أغرب الفقرات .

[لؤلؤة قسنطينة]

اهلا لالة
نونونو خاطيني الغيرة لو نغير لو ديتو ليا هههه المومن يبدا بنفسو حنا قلنا مديتي لادريس خلاص وخونا يحوس يتزوج وين المشكل يجي يقابل الحديقة اللي يلقاها مغطية يبانو غبر عينيها كيما فالتوقيع ههههه يعرفها فطوم وانت تعرفيه يجي لابس الازرق وانت تغنيلو لزرق سعاني هههههه ماكان لاه نكملها الشعب صايم
كي فقتلك راكي ترقعي لالا قالك نتاع دوار نورمال راه يحب العروبية كوني مهنية وما شرطش قالك ديري الفلان اللي يترعد هههههه العشية نحتاجو الفلان هنا فالموضوع وفيديو نشوفوه كان يرعد
ايا بركاي ما تكثري فالهدرة وطيري وجدي الفلان خفي وقولي لباباك ورا العيد نهار الثالث رانا جايين اونسي جامي تكملو القاطو ديرو حسابكم

ههههههههههه الله يعطيك الربح قتلتيني ضحك
ربي يدوم ضحكتك ويخليك زاهية دايما يا رب​

 

[يونس قاسم]

ايا جماعة نحكيلكم على منام ولي فهم يفهمني
كنت راقد و شفت روحي بلي راني راقد و نشوف في لمنام معناتها
لمنام في وسط منام و انا راني نشوف في الاحلام الجميلة هذيك و وووو المهم
كي فقت من المنام لقيت روحي الاحلام الجميلة هذيك مكانش منها و راني عايش في وسط الوحوش
و مزالني في المنام يا الفاهم المهم و ليت نتمنى يتحقق المنام تاع المنام الاول ههههههه
و بعدها فقت من المنام و لقيت روحي دايخ و دخلني الشك ربما مزالني في المنام
و ليت نهدر وحدي ونضرب في روحي فيق يا مجنون فيق بصح هذي المرة تاكدت بلي راني في الواقع
المشكل لي معايا مافهموا والو و عمبالهم هبلت و الخلاصة ضحك و هبال
لي فهم يفهمني ؟ و لي ما فهمش نفهمو ؟

 

[ليليا مرام]

السلام عليكم
من عين المكان اللي تعمات من الاخبار معاكم الصحفية مرام ليليا والا ليليا مرام اللي عجبكم حطوه على وزن موسى الحاج الحاج موسى اليكم العاجل الآتي

لانو رجال بارو والنسا طارو والذراري طوالو والشيوخا حوالو تلقينا نبأ الآتي
مخلوقة غريبة زدمت لبلدية الشوامرة وحيطيست والشومار فيهم اصلو دونتيست الشباب خبط فالباب والشين ماهو رقيق ماهو سمين ما طويل ما قصير ما ما مدور ما مكور
سرقت طزينة نتاع رجال ركبتهم فوق الجمال ويا الله يا بنات الحلال

اللي ما شرات تتفرج ونورمال مولات الحنك المعوج تلقاي سعدك المفبرك
مركب سنيه ومكبر وذنيه ومنمص حواجبيه ومطلع شوشتيه ( برك نوزن القافية هههه) ما تعرفيه لا سعيد ولا سعدية ويا الله يا مهدية وغنية وصحفية صاخرة خيري مول الدار شارط الكبش والقنطار وقالك هو خفاش يعميه ضو النهار ماذا بيك اذا لقيتيه راقد ما تنوضيه راكي تخلعيه واذا لقيتيه نايض ما تكلميه راكي تبكميه واذا احتجت خدمة ما تخدميه راكي تفشليلو قوايميه
معناها يا البنات يا اللي سعدكم وسعدي كحل للمات خلونا من الزواج وارواحو نتعلمو صنعة الرسم عالزجاج ونصادو على سعدنا اللي عواج جينا نخيرو خيرونا جينا نتزوجو طلقونا عازبات وعايرونا البايرات ارفدو يديكم يا الله
الله يعطيكم البوار على البوار منا لأدرار
الله يبعثلكم الزواحف وتنسلو تولو نواحف
يعطيكم تشومير عالتشومير ومن تهنبير لتهنبير
ترقدو ما تنوضو وكان تنوضو ما ترقدو
يخبطك تراكتور ويطيح عليكم سور ويقرصكم دبور
يفوت عليكم سيمي ما عرنفاكم كمال ولا كيمي
اللي بورنا يبور في فراشو يسرقولو قشو ما يسلك لا سروالو لا صباطو ههههه

