنا(العدد17)Malika Tlm

ملوكة أحييكِ على لطافتك وجمال أخلاقك وطيب روحك
الله يحفظك حبيبتي ويحميكِ
حبيبتي سكون واش راكي تحية متبادلة اختي هدا من لطفك

اوصفي لي اجواء رمضان حسن كنتي طفلة ثم اوصفي لي عيد الفطر ثم الاضحى.
رمضان في صغري كان رائع تعرفي كنت نصوم يامات ويامات لالا كنت نخيطو ههههههه وكنت نخرج نلعب مع صحاباتي حتي اقتراب موعد الافطار وحنا ناشطين فالشارع والجري تعجبنا الطريق مين تكون فارغة وفالليل كنا نروحوا لزيارةو الاقارب والجيران كان هذا رائع واما عيد الفطر تعرفي كنت نفرح كي نجي من المدرسة ونلقي ميمتي ربي يخليها وخوتاتي يصنع حلوي العيد والاب الغالي رحمه الله كان يشريلنا الملابس نتاع العيد صدقيني كنا نفرحو فرح كبييير ونرقدوهم قدامنا باش الصباح نلبسوهم هههههه كانت عندو نسمة خاصة ليا ونروحوا نغافروا الجيران انا وصحاباتي وكانوا يعطيونا العيدية ونبقي نقول لصحاباتي شحال عندكم نتوما واذا كانت عندهم ا العيدية كبيرة عليا نغير هههههه الصغر واش يدير وعيد الاضحي كدلك كانت عندوا نسمة خاصة نحمقوا بابا ربي يرحموا علي الكبش وكي يجيبوا للدار نقولوا بابا الكبش بكوش وعلاه شريتهولنا هكدا هههههههه والله انا نكتبلك ونتفكر فالايام الرائعة نتمني وكان تولي ولو لحضة
هل كانت هناك ايام معينة في الاسبوع تذهبون بها لزيارة الجد والجدة؟
تعرفي حبيبتي كانوا جدودي ربي يرحمهم هوما يجوا ويبقاو عندنا بزاااف وكي يروحوا للمنازل ديالهم كنا مرة علي مرة نروحوا عندهم وكان جدي يسكن في البادية وعندوا منزل شباب والدجاج والغنم وووو املا كنا نروحوا عندوا وراكي تعرفي عيشة البدو رائعة كنت نفرح بزاف كي نروحوا عندو
هل هناك عادة معينة تميزك عن باقي الاطفال؟
حنونة وطيبة القلب لي تميزت بها في صغري وكنت محبوبة عندهم كامل الا اني كانت عندي عادة نحب نخرج مع ماما وبابا بزاف ويلا مرحتش معاهم ندير فوضي بالبكاء هههههههههه

بالتوفيق عزيزتي ❤❤

ربي يخليك شرف لي تواجدك يا غالية

 

[Malika Tlm]

رد: طفولتك أيها العضو/ة اللماوي تحت عدساتنا(العدد17)Malika Tlm

السلام عليكم
وعليكم السلام اختي العزيزة

حبيبتي مليكة بلاك ألحقت روطار ،مي معليش أن تصل متأخرا خير من أن لا تصل ههههه
هههههههههه لالا مزال الوقت حبيبتي وباقي الخير مرحبا بيك

