خوذها من عند الشبعان اذا جاع

[Salah eddin]

السلام عليكم و رحمة الله
ناس اللمة صحيتو و ش حالكم و احوالك ؟
ان شاء الله راكم لا باس و بخير
الحمد لله على العموم
المهم ...كيما يقول المرحوم برحمة الله دحمان الحرشي :
خوذها من عند الشبعان اذا جــــــاع *** و اللي جيعان اذا شبع ما يعطيلك دالة
يرجه يقول لك انا ولــــــيت سبــع *** ينسى كيفاش كان في زمانو حالتو حالة
هذي الكلمة راه في معاني كثيرة و حبيت ندير عليها موضوع هنا
المهم ...
نعرفو ياسر ناس طاحت بيهم و نعرفو ناس طلعت بيهم ثم ثم كي الأسانسور
و كاين من الناس الي كان فراك ما يسعاهش
و من بعد كي تتنفس عليه سواء بالحرام او بالحلال ربي سبحانو لي يعلم
يولي شوف في القاشي من الفوق و ينفخ في روحو
و يتكبر و يزيد و كذا و منا و ملهيه
ياودي التكبر مش مليح ..حط رجليك في ميهة باردة خير لك
و كاين من الناس الي يبدل الاصحاب و الجيران كي شقل قلب الفيستا و يعاود ياكتياليزي الدعوة
لالا ...هذي ما قالها لا ربي لا النبي عليه الصلاة والسلام
لان الله سباحنو قال في سورة آل عمران لاية 140 :
* ...و تلك الايام نداولها بين الناس ...*
هذوك الناس الي ييجرو وراء الدرهم و الدينار
و الله يعافينا
و الله يجيب الخير
...
ايا السلام عليكم و بالعافية

​

 

[الورد الأحمر]

السلام عليكم ورحمة الله وبركاته

مساء الخير أخي صلاح

إيه يخي ناس بكري قالو ما تخافش من الشبعان إذا جاع خاف من الجيعان إذا شبع وكاين منها صح تلقاه غير ما فرجت عليه شوية ديجا يحكي معاك بصفة وين حاسب روحو supérieur عليك ويضحك ع الفقراء كي شغل عمرو ذاقو ويتلفك ويطيشك وينهلك ويلعبها ما يعرفكش على خاطر ببساطة الإنسان هذا يولي يحوس كيفاه يليكيدي كل إنسان يعرف حقيقتو وقت كان مبهدلتو الدنيا مالا يبدل الصحبة كامل باه واحد ما يفكرو بلي كان إنسان عادي وديجا كلمة عادي بزاف عليه.

ميلح أنو الإنسان تفرج عليه مي يبقى لازم يتفكر بلي ما فرجتش عليه من عدم راهي فرجت عليه على خاطر ربي حب هك مالا ماشي بعد ربي لي يبغض التكبر يفرج عليك تولي بعد تتكبر ما تدري في لحظة يرجعك ربي منين كنت وترجع للصفر ويرجعو الناس يشوفوك أحقر البشر.

مغسي أخي صلاح ع الموضوع لي فيه عبرة وفيه بعد تذكير بلي التكبر ماشي مليح سواء إنسان كانت مندوبة عليه وفرجت عليه ولا الإنسان لي فارجة عليه من عند ربي والتكبر في كلشي مش مليح ماشي غير في هذي.

بارك الله فيك.

 

[صانعة الإبتسامة]

الله لا تربحك...موضووووع يهبل.....ليعاندو الدراهم هو ليعيش ولي معندوش يشد الحيط لا يطيح....بصح الله لايعطينا في الدنيا الفانيه ...إن شاء الله ندوها في الآخرة.....قول آمين أخي صلاح..

.

