الرجال راهم يغرو فينا .... عاجل

[ليليا مرام]

السلام عليكم يا جماعة الخير
ان شاء الله راكم بخير وعلى خير وتصبحو بخير

جماعة الخير اليوم حبيت نحكي على سوجي
هدرنا وهدرنا على اناقة المرأة وجمالها اكيد شي مطلوب

النسا المعروف انو تصرف على ماكياجها واناقتها اللي ما تصرفهمش على ماكلتها

شي طبيعي واللي خلى الرجال ينقهرو

مي المشكلة اللي تحير انو الرجال يحبو المرا الشابة مي لما تجي هوما يشرو ذيك الزينة اواه لالا يضربو 700 عفريت

على قولة خاوتنا المصاروة

خلونا من ماكياج النسا نخاف الأمين يطيح يتغاشى والا اكيد خونا alijental اذا دخل فاناقة المرأة مسكين راح نقعدو نشدو المشاور ونبكو معاه

المهم نحكو على
وسامة واناقة الرجل الجزائري

الصراحة الواحد يقولها ليجون نتاعنا بلا خدمة مي يضرب فيها لاكوست الحرة ب 3 ملاين

وما يخدمش ورافد أيفون يدير 10 ملاين اللهم لا حسد انا مش نحكي على المصروف

نحكي على وسامتو يعني هوما دايما يحكو على زين المرا
تخيلو الطفلة جايزة وتسمع اللي حواجبو ياقوت وعينيه كحل كالتوت نديه والا نموت

.... كي شغل زعمى قلبها يحن انا نورمال نقولو موت راك طولت
والا هذا الزين مخطوب والا يستنى فالمكتوب

.... امممم وهوما ما يخطبو ما يندبو زعمى تقولو يستنى فالكتوب راح يجيب دارهم ويجي يا حسراه اللي تأمنهم مازالت فكرش يماها
نقلبو الآية الآن
زعمى المرا لو جات هي اللي تقول للراجل الكلام واش تقول

هذا الدبدوب عازب والا مخطوب
امور فالرجال تجذب المرا وعلاه حنا ما نغضوش البصر هههه والا نقولوهم خففو شوي الله غالب هذي فتنة وراكم تغرو فينا

كاين ديجون ماشاء الله الوحدة تشوف فيه تنسى اسمها نقولكم حاجة بيناتنا انا مرة هابطة فحومتنا وواحد طالع يا ناس الله غالب راه قدام عيني كان لازم نشوف فيه نقولكم سبحان من خلق ربي يحميه ربي مدلو واحد الزين ختكم دخلت فالبوطو نتاع تريسيتي ههه نمشي ونشوف حبيت نعرف عند شكون جا ونخبط فالبوطو

الصراحة ربي مدلو جمال وكملها باناقة واش نقولكم يا سعدها مرتو والا خطيبتو والا اللي مصادقها المهم اللي يعرفها يا سعدها

وكاين تشوفيه مالغري خدام يصبغ ميكانيكي ولو يكون مسخ بحوايج الخدمة مي يا سبحان الله خير من واحد ضارب حطة وحوايج غاليين

كيما الرجال ينتبهو للنسا حنا نسا ثاني نشوفو علاه نكذبو واللي متزوجة هذي لالا ولو انو واقيل المتزوجات راهم يشوفو اكثر من العازبات بلاك كيغ كونغ اللي عندها فالدار غاملها قلبها لانو الصراحة مش على خلقة ربي لالا حاشا مي نحكو على كل شي اناقة ووسامة ونظافة كاين اشكال تشوفهم تقول ميت فيه فار عندو 4 سنين مقبرة الفيران وااااااااع يا قلبي يا انا انا نوع كيما هذا انا نطلقو ونخلصلو النفقة ونزيد نكريلو يبعدني برك

كاين رجال ماشاء الله زين واناقة ولبسة خموس وخمسة وخميسة و56 وكاين يا لطيف
الفقر مش عيب تلقايه شويميز حمرا سروال خضر ضارب اداديداس تقولها تراكتور فرجلو ياااااااااااا الخاوة هذا المخلوق اللي تلاقاه يجوز قتله وشنقه

واش رايكم فوسامة الرجل العربي ككل والجزائري
وفي رايكم شكون يخسر بزاف على اناقتو المرا او الراجل وواش رايكم فزين الرجل الجزائري
انا صراحة نقول الزين عندنا فبلادنا ماشاء الله ولاد الشرق يا لهوي يقتلو تقولهم لبنانيين يا الخوتات اللي حبت ترحل للشرق تتفضل
واللي تحب السمورية والعين الخضرا والطول تروح لولاد الغرب الله الله

وحتى انا مشيت طريق الصحرا والنايلين ناس بسطا مي عندهم الزين والتربية يحشمو بزاف


راني قلت وانا نقولكم رحت للاردن رجالهم شوي شوي ماشي حاجة مي فالترك عندهم تبارك الله رجالهم كلهم شابين اللي حبت تروح هه
الموضوع ليكم فرغو قلوبكم ما تحشموش على بالي تشوفو فاقو ما تقولوليش خاطينا علاه تمشو نواظر الكسوف انا والله نسوف ولو مش بالعاني مهم ربي مدلي عينيا نشوف بيهم
وشكون اللي زين هنا فالمنتدى مالك والا حكيم امم والا فتحي والا الامين
اواه الامين قالهم نوضو كامل نقعد انا الكحلوش ​