نزيد والا مازال


انتهى الارسال نعتذر على انقطاع المراسلة الصحفية ليليا انسجمت وؤاهي مربعة وتدعي هههههه

 

[ليليا مرام]

ههههههههههه الله يعطيك الربح قتلتيني ضحك
ربي يدوم ضحكتك ويخليك زاهية دايما يا رب​

اهلا مريومة
راكي تشوفي يا بن عمي مدتلو لادريس دارنا اونفاص حديقة خلاص انا دلالة خير نروح معاه قبل ما يدي يماه تقرص وتعض عجبتنا كان بيها ما عجبتناش نخبطوها هي وباباها بالدلاع هههههه ومناك بلاك نجو ليك هههههه ايه قسنطيني يدي قسنطينية العنصرية والو ما يخرجش برا من ولايتو
قالها علاه القاف تقولو كاف غاضتو حياتو كاملة يسمع فقسنطينة ولات كسنطينة ولالة تزيد تتشرط دايها بها بالكاف نتاعها هههههههه

 

[يونس قاسم]

السلام عليكم
من عين المكان اللي تعمات من الاخبار معاكم الصحفية مرام ليليا والا ليليا مرام اللي عجبكم حطوه على وزن موسى الحاج الحاج موسى اليكم العاجل الآتي

لانو رجال بارو والنسا طارو والذراري طوالو والشيوخا حوالو تلقينا نبأ الآتي
مخلوقة غريبة زدمت لبلدية الشوامرة وحيطيست والشومار فيهم اصلو دونتيست الشباب خبط فالباب والشين ماهو رقيق ماهو سمين ما طويل ما قصير ما ما مدور ما مكور
سرقت طزينة نتاع رجال ركبتهم فوق الجمال ويا الله يا بنات الحلال

اللي ما شرات تتفرج ونورمال مولات الحنك المعوج تلقاي سعدك المفبرك
مركب سنيه ومكبر وذنيه ومنمص حواجبيه ومطلع شوشتيه ( برك نوزن القافية هههه) ما تعرفيه لا سعيد ولا سعدية ويا الله يا مهدية وغنية وصحفية صاخرة خيري مول الدار شارط الكبش والقنطار وقالك هو خفاش يعميه ضو النهار ماذا بيك اذا لقيتيه راقد ما تنوضيه راكي تخلعيه واذا لقيتيه نايض ما تكلميه راكي تبكميه واذا احتجت خدمة ما تخدميه راكي تفشليلو قوايميه
معناها يا البنات يا اللي سعدكم وسعدي كحل للمات خلونا من الزواج وارواحو نتعلمو صنعة الرسم عالزجاج ونصادو على سعدنا اللي عواج جينا نخيرو خيرونا جينا نتزوجو طلقونا عازبات وعايرونا البايرات ارفدو يديكم يا الله
الله يعطيكم البوار على البوار منا لأدرار
الله يبعثلكم الزواحف وتنسلو تولو نواحف
يعطيكم تشومير عالتشومير ومن تهنبير لتهنبير
ترقدو ما تنوضو وكان تنوضو ما ترقدو
يخبطك تراكتور ويطيح عليكم سور ويقرصكم دبور
يفوت عليكم سيمي ما عرنفاكم كمال ولا كيمي
اللي بورنا يبور في فراشو يسرقولو قشو ما يسلك لا سروالو لا صباطو ههههه

نزيد والا مازال


انتهى الارسال نعتذر على انقطاع المراسلة الصحفية ليليا انسجمت وؤاهي مربعة وتدعي هههههه