حابة نسولك معرفتش إيلا طرحومهم من قبل و لا لا

تفضلي حتي يلا طرحوهم ماعليش في الاعادة افادة ههه
ما هو أصعب موقف مررت به في طفولتك وما قدرتيش تنسايه ؟
اصعب موقف نهار غيرنا السكن لي كنا فيه وابتعدت علي جيرانا وصحاباتي ومدرستي صعيييبة بزاف
متى أحسست أن برائتك بدأت تتلاشى ،أي وليتي حيلية ؟
هههههههه لالا تعرفي والله الحيلة منعرفهاش عمري متحايلت مع صديقاتي ولا زملائي في المدرسة
من أحزنك من أقرانك في القسم و لم تستطيعي نسيانه؟
تعرفي حبيبتي ولا واحد غبني ولا ضلمني ولا بكاني من زملائئ كنا نحبوا بعضانا وندرسوا كيفكيف ونتعاونوا كانت في بعض الاحيان مناوشات صغييرة ولكن نفوتوا كلشي ونوليوا فرحانين مع بعض ياحسرااااااه
معلم أو معلمة كنت تموتي عليها في الصغر ، و العكس أي المعلم اللي مكنتيش تحبي الحصة تاعو ؟
كان عندي معلم نحبو بزاف كان اسموا السي العربي كان يدرس مليح ويفهمنا وهو تاني كان يحبني لاني كنت عاقلة بزاف في القسم والعكس واحد قرانا الرياضيات نكرهوا بيه بالمادة نتاعو لحد الان هههههه
هل كنت منظبطة في الدراسة ؟ أي عدم تأخر و إحضار الأدوات كاملة و إنجاز الواجبات .......
الانظباط كان عندي كنت نقوم بالواجبات نتاعي نحفظ نروح مع الوقت والغياب الا للظرورة والادوات هههه كنت كل يوم نرقب وش خصني واش تودرلي باختصار كنت تلميدة منظبطة نتاع الصح ههه حوحو شكار روحو
أرجو أن أكون خفيفة الظل و ما قلقتكش بالأسئلة تاعي ،دمت بخير غالية

لالا حبيبتي اسئلتك شابين وبزاف تعيشي
يلا كانش مانسيتي الدار دارك
تحياتي الخالصة حبيبتي

 

[(منير)]

رد: طفولتك أيها العضو/ة اللماوي تحت عدساتنا(العدد17)Malika Tlm

بسم الله الرحمن الرحيم
السلام عليكم ورحمة الله وبركاته
أقدم اعتذر لك ياسيدتى واختى مليكة على انى آخر من يلتحق بالركب والسبب هو كما يعلم الجميع.
ان مشاركتى تكون فى واحة(منير ) وفى قسم الحوار بعض الاحيان.وكذالك في قسم الترحيب والتعزية.
لكن سبحان الله لما حاولت ان اذهب الى واحتى جدبنى اسمك هنا فرتأيت أن اتفقد هذا القسم لعلى اشاركك فى مشاركاتك.
سيدتى واختى مليكة
دعنى اولا أدعو مع من كان له الفضل بعد الله في وجودك والتواصل معنا
إلا وهو الوالد فليرحمك الله رحمة واسعة
تغفر ذنبه.
وترفع درجته.
وتجعل سكناه في الفردوس العلى من الجنان.
وليبارك الإله فى عمر والدتك الحاجة أم مليكة.
وإن يرزقكم برها وان يجنبكم عقوقها
وكل الشكر والعرفان لصاحبة الفكرة المشرفة المقتدرة
أمر مع الأسئلة
.1 ماهو هدفك فى الحياة
.2 ماهى أفضل دعوة تلقيتها من ابيك يرحمه الله وهو يدعو معك رغم صغرك.
.3 ماهى نظرك بعد الطلاق في الطرف الثاني.
.4 هل لديك امنية
.5 هل سبق لك وان حضيت برؤية الحبيب محمد صلى الله عليه وسلم.
.6ماهو بلدك الثاني الذى تتمني العيش فيه
.7 ماذا تقولين لمن ظلموك
.8 كيف يكون شعورك لو رأيت رؤية صادقة فيها والدك وهو يخبرك انه في جنات النعيم يتنعم ويتمنى اللقاء بك
.9 ماهى أفضل نعمة عندك بعد الإسلام
.10 ماذا تعنى لك الأنوثة
تلك عشرة كاملة من الأسئلة
ارجو ان اكون خفيف الظل

 

