القَنَـــــوآتْ الجَـزَآئِريَـــــــــة وَ فعْلُ الخَيْــر !!!

[ضآحكة مستبشرة]

السلام عليكم و رحمة الله تعالى وبركاته
انا ضد تلك الحصص ، احببت و اعجبني مفهومها لكن فعل الخير يكون لوجه الله و يجب ان لا يعلم به احد
ادا ساعدت احدا دون علم الناس فقد ساعدته اما ادا ساعدته بعد علم الناس فقد فضحته
و في ديننا يجب ان يكون فعل الخير غير معروف و ليس يبرحو بيه في كل مكان
ثم الشكوى لغير الله مذلة
حقيقة لا احب تلك الحصص
و الدي يريد ان يفعل خيرا يبحث و يجد
هدا رايي و الله اعلم
تحياتي احترامي و تقديري لشخصكم الكريم​

و عليكم السلام و رحمه الله اختي شيوم
صحيح لي قلتيه حنونة بصح خلينا نسوفوها من جانب آخر
مثلا و كمثال بسيط برك الاخ عدلان لولا الاعلام هل كان رح يوصل نداءوا للسلطات و يتكفلوا بيه
لوكان ماشي القنوات و الفيسبوك و ناس الخير لوكان بعيد الشر راهو مزال يتمرمد
صح لي يدير الخير يديرو في السر مي الوقت لي رانا فيه لوكان متفكرش الناس بلي كاين عباد محتاجين مكاش لي يلتفت و اصلا هوما مثلا لي مرضى ياك يعرضو حالاتهم و المحسنين يساعدوا في الخفاء و اغلبهم يقولولهم متقولوش علينا

شكرا شيوم
نورتي الموضوع و نحترم انا ايضا رأيك​

 

[ضآحكة مستبشرة]

السلام عليكم اختي اهلا وسهلا

و عليكم السلام و رحمة الله اختي ليليا و بيك يعشيك

موضوع هايل والحقيقة انو كاين برامج روعة مع انو حتى نذي الحصص كيما قلتي كاين مرات يفضحو امور الناس هي صح الناس يجو برجليهم ويشكو مي كاين مواضيع كان لازم ما يفتوش يعني امور كبار بزاف

تعيشي اختي و الله صح مرآت يفضحو و يزيدو يكملو عليهم لكـــــن دائمـاً و الآغلب الحالات تكون ناجحة و تقلى مساعدة
حبيت نشوفوا الجانب الايجابي يعني هذي القنوات يالوكان تكون ساعدت واحد في المئة رح يكونوا قدموا شيء جميل
ملازمش ننكروا هذا الشيء

مثلا حصة ماوراء الجدران انا نتفرجها من اول ما بدات هايلة وفيها مواضيع ولكن كاين امور سلبية انو اليوم راهم مع صاحب القضية لغدوة يجي الطرف الآخر ينقلبو على اللي جاهم فالاول وحكالهم القضية وهذي معروفة على النهار ككل انو دور وين المصلحة وين تضرب هي

ايه هذه الحصـــة فيها بزاف تبهدايل خاصة الشيخ سمش الدين يدير قصف عالمباشر و يبهدل الضيوف و كل مرة ينقالبو في هدرتكم مكاش حاجة ثابتة بصح الشيء الايجابي في الحصة هو مثلا لي يحوسوا على الاهل يدالهم شحال من حال فاتت تاع البحث عن احد الاشخاص في الاخير صابوهم و رجعوا لمو الشمل من جديد بلا مننساو اكيد قضية المصلحة

برامج اخرين ما نعرفهمش نعرف غير خط احمر شابة بزاف ونحب فضيلة على خاطر حنينة بزاف

ايه صح فضيلة بزاف هايلة الله يبارك حنينة بزاف و تتأثر مع الحضور و تحاول جاهدة باش تساعدهم