ابابابابابابا انت وحدك ودعوة ما بدك بصح راح نجيبها قدك
ربي يجيبلك شيخ كبير فمو كي البير و في الرقاد يصفر صفير
ربي يجيبلك واحد مهسوس ضارباتو ناقة البسوس
و يجيبلك واحد شباب بصح لا سنة في فمو ولا ناب ( يقولك ليليا وثراكي هههه )
ويعطيك مزطول و انت معاه في الضرب على طول
و يعطيك راجل سمين منفوخ و طويل الوذنين
و يعطيك واحد رقيق مطرق و يشبه لابريق

 

[ليليا مرام]

ابابابابابابا انت وحدك ودعوة ما بدك بصح راح نجيبها قدك
ربي يجيبلك شيخ كبير فمو كي البير و في الرقاد يصفر صفير
ربي يجيبلك واحد مهسوس ضارباتو ناقة البسوس
و يجيبلك واحد شباب بصح لا سنة في فمو ولا ناب ( يقولك ليليا وثراكي هههه )
ويعطيك مزطول و انت معاه في الضرب على طول
و يعطيك راجل سمين منفوخ و طويل الوذنين
و يعطيك واحد رقيق مطرق و يشبه لابريق

يا عمري آمين
شيخ يكون مرفه هو يصفر وانا نزغرت
مهسوس بيه بناقتو يا سلام كل يوم نشرب حليب الناقة
اودي يكون غير شباب وخلي نديه دونتيست ويقولي وثراكي وثافا ونموت عليه غير يكون بوقوس ههههه
وركزلي على المزطول هذاك راه نادر مايجيب خبر لوالو مزطول قلبو حنين رد بالك رومانسية من نوض
سمين نديرلو لاطاي منفوخ نفشو وذنيه نعيط مرة نصرعو يتكمشو هههه
اواه الرقيق ساهل ندخل عليه ماقرون وعجاجن واش يرفدو
الله الله دعوة تهبل آمين

 

[Skor m@k]

السلام عليكم
الموضوع هذا اسمو أغرب الفقرات
ماشي أغرب الدردشات وووو
أخويا مول الموضوع عيط عليهم ولا نغلقو الموضوه هههههههههه
باش مانشوهوش جمال الموضوع
يرحم والديكم ماتبقاوش فالدردشة التي لا معنى لها خخخخ
شكرا على تفهمكم وتقبلكم مام ماتقبلتوش النقد هههههه
​

 

[ليليا مرام]

السلام عليكم
الموضوع هذا اسمو أغرب الفقرات
ماشي أغرب الدردشات وووو
أخويا مول الموضوع عيط عليهم ولا نغلقو الموضوه هههههههههه
باش مانشوهوش جمال الموضوع
يرحم والديكم ماتبقاوش فالدردشة التي لا معنى لها خخخخ
شكرا على تفهمكم وتقبلكم مام ماتقبلتوش النقد هههههه
​

واقيل راك عليا الموضوع للفقرات والمنتدى الكل للدردشة وعلاه نديرو كمامة ما نهدروش
واش تغلق ضرك تلفون لفتحي نغلق دلس عليك ياخي حالة كتبنا فقرات رانا نتناقشو فيهم غيور الله غالب

 

[Salah eddin]

السلام عليكم
صحيتو صحيتو صحيتو ....راكم جابينها بيان كوم ايل فو
هههه
شوي فرانسيسية باه يحسبونا متحلبين
هههههه​

 

[Skor m@k]

واقيل راك عليا الموضوع للفقرات والمنتدى الكل للدردشة وعلاه نديرو كمامة ما نهدروش
واش تغلق ضرك تلفون لفتحي نغلق دلس عليك ياخي حالة كتبنا فقرات رانا نتناقشو فيهم غيور الله غالب

السلام عليكم
لاه تتناقشو صاحب الموضوع مقالش أتناقشو قاللكم أكتبو ولمليحة نمدلو كابريز ههههههههه
وعلاه شفت المنتدى تاع دردشة ياك علبالك بالقوانين خخخخخخخ
ديجا فتحي راو حبيبي ههههههه
​

 

[ليليا مرام]