[جوهرة الجنة]

رد: طفولتك أيها العضو/ة اللماوي تحت عدساتنا(العدد17)Malika Tlm

اهلين حبيبتي ملوكة منورة والله
من كنتي صغيرة كانت عندك حصالة
اول دخول مدرسي خفتي ولا عادي هههه
اعلى معدل اخذتيه من كنتي صغيرة
لكرتون لي كنت تحبيه ههه
اسم الدلع لي كانو ينادولك بيه من كنتي صغيرة ههه
كنتي تخافي من الظلمة ولا عادي ههههه
لنا عودة ان شاء الله

 

[عاشقة الإحسان]

رد: طفولتك أيها العضو/ة اللماوي تحت عدساتنا(العدد17)Malika Tlm

لالا حبيبتي اسئلتك شابين وبزاف تعيشي
يلا كانش مانسيتي الدار دارك
تحياتي الخالصة حبيبتي

تسلميلي غالية على خفتك و حلاوتك

راني رجعت لداري و حبيبتي بأسئلتي ههههه

هل كنت مدمنة على أفلام الكرتون ؟

ما أفضل لباس كنت تحبين إرتدائه ،أي تحبين السراويل أم التنانير أم الفساتين

هل كنت تتعبين أمك في الملابس ؟ ،أي تتشرطي بزاف و متحبش تلبسي أي حاجة

بما أنك منظمة هل كانت لديك أساليب تتبعينها لترتيب غرفتك و ألعابك ؟

ما هي منزلتك بالنسبة لإخوتك أي المازوزية و لا كاينين بعدك

هل كنت تفرطين في الدلال عند مرضك؟

هذي هي المجموعة الثانية من الأسئلة سأرجع إن تذكرت سؤال هههه

سررت كثيرا بالتواصل معك و التعرف على طفولتك ،ربي يحميك

 

[Malika Tlm]

رد: طفولتك أيها العضو/ة اللماوي تحت عدساتنا(العدد17)Malika Tlm

بسم الله الرحمن الرحيم
السلام عليكم ورحمة الله وبركاته
وعليكم السلام سيدي المحترم
أقدم اعتذر لك ياسيدتى واختى مليكة على انى آخر من يلتحق بالركب والسبب هو كما يعلم الجميع.
ان تاتي متاخخرا خير من ان لا تاتي اهلا بك نورت استاذ
ان مشاركتى تكون فى واحة(منير ) وفى قسم الحوار بعض الاحيان.وكذالك في قسم الترحيب والتعزية.
لكن سبحان الله لما حاولت ان اذهب الى واحتى جدبنى اسمك هنا فرتأيت أن اتفقد هذا القسم لعلى اشاركك فى مشاركاتك.
سيدتى واختى مليكة
دعنى اولا أدعو مع من كان له الفضل بعد الله في وجودك والتواصل معنا
إلا وهو الوالد فليرحمك الله رحمة واسعة
تغفر ذنبه.
وترفع درجته.
وتجعل سكناه في الفردوس العلى من الجنان.
وليبارك الإله فى عمر والدتك الحاجة أم مليكة.
وإن يرزقكم برها وان يجنبكم عقوقها
وكل الشكر والعرفان لصاحبة الفكرة المشرفة المقتدرة
أمر مع الأسئلة
جزاك الله خيرا سيدي الفاضل وجعلنا الله جميعا في الفردوس الاعلي وربي يرضي علينا الوالدين يارب
اضن ان اسئلتك في غير موضوع الطفولة لكن لا باس ساجيبك بكل سرور
.1 ماهو هدفك فى الحياة
والله يا اخي اسعي ان يكون لي محل صنع الحلوات التقليدية كوني اتقن صناعتها واتمني ان يتحقق لي هدا الحلم
.2 ماهى أفضل دعوة تلقيتها من ابيك يرحمه الله وهو يدعو معك رغم صغرك.
افضل واجمل واعظم دعوة تبتك الله يا ابنتي علي الصلاة والقران وحفضك الله من كل شر والحمد لله ربي يرحمه برحمته الواسعة
.3 ماهى نظرك بعد الطلاق في الطرف الثاني.
صدقني سيدي الفاضل خوف كبير من الرجال لانني عشت مع رجل ضالم سامحه الله
.4 هل لديك امنية
امنيتي ان ينجح ابني واراه في المراتب العليا يارب
.5 هل سبق لك وان حضيت برؤية الحبيب محمد صلى الله عليه وسلم.
يا الله جمعنا الله معه في الجنة نعم والحمد لله
.6ماهو بلدك الثاني الذى تتمني العيش فيه
بلدي الجزائر ادام الله علينا الامن والمان والاستقرار لا استطيع العيش بعيدة عن امي الجزائر
.7 ماذا تقولين لمن ظلموك
حسبي الله ونعم الوكيل دائما ارددها
.8 كيف يكون شعورك لو رأيت رؤية صادقة فيها والدك وهو يخبرك انه في جنات النعيم يتنعم ويتمنى اللقاء بك
سعادة كبيرة وفرح يغمر قلبي لاني رايت ابي الحبيب مرات عديدة انه في الجنان ابي كان رجل خير وكل الناس تشهد عليه وانا افتخر لانني ابنته حبيبي ابي
.9 ماهى أفضل نعمة عندك بعد الإسلام
نعمة الاسلام كنز كبير خصنا الله به والحمد لله ربي يثبتنا ويليها الصحة والعائلة ووووووووو
.10 ماذا تعنى لك الأنوثة
اجمل واعذب وارق شئ الانوثة جوهرة ثمينة يجب علي ادم الاعتناء بها هههه
تلك عشرة كاملة من الأسئلة
ارجو ان اكون خفيف الظل