 

[لؤلؤة قسنطينة]

هههههههههههههههههه شوفي راني نضحك سمعوني من الصالون ههههه
استناي تروحلي الضحكة ونولي
موضوع هايل
راني راجعة نتكلم ان شاء الله على الموضوع
درك نولي​

 

[أم أُنٌَيسة]

السلام عليكم و رحمة الله تعالى و بركاته
جامي شفت مع روحي و جامي درت حاجة هكدا افار اناقة
اختاي و صديقاتي يقلن لي انو نشكو احيانا في انوثتك ، ياو نجاوبهم نقللهم حتى انا ساعات نشك
خاطيني الميليو هدا
وبالنسبة لي اناقة الفتاة في خجلها و تربيتها
و الرجال ، بالنسبة للبنات اللي يحسبو هداك اناقة انا نحسبو رخس عادي طول هدا رايي
لانو لبس الرجل ماهوش مقيد صح لكن موش هكدا ياسبحان الله
هدا يسموه تبذير ، بالنسبة ليا اي حاجة مسقمة تكون مليحة و خلاص
و القلب و العقل هو كل شيء
اللي قلبو واللي قلبها راهم ملاح و اخلاهم زوينين راهم يبانو على وجوهم
شخصيا مايهمنيش اللبس و كون تشوفيني يا ليليا ايييييييييييييييه يا حسراه المهم لبسة تستر وخلاص
بارك الله فيكي و جزاكي خيرا
تحياتي احترامي و تقديري​

 

[ليليا مرام]

هههههههههههههههههه شوفي راني نضحك سمعوني من الصالون ههههه
استناي تروحلي الضحكة ونولي
موضوع هايل
راني راجعة نتكلم ان شاء الله على الموضوع
درك نولي​

السلام عليكم مريومة اهلا وسهلا
ضرك داركم يجيبولك الشنفرة هههه
ربي يخليك نستناي ارواحي عبري على بالي كاش مرة شفتي واحد عجبك قولي ما تخبيش رانا خوتاتك هههه
ولي ولي راني هنا

 

[ليليا مرام]

السلام عليكم و رحمة الله تعالى و بركاته
جامي شفت مع روحي و جامي درت حاجة هكدا افار اناقة
اختاي و صديقاتي يقلن لي انو نشكو احيانا في انوثتك ، ياو نجاوبهم نقللهم حتى انا ساعات نشك
خاطيني الميليو هدا
وبالنسبة لي اناقة الفتاة في خجلها و تربيتها
و الرجال ، بالنسبة للبنات اللي يحسبو هداك اناقة انا نحسبو رخس عادي طول هدا رايي
لانو لبس الرجل ماهوش مقيد صح لكن موش هكدا ياسبحان الله
هدا يسموه تبذير ، بالنسبة ليا اي حاجة مسقمة تكون مليحة و خلاص
و القلب و العقل هو كل شيء
اللي قلبو واللي قلبها راهم ملاح و اخلاهم زوينين راهم يبانو على وجوهم
شخصيا مايهمنيش اللبس و كون تشوفيني يا ليليا ايييييييييييييييه يا حسراه المهم لبسة تستر وخلاص
بارك الله فيكي و جزاكي خيرا
تحياتي احترامي و تقديري​

السلام عليكم اختي اهلا وسهلا
ايه لو تشوفي انا نورمال المهم لبسة نقولك مرات نروح نشري قدام الدار نلبس بليغة نتاع نيلو نتاع تسياق عادي حمرا والحجاب كحل وخمار اللي جا فطريقي نديرو ونخرج عادي والله ما يهمني وكي نخرج بعيد لطبيب نلبس عادي مي ما نهتمش لدرجة الوسوسة ولازم نكون حطة لالا عادي جدا
اما رجال عندهم وسوسة لازم يلبسو الحر يلبسو الحطة وهو حطيست ما فهمتش حبهم للحيط فالحطة ووين يقعدو ههه
ومش نحكي برك على اللبسة هاتي قوليلي على الزين فاسرتكم فاهل بيتك عبري يا مرا ما تحشميش خليني نشوف كان عندكم رجال شابين خلينا نشلو عينينا عيينا نخبو فقلوبنا هههه
وتحياتي ليك اختي وكلامك درر ماشاء الله

 

[أم أُنٌَيسة]