برامح الخير وخليني نقولهالك عن تجربة صدقيني نتوما تشوفو الناس يوروهوم جاو ودارو اعلانات وووقفو معاهم وعاونوهم شوفي اعرفي الناس هذوك مساكن اما راحو ورجعو وطلب وحطي ملف وزيدي كاين حتى يجو من ولايات اخرى ويباتو فالفنادق وفالاخير يشدو عليه رقم ويوقولو روح وكاين لالا عندهم المعارف يفوت من اول مرة يجي يهدر معاهم بعدو يومين يعيطلو يسجل معاهم راهم بزاف حكايات وامور مخفية ولكن اكيد ما ننكروش انهم يعاونو اللي محتاج وكاين ناس تحلت مشاكلها بعدما فاتو فالحصص هذي وربي يقدر كل واحد حسب نواياه

اكيد اختي المعريفة هذي حاجة باينة باش تكون بما انها في المجالات باينة مرحش تفوت على القنوات حتى هي تمارس سياسة التوسط ........ الخ
ان شاء الله ربي يجب الخير أختي و ربي يشفيك يا لحبيبة و في اقرب وقت تتعالجي و تخبرينا بلي راكي بريتي و نفرحوا بيك و حنا رانا معاك بالشيء لي قدرنا عليه و لو بدعوة صادقة

البارح الشيخ شمس الدين دار امر هايل انو شد الاولاد اللي جابهم باباهم باه يمدهم يا لطيف هذا مش اب ولا فيه الرحمة خلاهملو وراح حتى الحيوان ويحامي على ولادو يا لطيف غاضوني بزاف بزاف وداهم الشيخ شمس الدين لدارو الله يجازيه بالجنة
شكرا اختي

انا مشفتهاش مشاء الله ربي يحفظ الشيخ شمس الدين و حسبي الله و نعم الوكيل في هذا الاب تقوشي معندو احساس
كاين لي يرمي الكبدة ديالو ناس محرومة منهم و اخرين يطيشو فيهم
استغفر الله لا حول ولا قوة الا بالله

العفو اختي ليليا شكرا على المرور الطيب
نورتــــــــــــــــــــــــــــــي
راني جاوبتك داخل الاقتباس ..​

 

[ضآحكة مستبشرة]

السلااام عليكم

و عليكم السلام مريوم

عودة من جديد
مرحبا بيك أسومتي هكا يا ستوتة تروحي وتخلينا نتوحشوك؟ راكي عنصر مهم بزاف في اللمة

و بيك يعيشك حبيبتي ههههه يتوحشك الخير حبيبتي كنت رح نطول بصح توحشتكم رجعت ههههه
هههههه راني صخشية مهمة و مقلتيليش هههه راني هنا آمالا

اصلا سبحان الله دخلت اليوم نلقى اللمة زاهية ومواضيع في كل قسم يعني حقا نتي نحلة المنتدى

ههههه ميرثي عالمجاملة الحلوة يا عسل ربي يحفظك و يوفقك حبيبة

ربي يحفظك من كل سوء حبيبتي ونشكرك على الموضوع المختلف يعني موضوع يتطلب نقاش وربا نستفادو من الردود في النهاية

ربي يحفظك انتي ايضا حبيبتي و العفو
ان شاء الله

على كل حال نوافق الاخت ليليا في واش كانت تقول يعني صح كاينة قنوات راهي تقوم بجهود جبارة لمساعدة الغير وكتر خيرهم

آمين يا رب

خاصة حصة اليد في اليد هاد الحصة تقريبا كلما نتفرجها نبكي ماش نبكي من الالم ولكن نبكي من فرحة الناس يعني تشوفي الدموع في عينيهم
والفرحة على وجهم خاصة مرة زوج وزوجتو وعرسان جدد عندهم بالاك طفل واحد برك رضيع حسب واش نشفى دارولهم دار تقول قصر
ووفرولهم كل ظروف الحياة المناسبة حتى الانترنت لي ابسط شي ودخلوهالهم تشوفي الفرحة هاديك في عينيهم حتى لحمك تشوك على هادي الحصة
اذا بكيتي فيها رايحة تكون دموع فرح،