تواجدك زاد صفحتي جمالا
الشكر الجزيل لك سيدي تقبل مني فائق التقدير والاحترام

 

[Malika Tlm]

رد: طفولتك أيها العضو/ة اللماوي تحت عدساتنا(العدد17)Malika Tlm

اهلين حبيبتي ملوكة منورة والله
مساء الورد يا حلوة منورة بوجودك معي
من كنتي صغيرة كانت عندك حصالة
اييه علي الحصالة كانت عندي وحدة شابة بزاف نتاع الطين وكنت نفرح كي نخبي فيها الدراهم ومرة مرة نروح نفقدها ههههه
اول دخول مدرسي خفتي ولا عادي هههه
ايه كيما كامل الاطفال جاتني الحالة غريبة نبعد علي ماما ولكن يوم بعد يوم توالفت
اعلى معدل اخذتيه من كنتي صغيرة
مكنتش ننزل تحت7 مرات يطلع مرات يبقي هوهو اسونسور هههههه
لكرتون لي كنت تحبيه ههه
سنديبال انا اسمي سانديبال ههه تعرفي راني نغني فيها ونكتب هههه وسينان يا سينان يا احلي الاصدقاء في الغابة الخضراء سينان ياسينان راني مغنية هههه
اسم الدلع لي كانو ينادولك بيه من كنتي صغيرة ههه
ايه لالا حقروني مكنوش عاطييني اسم الدلع ههه حتي كبرت وقالولي ميكو هههه
كنتي تخافي من الظلمة ولا عادي ههههه
لالا الحمد لله مكنتش نهاب الظلمة كنت قوية باتمان ههه
لنا عودة ان شاء الله

شكرا حبيبتي مرحبابيك في اي وقت ايه بصح جيبي الورد معاك اوك
تحياتي

 

[Malika Tlm]