السلام عليكم اختي اهلا وسهلا
ايه لو تشوفي انا نورمال المهم لبسة نقولك مرات نروح نشري قدام الدار نلبس بليغة نتاع نيلو نتاع تسياق عادي حمرا والحجاب كحل وخمار اللي جا فطريقي نديرو ونخرج عادي والله ما يهمني وكي نخرج بعيد لطبيب نلبس عادي مي ما نهتمش لدرجة الوسوسة ولازم نكون حطة لالا عادي جدا
اما رجال عندهم وسوسة لازم يلبسو الحر يلبسو الحطة وهو حطيست ما فهمتش حبهم للحيط فالحطة ووين يقعدو ههه
ومش نحكي برك على اللبسة هاتي قوليلي على الزين فاسرتكم فاهل بيتك عبري يا مرا ما تحشميش خليني نشوف كان عندكم رجال شابين خلينا نشلو عينينا عيينا نخبو فقلوبنا هههه
وتحياتي ليك اختي وكلامك درر ماشاء الله

و عليكم السلام و رحمة الله تعالى و بركاته
ايه على زين الاهل تاعي ن نبدا من بابا العين الزرقا و راهو ابيض لدرجة انو لما نروحو للبحر يبقى برك في الشمس يبرونزي لكن موش لبيوضا هديك تع البنات
اما عن الاهل ، من جهة امي والله ولاد خالي الله يبارك كيما الزرافة في الطول و الزين ماشاء الله يعني
و حتى من جهة ابي الله يبارك و اغلبهم عيونهم ملونين اللي عينو خضرا و اللي عينو زرقا و اللي عينو عسلي ماعندي مانقول
و من لافاي لبعيدة تاني الله يبارك الكل شابين و سيمين الله يبارك
لكن ثالمون مانستعرفش بالامور هدو مانحكيش عليهم و ليس قضية حشمة
و لانهم يجهلوني من احد الجوانب
و كين وليد خالي يشري الاديداس ب 5000 و 7000 المهم كل كسوتو تفوت 2 ملايين و مرة شرا اديداس بمليون
ايه واش حكيت و بهدلتو و رخستو خلي برك نضرب في الوجه يا اختي ليليا عليها مايحبونيش ههههههههههههههههه
ايه اسكتي برك شعري ديما حاكم لونطانات الكل امي و اخواتي يهبلو مني علاه تلبسي و تديري كيما لمهابل نقللهم ببساطة لاني مهبولة
اما في الخارج الحمد لله هداني ربي مند عام و نصف و انا بالحجاب الشرعي حتى ولو جيراننا مقابلينا نلبس الحجاب الشرعي و نروح
الله يحيي اصلك يارب و رايكم شرف اعتز به​

 

[لؤلؤة قسنطينة]

السلام عليكم
هههههههههه زدت عاودت قريت الموضوع شبعت ضحك سورتو تاع المتزوجة عندها كينغ كونغ في الدار هههههه
آلو .. لو شاوي دو ليليا ؟ ارواح تشوف مرتك واش مدايرة هههه راهي تخبط في البوطوات غير نضحك
اممم نوليو للصح، شوفي ختي ليليا غض البصر واجب كيما على المرأة كيما على الرجل وولاد بلادي مانكدبش الله يبارك كاين فيهم وحايد والله
اجمل من التركي ومن الايطالي ومن الماريكاني، بصح نتكلم على الزين الطبيعي (بدون ماكياج هههههه) قصدي بدون زخارف حتى يولي يشبه للمرأة
انا كن نشوف شاب ولو حتى ملك الجمال بصح غير نشوف تريكو رايح يطرطق عليه وسروال مشبوح وسنسلة في الرقبة والنواظر تقول الواح شمسية والله نعافو
انا شوفي يعني والله بدون تفاخر خاطيني الشوفة هههه مانكدبش عليك نقولك انسان مليح شكلا مايعجبكش هادا امر طبيعي يعني تشوفي انسان
مليح تقولي الله يبارك بصح بالاك نشوف صورة ولا شخص في تلفاز، اما الشارع لالا النظرة تاعي ماتزيدش على 3 ثواني واذا لقيت الشخص هاداك يشوف فيا بعد ماتزيدش على ثانية ونصف هههههه
اصلا نحشم نشوف مع شاب وكي نمشي والله تقريبا ديما عينيا في الارض نخطف نظرة نشوف بيها الطريق ونكمل، اما لو نتكلم عن معيار الجمال
والله معرف في الاعوام الاخيرة ماعادش يغريني شخص لابس حطة وشباب وكلشي كيفاه نفهمهالك مؤخرا عدت نقيم الانسان على اخلاقو اكتر من وجهو
كن نشوف شخص وسيم وسيارة ولبسة غير نشوفو يترعون هكاك ويدير في حركات تاع دراري نكرهو بعد، على عكس لو نشوف شاب متوسط الجمال
بصح متربي وحاكم قدرو يعجبني اكتر هادا كمفهوم عام لا تقولو الطفلة تتوقب والله خاطيني خاصة مؤخرا هادا جانب الشباب ووسيم ولا ماش وسيم ماعدتش نهتم
بمثل هاد المواضيع والله، فقط كملاحظة هاد العام لاحظت في الجامعة تاعنا شاب ملتحي يعني سلفي وقميص وكلشي والله ماشاء الله نعمة من الرحمان
ماتقولوش الطفلة تتوقب ولا لكن تقدري تقولي شخص مميز من بين مجموعة تاع شباب يعني يبان في نصهم صح، هاد نوع الشباب صراحة لي ناقص في وقتنا
وفي رايي يستحق يجبد نظر الفتاة راني نتكلم على العموم كاين لي بلا لحية ومتربيين ومتخلقين يخليوك نتي تحشمي تشوفي معاهم، كيما الطفلة كي تكون محتشمة
ويحشم الراجل يشوف معاها احتراما لها نفس الشي بالنسبة للشباب، هادا كتعبير عام يعني ماتقولو الطفلة عاجبها لا ملتحي لا ولد عمو انا فقط بشكل عام
قدمت اعجابي بشخص على اساس تربيتو خاطر مثال للشاب المثقف والمسلم في نفس الوقت، غير هاد الامر والله يا ختي ليليا ماعدتش نتغر بزين الناس برا
بالاك كن كنت صغيرة مازالت مديتني الدنيا مع اني ماكنتش نديرها ههه اما الآن خلاص قلبي محفوظ لشخص واحد وفقط هو زوجي المستقبلي سواءا كان شباب ولالا ههههه
خاطر الزين الحقيقي في الاخلاق، بصح هكاك ماننكروش وولاد بلادنا والله ماشاء الله فيهم المتربي والشباب وكل المواصفات فيه
وربي يحفظهم من العين، وماتنساوش غض البصر راهو واجب علينا كيما واجب على الرجال وانا نفضل تنشق الارض ولا راجل يدور يلقاني نشوف معاه
يعني نموت في جلدي وننتحر طول ههه ساعات تصرالي بغلطة وين نكون تايهة النار تشعل من وجهي هههه
شكرا ليلوشة على الموضوع والله شبعت ضحك هههه ربي يحفظك ختي ويشفيك ان شاء الله
تحياتي
​