 

[Salah eddin]

السلام عليكم ورحمة الله وبركاته

مساء الخير أخي صلاح

إيه يخي ناس بكري قالو ما تخافش من الشبعان إذا جاع خاف من الجيعان إذا شبع وكاين منها صح تلقاه غير ما فرجت عليه شوية ديجا يحكي معاك بصفة وين حاسب روحو supérieur عليك ويضحك ع الفقراء كي شغل عمرو ذاقو ويتلفك ويطيشك وينهلك ويلعبها ما يعرفكش على خاطر ببساطة الإنسان هذا يولي يحوس كيفاه يليكيدي كل إنسان يعرف حقيقتو وقت كان مبهدلتو الدنيا مالا يبدل الصحبة كامل باه واحد ما يفكرو بلي كان إنسان عادي وديجا كلمة عادي بزاف عليه.

ميلح أنو الإنسان تفرج عليه مي يبقى لازم يتفكر بلي ما فرجتش عليه من عدم راهي فرجت عليه على خاطر ربي حب هك مالا ماشي بعد ربي لي يبغض التكبر يفرج عليك تولي بعد تتكبر ما تدري في لحظة يرجعك ربي منين كنت وترجع للصفر ويرجعو الناس يشوفوك أحقر البشر.

مغسي أخي صلاح ع الموضوع لي فيه عبرة وفيه بعد تذكير بلي التكبر ماشي مليح سواء إنسان كانت مندوبة عليه وفرجت عليه ولا الإنسان لي فارجة عليه من عند ربي والتكبر في كلشي مش مليح ماشي غير في هذي.

بارك الله فيك.

اهلا بالاخت المديرة
راه عندك الحق 100/100
و اللي ذكرتيهم هوما بالضبط لي راني قاصدهم بكلامي
شفتي كيفاه حال الجيعان كي يشبع ...االا من رحم ربك
و الله يجب الخير
بارك الله فيك يا المديرة
شكرا​

 

[Salah eddin]

الله لا تربحك...موضووووع يهبل.....ليعاندو الدراهم هو ليعيش ولي معندوش يشد الحيط لا يطيح....بصح الله لايعطينا في الدنيا الفانيه ...إن شاء الله ندوها في الآخرة.....قول آمين أخي صلاح..

.

اهلا بالاهت صفاء
ايا مليح لي عجبك الموضوع
بصح حنا نطلبو ربي سبحانو هو الغني و المغني
لكن انا نفضل نقول
اللهم آتنا في الدنيا حسنة و في الاخرة حسنة وقنا عذاب النار
ايا نتي قولي آمين ضروك
ههه
بارك الله فيك و شكرا على المرور الجميل​

 

[صانعة الإبتسامة]

اهلا بالاهت صفاء
ايا مليح لي عجبك الموضوع
بصح حنا نطلبو ربي سبحانو هو الغني و المغني
لكن انا نفضل نقول
اللهم آتنا في الدنيا حسنة و في الاخرة حسنة وقنا عذاب النار
ايا نتي قولي آمين ضروك
ههه
بارك الله فيك و شكرا على المرور الجميل​

آآآآميييييييييييييييييين ياااااااااااااااارب ....مليح هكا

 

[بشرى ملاك]

 

[السلطانة]

وعليكم السلام كيما يقول المثل البارح كان حفيان اليوم شرا صباط رجع يضحك على الحفيان

في عوض يحمد ربي للنعمة لي رزقو بيها هو ينوض يحقر الناس ويشوف روحو حاجة

صحيت خويا

 

[Salah eddin]

اهلا بالاخت بشرى
صح ...عندك الحق في كلامك
شكرا على المرور الجميل
بارك الله فيك​

 

[Salah eddin]

وعليكم السلام كيما يقول المثل البارح كان حفيان اليوم شرا صباط رجع يضحك على الحفيان

في عوض يحمد ربي للنعمة لي رزقو بيها هو ينوض يحقر الناس ويشوف روحو حاجة

صحيت خويا

اهلا ام ياسمين
هذاك هو بالذات
و الله يجعل الخير
بارك الله فيك
شكرا​

 

[sanaya]