رد: طفولتك أيها العضو/ة اللماوي تحت عدساتنا(العدد17)Malika Tlm

تسلميلي غالية على خفتك و حلاوتك
ياعمري يحلي ايامك يارب انت الاحلي والاجمل
راني رجعت لداري و حبيبتي بأسئلتي ههههه
مرحبا بيك يا لعزيزة تشرفي في اي وقت الا فالليل لالا نكون نشخر ههههه
هل كنت مدمنة على أفلام الكرتون ؟
تعرفي ماشي بزاف كنت كي نخرج من المدرسة نكمل واجباتي ايا والخروج قدام دارنا ونلعب مع صحاباتي ومرات نتفرج الكرتون المفضل ديالي
ما أفضل لباس كنت تحبين إرتدائه ،أي تحبين السراويل أم التنانير أم الفساتين
مخلطة ههههههه كل مرة لبسة علي طبع بابا لعزيز كان يجيبلي غي الماماي هههههه
هل كنت تتعبين أمك في الملابس ؟ ،أي تتشرطي بزاف و متحبش تلبسي أي حاجة
ابدا وكانت تعجبني ماما ربي يبارك فعمرها كي تمشطلي لحد الان نتدكر الظفيرة لي كانت ديرهالي
بما أنك منظمة هل كانت لديك أساليب تتبعينها لترتيب غرفتك و ألعابك ؟
ايه باينه هدي كل حاجة كنت نديرها فموضعها كانت اختي مشاركتني الغرفة وكل وحدة تنظم لعب والملابس نتاعها دكرتيني بصغري ليته يعود
ما هي منزلتك بالنسبة لإخوتك أي المازوزية و لا كاينين بعدك
احم احم انا اخر العنقود المازوزية وكانوا يحبوني ويقلشوني ههه
هل كنت تفرطين في الدلال عند مرضك؟
لالا كنت غي نريح شويا نوض نجري حتي ماما تزعف عليا ولكن مرات نحب نشوفهم يلا يحبوني بزاف هههههه
هذي هي المجموعة الثانية من الأسئلة سأرجع إن تذكرت سؤال هههه
شابة بزاف وخفيفة كصاحبتها المرحة ربي يخليك ومرحبابيك تنوريني
سررت كثيرا بالتواصل معك و التعرف على طفولتك ،ربي يحميك

انا التي سعدت بك ربي يحمينا جميعا

 

[عاشقة الإحسان]

رد: طفولتك أيها العضو/ة اللماوي تحت عدساتنا(العدد17)Malika Tlm

أسعد الله مسائك عزيزتي مليكة،عدت إليك مجداد مع أسئلة جديدة


هل تتذكرين أول مرة طبخت فيها و ماهي الأكلة اللتي أعددتها

هل كنت كثيرة البكاء ؟

هل تحبين أن يشاركك الأطفال الآخرين ألعابك أم كنت تحتفظين بها لنفسك فقط؟

هل تحبين إرتداء الثوب الأبيض " لاغوب بلانش "مثل كثير من البنات ؟

أول أكلة طبختها و قمت بإفسادها ماهي وكم كان عمرك آنذاك بالتقريب؟

لي عودة إن شاء الله

دمت في رعاية المولى غاليتي

 

[Malika Tlm]