 

[الامين محمد]

وواحد طالع يا ناس الله غالب راه قدام عيني كان لازم نشوف فيه نقولكم سبحان من خلق ربي يحميه ربي مدلو واحد الزين ختكم دخلت فالبوطو نتاع تريسيتي ههه نمشي ونشوف حبيت نعرف

يا الكحلوشة يا المغيارة هذاك انا او راكي ماعرفتيش التوأم نتاعك
ههههههههههههه
على الاقل الراجل مهما يكون ماهوش شباب يبقى مخلوق مقبول
ما تنسايش في رمضان هاذوك الكائنات الفضائية اللي تصبح معانا تقول
راهم فضائيين غزاونة و لما تركز مليح تلقاهن هن نسا بلا ماكياج
انا رأي اللي حاب يخطب صثحج و يعمل الرؤية الشرعية يعملها في رمضان
و افضل وقت على الخمسة نتاع العشية
و في 28 من رمضان
ههههههههههههههههه
اكيد رايح ينتحر هههههههههههه

 

[الأزرق الملكي]

السلام عليكم

في الحقيقة الجمال هو بلاء قبل أن يكون نعمة والعبرة في سيدنا يوسف عليه الصلاة والسلام

فإذا كان المرء حسن الخلق و لا يمتلك الإيمان و التواضع و الأخلاق سيضيع بين دهليز الغرور

حيث نجد الرجل الجميل يكون زير نساء و المرأة الجميلة هي فتاة الأحلام لهذا من الصعب أن لا يقعا في مستنقع الفتن

بالنسبة للباس .. الإنسان في الصغر يهتم بشكله لدرجة كبيرة لكن كلما كبر كلما أنقص من الاهتمام بمظهره

أنا من الأشخاص أحب اللباس البسيط حتى عندما أشتري اللباس الجديد أجعله قديم و أوسخه عمدا كي لا ألفت انتباه أحد

رغما ذلك لدي أناقة تخصني و لا أقلد احد ،

والأصح أن ننظر إلى الجوهر الداخلي لأن ذلك هو الذي يدوم أما المظاهر و الأشكال فهي زائلة بتقدم السن

تسلمي ​

 

[sanaya]

أووو ووووووو
راكي تعزفي على الأوتار الحساسة ههههه
شوفي ختي ديما نتناقش مع خويا في حاجة
يروح يخرج يدير بارفان .......
ونا نقولو كما تعرفو تقولو التعطر حرام والرجال ثاني ملازمش يتعطرو بويسك كاين عطور الواحد نورمالمون ملازمش يستعملهم
ويجي جاوبني
ربي قال التعطر حرام على لمرا مش عالراجل
معليش
ساعات راك ماشية تشوفي مبعيد واحد لابس تريكودبو
و رياضي وووووو
أكيد راح تغلقي عينيك ههههه ولاديري روحك تشوفي كاش حاجة فساكك
ههههه
مي منقدرش نفهم لمرا تلبس حجاب وتغطي روحها
والراجل يخرجلك نورمال بتريكو سون مونش أون بليس إلا كان رياضي قتلك طامة كبرى
وكتجي تنصحي واحد يقولك
الدين يقول :
الرجل يستر من السرة إلى الركبة
نو سمحلي مش هاك
ومبعد تجي تقول علاه لبنات يشوفو معايا هاستر روحك قبل
صح فهاذ النقطة منقدر نفهم والو
خويا شحال من خترة نزعف عليه يقلي عادي
الدين مقالش حرام
وهنا تبقا نقطة استفهام
الرجل معليش يتعطر بأروع العطور
والمرأة ممنوع
الرجل يعرض عضلاتو نورمال
والمرا لازم تتحجب
ويقولولك دين ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