السلام عليكم
لاه تتناقشو صاحب الموضوع مقالش أتناقشو قاللكم أكتبو ولمليحة نمدلو كابريز ههههههههه
وعلاه شفت المنتدى تاع دردشة ياك علبالك بالقوانين خخخخخخخ
ديجا فتحي راو حبيبي ههههههه
​

اسمع نقولك والا شوف
مول الموضوع راه عارف نحكو فالموضوع الدردشة لما نجو نهدرو على مسعودة لا علاقة بالموضوع
فتحي حبيبك ياخي حالة ياك تراسلو ما يردش ههههههه معليش تبغي تبعثلو برية ابعثهالي نمدهالو خاطيك ههههه
رانا خارجين من الموضوع يا لطيف تحبس لابيتي

 

[aljentel]

هههههههخخهههخخه اواه هبال هبال تاع صح
والفكرة مجنونة وراائعة ،، واقيلا كي طلعوك مشرف ولاو الافكار يجوك باطل وبالشكارة ههخخهه
اسيدي نشارك في خاطر الازرق الملكي و الاكحل ههخخخ


مخدومة .. مخدومة .. قالك : يا تشوف يا تسكت

واللي ما عجبوش يشوف طريقوا و يوريلنا حنة يديه هخخ

جيب الشكارة جيب ،، نلعب ولا نحرم .. ندي ولا نخلي

آرا تشوف لا لا آرا تنعمى ... ههخ يا لطيف جيل مجلجل

يقص الكسرة بالمنجل ... و جيلهم مخلخل يحفف بالموس

ياكل الخرشف و يهمل ... قول ايه و لا هيه كيف كيف

المهم جملة مفيدة تفهمني و نفهمك و ما يفهمناش البراني

و الى فهمنا ياكل طريحة بالعود خخخخ


وتنتهي رحلتنا في زوبعة الهبال شد فمك ولا يطيحو

سنانيك و تعشي فرماش بطال .... وانت اصلك

بطال و تخدم عساس النجوم فالليل و بواب الحومة

فالنهار .. عس البعوض يراوغ من حيث لا تشعر

ويقرصك و يهجم علينا و نعشوا معاه بالفليطوكس

و الضو ما تطفاش .. ماراقدين ما هانيين .. و دمنا

في الصيف صالح للامتصاص ،،، شييييوو

ايا ويييو و بيييو ...

السلام عليكم خوبا لزق سعاني عجبني موضوعك واذا ربحت انا اللي نمدلك رحلة لجزر الشيكلوهومالايا اللي والله ما نعرف اذا لقاوها والا مازال بصحتك

فقرتي

تحت شعار حك تربح ِِِِ..... و انو اذا عضك الكلب ما تعضو...... وشعار ابقى خواف وتبع ختك النعامة وادفن راسك فالارض ..... ونتاع مجلس الصلح بين توم وجيري .....
وزيرة حماية الحيوانات اللي هي انا اكيد قررت

ما تشروش فليطوكس خلي ختك الناموسة تعيش واش فيها كي تقرصك ما تكونش اناني تدي منك قطرة دم دير روحك تبرعت بيها ونتوما شعب كريم سمعوني التصفيق

وتحت شعار عمرك ولا تعض كلب حاشاكم عضك
عادي خلو الكلب يعض وما تعضوهش هذا من شيم الاخلاق. سيرتو منين سنانو يبداو يقواو تحمل العضة يا راجل لانو من رجولة ما تردش عضة كلب عضك ......علو التصفيق

ونجو لختنا النعامة اكبر خوافة فالتاريخ واللي علمتنا شبابنا الانانيش دورة ويحطو راسهم تحت الارض الوزارة قررت انو اللي يخاف راحين نفرشولكم الرمل عيش يا الزوالي كيما مولات لاطاي نعامة خانم


وفالخير الوزارة. دارت انجاز عظيم 50 سنة وتوم وجيري في حرب كيما غزة وخغنا الدواعش من القرلوات والزواحف يزحفو لمجتمعنا دخلنا ورونجينا بيناتهم
وعلى هذا اللي يشبهو لتوم يرفعو يديهم واللي يشبهو لجيري يكبرو قلبهم. وترونجاو انجاز عظبم قدماتو فخامتي وبلا مزيتي