ايه و الله صح حبيبتي حصة ساعدت بزااف ناس و دخلت الفرحة على قلوبهم
الحمد لله لي مزال كاين الخير في بلادنا

ايضا حصة وافعلوا الخير حصة بزاف مليحة مافيها تقابيد ولا عياط فيها ناس مساكن مراض يحتاجو مساعدة
وناس الخير يساعدوهم هاد الحصة صراحة قليييل وين نشوفها بالاك من نهار داروها شفتها 3 مرات اصلا قلبي ويجعني نشوف انسان مريض يعاني
وخاصة طفل صغير ملايكة مريض في الفراش وماعندوش كيفاش قلبي يوجعني بزااااف، حصة خط أحمر تاني تعجبني لأنها تجمع الناس اكبر ما تفضح حكاياتهم
صراحة نشوف انها حصة تقدري تتفرجيها مع العائلة تاعك وفيها مواقف طيبة، آخر مرة شفت مرأة جات كرمت أخ زوجها ايماجيني أخ زوجها قاتلهم لقيتو خويا
في جنبي قاتلهم الحاجة لي نسخف عليها يجبهالي قاتلهم ولادي من نهار زادو عمري لا كسيتهم للعيد دايما هو لي يكسيهم وتشوفي الاولاد هادوك كيفاه يبكيو
كي شافوه حتى بكاوني معاهم هههه يعني ماشاء الله،
الله يبارك مشاء الله اكيد حصة خط احمر حصة راقية و فيها حرية للضيف ميجبروهش عالظهور و هذي وحدها تبين بلي هدفهم المساعدة ماشي الفضيحة
هادو الحصص لي صح يدخلو لقلبي اما تاع افتح قلبك وخاصة تاع ماوراء الجدران فيها قصص كارثة
فيها قصص صح انتهت نهاية سعيدة وكاين لي يجي يفضح مرتو وينشر صور فاضحة ليها والعكس صحيح وواحد يجي يحارب باباه كاين فيها فضح بزاف
وكيما كانت تقول ختي ليليا البارح راجل ايماجيني طيش ولادو مكرا في مرتو خاطر ماحبتش تديهم ايماجيني الاولاد ولاو لعبة بين الاولياء وكن حتى متهلي
فيهم باباهم ايماجيني يرقدهم في كاميو تاع زبل حاشاك حتى ولا الشيخ شمس الدين قالو انا نديهم عندي وياكلو منهم من ولادي
يعني كيما كنت نقول كاين حصص لي هدفها المساعدة والاعمال الخيرية و حل مشاكل الناس وكاينة لي هدفها الفضح ولا بعبارة اوضح الشعب

ايه صح خطرات الواحد يحشم في بلاصتهم كيفاش يجيو يبهدلوا رواحهم ان شاء الله ربي يهديهم و يكثر خير الشيخ شمس الدين

• يحب يفضح روحو، زعما واحد يكرم مرتو قدام الشعب ويقولها نحبك وطاطاطاطا يا ولدي عام وسنين وهي قدامك اشكرها وكرمها في دارك علاه فاضحين رواحكم

وكاين حتى لي تصبح بمقلة للوجه وهو يصبح بكف للوجه ههههه ويجيو للحصة يلعبوها رومانسيين يعني كاين فئات مختلفة

هههههه هذي و الله كاين منها ههههه اي لوف يو مريومه اليوم جيت نكرمك قدام كامل ناس اللمة و نقولك نحبك ^^

شكرا اسومة على الموضوع الشباب بارك الله فيك عزيزتي وماتزيديش تبعدي علينا
تحياتي​

• ​
• العفو غاليتي​
• و فيكي بارك الله​
• ههههه ان شاء الله منزيدش و رح تلقايني توجور هنا اذا قدرت ​
• شكرا على المرور العطر​
• نورتي​