 

[ليليا مرام]

و عليكم السلام و رحمة الله تعالى و بركاته
ايه على زين الاهل تاعي ن نبدا من بابا العين الزرقا و راهو ابيض لدرجة انو لما نروحو للبحر يبقى برك في الشمس يبرونزي لكن موش لبيوضا هديك تع البنات
اما عن الاهل ، من جهة امي والله ولاد خالي الله يبارك كيما الزرافة في الطول و الزين ماشاء الله يعني
و حتى من جهة ابي الله يبارك و اغلبهم عيونهم ملونين اللي عينو خضرا و اللي عينو زرقا و اللي عينو عسلي ماعندي مانقول
و من لافاي لبعيدة تاني الله يبارك الكل شابين و سيمين الله يبارك
لكن ثالمون مانستعرفش بالامور هدو مانحكيش عليهم و ليس قضية حشمة
و لانهم يجهلوني من احد الجوانب
و كين وليد خالي يشري الاديداس ب 5000 و 7000 المهم كل كسوتو تفوت 2 ملايين و مرة شرا اديداس بمليون
ايه واش حكيت و بهدلتو و رخستو خلي برك نضرب في الوجه يا اختي ليليا عليها مايحبونيش ههههههههههههههههه
ايه اسكتي برك شعري ديما حاكم لونطانات الكل امي و اخواتي يهبلو مني علاه تلبسي و تديري كيما لمهابل نقللهم ببساطة لاني مهبولة
اما في الخارج الحمد لله هداني ربي مند عام و نصف و انا بالحجاب الشرعي حتى ولو جيراننا مقابلينا نلبس الحجاب الشرعي و نروح
الله يحيي اصلك يارب و رايكم شرف اعتز به​

السلام عليكم اختي
يا حوجي قوليلي وين تسكنو هذي لافامي نتاعكم كامل هاكا وانت شهور هنا وساكتة اواه بعثيلي عنوان عمامك يا طفلة كنت راح نحط عيني على باباك ما جياش ههه مي كاين ولاد عمك وهذاك مول الاديداس اواه ما نتفاهمش معاه ما نحبش الي يخسر دراهم بزاف املا راني نتخيل فيك ماشاء الله
ايه ياك اللي يهدر الصح ما يحبوهاش راني مجربتها
الله يخليك ويهنيك بعقلك يا رب وسلامي لوالدك مول العينين الزرق ههه
سلام

 

[أم أُنٌَيسة]

السلام عليكم اختي
يا حوجي قوليلي وين تسكنو هذي لافامي نتاعكم كامل هاكا وانت شهور هنا وساكتة اواه بعثيلي عنوان عمامك يا طفلة كنت راح نحط عيني على باباك ما جياش ههه مي كاين ولاد عمك وهذاك مول الاديداس اواه ما نتفاهمش معاه ما نحبش الي يخسر دراهم بزاف املا راني نتخيل فيك ماشاء الله
ايه ياك اللي يهدر الصح ما يحبوهاش راني مجربتها
الله يخليك ويهنيك بعقلك يا رب وسلامي لوالدك مول العينين الزرق ههه
سلام

و عليكم السلام و رحمة الله و بركاته
ههههههههههه الكل متزوجين الباقيين اصغر مني و اصغر منك ههههههههههههههه
ايه ديما مانتفاهمش معاه ، اللع يبارك فيك يارب
ابي عينيه ازرق رمادي مايلين للاخضر و عينيا اخضر رمادي مايلين للازرق غريبين و للان مانعرفش لونهم صح و صحباتي جهلوني بسبتهم، يتبدلو بتغير الضوء و طبيعتو
ايه كاولي عماتي قالولي شعر بابا كان اصفر دهبي كيما لحرير و حتى شعري
يعني تقدري تقولي اديت من عند ابي تقريب كل شيء
لكن عادية برك و الحمد لله
امين يارب و انتي وكل المؤمنين
يقتلني كون نقللو هههههههههههه​

 

[ليليا مرام]

السلام عليكم
هههههههههه زدت عاودت قريت الموضوع شبعت ضحك سورتو تاع المتزوجة عندها كينغ كونغ في الدار هههههه

السلام عليكم مريومة واش راكي معليكش
اهي عندها كينغ كونغ فالدار كيفاه مسكينة ما تشوفش ولو سرقة ولو من بعيد يا سيدي تشوف تركي فالمسلسل المهم مسكينة تنحي الغمة

آلو .. لو شاوي دو ليليا ؟ ارواح تشوف مرتك واش مدايرة هههه راهي تخبط في البوطوات غير نضحك

ايه على بالو بيا راني اول مرة حكيتلو كل شي انا ما نخبيش حتى خطيبي تبارك الله وخموس بوقوس ربي يحميه