وهناك تفاصيل رانا ندرسو فيها. انتهى البيان
مشكورين

ههههههههههههههههههههههههههههههههههههههههه
اقسم بالله انتي واياها مجانين رسمي
هههههههههههههههههههه

 

[ليليا مرام]

ههههههههههههههههههههههههههههههههههههههههه
اقسم بالله انتي واياها مجانين رسمي
هههههههههههههههههههه

السلام عليكم
اهلا اخونا الجانتل
الحمد لله من غير يا حلفان يا راجل
نحن مجانين ههههه

 

[aljentel]

السلام عليكم
اهلا اخونا الجانتل
الحمد لله من غير يا حلفان يا راجل
نحن مجانين ههههه

وين اهل المسارح عنك والصحافيه ستكونا اجمل كوميديتان على الاطلاق هههههههههههههههه
والله عجبني طرحكما يعطيكما الصحه

 

[الأزرق الملكي]

السلام عليكم

من فضلكم اتمنى أن لايخرج الموضوع عن الفكرة الرئيسية ضحكنا شوي بصح لازم مانكتروش بزاف كما هكذا

على بالي راكم كي لعسل بصح لازم نخليو مساحة لهذا الموضوع الترفيهي وهذا من أجلكم وليس من أجلي ربي يعطيكم ما تتمناو .
​

 

[الصحافية الساخرة]

ههههههه اسمحواي برك نضيف تعليق بسيط برك بشأن كلام الاخ @الأزرق الملكي لا لا متزيدش تطلب تعديل ردك يرحم والديك وعلاه نقراو النقص ايها الاكحل الملكي اقصد الازرق المصفار خخهخخه راني برك نرقع للست ليليا راها تقصف حبيت نخرجلها كيما كاميرا كاشي تاع الواعرة زعما مقصودة ههخخههه ايا دوك لازم كل مانهدرو نديرولكم شرح المفردات ههخخهههه

@ليليا مرام ههههههه ايا الصحافية الصاخرة هكذا ههه البايرات ووو اوكي هههههه واقيلا درتلك الالهام لادريس وما تفعل هههخههه

 

[الصحافية الساخرة]

@الأزرق الملكي قولي نقدر نزيد نشارك باغرب فقرة نورمال ولا مشاركة وحدة برك ( نهبلوا مرة وحدة برك ولا مالا نهاية ههه ) ؟؟؟

 

[الأزرق الملكي]

مرحبا بالمجنون الكبيرة أنا قولت تنشعتي على بالي بالك واسع وقلبك بيض فيك غير لسانك لازم نديوه عند الحفافة تنقصلك فيه ههههه

بالنسبة للمشاركات شاركي بعشرة إذا حبيتي المهم ديري حاجة هبال الموضوع في الأصل هو لخلق جو من الفكاهة فقط

رمضان راهو خلص وتتوحشو هذو ليامات خاطر مبعد تولي سماطة في الفطار وزيد ناس راهم في الفاكونس تاع الصيف واحد

ماتلقايه يدور في المملكة العاشورية غير الناموس و الناموسات .
​

 

[ليليا مرام]

السلام عليكم
اعتذار من صاحب الموضوع. لانو ااظاهر اني فسدتو
يا صحفية يا ساااااخرة كان قصدي نكتب الصحفية الصارخة. وتعرفي التعديل ديري مرة واحده لما جيت نضيف تعديل ما قدرتش مازالت نفطقدر نفرق بين س وال ص
سلام عليكم

 

[Salah eddin]

السلام عليكم
اعتذار من صاحب الموضوع. لانو ااظاهر اني فسدتو
يا صحفية يا ساااااخرة كان قصدي نكتب الصحفية الصارخة. وتعرفي التعديل ديري مرة واحده لما جيت نضيف تعديل ما قدرتش مازالت نفطقدر نفرق بين س وال ص
سلام عليكم

يعجبك مرام ثم ثم تزعف
هه
ليليا ..دفgي عليها ضحكة و خلاص ..الامر لا يتسحق ..الاخت الصحافية ما نظنش تقصد سوء​