الفريق الدولي [ متجــدد ]

[Salah eddin]

.....................................
السلام عليكم و رحمة الله
محللي صفحة الفريق الدولي
اهلا بكم
....
المحللين
يونس و امين و اسمة و نور الدين و جمال
...
نبداو بسم الله

ظهرت مؤخرا صفقات من نوع اخر ..
و هي المبرمة من طرف الشناوة ...لاعبين في اوج العطاء ينتقلو لاندية صينية بمبالغ طائلة
من بينهم اوسكار ..هالك ..تيفيز ...الخ ...
..آآراءكم ......
بسم الله ​

 

[Salah eddin]

 

[يونس قاسم]

اه صلاح عندك الحق الصين بدات تلعب و تدور بالبالو ربييسترك
شوف للاعبين ثلاثةانواع
كاين لي رافض يلعب في الصين من اجل اسمه ومكانته العالمية
كاين لي كي يكبر يروح يجمع المال في الصين ولا الخليج ولا الماريكان
وكاين لي مزال نجم و صاعد ويروح من اجل الرفاهية هذا يحبسلي راسي صح
المهم اي واحد يروح للصين من اجل الدراهم باينة

 

[Salah eddin]

اهلا خويا يونس ...
صحيح ..الخيوة كي يكبرو يولو شوفو فالدراهم
بصح يدوخك واحد لسع في بداية مشوارو ..ويروح للصين و يخلي الانجليز
يابن عمي ..تحير ..ههه​

 

[Salah eddin]

على حساب الشوفة
الحلقة تاع اليوم
قضات
ايا بالعافية جماعة ​

 

[Djamel.Dz]

استورد الدوري الصيني الممتاز لاعبين في الفترة الأخيرة من الدوريات العالمية بمبالغ ضخمة ، إذ يحق لكل فريق التعاقد مع 5 لاعبين أجانب،
و ستصبح الصين إحدى قوى كرة القدم في المستقبل فقد دفعت الفرق الصينية 200 مليون دولار في عقود جلب لاعبين قبل بداية موسم 2016.
وكان آخر لاعب تشيلسي أوسكار ، و هناك تقارير تأكد بأن لاعب فريق أرسنال الانجليزي أليكسيس سانشيز،
على اتصال بفريق هيبي تشاينا فورتون الذي عرض عليه مرتبا بقيمة 500 ألف جنيه استرليني اسبوعيا،
علما أن الفريق يدربه مانويل بليغريني، مدرب مانشستر سيتي السابق.
وكذلك اتضح اليوم بأن نجم ريال مدريد كريستيانو رونالدو قد رفض عرضاً من نادي صيني
حيث كان سيتحصل من خلاله على راتب سنوي خيالي يقدر بـ 100 مليون يورو .
السؤال المطروح ماذا سيجني اللاعب في أندية لم تستطع حتى الحصول على دوري أبطال آسيا
المحتكر حاليا بين كوريا و اليابان و في بعض الأحيان من دول الخليج العربي
و ماذا ستجني الكرة الصينية من ذلك فهي لم تحقق اللقب القاري و لم تتاهل للمونديال منذ
2002 ( مشاركة وحيدة ) . ؟؟؟؟؟؟؟​

 

[Salah eddin]

شكرا على المرور اخ جمال
صحيح ...لكن بالملايين ...تقدر تشكل الصين قطب من اقطاب الكرة في العالم
لكن صراحة هذه السياسة ..ستدمر الكرة العالمية و تدمر جمالية اللعب
لان الجانب المادي اصبح هو الهدف الرئيسي
...
شكرا على المرور​

 

[الامين محمد]

أهلا خويا صلاح
الشناوة حابين اصلاح رياضي على طريقة قطر
يعني اللاعب لما يقرب من التقاعد
يروح للشنوة يعمر الشكارة و خلاص
لكن تأكد انهم ما همش عرب رايح يتوقفوا عند حد ما ممكن منا عامين و يغيروا هاذالسياسة
و رايح يرجعوا الى العمل القاعدي و التعاقد مع المدارس الأوربية المكونة كمدرسة ميلو آسي
رايح نرجع اذا ربي سهل هاذي ق سلاطة برك اليوم راني متعشي بالبرقوق و الزبيب
سمحلي خويا صلاح ههههههههههههه

 

[Salah eddin]

اهلا خويا امين ...و الله ق السماح
ههه
شكرا لمرورك
الحلقة تاع اليوم قضات
المرة الجاية ان شاء الله​

 

[الامين محمد]

اهلا خويا امين ...و الله ق السماح
ههه
شكرا لمرورك
الحلقة تاع اليوم قضات
المرة الجاية ان شاء الله​

وين راه المشكل خويا صلاح
الى الغد بحول الله
لكن لازم تذكرني كي تحط سؤال
راني ننسى بزاف

 

[Djamel.Dz]

و هذا ما يشتكي منه مدربي الدوريات الكبرى
و خاصة الدوري الإنجليزي و اولهم مدرب
تشيلسي أنطونيو كونتي الذي صرح بأن الصين
ستحطم الكرة العالمية وبصفقاتها الخيالية ​

 

[Oussama.GF]

سلام جيت روطار ليوم
مكانش عندي وقت
الله غالب

 

[Oussama.GF]

سلامو جيت
كاش تحاليل يوم

 

[يونس قاسم]

واش الموضوع خويا

 

[Oussama.GF]

اخي يونس حط موضوع ونحلوه
ممكن تضيفوني لطاقم فريق عمل
كاس امم افريقيا 2017

 

[Skor m@k]

هدف الدولي الجزائري اسلام سليماني في مارمى ويستهام يونايتد
وفوز ليستر سيتي بهدف دون رد

​

 

[Oussama.GF]

هدف الدولي الجزائري اسلام سليماني في مارمى ويستهام يونايتد
وفوز ليستر سيتي بهدف دون رد

​

هدف رائع جدا
لم اتابع مبارت لكن تابعت اخبار هذه مبارة

 

[Skor m@k]

هل إستبعاد فيغولي من القائمة منطقي ؟؟ وهل المتواجدين فيها أحسن منه ؟؟

 

[Oussama.GF]

اخي فاغولي عندو بلاصة مليحة في فريق
الله غالب مدرب ناحلو بلاصتو
نشاله يرجع

 

[Djamel.Dz]

واحد من أفضل أهداف 2016 سجله الغاني كيفين برنس بواتنغ لاعب لاس بالماس .. إبداع في التمرير والتسديد