اممم نوليو للصح، شوفي ختي ليليا غض البصر واجب كيما على المرأة كيما على الرجل وولاد بلادي مانكدبش الله يبارك كاين فيهم وحايد والله
اجمل من التركي ومن الايطالي ومن الماريكاني، بصح نتكلم على الزين الطبيعي (بدون ماكياج هههههه) قصدي بدون زخارف حتى يولي يشبه للمرأة
انا كن نشوف شاب ولو حتى ملك الجمال بصح غير نشوف تريكو رايح يطرطق عليه وسروال مشبوح وسنسلة في الرقبة والنواظر تقول الواح شمسية والله نعافو


هذوك ما نحكوش عليهم راهم باينين نوعهم معاهم ومعانا
انا شوفي يعني والله بدون تفاخر خاطيني الشوفة هههه مانكدبش عليك نقولك انسان مليح شكلا مايعجبكش هادا امر طبيعي يعني تشوفي انسان
مليح تقولي الله يبارك بصح بالاك نشوف صورة ولا شخص في تلفاز، اما الشارع لالا النظرة تاعي ماتزيدش على 3 ثواني
ايه ولو 3 ثواني المهم انو تشوفي فاقو هههه

واذا لقيت الشخص هاداك يشوف فيا بعد ماتزيدش على ثانية ونصف هههههه

ايه يا بنتي ولو ثانية المهم انو تشوفي هههه ما تحشميش رانا خوتاتك وكامل نديروها

اصلا نحشم نشوف مع شاب وكي نمشي والله تقريبا ديما عينيا في الارض نخطف نظرة نشوف بيها الطريق ونكمل، اما لو نتكلم عن معيار الجمال
والله معرف في الاعوام الاخيرة ماعادش يغريني شخص لابس حطة وشباب وكلشي كيفاه نفهمهالك مؤخرا عدت نقيم الانسان على اخلاقو اكتر من وجهو
كن نشوف شخص وسيم وسيارة ولبسة غير نشوفو يترعون هكاك ويدير في حركات تاع دراري نكرهو بعد، على عكس لو نشوف شاب متوسط الجمال
بصح متربي وحاكم قدرو يعجبني اكتر هادا كمفهوم عام لا تقولو الطفلة تتوقب والله خاطيني خاصة مؤخرا هادا جانب الشباب ووسيم ولا ماش وسيم ماعدتش نهتم
بمثل هاد المواضيع والله، فقط كملاحظة هاد العام لاحظت في الجامعة تاعنا شاب ملتحي يعني سلفي وقميص وكلشي والله ماشاء الله نعمة من الرحمان
ماتقولوش الطفلة تتوقب ولا لكن تقدري تقولي شخص مميز من بين مجموعة تاع شباب يعني يبان في نصهم صح، هاد نوع الشباب صراحة لي ناقص في وقتنا
وفي رايي يستحق يجبد نظر الفتاة راني نتكلم على العموم كاين لي بلا لحية ومتربيين ومتخلقين يخليوك نتي تحشمي تشوفي معاهم، كيما الطفلة كي تكون محتشمة
ويحشم الراجل يشوف معاها احتراما لها نفس الشي بالنسبة للشباب، هادا كتعبير عام يعني ماتقولو الطفلة عاجبها لا ملتحي لا ولد عمو انا فقط بشكل عام


اييه مريومة يا مريومة ويا بنت الحومة عينك فبولحية ههههه معليش ما فيها والو عاقل ومتربي واشبيه اخينا نورمال اذا ماكانش متعصب
الف الف مبروك هههه
قدمت اعجابي بشخص على اساس تربيتو خاطر مثال للشاب المثقف والمسلم في نفس الوقت، غير هاد الامر والله يا ختي ليليا ماعدتش نتغر بزين الناس برا
بالاك كن كنت صغيرة مازالت مديتني الدنيا مع اني ماكنتش نديرها ههه اما الآن خلاص قلبي محفوظ لشخص واحد وفقط هو زوجي المستقبلي سواءا كان شباب ولالا ههههه
خاطر الزين الحقيقي في الاخلاق، بصح هكاك ماننكروش وولاد بلادنا والله ماشاء الله فيهم المتربي والشباب وكل المواصفات فيه
وربي يحفظهم من العين، وماتنساوش غض البصر راهو واجب علينا كيما واجب على الرجال وانا نفضل تنشق الارض ولا راجل يدور يلقاني نشوف معاه
يعني نموت في جلدي وننتحر طول ههه ساعات تصرالي بغلطة وين نكون تايهة النار تشعل من وجهي هههه
شكرا ليلوشة على الموضوع والله شبعت ضحك هههه ربي يحفظك ختي ويشفيك ان شاء الله
تحياتي
​

ايه معليناش نغضو البصر خلي نشلو عينينا شوي ومن بعد نغضوه هوما دايما يشوفو ويقولك نتوما نقصو من لبستكم خلي نخلفوها
نورتيني يا مريومة

 

[ليليا مرام]