آه وي عندك الحق ياما ناس يعطيهم ربي يولوا يشوفوا فالناس كالدبان
ويبدلوا صحابهم و يولوا يمشوا غير مع فلان والسي فلان
وكشوفوك كلي جامي عرفوك
وتصرا مام فلقراية تلقا وحدة تزوجت ومبعد صدفة تتلاقا مع صحاباتها تبدا تسقسي فيهم شكون نتوما سمحولي منعرفكمش
ياخي حالة
صحاباتها من لقراية ومتعرفهمش
وعلاه التكبر
ونا عندي عقلية المال مال ربي سبحانو وقادر يديه في أي لحظة
وكما قلت الدنيا دوارة يوم ليك و يوم عليك
ومشكور على هاذ الطرح القيم
سلام

 

[همس الوُرود]

السلام عليكم ورحمة الله وبركاته
بورك فيك موضوع قيم وعندو معنى كبير

صراحة فالدنيا هادي مكانش كيما الإنسان المتواضع .. والتكبر صفة مذمومة بزاف فالدين وفكل شيء
و ما يتكبر الإنسان إلا لضعف فيه علاجال وسخ الدنيا يبدلو العباد .. نساو بلي هدا الشي فاني وميدومش فأي لحظة يموت الإنسان وميروح معاه حتى فرنك
والله كوارث ربي يسترنا ويعافينا
هدو الناس الي كي ربي عطاهم ومنحهم النعم نساوه ومشكروهش
الدنيا واعرة والناس تايهة فيها .. اللهم يا مقلب القلوب ثبت قلوبنا على دينك ..

 

[rycerz]

حسب تجربتي في الحياة .. ماكانش أخطر من الزوالي لي قلبو فاسد
بخصوص الفقير لي ربح تلقاه يروح و ما تزيدش تشوفو و لي لاباس بيه من الأول كيف كيف هو في عالم خاص بيه .. أمّا الزوالي المفريني صاحب النية الفاسدة راه ما عندو حتى فكرة في راسو غير فكرة وحدة و هي تلقاه يعس في خوه الزوالي ليل و نهار ... خايف مرعوب منّو يربح و يشبع بعشا ليلة .. من غير خوه الزوالي ما يلتهى بوالو و بحتّى واحد​

 

[الأزرق الملكي]

السلام عليكم

المشكل في الأساس أن الناس تقيّم الغني و تنظر إلى الفقير بنظرة دونية وهذه الطبقية الإجتماعية خلقت هكذا أشخاص

فالإنسان عندما يكون في فترة فقر يرى أنّ من حوله يحتقروه و لا يعطونه احترام ومن كثر البؤس و الظلم يصبح قلبه قاسي

وعندما يرزقه الله يصبح ذلك الظلام الموجود في باطنه أداة للإستعلاء و التكبر كأنه ينتقم من المجتمع الذي لم يرحمه

لكن بالمقابل هناك أناس فقراء و في قلوبهم الإيمان وعندما رزقهم الله أصبحوا يساعدون الناس لأنهم مدركون معنى المعاناة

يعني لا يمكننا الحكم المسبق على الجيعان إذا شبع وتبقى صفتي التكبر و التواضع موجدتين في مختلف مستويات الاجتماعية.

بارك الله فيك .
​

 

[حلم كبير]

السلام عليكم و رحمه الله تعالى وبركاته

مساء الانوار أخي الكريم صلاح

( علابالك ولد أختي إسمو صلاح ندلعوه صلوحة ... بصح نتا خويا الصغير ونعزك بزاف )

والرائع دائما بمواضيعك الهادفة والاروع تمسكك بالمثل والقيم فبارك الله فيك وحفظك لأهلك ولعلمك .

الفقر ما هوش عيب بالعكس هو اختبار وبلوة يختبر الله العباد بيها يصبرو ولا لالا ،و يڨعد العبد يدعي ويدعي ربي يفرج عليه ،وكاين ناس إذا فتح عليهم ربي بفريكات ومتعهم ايامات نساو رواحهم ونساو فقرهم اللي كانو فيه ، يضحكو على هذا ويعايرو لاخر لا حشمة لا حيا ،وزيد إذا شافو خاوتهم عطاهم ربي شوي يبداو عڨابهم بالتعلاق والضحك ...