رد: طفولتك أيها العضو/ة اللماوي تحت عدساتنا(العدد17)Malika Tlm

أسعد الله مسائك عزيزتي مليكة،عدت إليك مجداد مع أسئلة جديدة

مساء الفل والياسمين لاجمل وردة
هل تتذكرين أول مرة طبخت فيها و ماهي الأكلة اللتي أعددتها
صراحة انا دخلت للمطبخ روطار ههه كنت تاكلة علي خواتاتي وماما والفريت هي اسهل حاجة بديت بيها ودرت فوضي فالمطبخ كره مني مسكين ههههه
هل كنت كثيرة البكاء ؟
هههه متفضحينيش كنت نبكي ايه باش نخرج مع ماما ولا خواتاتي ويلا مداونيش معاهم ندير حفلة ههههه
هل تحبين أن يشاركك الأطفال الآخرين ألعابك أم كنت تحتفظين بها لنفسك فقط؟
لالا حبيبة كانوا يشاركوني العابي ومنخبي عليهم والوا ولكن نحبهم يحافظوا عليهم
هل تحبين إرتداء الثوب الأبيض " لاغوب بلانش "مثل كثير من البنات ؟
ايييه لبستها بزاف فصغري كل مرة وحدة سواء في المولد النبوي الشريف او الافراح وكنت نحبها
أول أكلة طبختها و قمت بإفسادها ماهي وكم كان عمرك آنذاك بالتقريب؟
الفريت طبعا وحرقتها شويا ودرت فوضي فالمطبخ كيما قتلك هههههههه
لي عودة إن شاء الله
انا في انتضارك حبيبتي
دمت في رعاية المولى غاليتي

ادام الله عليك لباس الصحة والعافية
تحياتي

 

[عاشقة الإحسان]

رد: طفولتك أيها العضو/ة اللماوي تحت عدساتنا(العدد17)Malika Tlm

السلام عليكم عزيزتي مليكة

عودت إليك مع أسئلتي و العود أحمد يا غالية

أسئلتي هي على بركة الله

هل تذكرين موقف قمت به و أحرجت أهلك به خاصة أمام الضيوف؟

هل كان نصيب الدلع الكبير من الأم أو الأب أو الجدة ؟

هل كنت تتأتين في صغرك ؟

هل كانت عندك عادة مص الإبهام ؟


من كان يقدم لك أكبر عيدية ؟ و كم تبلغ قيمتها آنذاك ؟

هل كان صديق الطفولة ولد أم بنت ؟

في هذا القدر كفاية لي عودة إن شاء الله

سلامي لك غاليتي

 

[Malika Tlm]

رد: طفولتك أيها العضو/ة اللماوي تحت عدساتنا(العدد17)Malika Tlm

السلام عليكم عزيزتي مليكة
السلام عليكم ورحمة الله وبركاته حبيبتي واش حوالك نتمني تكوني بخير
عودت إليك مع أسئلتي و العود أحمد يا غالية
اهلين فيكي حبيبتي تنوري في اي وقت
أسئلتي هي على بركة الله
تفضلي حبوبتي
هل تذكرين موقف قمت به و أحرجت أهلك به خاصة أمام الضيوف؟
لالا جامي نعقل علي راسي بلي الجاست هدا مدرتوش كنت نحب نقعد معاهم برك
هل كان نصيب الدلع الكبير من الأم أو الأب أو الجدة ؟
الدلع ايه من طرف الاب بزاف كان مفششني وكتر منهم ربي يرحموا حبيبي
هل كنت تتأتين في صغرك ؟
لالا الحمد لله
هل كانت عندك عادة مص الإبهام ؟

ههه لالا مكنتش نديرها
من كان يقدم لك أكبر عيدية ؟ و كم تبلغ قيمتها آنذاك ؟
العيدية كانت تبدا مع بابا ربي يرحموا وماما ومبعد خوالي وعمامي وووو واكبر عيدية من عند الوالدين بالطبع
هل كان صديق الطفولة ولد أم بنت ؟
في المدرسة كانوا مخلطين بنات وولاد ولكن جيرانا لي كنت نقضي وقتي معاهم باللعب هو اناث كنا نديرو حااله باللعب
في هذا القدر كفاية لي عودة إن شاء الله
راني هنا حبيبة طاب يومك
سلامي لك غاليتي

اجمل سلام لك

 

[عاشقة الإحسان]