و عليكم السلام و رحمة الله و بركاته
ههههههههههه الكل متزوجين الباقيين اصغر مني و اصغر منك ههههههههههههههه
ايه ديما مانتفاهمش معاه ، اللع يبارك فيك يارب
ابي عينيه ازرق رمادي مايلين للاخضر و عينيا اخضر رمادي مايلين للازرق غريبين و للان مانعرفش لونهم صح و صحباتي جهلوني بسبتهم، يتبدلو بتغير الضوء و طبيعتو
ايه كاولي عماتي قالولي شعر بابا كان اصفر دهبي كيما لحرير و حتى شعري
يعني تقدري تقولي اديت من عند ابي تقريب كل شيء
لكن عادية برك و الحمد لله
امين يارب و انتي وكل المؤمنين
يقتلني كون نقللو هههههههههههه​

ويا زهري يا انا لحقو ليا تزوجو معليش التعدد نقبل اي رقم من 3 للرابعة نستنى عندي الامل ههههه
اييه يا لالة امالا نجو نخطبو تبارك الله
اواه ما تقلي لباباك ما يقتلك بعيد الشر عليك ركزيلي على وليد عمك اللي حاب يعدد اتصلي بالحصة ههه
شكرا

 

[أم أُنٌَيسة]

ويا زهري يا انا لحقو ليا تزوجو معليش التعدد نقبل اي رقم من 3 للرابعة نستنى عندي الامل ههههه
اييه يا لالة امالا نجو نخطبو تبارك الله
اواه ما تقلي لباباك ما يقتلك بعيد الشر عليك ركزيلي على وليد عمك اللي حاب يعدد اتصلي بالحصة ههه
شكرا

هههههههههههههههههههههههههههههههههههههه
ياو كون يحكمك الشاوي تاعك ههههههههههههههههههههههههه
كون جيت في بلاصتو نقلك هههههههههههه

 

[ليليا مرام]

يا الكحلوشة يا المغيارة هذاك انا او راكي ماعرفتيش التوأم نتاعك
ههههههههههههه
على الاقل الراجل مهما يكون ماهوش شباب يبقى مخلوق مقبول
ما تنسايش في رمضان هاذوك الكائنات الفضائية اللي تصبح معانا تقول
راهم فضائيين غزاونة و لما تركز مليح تلقاهن هن نسا بلا ماكياج
انا رأي اللي حاب يخطب صثحج و يعمل الرؤية الشرعية يعملها في رمضان
و افضل وقت على الخمسة نتاع العشية
و في 28 من رمضان
ههههههههههههههههه
اكيد رايح ينتحر هههههههههههه

السلام عليكم
لالا فاقو منين انت ما تشبهلو ما يشبهلك راني نقولك انا دخلت فالبوطو تقولي انا يا الكحلوش انت كي نشوفك ندخل فالحيط ههههه
نونونو اسمع يا خونا ما يخطب لا على 5 لا على 6 وهو لما يديها للدار لو ما ديرش ماكياج يروح يشوف المزوقة والمعلقة رجال ما فهمنالكمش نديروالمكياج علاه ما نديروش تروحو تجرو برا فهمو رواحكم يا خونا
انا راحا نخطب نروح مع 7 نتاع صباح نشمو ريحتو كي ينوض وااااااااااااااع

 

[ليليا مرام]

السلام عليكم
وعليكم السلام
في الحقيقة الجمال هو بلاء قبل أن يكون نعمة والعبرة في سيدنا يوسف عليه الصلاة والسلام

فإذا كان المرء حسن الخلق و لا يمتلك الإيمان و التواضع و الأخلاق سيضيع بين دهليز الغرور



حيث نجد الرجل الجميل يكون زير نساء و المرأة الجميلة هي فتاة الأحلام لهذا من الصعب أن لا يقعا في مستنقع الفتن

انا ما نوافقكش هنا خويا لالا مش كل اللي بوقوس راه زير نساء كاين وكاين كاين رجل ربي كملو بالعقل والدين والزين فالوقت نفسه يعني شباب وعاقل ومتربي
والمرا اذا كانت شابة بزاف الاكيد راح يكون ليها معجبين انا شفت نسا متزوجات والله هي مع راجلها ويشوفو فيها وثاني بزاف النسا ربي مدلها شكل تخليه بلاما تزيد ماكياج فاضح هذي هي الفتنة والناس من المفروض تتربى مرا مع راجلها او وحدها الجمال من الله

بالنسبة للباس .. الإنسان في الصغر يهتم بشكله لدرجة كبيرة لكن كلما كبر كلما أنقص من الاهتمام بمظهره

أنا من الأشخاص أحب اللباس البسيط حتى عندما أشتري اللباس الجديد أجعله قديم و أوسخه عمدا كي لا ألفت انتباه أحد

رغما ذلك لدي أناقة تخصني و لا أقلد احد ،

والأصح أن ننظر إلى الجوهر الداخلي لأن ذلك هو الذي يدوم أما المظاهر و الأشكال فهي زائلة بتقدم السن

تسلمي ​

يا حوجي انت تمرغ الحوايج ههههه باه تلبسهم خويا هذي عفسة جديدة اول مرة نسمع بيها ههه
اكيد الجوهر الداخلي يهم ونحكي بجدية الان انو يكون راجل شباب وقادر نلقاه مش راجل ومش قادر عل المسؤولية واش ندير بيه
مي هذا ما يمنعش نمدو راينا فرجال البلاد الله يبارك
تسلم الله يخليك