والله يا خويا راه عندي ضيفة والضيف ضيف ربي فالدار جات من البلاد زيارة ،.....حنا كنا متوسطي الحال فيما مضى ،والحمد لله ڨعدنا في نفس المستوى المعيشي حتى وجينا للغربة ،يعني الكفاف والعفاف ،بصح كاين صوالح هنا تقدر تديرهم في دارك بسهولة ميش كيما فالبلاد يعني عايشين على حسب البيئة اللي رانا فيها، وهاذي المخلوقة مللي جات وهي تعاير هدانا الله وإياها { وانتوما تزوجت عندكم لڨيتكم هكذا وهكذا وكنتو متخلفين وما تعرفو والو ووووو.} خلي كلام ياسر وحنا ساكتين ونسمعو ،وزيد كي نخرجو تڨول أنا نهدر الفرونسي ونفهمها كي هدرتها نتوما كنتو تسرحو بالشياه ، وساكتين ومعڨبين على وجه زوجها الكريم ،اللهم أهديها وصبرنا ....

والادهى هاذي أستاذة وحاجة بيت ربي ،وتضال تفوخ بأهلها وحياتهم وبروحها شبعتنا فوخ ...بلا بلا بلا ....

إييييييه يا خويا باه يكون الواحد عندو المال وحنين وطيب ويحس بالجيعان ،لازملو ستاج كبير فالحياة وتدلكو الدنيا مليييييح وما نعرف ...

الشبعان كاين فيه وفيه كيما هاذي المخلوقة ما يخصها والو لاباس عليها من صغرها عايشة فالعز ،بصح استخسرت فينا شبعة في كروشنا الله يعافينا وإياكم ....
يخي دائما الزوالي لا دار حاجة يستغربو منو الناس أكل وكأنو كتبولو يعيش فالزول طول عمرو ،بصح لازم يحس بخاوتو اللي كيما هو ويعاونهم ،ويتواضع ليهم ....

والبسيط بسيط في حياتو وتعاملو وهدرتو ...

خويا الثرثار مر من هنا هههه
وبرد ڨلبو بالهدرة

بارك الله فيك
احترامي وتقديري
حلم كبير​

 

[Salah eddin]

آه وي عندك الحق ياما ناس يعطيهم ربي يولوا يشوفوا فالناس كالدبان
ويبدلوا صحابهم و يولوا يمشوا غير مع فلان والسي فلان
وكشوفوك كلي جامي عرفوك
وتصرا مام فلقراية تلقا وحدة تزوجت ومبعد صدفة تتلاقا مع صحاباتها تبدا تسقسي فيهم شكون نتوما سمحولي منعرفكمش
ياخي حالة
صحاباتها من لقراية ومتعرفهمش
وعلاه التكبر
ونا عندي عقلية المال مال ربي سبحانو وقادر يديه في أي لحظة
وكما قلت الدنيا دوارة يوم ليك و يوم عليك
ومشكور على هاذ الطرح القيم
سلام

اهلا بالاخت مريم
الله يعافينا من هذو الناس و الله يهدي العباد و يصلح حال البلاد
و هذي هي الدنيا كيما قال المرحوم دحمان الحرشي
ادنيا تضحّك و تبكي
و الله يجيب الخير
شكرا على مرورك القيم

بارك الله فيك
​

 

[Salah eddin]

السلام عليكم ورحمة الله وبركاته
بورك فيك موضوع قيم وعندو معنى كبير

صراحة فالدنيا هادي مكانش كيما الإنسان المتواضع .. والتكبر صفة مذمومة بزاف فالدين وفكل شيء
و ما يتكبر الإنسان إلا لضعف فيه علاجال وسخ الدنيا يبدلو العباد .. نساو بلي هدا الشي فاني وميدومش فأي لحظة يموت الإنسان وميروح معاه حتى فرنك
والله كوارث ربي يسترنا ويعافينا
هدو الناس الي كي ربي عطاهم ومنحهم النعم نساوه ومشكروهش
الدنيا واعرة والناس تايهة فيها .. اللهم يا مقلب القلوب ثبت قلوبنا على دينك ..