رد: طفولتك أيها العضو/ة اللماوي تحت عدساتنا(العدد17)Malika Tlm

السلام عليكم

صباحك عسل يا عسل

مجموعة أخرى من الأسئلة ههه:$

ما هي الأكلة اللتي كنت تكرهينها في صغرك ؟

هل تدعين المرض عندما يطبخونها ههه ؟

موقف حدث معك في صغرك أو مراهقتك غير مجرى حياتك ؟

متى صرت تعرفين معنى الموت ؟

و من مات من العائلة الكريمة ؟

وكيف كان تعبيرك عن حزنك بالصراخ أم البكاء أم شيء آخر ؟

هل تذكرين متى أحسست بأنوثتك و بدأت تتزينين ؟

موقف حزين حدث معك ؟

موقف سعيد حدث معك ؟

شكرا لكي غاليتي على إجاباتك على أسئلتي ، أحسست أني أعيش معك طفولتك ،شكرا لك مرة أخرى تسلميلي.

 

[Malika Tlm]

رد: طفولتك أيها العضو/ة اللماوي تحت عدساتنا(العدد17)Malika Tlm

السلام عليكم
اسعد الله صباحك وايامك يا غالية
صباحك عسل يا عسل
انتي العسل يا عسل
مجموعة أخرى من الأسئلة ههه:$

تفضلي حنونة غي نتي لي راكي مفرحتني شفتي محبوش يزوروني الاعضاء هههه نزعق برك نتي الخييير والبركة ربي يخليك سعيدة بك ا
ما هي الأكلة اللتي كنت تكرهينها في صغرك ؟
كنت ناكل كلش هههه المهم نعمر كرشي:yahoo01:
هل تدعين المرض عندما يطبخونها ههه ؟
لالا وكان حتي منحبش اكلة نقول ماناكلهاش ولكن مندعيش المرض مي كيما قتلك كنت كلشي ناكلوا
موقف حدث معك في صغرك أو مراهقتك غير مجرى حياتك ؟
موقف صعيب راني جاوبت عليه ولكن نعاود حبيبة نهار غيرنا السكن نتاعنا وابتعدت علي اصدقائئ ومدرستي كانت صدمة ليا

متى صرت تعرفين معنى الموت ؟
كلنا درسونا في الصغر بلي الدنيا فانيا وكامل نموتوا وماتت جدتي ولكن محسيتش بانتلي عاادي ولكن نهار مات بابا ربي يرحموا عرفت معني الموت واسم هو ربي يرحموا
و من مات من العائلة الكريمة ؟
الغالي والعزير وروحي قرة عيني ابي
وكيف كان تعبيرك عن حزنك بالصراخ أم البكاء أم شيء آخر ؟
لا شئ صدقيني كنت نفد وصية بابا ربي يرحوا كان يقولنا كي نموت متبكيوش عليا لان هدا الشي حرام املا كنت ندور ونقولهم اسكتوا بابا وصانا منبكيوش وصدمت بزاف لفراقه ربي يجمعنا معه في الجنة يارب
هل تذكرين متى أحسست بأنوثتك و بدأت تتزينين ؟
هههه صدقيني حتي نهار انتقلت سنة الثالتة متوسط تما بديت نتحف ونشوف فراسي ههههه
موقف حزين حدث معك؟è
موقف سعيد حدث معك ؟
موقف سعيد كنت ندرس ونهار توزيع الجوائز كنت غائبة صدقيني المعلم جابلي الهدية نتاعي حتي لدارنا وفرحت فرحة كبيييرة ولحد الان بقات راسخة فدهني
شكرا لكي غاليتي على إجاباتك على أسئلتي ، أحسست أني أعيش معك طفولتك ،شكرا لك مرة أخرى تسلميلي.

ياعمري صدقيني سعدت بك كثيرا ربي يخليك ياغالية

 

[عاشقة الإحسان]

رد: طفولتك أيها العضو/ة اللماوي تحت عدساتنا(العدد17)Malika Tlm

شكرا لك لإجاباتك الرائعة المميزة ، و أعذريني غاليتي لأني ذكرتك بوفاة الوالد ربي يرحمو و يوسع عليه .

ولي عودة إن شاء الله ههههههه