 

[ليليا مرام]

أووو ووووووو
راكي تعزفي على الأوتار الحساسة ههههه

وعليكم السلام
اييه وانا علاه درت الموضوع عارفة كامل تشوفو ههه
شوفي ختي ديما نتناقش مع خويا في حاجة
يروح يخرج يدير بارفان .......
ونا نقولو كما تعرفو تقولو التعطر حرام والرجال ثاني ملازمش يتعطرو بويسك كاين عطور الواحد نورمالمون ملازمش يستعملهم
ويجي جاوبني
ربي قال التعطر حرام على لمرا مش عالراجل

خوك من جماعة نتاع اللي جابو فيزا للجنة كل شي حرام على المرا وهوما راهي تستنى فيهم الفردوس الاعلى قولو قاتلك لمن راك دير الريحة انا لازم نعرف لمن راه يدير فيها ههههه
معليش
ساعات راك ماشية تشوفي مبعيد واحد لابس تريكودبو
و رياضي وووووو
أكيد راح تغلقي عينيك ههههه ولاديري روحك تشوفي كاش حاجة فساكك
ههههه

شوفي انا رياضي والا سلوقي نكون ماشيىة في حالي ما نشوف في حتى واحد نتمشي ونتمتم اكيد كاش ما نخمم مي اذا جات عيني على واحد شباب نحط راسي ونفوت مي الصراحة نمشي ونقول تبارك الله هههه كاين مرات واحد الزين اسمي ننسى واش هو ههه
مي منقدرش نفهم لمرا تلبس حجاب وتغطي روحها
والراجل يخرجلك نورمال بتريكو سون مونش أون بليس إلا كان رياضي قتلك طامة كبرى
مشكلة الخاوة انو الدين جا لينا برك وهوما معصومين ربطو الرجولة والذكورة بالدين انو المرا حرام وهوما حلال
ايه يخرج سون مونش ومرات تشوفيهم بلا حتى تريكو من فوق وعادي يوري فليكوت ههههه

وكتجي تنصحي واحد يقولك


الدين يقول :
الرجل يستر من السرة إلى الركبة

معناها هذا طرزان املا علاه راهم يخسرو فالدراهم ويشرو الحوايج يكفي شورت هههه
نو سمحلي مش هاك
ومبعد تجي تقول علاه لبنات يشوفو معايا هاستر روحك قبل
يا طفلة شطون جاي يقولك علاه تشوفي معايا ياو ماذا بيهم وهوما علاه يمشو هاكا باه نشوفوهم مي مع من طاحو بلا تحلاب احنا نشوفو ارض ارض ماشي كيما هوما يظلو يتبعو فينا كالقطوط يشوفو فينا سردين

صح فهاذ النقطة منقدر نفهم والو
خويا شحال من خترة نزعف عليه يقلي عادي
الدين مقالش حرام
وهنا تبقا نقطة استفهام
الرجل معليش يتعطر بأروع العطور
والمرأة ممنوع
الرجل يعرض عضلاتو نورمال
والمرا لازم تتحجب
ويقولولك دين ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

انا قتلك لانو فسرو الدين كيما يحبو هوما
حنا اللي فات وجات العين فيه بلا قصد رانا شفنا هههه واذا لالا دارو خير ومزية ههه
نورتيني

 

[ليليا مرام]

هههههههههههههههههههههههههههههههههههههه
ياو كون يحكمك الشاوي تاعك ههههههههههههههههههههههههه
كون جيت في بلاصتو نقلك هههههههههههه

نونونو عارفني نبغيه ونموت عليه نضحك برك
لوكان يعرف واش راني نقول يذبحني مي ولو يقرا يعرفني نتمسخر
يا حوجي بغيتي يذبحني انا قلت اذا ما تفاهمتش معاه صلاح الدين راه يستنى ووليد عمك المهم ما نقعدش هاكاك هههه

 

[Salah eddin]

السلام عليكم
شني هذا ؟ اووو
كيفاه منا تقوليلي ارواح اخطب و من بعد تقولي هذا الكلام

بيناتنا انا مرة هابطة فحومتنا وواحد طالع يا ناس الله غالب راه قدام عيني كان لازم نشوف فيه نقولكم سبحان من خلق ربي يحميه ربي مدلو واحد الزين ختكم دخلت فالبوطو نتاع تريسيتي ههه نمشي ونشوف حبيت نعرف عند شكون جا ونخبط فالبوطو

الصراحة ربي مدلو جمال وكملها باناقة واش نقولكم يا سعدها مرتو والا خطيبتو والا اللي مصادقها المهم اللي يعرفها يا سعدها

خلاص

بطلت لا خطبة لا هم يحزنون
روحي عيطي لهذا لش شفتيه يجي يخطبك
انا بطلت نخطب واحدة اخرى
....

ههه
راني نقسر برك
المهم موضوع كي العادة كيما مواضيعك الرائعة
و المهم
نقولك هذي سنة الله في خلقه
و
السلام ​