اهلا بالاخت عبير
شرفتينا اسي
هه
و الله يبارك فيك نتي ثاني
صح عندك الحق ..التواضع هو لي يرفع البنادم و التكبر هو لي يحطو في اسفل سافلين
لكن الله غالب
كاين قاشي ماهمش عارفين هذا الشي
و الله يجيب الخير
في عوظ ليحمدو ربي و يشكروه على فضلو
هاهم يخزرو في القاشي ق ذبان
لا حول و لا قوة الا بالله
شكرا على مرورك المميز
بارك الله فيك
​

 

[Salah eddin]

حسب تجربتي في الحياة .. ماكانش أخطر من الزوالي لي قلبو فاسد
بخصوص الفقير لي ربح تلقاه يروح و ما تزيدش تشوفو و لي لاباس بيه من الأول كيف كيف هو في عالم خاص بيه .. أمّا الزوالي المفريني صاحب النية الفاسدة راه ما عندو حتى فكرة في راسو غير فكرة وحدة و هي تلقاه يعس في خوه الزوالي ليل و نهار ... خايف مرعوب منّو يربح و يشبع بعشا ليلة .. من غير خوه الزوالي ما يلتهى بوالو و بحتّى واحد​

اهلا بيك خونا
و الله ق عندك الحق
الزوالي الفاسد اخطر من الغني الي يبطش
لانو تلقى قلبو محساد و مبغض و العباذ بالله
يا حفيظ يا ستار
شكرا يا خويا علر المرور
بارك الله فيك​

 

[Salah eddin]

السلام عليكم

المشكل في الأساس أن الناس تقيّم الغني و تنظر إلى الفقير بنظرة دونية وهذه الطبقية الإجتماعية خلقت هكذا أشخاص

فالإنسان عندما يكون في فترة فقر يرى أنّ من حوله يحتقروه و لا يعطونه احترام ومن كثر البؤس و الظلم يصبح قلبه قاسي

وعندما يرزقه الله يصبح ذلك الظلام الموجود في باطنه أداة للإستعلاء و التكبر كأنه ينتقم من المجتمع الذي لم يرحمه

لكن بالمقابل هناك أناس فقراء و في قلوبهم الإيمان وعندما رزقهم الله أصبحوا يساعدون الناس لأنهم مدركون معنى المعاناة

يعني لا يمكننا الحكم المسبق على الجيعان إذا شبع وتبقى صفتي التكبر و التواضع موجدتين في مختلف مستويات الاجتماعية.

بارك الله فيك .
​

و عليكم السلام و رحمة الله
هذي صح كاين منها
الناس تحقر الزوالي
لكن الزوالي الي يبين على روحو الزلط راه ثاني حاقر روحو
ربي سبحانو قال في القرآن في سورة البقرة :* يسحبهم الجاهل اغنياء من التعفف*
و هي عندك الحق
حنا مانش حاكمين على كل زوالي انو يتكبر اذا غنى
لكن كاين حالات شفناهم خلاونا نستنتجو هذا الشي
و هي أكل على حساب القلب تاع البنادم و على حساب المبادئ تاعو
الكريم كريم ولو كان فقير
و البخيل بخيل ولو كان غني
و الزين زين و الشين شين
و الله يجيب الخير
بارك الله فيك خويا على المشاركة
و شكرا لانك مديت برايك معانا
شكرا

​

 

[Salah eddin]

السلام عليكم و رحمه الله تعالى وبركاته
و عليكم السلام و رحمة الله
مساء الانوار أخي الكريم صلاح
مساء الخير خويا حليم ...ان شاء الله راك لاباس
هه​

( علابالك ولد أختي إسمو صلاح ندلعوه صلوحة ... بصح نتا خويا الصغير ونعزك بزاف )
ماكاش منها ..ههه....مليح الله يحفظك ..حتة انا نعزك و نقادرك يا خويا
بارك الله فيك​

والرائع دائما بمواضيعك الهادفة والاروع تمسكك بالمثل والقيم فبارك الله فيك وحفظك لأهلك ولعلمك .
ياخيرك يا ربي ..ههه....ياودي مينذك يحب الواحد يجقبل شوي لا مواضيع مميزة لا والو
ههه
الله يحفظك خويا نتا ثاني


الفقر ما هوش عيب بالعكس هو اختبار وبلوة يختبر الله العباد بيها يصبرو ولا لالا ،و يڨعد العبد يدعي ويدعي ربي يفرج عليه ،وكاين ناس إذا فتح عليهم ربي بفريكات ومتعهم ايامات نساو رواحهم ونساو فقرهم اللي كانو فيه ، يضحكو على هذا ويعايرو لاخر لا حشمة لا حيا ،وزيد إذا شافو خاوتهم عطاهم ربي شوي يبداو عڨابهم بالتعلاق والضحك ...
هذي راني معاك فيها
الفقر مش عيب
لكن قد يكون العيب في الفقير لي كيما راك تقول كي يفتح عليه ربي يديها في روحو و يبدا ق يرحي ​

والله يا خويا راه عندي ضيفة والضيف ضيف ربي فالدار جات من البلاد زيارة ،.....حنا كنا متوسطي الحال فيما مضى ،والحمد لله ڨعدنا في نفس المستوى المعيشي حتى وجينا للغربة ،يعني الكفاف والعفاف ،بصح كاين صوالح هنا تقدر تديرهم في دارك بسهولة ميش كيما فالبلاد يعني عايشين على حسب البيئة اللي رانا فيها، وهاذي المخلوقة مللي جات وهي تعاير هدانا الله وإياها { وانتوما تزوجت عندكم لڨيتكم هكذا وهكذا وكنتو متخلفين وما تعرفو والو ووووو.} خلي كلام ياسر وحنا ساكتين ونسمعو ،وزيد كي نخرجو تڨول أنا نهدر الفرونسي ونفهمها كي هدرتها نتوما كنتو تسرحو بالشياه ، وساكتين ومعڨبين على وجه زوجها الكريم ،اللهم أهديها وصبرنا ....
ياودي الله يهدي و خلاص
ناس كيما هذو ما يديرش عليهم الواحد ...هدرتهم زايد ناقص ...اضربها في الزيرو ​

والادهى هاذي أستاذة وحاجة بيت ربي ،وتضال تفوخ بأهلها وحياتهم وبروحها شبعتنا فوخ ...بلا بلا بلا ....
ياودي كيما يقولو بوياتك ..هاتلي فاهم و الله لا قرا ...ههه​

إييييييه يا خويا باه يكون الواحد عندو المال وحنين وطيب ويحس بالجيعان ،لازملو ستاج كبير فالحياة وتدلكو الدنيا مليييييح وما نعرف ...

الشبعان كاين فيه وفيه كيما هاذي المخلوقة ما يخصها والو لاباس عليها من صغرها عايشة فالعز ،بصح استخسرت فينا شبعة في كروشنا الله يعافينا وإياكم ....
يخي دائما الزوالي لا دار حاجة يستغربو منو الناس أكل وكأنو كتبولو يعيش فالزول طول عمرو ،بصح لازم يحس بخاوتو اللي كيما هو ويعاونهم ،ويتواضع ليهم ....

والبسيط بسيط في حياتو وتعاملو وهدرتو ...
هذاك هو خويا و الله ق عندك الحق ​

خويا الثرثار مر من هنا هههه
وبرد ڨلبو بالهدرة
هههه
ياخويا اهلا و سهلا بيك في كل وقت
ههه​

بارك الله فيك
احترامي وتقديري
حلم كبير​

و الله يبارك فيك نتا ثاني خويا حليم
شكرا​